Qarabağ FK-nın azarkeşi, arxiv şəkli

"Qarabağ"ı Çempionlar Liqasına buraxmayanlar Bakıya gəlirlər

100
(Yenilənib 11:42 17.10.2019)
Azərbaycanlı azarkeşlərin səbirsizliklə gözlədikləri qarşılaşma oktyabrın 24-də Tofiq Bəhramov adına Respublika stadionunda keçiriləcək

BAKI, 17 oktyabr — Sputnik. "Qarabağ" futbol klubu Avropa Liqasının qrup mərhələsinin üçüncü turunda Kiprin APOEL klubunu qəbul edəcək.

Sputnik Azərbaycan xəbər verir ki, oktyabrın 24-də baş tutacaq oyuna biletlər bu gün satışa çıxarılacaq.

Ağdam klubunun rəsmi "Facebook" səhifəsində biletlərin qiymətinin sektorlar üzrə 3, 5, 15, 20, 50 və 100 AZN olacağı bildirilib.

Azərbaycanlı azarkeşlərin səbirsizliklə gözlədikləri qarşılaşma oktyabrın 24-də Tofiq Bəhramov adına Respublika stadionunda keçiriləcək. Matç saat 20:55-də başlayacaq.

Xatırladaq ki, iki turdan sonra Qurban Qurbanovun komandası qrupda 3 xalla ikinci yerdə qərarlaşıb. Kipr təmsilçisi hər iki oyunda məğlubiyyətlə barışmalı olub.

Çempionlar Liqasının III təsnifat mərhələsində "Qarabağ" Kipr APOEL-ini (2:1, 0:2) keçə bilmədiyindən çıxışını Avropa Liqasında davam etdirir.

100
Teqlər:
'Qarabağ' FK, Avropa Liqası
Əlaqədar
Avropa belə möhtəşəm "Qarabağ" gözləmirdi: çempionu darmadağın etdi
"Qarabağ"ın Avroliqadakı oyunu təxribat səbəbindən dayandırıldı
Öz meydançasında oynaya bilməyən komanda – Britaniyalı jurnalist “Qarabağ” FK haqqında
"Qarabağ" - "Sevilya" oyununda kuryoz: canlı yayımda hesabı göstərdi - VİDEO
"Qarabağ"ın bu ilki gəlirləri açıqlandı - milyonlarla avro

Bakıda məhsuldar gecə: “Neftçi” ilə HİK-in oyunundan parlaq kadrlar

32
“Neftçi” ilə HİK bir də avqustun 12-də, Finlandiyada görüşəcəklər. Bakıdakı oyunun ən maraqlı məqamlarını isə Sputnik Azərbaycan-ın fotoqrafının gözü ilə izləməyi təklif edirik.

Bakının “Neftçi” komandası öz evində qəbul etdiyi Finlandiya çempionu HİK-lə bacarmadı.Avropa Liqasının üçüncü təsnifat mərhələsinin avqustun 3-də Bakının “Bakcell Arena” stadionunda keçirilən oyunu qollu heç-heçə ilə bitdi.

Sputnik Azərbaycan bildirir ki, oyundakı bütün dörd qol matçın ikinci hissəsində vuruldu. Sabir Buqren bakılıları 59-cu dəqiqədə irəli çıxarsa da, iki dəqiqə sonra Riku Riske hesabı 1:1-ə çatdırdı. 65-ci dəqiqədə isə qonaqların oyunçusu Jair komandasının ikinci qolunu vurdu. “Neftçi”nin kapitanı Emin Mahmudovun 80-ci dəqiqədə vurduğu qol isə oyunun son nəticəsini bəlli etdi – 2:2.

Qızmar havaya baxmayaraq, futbolçular meydançada dayanmaq bilmirdilər. Oyunun 18-ci dəqiqəsində isə “Neftçi” məcburən qapıçısını dəyişməli oldu. Zədə alan Aqil Məmmədovu Kamran İbrahimov əvəzlədi. Sonuncu 32-ci dəqiqədə Linqmanın cərimə meydançasından zərbəsini əla hərəkətlə dəf etdi.

“Neftçi” ilə HİK bir də avqustun 12-də, Finlandiyada görüşəcəklər. Bakıdakı oyunun ən maraqlı məqamlarını isə Sputnik Azərbaycan-ın fotoqrafının gözü ilə izləməyi təklif edirik.

 

32
  • © Sputnik / Murad Orujov

    "Neftçi" və Finlandiyanın HİK (Helsinki) komandaları arasında Avropa Liqasının III təsnifat mərhələsinin ilk oyunu.

  • © Sputnik / Murad Orujov

    "Neftçi" və Finlandiyanın HİK (Helsinki) komandaları arasında Avropa Liqasının III təsnifat mərhələsinin ilk oyunu.

  • © Sputnik / Murad Orujov

    "Neftçi" və Finlandiyanın HİK (Helsinki) komandaları arasında Avropa Liqasının III təsnifat mərhələsinin ilk oyunu.

  • © Sputnik / Murad Orujov

    "Neftçi" və Finlandiyanın HİK (Helsinki) komandaları arasında Avropa Liqasının III təsnifat mərhələsinin ilk oyunu.

  • © Sputnik / Murad Orujov

    "Neftçi" və Finlandiyanın HİK (Helsinki) komandaları arasında Avropa Liqasının III təsnifat mərhələsinin ilk oyunu.

  • © Sputnik / Murad Orujov

    "Neftçi" və Finlandiyanın HİK (Helsinki) komandaları arasında Avropa Liqasının III təsnifat mərhələsinin ilk oyunu.

  • © Sputnik / Murad Orujov

    "Neftçi" və Finlandiyanın HİK (Helsinki) komandaları arasında Avropa Liqasının III təsnifat mərhələsinin ilk oyunu.

  • © Sputnik / Murad Orujov

    "Neftçi" və Finlandiyanın HİK (Helsinki) komandaları arasında Avropa Liqasının III təsnifat mərhələsinin ilk oyunu.

  • © Sputnik / Murad Orujov

    "Neftçi" və Finlandiyanın HİK (Helsinki) komandaları arasında Avropa Liqasının III təsnifat mərhələsinin ilk oyunu.

  • © Sputnik / Murad Orujov

    "Neftçi" və Finlandiyanın HİK (Helsinki) komandaları arasında Avropa Liqasının III təsnifat mərhələsinin ilk oyunu.

  • © Sputnik / Murad Orujov

    "Neftçi" və Finlandiyanın HİK (Helsinki) komandaları arasında Avropa Liqasının III təsnifat mərhələsinin ilk oyunu.

  • © Sputnik / Murad Orujov

    "Neftçi" və Finlandiyanın HİK (Helsinki) komandaları arasında Avropa Liqasının III təsnifat mərhələsinin ilk oyunu.

Teqlər:
'Neftçi', Bakı, futbol, Avropa Liqasının III təsnifat mərhələsi, fotolent
Toni Koskela, arxiv şəkli

Bakılılara Finlandiyada sürpriz vədi

12
Finlandiya çempionunun 38 yaşlı baş məşqçisi bildirib ki, cavab matçında bəzi dəyişikliklər olacaq. O, həmçinin meydançanın örtüyü və hava durumuna da diqqət çəkib.

BAKI, 3 avqust — Sputnik. "Oyun gözlədiyimiz kimi keçdi. "Neftçi" yaxşı komandadır. Yusuf Laval bu gün bizə problem yaratdı. 3 gün əvvəl oyunumuz olduğu üçün hazırlıqla bağlı problemimiz var. Bununla belə, baxımlı görüş oldu".

Sputnik Azərbaycan "Report"a istinadən bildirir ki, bunu Finlandiyanın HİK (Helsinki) klubunun baş məşqçisi Toni Koskela Bakıda "Neftçi" ilə 2:2 hesablı heç-heçə etdikləri UEFA Avropa Liqasının III təsnifat mərhələsinin ilk oyunundan sonra mətbuat konfransında deyib.

38 yaşlı mütəxəssis bildirib ki, cavab matçında bəzi dəyişikliklər olacaq: "Neftçi" bizə qarşı "Olimpiakos" və "Dinamo"ya qarşı oynadığı kimi çıxış etdi. Düşünürəm ki, cavab görüşündə sürpriz ola bilər".

Onun sözlərinə görə, ilk qarşılaşmada qol buraxmaq istəmirdilər: "İlk 25-30 dəqiqədə topla yaxşı rəftar edirdik. Bundan sonra hər iki komandada yorğunluq başladı. Sevindirici haldır ki, iki qol vurduq. İlk hissədə daha yaxşı oynadıq".

Koskela Finlandiya çempionatının davam etməsini özləri üçün üstünlük saymadığını deyib: "Bu, ziyanımıza da işləyə bilər. "Neftçi" hazırlıq dönəmi keçsə də, bizdə bu fürsət olmadı. Çempionatda çıxış edib, 3 gündən sonra avrokubok görüşünə çıxmaq üstünlük ola bilməz".

Baş məşqçi Bakıya yaxşı nəticə üçün gəldiklərini vurğulayıb: "2:2 hesablı heç-heçə yaxşı nəticədir. Evdə süni meydançada oynayacağıq. Bu, bizim üçün üstünlük ola bilər. Nəticəyə görə məyus deyiləm".

Koskela bildirib ki, sərgilənən oyun və buraxılan qollar matçın ümiumi mənzərəsi idi: "Onları fərqləndirməzdim. Bizim üçün əsas problem istilik idi. Hazırda Finlandiyada havanın temperaturu müsbət 16 dərəcədir. Orada oynamaq daha asan olacaq".

Eləcə də oxuyun:

  • Avropa Liqasının oyununda dörd qol: "Neftçi" şansını gələn dəfəyə saxladı

  • Türkiyənin "Fənərbağça" klubu Bakıya gələ bilər

12
Teqlər:
Finlandiya, futbol, UEFA Avropa Liqası, Avropa Liqasının III təsnifat mərhələsi, cavab oyunu, 'Neftçi'
Təhsil naziri Emin Əmrullayev

Təhsil naziri narazı müəllimlərə cavab verdi

0
(Yenilənib 19:08 04.08.2021)
Emin Əmrullayev deyib ki, 30 baldan aşağı bal toplayan müəllimlər müəllim kimi işə qəbul olunmur. Müəllim əgər 30 baldan yuxarı toplayıbsa o, prinsipcə müəllim işləyə bilər.

BAKI, 4 avqust — Sputnik. Təhsil naziri Emin Əmrullayev özünün sosial şəbəkə hesabında Müəllimlərin İşə Qəbul İmtahanın ədalətsiz keçirilməsi ilə bağlı ittihamlara cavab verib. Sputnik Azərbaycan-ın məlumatına görə, nazir bildirib ki, namizədlər riyaziyyat və ingilis dili ixtisasları üzrə MİQ imtahanlarının çətinliyindən şikayətlənməkdə müəyyən qədər haqlıdırlar.

"Suallar çətin olub, amma imtahanlar ədalətsiz olmayıb. MİQ imtahanlarında ibtidai sinif üzrə 3 920 müəllim 41-60 bal aralığında nəticə göstərib. Ümumilikdə 402 nəfər 56-60 bal yığdığından onlar arasında rəqabət yaranacaq. Riyaziyyat fənni üzrə isə 3 nəfər 56-60 bal yığıb, amma ingilis dili fənni üzrə heç bir namizəd bu nəticəni göstərə bilməyib. Bu o demək deyil ki, həmin fənn müəllimlərinin biliyi zəifdir. Bütün bunlar ilkin nəticələrdir. Riyzaiyyat fənni müəllimləri başa düşməlidirlər ki, suallar çətin olsa da, imtahanlar ədalətsiz təşkil olunmayıb", - deyə nazir bildirib.

E.Əmrullayev onu da bildirib ki, 30 baldan aşağı bal toplayan müəllimlər müəllim kimi işə qəbul olunmur.

"Müəllim əgər 30 baldan yuxarı toplayıbsa o, prinsipcə müəllim işləyə bilər", - deyə nazir vurğulayıb. 

Nazir imtahan vaxtının uzadılması ilə bağlı təkliflərin dəyərləndiriləcəyini, müddətin artırılmasının mümkün olduğunu söyləyib və məktəblərdə vakant yerlərin gizlədilməsindən də danışıb. Onun sözlərinə görə, əgər kimdəsə belə fakt varsa nazirliyə müraciət edə bilər.

"Bu barədə bəzən media da yazır. Amma məktəbin adını qeyd etmir. Əgər düşünürsünüzsə ki, hansısa məktəblərdə vakant yerlər gizlədilib, bu barədə bizə məlumat verin. Məktəblərin adını qeyd edin, araşdıraq", - deyə nazir söyləyib.

Eləcə də oxuyun:

0
Teqlər:
nazir, təhsil, müəllim, məktəb, imtahan