Avropa Liqasında qrup mərhələsinin II turunda Düdelanj - Qarabağ oyunu

Avropa belə möhtəşəm "Qarabağ" gözləmirdi: çempionu darmadağın etdi

179
(Yenilənib 01:29 04.10.2019)
"Qarabağ" klubunun rəsmi Facebook səhifəsində hadisə ilə bağlı Lüksemburqun idman nazirinin stadionda çıxış edərək ölkələrinin adından bütün Azərbaycan xalqından üzr istədiyi bildirilib

BAKI, 4 oktyabr — Sputnik. Oktyabrın 3-də Avropa Liqasında qrup mərhələsinin II turunun oyunları keçirilib.

Sputnik Azərbaycan bildirir ki, Azərbaycan çempionu “Qarabağ”  Lüksemburqda, “Josi Bartel” stadionunda yerli “Düdelanj”la üz-üzə gəlib.

Oyunun ilk yarısında Ağdam klubu rəqibin qapısından iki top keçirib. Matçın 11-ci dəqiqəsində Abdullah Zubir, 30-cu dəqiqədə isə Miçel fərqləniblər.

Абделла Зубир празднует забить свой первый гол вместе с Ричардом Алмейдой
© REUTERS / FRANCOIS WALSCHAERTS
Abdullah Zubir "Düdelanj"a vurduğu qolu Riçard Almeyda ilə birlikdə qeyd edir

Bundan sonra oyunda qarışıqlıq yaranıb. Buna səbəb isə separatçı "Dağlıq Qarabağ" rejiminin bayrağının dronla stadionun mərkəzinə gətirilməsi olub. Ardınca azarkeşlər və futbolçular arasında münaqişə də yaşanıb. Bunu görən şotlandiyalı baş hakim Con Biton matçı dayandırıb.

"Qarabağ" klubunun rəsmi Facebook səhifəsində hadisə ilə bağlı Lüksemburqun idman nazirinin stadionda çıxış edərək ölkələrinin adından bütün Azərbaycan xalqından üzr istədiyi bildirilib:

""Düdelanj" - "Qarabağ" matçında komandamızın ikinci qolundan sonra stadionda baş verən təxribatçı hərəkətlərə və qondarma ölkənin bayrağının stadiona gətirilməsinə görə qarşılaşmada 20 dəqiqəlik fasilə yarandı və UEFA-nın təcili iclası keçirilib. Lüksemburqun idman naziri stadionda çıxış edərək ölkələrinin adından bütün Azərbaycan xalqından üzr istəyib və bu hadisənin onlardan asılı olmayan səbəbə görə baş verdiyini bildirib. Və bu məsələdə əli olanların ən qısa zamanda tapılacağı və cəzalandırılacağı da bildirilib", - deyə paylaşımda qeyd olunur.

Məcburi fasilədən sonra oyun davam etdirilib. 38-ci dəqiqədə rəqibin cərimə meydançasında top uğrunda mübarizədə yıxılan Riçard Almeyda penalti zərbəsi qazanıb və heç gözlətmədən hesabı 0:3-ə çatdırıb.

Fasilədən sonra oyun yenə də "Qarabağ"ın üstünlüyü ilə keçib. 62-ci dəqiqədə ikinci sarı vərəqə alan Mikael Qaro meydanı tərk edərək "Qarabağ"a "Düdelanj" qarşısında bir qədər də üstünlük qazandırıb. 69-cu dəqiqədə Dani Kintana möhtəşəm zərbə ilə komandasının 4-cü qolunu vurub. 

Oyunun son dəqiqələrində Antuan Bernye müdafiəçilərimizin qarışıqlığından istifadə edərək "Düdelanj"ın təsəlli qoluna imza atıb.

Lüksemburq komandasının qapısı qarşısında daha bir neçə təhlükəli vəziyyət yaransa da, oyun 1:4 hesabı ilə "Qarabağ"ın qələbəsiylə başa çatıb.

"Düdelanj" (Lüksemburq) - "Qarabağ" (Azərbaycan) - 1:4
Qollar: Abdullah Zubir, 11`, Miçel, 31`, Almeyda, 38`-pen, Dani Kintana, 69`, Antuan Bernye, 88`
Qırmızı vərəqə: Qaros, 62-ikinci sarı vərəqə ("Düdelanj")

Bu qələbə ilə 3 xal toplayan "Qarabağ" klubu turnir cədvəlinin ikinci sırasında yer alır. 

179
Teqlər:
Avropa Liqası, futbol, "Qarabağ" FK
Əlaqədar
"Qarabağ"ın Avroliqadakı oyunu təxribat səbəbindən dayandırıldı
Öz meydançasında oynaya bilməyən komanda – Britaniyalı jurnalist “Qarabağ” FK haqqında
"Qarabağ" - "Sevilya" oyununda kuryoz: canlı yayımda hesabı göstərdi - VİDEO
"Qarabağ"ın bu ilki gəlirləri açıqlandı - milyonlarla avro
UEFA-dan rəsmi açıqlama - "Qarabağ" "Qalatasaray"ı qabaqladı
Futbol üzrə Azərbaycan millisinin baş məşqçisi Canni De Byazi, arxiv şəkli

Hamısı italyan olacaq - Millimizin məşqçisi qərarını verdi

29
(Yenilənib 22:46 02.08.2020)
“Mənə De Byazi zəng vurdu. O, Karbonenin məsləhəti ilə bunu etdi. Mən Karbone ilə “Ternana” və “Venesiya”da çalışmışam"

BAKI, 2 avqust — Sputnik. Azərbaycanın futbol üzrə milli komandasının yeni baş məşqçisi Canni De Byazinin daha bir köməkçisi müəyyənləşib.

Sputnik Azərbaycan APA-ya istinadən bildirir ki, italiyalı mütəxəssisin məşqçilər korpusundakı həmyerlilərinin sayı 4-ə çatıb.

Köməkçi məşqçilər Benni Karbone və Klaudio Beluççi, oyunların analizi üzrə mütəxəssis Federiko Turritsianinin ardınca fiziki hazırlıq üzrə çalışdırıcı Alessandro Skayya da yığmamızda çalışacaq. O, millidə ümumilikdə 5-ci italiyalı olacaq.

Bunu Skayyanın özü açıqlayıb: “Mənə De Byazi zəng vurdu. O, Karbonenin məsləhəti ilə bunu etdi. Mən Karbone ilə “Ternana” və “Venesiya”da çalışmışam. Orada Valter Zenqanın baş məşqçiliyi dövründə birgə işləmişik”.

29
Əlaqədar
Futbol üzrə millimizin baş məşqçisi bəlli oldu
Rəsmi: Azərbaycanca danışan Canni De Byazi sükanı ələ aldı
Bir də futboldan görək: Millimizin baş məşqçisindən daha bir jest
“Real”ın keşmiş ulduzu Azərbaycana gəlməkdən imtina edib
Baş nazir futbolçuya ərə getdi
Dani Ramires (göy formada), arxiv şəkli

“Real”ın keşmiş ulduzu Azərbaycana gəlməkdən imtina edib

15
(Yenilənib 15:58 01.08.2020)
Yarımmüdafiəçi adını açıqlamadığı Azərbaycan klubundan aldığı daha cəlbedici təklifdən imtina etdiyini də bildirib

BAKI,  1 avqust — Sputnik. Polşamın “Lex” klubunun ispaniyalı futbolçusu Dani Ramires Azərbaycandan aldığı təklifdən imtina edib.

Apasport.az saytının məlumatına görə, bunu 28 yaşlı yarımmüdafiəçinin özü açıqlayıb.

Hələ 16 yaşında “Leqanes”dən Madrid “Real”ına keçən, sonradan bir sıra klublarda çıxış edən Ramires bu il LKS-dən “Lex”ə transfer olunub. Yarımmüdafiəçi adını açıqlamadığı Azərbaycan klubundan aldığı daha cəlbedici təklifdən imtina etdiyini də bildirib: “MLS-dən və Azərbaycanın bir klubundan təklifim var idi. Onlar mənə daha çox pul ödəyəcəkdi. Amma mən olmaq istədiyim yerdəyəm və çox xoşbəxtəm”.

Qeyd edək ki, 2017-ci ildən Polşada oynayan Dani “Ştormil” (2017-18) və LKS (2018-20) klublarının formasını geyinib.

15
Neft

Azərbaycan nefti 45 dollara satılır

0
(Yenilənib 12:49 04.08.2020)
"Brent" markalı neftin qiyməti 0,41 dollar ucuzlaşaraq 43,74 dollar, "Light" markalı neftin qiyməti isə 0,36 dollar azalaraq 40,65 dollar təşkil edib.

BAKI, 4 avqust — Sputnik. Azərbaycan neftinin qiyməti bahalaşıb.

Sputnik Azərbaycan xəbər verir ki, "Azeri Light" markalı neftin bir barelinin qiyməti 1,03 dollar artaraq 45,39 dollar olub.

"Brent" markalı neftin qiyməti 0,41 dollar ucuzlaşaraq 43,74 dollar, "Light" markalı neftin qiyməti isə 0,36 dollar azalaraq 40,65 dollar təşkil edib.

Qeyd edək ki, Azərbaycan neftinin bir barelinin qiyməti bu il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

0