Бакинский Олимпийский стадион, фото из архива - Sputnik Azərbaycan
İDMAN
Ölkənin və dünyanın idman həyatına dair məlumatlar

Azərbaycan Tokioya dördüncü vəsiqəni qazandı

© Sputnik / Nina Zotina / Mediabanka keçidЗохра Агамирова в финале чемпионата Европы по художественной гимнастике в Баку
Зохра Агамирова в финале чемпионата Европы по художественной гимнастике в Баку - Sputnik Azərbaycan
Abunə olmaq
Azərbaycan gimnastı Zöhrə Ağamirova Anna Skidan (atletika, çəkicatma), Maksim Şemberev (üzgüçülük) və Marina Stadnikdən (qadın güləşi) sonra Olimpiadaya vəsiqə qazanan dördüncü idmançımızdır 

BAKI, 20 sentyabr — Sputnik. Bakıda keçirilən bədii gimnastika üzrə dünya çempionatı davam edir.

Sputnik Azərbaycan-ın məlumatına görə, yarışın 5-ci günündə fərdi çoxnövçülükdə final mərhələsi keçirilir.

B qrupunda mübarizə aparan 12 gimnast çıxışını başa vurub. Final mərhələsinə vəsiqə qazanan Azərbaycan idmançısı Zöhrə Ağamirova da bu qrupda qüvvəsini sınayıb.

Azərbaycanın qadın güləşçisi Mariya Stadnik - Sputnik Azərbaycan
İDMAN
Olimpiya “qaranquşumuz” bəlli oldu – İlk vəsiqə var

O, gürzlərlə hərəkətə görə 21,200, lentlə çıxışda 17,000, halqa ilə hərəkətdə 20,900 xal qazanıb. Z.Ağamirovanın topla çıxışı isə 19,525 xalla qiymətləndirilib.

Yekunda 78,725 xal toplayan idmançı B qrupunda 4-cü yeri tutub.

Beləliklə, A qrupunun 12 gimnastı mübarizəyə start vermədən Azərbaycan təmsilçisi ilk “16-lıq”da yerini təmin edib. Bu, Z.Ağamirovaya 2020-ci ildə Yaponiyanın paytaxtı Tokioda keçiriləcək Yay Olimpiya Oyunlarında çıxış etmək hüququ verib. O, “Gündoğar ölkə”də iştirak üçün lisenziya qazanan 4-cü Azərbaycan təmsilçisidir.

Qeyd edək ki, 2020-ci ilin iyulun 24-dən avqustun 9-dək keçiriləcək XXXII Yay Olimpiya Oyunlarına bunadək üç idmançı - Anna Skidan (atletika, çəkicatma), Maksim Şemberev (üzgüçülük) və Marina Stadnik (qadın güləşi) vəsiqə qazanıb.

Xəbər lenti
0