Zlatan İbrahimoviç, arxiv şəkli

İbrahimoviç Həbiblə Poqbaya meydan oxudu: Neo kimi, amma topla - VİDEO

26
(Yenilənib 23:53 27.09.2019)
İbranın çellencini kişilərdən qabaq qadın təkrarlayıb. Ukrayna millisinin futbolçusu Nikolay Morozyukun xanımı İrina yazıb ki, İbrahimoviç onun sevimli oyunçusudur, ona görə də #MatrixChallenge-dən yan keçə bilməyib

BAKI, 28 sentyabr — Sputnik. Məşhur futbolçu Zlatan İbrahimoviç Instagram-da yeni çağırışa start verib.

Sputnik Azərbaycan Rusiya KİV-ə istinadən bildirir ki, çağırışa qatılanlar "Matrisa" filmindəki Neo obrazının güllələrdən yayındığı məşhur fəndi təkrarlamalı, ancaq bunu sinəsində top saxlayaraq etməlidirlər.

Zlatan 2000-ci illərin məşhur filminin kadrlarını güllələrsiz təkrarlayıb. Ancaq xüsusi effektlərdən istifadə etməyib, üstəlik, fəndi topla yerinə yetirib. Neonu canlandıran Kianu Rivzdən fərqli olaraq, Zlatan dikəlməyi də bacarıb.

Посмотреть эту публикацию в Instagram

Matrix challenge: @paulpogba @djokernole @khabib_nurmagomedov @minoraiola SHOW ME #matrixchallenge

Публикация от Zlatan Ibrahimović (@iamzlatanibrahimovic)

İbra birdən-birə dörd nəfərə - tennisçi Novak Cokoviç, futbolçu Pol Poqba, MMA döyüşçüsü Həbib Nurməhəmmədov və futbol agenti Mino Rayolaya meydan oxuyub. Onlardan hələlik heç kim fəndi təkrarlamayıb. Həbib isə artıq şərh yazıb:  "This is number 1. Bullshit." ("Bu, 1 nömrəli axmaqlıqdır").

İbranın çellencini kişilərdən qabaq qadın təkrarlayıb. Ukrayna millisinin futbolçusu Nikolay Morozyukun xanımı İrina yazıb ki, İbrahimoviç onun sevimli oyunçusudur, ona görə də #MatrixChallenge-dən yan keçə bilməyib.

Çox güman ki, Zlatan Neo ilə "Matrisa"nı Hollivudda trilogiyanın davamını çəkdikləri üçün xatırlayıb. Bu filmin də rejissorları Vaçovskilərdir, baş rolda isə yenə də Kianu Rivz olacaq, aktyor deyib ki, senarini çox bəyənib.

26
Teqlər:
Challenge, Instagram, Zlatan İbrahimoviç, film, futbol
Sənan Şəfizadə

İdman şərhçisi: “Canni De Byazinin uğur qazanması üçün vaxt lazımdır”

70
(Yenilənib 10:18 14.07.2020)
İdman şərhçisi Sənan Şəfizadə deyir ki, hazırda əsas hədəf Azərbaycan millisinin Millətlər Liqasında uğur qazanmasıdır
Sənan Şəfizadə: “Yeni baş məşqçinin uğur qazanmaq üçün əlindən gələni edəcəyinə inanıram”

“Azərbaycana pul üçün gəlmirəm. Ölkə futbolu üçün vacib işlər görmək istəyirəm”. Bunu "Report"a müsahibəsində Azərbaycan millisinin yeni baş məşqçisi Canni De Byazi deyib.

İdman şərhçisi Sənan Şəfizadə Sputnik Azərbaycan-a deyir ki, Canni De Byazidən təcili, erkən uğur gözləmir:

“Hazırda əsas hədəf Azərbaycan millisinin Millətlər Liqasında uğur qazanmasıdır. İndiki şəraitdə millimizin bu hədəfə çatmasını gözləmirəm. Səbəb isə pandemiya dövründə onsuzda, fiziki cəhətdən formada olmayan oyunçularımızın daha da geriləməsidir. Canni De Byazi hələ Azərbaycan futbolçularını və futbolunu tanımır, uğur qazanmaq üçün ona vaxt lazımdır. Yeni baş məşqçinin millimizdə uğur qazanmaq üçün əlindən gələni edəcəyinə inanıram”.

Sənan Şəfizadənin geniş şərhinə audiofaylda qulaq asa bilərsiniz

70

“Neftçi”nin keçmiş vitse-prezidenti COVID-19-dan vəfat etdi

31
(Yenilənib 14:19 12.07.2020)
“Neftçi” futbol klubunun keçmiş vitse-prezidenti İlqar Quluzadənin ölümünü Azərbaycan Cüdo Federasiyasının əməkdaşı təsdiqləyib

BAKI, 12 iyul — Sputnik. Bakının “Neftçi” futbol klubunun sabiq vitse-prezidenti İlqar Quluzadə koronavirus infeksiyası səbəbindən dünyasını dəyişib.

Sputnik Azərbaycan bu barədə klubun mətbuat xidmətinə istinadla məlumat verir.

© Photo : REPORT
İlqar Quluzadə

“Neftçi”nin sabiq funksionerinin vəfatı barədə ilk dəfə Azərbaycan Cüdo Federasiyasının əməkdaşı Rahim Məhərrəmov sosial şəbəkədə yazaraq onun ölüm səbəbi kimi COVID-19-a yoluxmasını qeyd edib.

İ.Quluzadə 2008-ci ilin iyununadək “Neftçi”nin icraçı direktoru işləyib, 2009-cu ilin sentyabrınadək isə paytaxt klubunun vitse-prezidenti olub.

“Neftçi” klubu İ.Quluzadənin vəfatı ilə bağlı onun yaxınlarına başsağlığı verib.

Allah rəhmət eləsin!

31
Mövzu:
Azərbaycanda koronavirus: son xəbərlər
Əlaqədar
Rusiya COVID-19-la mübarizə aparmaq üçün Azərbaycana həkim briqadası göndərdi
Azərbaycanda daha bir İcra Hakimiyyətində iki məsul işçi COVID-ə yoluxub
Hələ ikincini yola verməmişik, həkim artıq üçüncü dalğadan danışır
Dünyada ilk koronavirus vaksininin sınağı bitdi
Evi icazəsiz tərk edən COVID xəstəsinə cinayət işi açıldı
DİN əməkdaşları, arxiv şəkli

Daxili İşlər Nazirliyi Baş Prokurorluq: Bu cür hərəkətlərdən çəkinin

0
(Yenilənib 12:53 15.07.2020)
Fakt üzrə Azərbaycan Respublikasının Baş Prokurorluğu tərəfindən Cinayət Məcəlləsinin 220-ci (kütləvi iğtişaş) və 315-ci (hakimiyyət nümayəndəsinə qarşı müqavimət göstərmə və ya zor tətbiq etmə) maddələri ilə cinayət işi başlanılaraq istintaq aparılır.

BAKI, 15 iyul — Sputnik. Cari il iyul ayının 14-dən 15-nə keçən gecə, paytaxtın bəzi sakinləri, Azərbaycan-Ermənistan dövlət sərhədinin Tovuz rayonu sahəsində gedən hərbi əməliyyatlara dəstək və respublikanın ərazi bütövlüyü uğrunda döyüşlərdə həlak olanların xatirəsini anmaq məqsədilə Şəhidlər Xiyabanı qarşısında toplaşıblar.

Sputnik Azərbaycan Daxili İşlər Nazirliyi və Baş Prokurorluğun məlumatına istinadla xəbər verir ki, sonradan həmin yerə gələn bir qrup şəxs vətəndaşlar arasında çaşqınlıq yaratmağa, ictimai qaydanı pozmağa cəhd etmiş, asayişi mühafizə vəzifələrini yerinə yetirən polis əməkdaşlarına qarşı hüquqazidd hərəkətlərə yol verərək onların qanuni tələblərinə qəsdən tabe olmamış, daş və digər müxtəlif əşyalarla həyat və sağlamlıqları üçün təhlükəli olan zor tətbiq edib müqavimət göstəriblər. Nəticədə 7 polis əməkdaşına müxtəlif dərəcəli bədən xəsarətləri yetirilib, 2 xidməti avtomobil aşırılaraq yararsız hala salınıb, daha 14 xidməti avtomobilə və toplantının keçirildiyi ərazinin yol infrastrukturuna ciddi ziyan vurulub.

Dəfələrlə edilmiş xəbərdarlıqlara məhəl qoyulmadığından, eləcə də vəziyyətin daha da gərginləşməsinin qarşısının alınması üçün görülmüş operativ tədbirlərlə ictimai asayiş bərpa edilib.

Fakt üzrə Azərbaycan Respublikasının Baş Prokurorluğu tərəfindən Cinayət Məcəlləsinin 220-ci (kütləvi iğtişaş) və 315-ci (hakimiyyət nümayəndəsinə qarşı müqavimət göstərmə və ya zor tətbiq etmə) maddələri ilə cinayət işi başlanılaraq istintaq aparılır. Hüquqazidd əməllərin iştirakçılarından bəziləri saxlanılıb.

Azərbaycan Respublikasının Baş Prokurorluğu və Daxili İşlər Nazirliyi təmas xəttində ağır döyüşlərin getdiyi mövcud həssas dönəmdə ölkənin paytaxtında, digər şəhər və rayonlarında hər hansı kütləvi toplantının keçirilməsinin yolverilməzliyini xüsusi qeyd edir, vətəndaşları bu cür hərəkətlərdən çəkinməyə, təmkinli olmağa, dövlətçilik maraqlarını üstün tutmağa, təxribatlara uymamağa çağırır.

0