2022-ci ildə Qətərdə keçiriləcək futbol üzrə dünya çempionatının emblemi

Qətər mundialın emblemini təqdim etdi - VİDEO

72
(Yenilənib 00:43 04.09.2019)
Bir çox tanınmış futbolçular sosial şəbəkələrdə bu barədə paylaşımlar edərək emblemin şəklini milyonlarla pərəstişkarları ilə bölüşüblər

BAKI, 4 sentyabr — Sputnik. 2022-ci ildə Qətərdə keçiriləcək futbol üzrə dünya çempionatının emblemi təqdim olunub.

Sputnik Azərbaycan bildirir ki, rəsmi təqdimat Qətərin paytaxtı Dohada keçirilib. Emblem ölkənin müxtəlif məşhur binaları - Bürc-Doha, Qətərin Mədəni Kənd Amfiteatrı, Daxili İşlər Nazirliyinin binası, Suk-Vakif, Msheireb binaları və UNESCO Mədəni İrs Siyahısına daxil olan Zabarah qalasına sinxron olaraq proyeksiyalanıb. 

Emblem Qətərdə olduğu kimi, digər ölkələrdə də oxşar üsulla təqdim olunub. Bir çox tanınmış futbolçular sosial şəbəkələrdə bu barədə paylaşımlar edərək emblemin şəklini milyonlarla pərəstişkarları ilə bölüşüblər.

Emblemin dizaynı özündə bütün dünyanın diqqətini cəlb edən hadisəni əks etdirir, eyni zamanda yerli və regional ərəb mədəniyyətinin parlaq elementlərini birləşdirərək gözəl oyuna işarət edir.

Emblemin üzərindəki qabarıq qövslər dyunalara, özlüyündə forması isə həm sonsuzluğa, həm də 8 rəqəminə işarədir: ölkədə 8 heyrətamiz futbol meydançası inşa olunub. FİFA-nın Dünya çempionatının kubokunun cizgilərini xatırladan emblemin mərkəzi hissəsində ənənəvi yun ərəb yaylığına da işarə var: qış aylarında, demək olar ki, bütün ərəb ölkələrində, Fars körfəzində müxtəlif insanlar bu yaylıqdan müxtəlif stillərdə (şərf, çalma) istifadə edirlər. 

72
Teqlər:
təqdimat, Qətər Əmirliyi, futbol üzrə dünya çempionatı, mundial, futbol
Əlaqədar
Qətərdə DÇ-2022 üçün stadion tikintisi zamanı 1400 nepallı fəhlə ölüb
Platininin izi ilə: 2022-ci ilin futbol üzrə dünya çempionatı Qətərdən alına bilər
Ulduz futbolçu hamını şoka saldı - iki həftəyə maksimum "nəticə" - VİDEO
AFFA-nın binası, arxiv şəkli

Bu bəyanat Superliqanı elə "beşikdə" boğa bilər...

26
(Yenilənib 14:09 20.04.2021)
"Mançester Yunayted", "Mançester Siti", "Arsenal", "Liverpul", "Tottenhem" və "Çelsi", "Real" (Madrid), "Barselona", "Atletiko" (Madrid), "Yuventus", "Milan" və "İnter" klubları imzaladıqları müqavilə ilə Super Liqanın yaradıldığını bəyan ediblər.

BAKI, 20 aprel — Sputnik. Azərbaycan Futbol Federasiyaları Assosiasiyası (AFFA) olaraq özündə separatçılığı ehtiva edən istənilən fəaliyyəti şiddətlə qınayırıq. Sputnik Azərbaycan xəbər verir ki, bu barədə AFFA-nın yaydığı məlumatda bildirilir.

"UEFA aprelin 18-də bəyanat yayaraq bildirib ki, İngiltərə Futbol Assosiasiyası və Premyer Liqa, İspaniya Futbol Federasiyası və La Liqa, İtaliya Futbol Federasiyası və Serie A məlumat əldə edib ki, qeyd olunan çempionatlarda çıxış edən bəzi klublar tərəfindən yeni Super Liqanın yaradılmasının elan olunması gözlənilir.

Həmin gün İngiltərənin "Mançester Yunayted", "Mançester Siti", "Arsenal", "Liverpul", "Tottenhem" və "Çelsi", İspaniyanın "Real" (Madrid), "Barselona", "Atletiko" (Madrid), İtaliyanın "Yuventus", "Milan" və "İnter" klubları imzaladıqları müqavilə ilə Avropada yeni turnirin – Super Liqanın yaradıldığını bəyan ediblər.

Azərbaycan Futbol Federasiyaları Assosiasiyası, Peşəkar Futbol Liqası və Azərbaycan Premyer Liqasında iştirak edən klublar FIFA və UEFA tərəfindən tənzimlənən bütün mövcud Nizamnamə və Əsasnamələrə sadiq olduğunu, bütün futbol yarışlarının beynəlxalq səviyyədə tanınan qanunlar çərçivəsində keçirilməsini, futbolda idman prinsiplərinin rəhbər tutulmasını, mövcud vəziyyətdə UEFA ilə həmrəy olduğunu və və UEFA-nı birmənalı şəkildə dəstəklədiyini bildirir. Avropa futbolunun əsas dəyərləri həmrəylik, ədalətli oyun və sosial məsuliyyətdir və bu proses uzun illərdir uğurla davam edir. Bir daha bəyan edirik ki, Azərbaycan Futbol Federasiyaları Assosiasiyası olaraq özündə separatçılığı ehtiva edən istənilən fəaliyyəti şiddətlə qınayırıq", - deyə məlumatda bildirilir.

26
Azərbaycanlı güləşçi Əli Rəhimzadə, arxiv şəkli

Azərbaycanlı pəhləvan Varşavada erməni güləşçini məğlub edib

15
(Yenilənib 21:19 19.04.2021)
Varşavada keçirilən Avropa çempionatında dörd güləşçimiz mübarizəyə uğurla başlayaraq 1/4 finala vəsiqə qazanıb.

BAKI, 19 aprel — Sputnik, Teymur Tuşiyev. Azərbaycanlı sərbəst güləşçi Əli Rəhimzadə (65 kq) Varşavada keçirilən Avropa çempionatındakı ilk görüşündə Ermənistan təmsilçisi Gevorq Tadevosyan üzərində qələbə çalıb. Sputnik Azərbaycan xəbər verir ki, 1/8 mərhələsindəki qarşılaşmada həmyerlimiz minimal xal üstünlüyü ilə qalib olub - 2:1. Rəhimzadənin 1/4 mərhələsindəki rəqibi bir qədər sonra məlum olacaq.

Azərbaycanın güləş ustalarından Əfqan Xaşalov (57 kq), Rəşad Yusifli (74 kq) və Şamil Zübairov (87 kq) müvafiq olaraq Yanis Martidis (Yunanıstan, 10:0), Andrey Sokalski (Polşa, 9:0) və Albert Saritov (Rumıniya, texniki qələbə) üzərində qələbə çalaraq ¼ finala yüksəliblər.

Daha bir güləşçimiz Turan Bayramov isə (70 kq) Nikolae Koyokaru (Böyük Britaniya) ilə görüşünü gözləyir.

15
Məktəb, arxiv şəkli

Tədrisi digər dillərdə olan uşaqların I sinfə qəbulu üçün müsahibələrin vaxtı açıqlanıb

0
(Yenilənib 17:11 20.04.2021)
Dövlət ümumi təhsil müəssisələrində tədris digər dillərdə aparılan birinci siniflərə qəbulla bağlı müsahibələrin onlayn həyata keçirilməsi nəzərdə tutulur.

BAKI, 20 aprel — Sputnik. Aprelin 29-dan Azərbaycan bölməsi üzrə sorğuların yerləşdirilməsi və dövlət ümumi təhsil müəssisələrinin tədris digər dillərdə aparılan birinci siniflərinə qəbulla bağlı məktəbəhazırlıq qruplarına cəlb olunmuş və cəlb olunmamış uşaqların həmin dil üzrə şifahi nitq bacarıqlarının yoxlanılması məqsədilə təşkil olunan müsahibəyə yazılmaq üçün qeydiyyat prosesinə start veriləcək.

Təhsil Nazirliyindən Sputnik Azərbaycan-a verilən məlumata görə, dövlət ümumi təhsil müəssisələrinin tədris digər dillərdə aparılan birinci siniflərinə qəbulla bağlı müsahibəyə yazılma mərhələsi iyunun 8-də başa çatacaq. Dövlət ümumi təhsil müəssisələrində tədris digər dillərdə aparılan birinci siniflərə qəbulla bağlı müsahibələrin 4 may - 14 iyun 2021-ci il tarixlərində onlayn həyata keçirilməsi nəzərdə tutulur.

0