Qarabağ klubunun oyunçusu, arxiv şəkli

Mütəxəssislər "Qarabağ"ın şansını dəyərləndirirlər: "Bizim onlarda heyfimiz var"

878
(Yenilənib 17:53 30.08.2019)
Müdafiənin mərkəzinə yeni uğurlu transfer olacağı təqdirdə "Qarabağ" bu qrupdan pley-off mərhələsinə yüksələ bilər

Kamal Almuradlı, Sputnik Azərbaycan

BAKI, 30 avqust — Sputnik. Bu gün Avropa Liqasının qrup mərhələsinin püşkü atılıb.

Sputnik Azərbaycan xəbər verir ki, Monakoda keçirilən tədbirdə Azərbaycan təmsilçisi "Qarabağ"ın rəqibləri məlum olub.

Ağdam klubu A qrupunda "Sevilya" (İspaniya), "APOEL" (Kipr) və "Düdelanj"la (Lüksemburq) mübarizə aparacaq. Komandamızın qrupdakı şanslarını dəyərləndirmək üçün futbol mütəxəssisləri ilə əlaqə saxladıq.

Veteran futbolçu Nazim Süleymanov Kipr komandası ilə yenidən qarşılaşmaq imkanına sevindi: "Çox gözəl oldu ki, biz "APOEL"lə bir qrupa düşdük. Baxmayaraq ki, hamımız fikirləşirdik ki, Çempionlar Liqasının qrupuna vəsiqə qazana bilərik, gözlənilmədən onlara məğlub olub Avroliqaya "düşdük". Mən inanıram ki, "Qarabağ" həm evdə, həm də səfərdə bu klubla yaxşı nəticə göstərəcək. Ümumiyyətlə isə yaxşı qrupa düşmüşük. Nəticə göstərmək üçün əla fürsətimiz var. Favorit bu qrupda "Sevilya" və "Qarabağ"dır. İnanıram ki, Avroliqa təmsilçimiz bu qrupdan çıxacaq".

"İdman Azərbaycan" kanalının şərhçisi Ramiz Mirzəzadə də komandaya yeni oyunçunun cəlb edilməsinin vacibliyini vurğulayıb: "Ardıcıl 6-cı dəfə avrokubokların qrup mərhələsinə yüksələn "Qarabağ" komandası, bəlkə də, ilk dəfə növbəti mərhələyə çıxmaq üçün imkan qazana bilər.

Belə ki, "Sevilya" qrupun aşkar favoriti kimi qəbul olunmalıdır. Ancaq ikinci pillə uğrunda mübarizə aparmaq daha əlverişli olacaq. Üstəlik, bu pillə uğrunda mübarizə aparacaq komanda "Qarabağ" üçün kifayət qədər yaxşı tanış olan "APOEL" olacaq. Fikrimcə, Qurban Qurbanov rəqibi daha yaxşı analiz etməklə yanaşı, heyətə daha bir futbolçu da cəlb etməlidir. Müdafiənin mərkəzinə yeni uğurlu transfer olacağı təqdirdə "Qarabağ" bu qrupdan pley-off mərhələsinə yüksələ bilər. Komandanın kapitanı Rəşad Sadıqov nə qədər lider kimi komandaya lazımdırsa, bir o qədər sürətli komandalarla oyunlarda çatışmazlıqları ilə yadda qalır.

Son olaraq, inanıram ki, düzgün addımları ilə daim Azərbaycan futbol azarkeşlərini sevindirən "Qarabağ" bu dəfə daha bir yeni uğurla tarix yaza bilər".

"CBC Sport" kanalının şərhçisi Elnur Məmmədli ispan klubunun güclü olmasını önə çəkib: "Əvvəla, onu deyim ki, "Qarabağ"ın 6 il ardıcıl qruplarda oynaması artıq kifayət qədər ciddi uğurdur.

Püşkə gəlincə, "APOEL"-dən qisas almaq üçün Azərbaycan çempionunun əlinə yaxşı imkan düşüb. Əslində, Kipr klubu keçiləsi rəqibdir. Sadəcə Bakıdakı oyunda səhvlərə görə növbəti mərhələyə "APOEL" yüksəldi. "Sevilya" ötən mövsümlə müqayisədə çox dəyişib. "Real"ın və İspaniya yığmasının keçmiş baş məşqçisi Lopategi komandanın sükanı arxasına keçib. Ben Yedder kimi bombardirlərini satdılar. Cari mövsümdə 'Sevilya"nın bir oyununu izləmişəm. Düzü, ötənilki komanda daha güclü idi. Amma etiraf etmək lazımdır ki, bizim klublar hələ "Sevilya" ilə rəqabət apara biləcək gücdə deyil.

Lüksemburq klub futbolunda son illərdə irəliləyiş baş versə də, "Qarabağ" rəqibi təcrübə baxımından üstələyir. Məncə, "Qarabağ" bu qrupdan 2-ci yerin sahibi kimi növbəti mərhələyə də yüksələ bilər".

"İdman Azərbaycan" kanalının şərhçisi İsmayıl Abdullayev də komandamızın irəliləyəcəyinə ümidlidir: "İndiyə qədər "Qarabağ" üçün bu qədər ideal, münasib qrup olmayıb. Qrup lideri kimi "Sevilya"nı görürəm. İkinci yer uğrunda mübarizə "Qarabağ"la "APOEL" arasında gedəcək. Ümid edirəm ki, sevinən tərəf biz olacağıq. Xüsusilə qeyd etmək istərdim ki, bizim Kipr təmsilçisində heyfimiz var. Bu iki komanda arasında baş tutan oyunda "Qarabağ" öz səhvi ucbatından uduzdu. Avroliqa çərçivəsindəki qarşılaşmada isə, inanıram, Qurban Qurbanov və futbolçular bu səhvi aradan qaldıracaqlar. "Düdelanj" da elə-belə rəqib deyil. Ümid edək ki, "Qarabağ", təqvimə görə, sonuncu "Sevilya" ilə qarşılaşar. Həmin oyuna qədər də məsələni həll etmiş olar.

"Qarabağ"ın kapitanı Rəşad Sadıqov klubun rəsmi saytına açıqlamasında şanslarını dəyərləndirib: "Ümumi götürsək, maraqlı qrupa düşdük. Klublara ayrı-ayrı baxsaq, məlumdur ki, "Sevilya" bu turnirin favoritlərindən biridir və 5 dəfə Avropa Liqasının qalibi olub. "APOEL"-lə bu mövsüm qarşılaşdıq, aramızda gərgin mübarizə şəraitində iki oyun keçdi və onlar növbəti mərhələyə yüksəldilər. "Düdelanj"la isə 3 il qabaq oynamışdıq, ilk oyunda qalib gəlmişdik, cavab matçında isə son dəqiqələrə qədər məğlub olurduq və sonda bərabərlik qolunu vurmuşduq. Əlimizdən gələni edəcəyik ki, qrupun sonunda nəticələr bizim üçün yaxşı olsun".

878
Teqlər:
'Qarabağ' FK, UEFA Avropa Liqası, püşkatma
Əlaqədar
"Qarabağ" azarkeşlərinə şad xəbər
"Linfild"in oyun öncəsi Bakı gəzintisi - FOTO
“Qarabağ” Avropa Liqasının qrup mərhələsində

Bakıda məhsuldar gecə: “Neftçi” ilə HİK-in oyunundan parlaq kadrlar

32
“Neftçi” ilə HİK bir də avqustun 12-də, Finlandiyada görüşəcəklər. Bakıdakı oyunun ən maraqlı məqamlarını isə Sputnik Azərbaycan-ın fotoqrafının gözü ilə izləməyi təklif edirik.

Bakının “Neftçi” komandası öz evində qəbul etdiyi Finlandiya çempionu HİK-lə bacarmadı.Avropa Liqasının üçüncü təsnifat mərhələsinin avqustun 3-də Bakının “Bakcell Arena” stadionunda keçirilən oyunu qollu heç-heçə ilə bitdi.

Sputnik Azərbaycan bildirir ki, oyundakı bütün dörd qol matçın ikinci hissəsində vuruldu. Sabir Buqren bakılıları 59-cu dəqiqədə irəli çıxarsa da, iki dəqiqə sonra Riku Riske hesabı 1:1-ə çatdırdı. 65-ci dəqiqədə isə qonaqların oyunçusu Jair komandasının ikinci qolunu vurdu. “Neftçi”nin kapitanı Emin Mahmudovun 80-ci dəqiqədə vurduğu qol isə oyunun son nəticəsini bəlli etdi – 2:2.

Qızmar havaya baxmayaraq, futbolçular meydançada dayanmaq bilmirdilər. Oyunun 18-ci dəqiqəsində isə “Neftçi” məcburən qapıçısını dəyişməli oldu. Zədə alan Aqil Məmmədovu Kamran İbrahimov əvəzlədi. Sonuncu 32-ci dəqiqədə Linqmanın cərimə meydançasından zərbəsini əla hərəkətlə dəf etdi.

“Neftçi” ilə HİK bir də avqustun 12-də, Finlandiyada görüşəcəklər. Bakıdakı oyunun ən maraqlı məqamlarını isə Sputnik Azərbaycan-ın fotoqrafının gözü ilə izləməyi təklif edirik.

 

32
  • © Sputnik / Murad Orujov

    "Neftçi" və Finlandiyanın HİK (Helsinki) komandaları arasında Avropa Liqasının III təsnifat mərhələsinin ilk oyunu.

  • © Sputnik / Murad Orujov

    "Neftçi" və Finlandiyanın HİK (Helsinki) komandaları arasında Avropa Liqasının III təsnifat mərhələsinin ilk oyunu.

  • © Sputnik / Murad Orujov

    "Neftçi" və Finlandiyanın HİK (Helsinki) komandaları arasında Avropa Liqasının III təsnifat mərhələsinin ilk oyunu.

  • © Sputnik / Murad Orujov

    "Neftçi" və Finlandiyanın HİK (Helsinki) komandaları arasında Avropa Liqasının III təsnifat mərhələsinin ilk oyunu.

  • © Sputnik / Murad Orujov

    "Neftçi" və Finlandiyanın HİK (Helsinki) komandaları arasında Avropa Liqasının III təsnifat mərhələsinin ilk oyunu.

  • © Sputnik / Murad Orujov

    "Neftçi" və Finlandiyanın HİK (Helsinki) komandaları arasında Avropa Liqasının III təsnifat mərhələsinin ilk oyunu.

  • © Sputnik / Murad Orujov

    "Neftçi" və Finlandiyanın HİK (Helsinki) komandaları arasında Avropa Liqasının III təsnifat mərhələsinin ilk oyunu.

  • © Sputnik / Murad Orujov

    "Neftçi" və Finlandiyanın HİK (Helsinki) komandaları arasında Avropa Liqasının III təsnifat mərhələsinin ilk oyunu.

  • © Sputnik / Murad Orujov

    "Neftçi" və Finlandiyanın HİK (Helsinki) komandaları arasında Avropa Liqasının III təsnifat mərhələsinin ilk oyunu.

  • © Sputnik / Murad Orujov

    "Neftçi" və Finlandiyanın HİK (Helsinki) komandaları arasında Avropa Liqasının III təsnifat mərhələsinin ilk oyunu.

  • © Sputnik / Murad Orujov

    "Neftçi" və Finlandiyanın HİK (Helsinki) komandaları arasında Avropa Liqasının III təsnifat mərhələsinin ilk oyunu.

  • © Sputnik / Murad Orujov

    "Neftçi" və Finlandiyanın HİK (Helsinki) komandaları arasında Avropa Liqasının III təsnifat mərhələsinin ilk oyunu.

Teqlər:
'Neftçi', Bakı, futbol, Avropa Liqasının III təsnifat mərhələsi, fotolent
Toni Koskela, arxiv şəkli

Bakılılara Finlandiyada sürpriz vədi

12
Finlandiya çempionunun 38 yaşlı baş məşqçisi bildirib ki, cavab matçında bəzi dəyişikliklər olacaq. O, həmçinin meydançanın örtüyü və hava durumuna da diqqət çəkib.

BAKI, 3 avqust — Sputnik. "Oyun gözlədiyimiz kimi keçdi. "Neftçi" yaxşı komandadır. Yusuf Laval bu gün bizə problem yaratdı. 3 gün əvvəl oyunumuz olduğu üçün hazırlıqla bağlı problemimiz var. Bununla belə, baxımlı görüş oldu".

Sputnik Azərbaycan "Report"a istinadən bildirir ki, bunu Finlandiyanın HİK (Helsinki) klubunun baş məşqçisi Toni Koskela Bakıda "Neftçi" ilə 2:2 hesablı heç-heçə etdikləri UEFA Avropa Liqasının III təsnifat mərhələsinin ilk oyunundan sonra mətbuat konfransında deyib.

38 yaşlı mütəxəssis bildirib ki, cavab matçında bəzi dəyişikliklər olacaq: "Neftçi" bizə qarşı "Olimpiakos" və "Dinamo"ya qarşı oynadığı kimi çıxış etdi. Düşünürəm ki, cavab görüşündə sürpriz ola bilər".

Onun sözlərinə görə, ilk qarşılaşmada qol buraxmaq istəmirdilər: "İlk 25-30 dəqiqədə topla yaxşı rəftar edirdik. Bundan sonra hər iki komandada yorğunluq başladı. Sevindirici haldır ki, iki qol vurduq. İlk hissədə daha yaxşı oynadıq".

Koskela Finlandiya çempionatının davam etməsini özləri üçün üstünlük saymadığını deyib: "Bu, ziyanımıza da işləyə bilər. "Neftçi" hazırlıq dönəmi keçsə də, bizdə bu fürsət olmadı. Çempionatda çıxış edib, 3 gündən sonra avrokubok görüşünə çıxmaq üstünlük ola bilməz".

Baş məşqçi Bakıya yaxşı nəticə üçün gəldiklərini vurğulayıb: "2:2 hesablı heç-heçə yaxşı nəticədir. Evdə süni meydançada oynayacağıq. Bu, bizim üçün üstünlük ola bilər. Nəticəyə görə məyus deyiləm".

Koskela bildirib ki, sərgilənən oyun və buraxılan qollar matçın ümiumi mənzərəsi idi: "Onları fərqləndirməzdim. Bizim üçün əsas problem istilik idi. Hazırda Finlandiyada havanın temperaturu müsbət 16 dərəcədir. Orada oynamaq daha asan olacaq".

Eləcə də oxuyun:

  • Avropa Liqasının oyununda dörd qol: "Neftçi" şansını gələn dəfəyə saxladı

  • Türkiyənin "Fənərbağça" klubu Bakıya gələ bilər

12
Teqlər:
Finlandiya, futbol, UEFA Avropa Liqası, Avropa Liqasının III təsnifat mərhələsi, cavab oyunu, 'Neftçi'
Milli Televiziya və Radio Şurası

MTRŞ müsabiqənin nəticələrini açıqlayıb, heç bir iddiaçıya lisenziya verilməyib

0
(Yenilənib 18:55 04.08.2021)
Şuranın iclasında aparılan müzakirələrdə müəyyən edilib ki, bəzi iddiaçıların təqdim etdiyi sənədlərdə göstərilmiş texniki və yaradıcılıq imkanları, o cümlədən, kadr potensialı barədə məlumatlar yerində baxış zamanı öz təsdiqini tapmır.

BAKI, 4 avqust - Sputnik. Bu gün Milli Televiziya və Radio Şurasının təhsil və elmi-maarifləndirici ümumrespublika televiziya kanalının açılması üçün elan etdiyi müsabiqəyə yekun vurulub.

Bu barədə MTRŞ-dan bildirilib.

Məlumata görə, Milli Televiziya və Radio Şurasının 2021-ci il iyunun 7-dən iyulun 7-dək ixtisaslaşmış (təhsil və elmi-maarifləndirici) ümumrespublika televiziya kanalının açılması ilə bağlı (Bakı şəhəri və Abşeron yarımadası ərazisində SD yayım üçün 48-ci TV yayım kanalı, HD yayım üçün 34-cü TV yayım kanalı) elan etdiyi müsabiqə üçün 6 iddiaçı (“APA Mark” MMC, “Təhsil TV” MMC, “Balans Studiyası” MMC, “İNS ÇM” MMC, “İsti Press” MMC və “Medical Media” MMC) sənədlərini təqdim edib.

Həmin sənədləri araşdırmaq, həmçinin, iddiaçıların məkanında baxış keçirərək sənədlər üzrə tədqim olumuş məlumatların həqiqətə uyğunluğunu yoxlamaq, habelə ümumilkə televiziya kanalının açılması üçün zəruri iqtisadi, texniki, yaradıcı və kadr potensialının mövcudluğunu öyrənmək məqsədilə Şura tərəfindən müsabiqə komissiyası təşkil olunub. Müsabiqə komissiyası həm sənədlərlə tanışlığın, həm də yerində baxışın nəticəsi ilə bağlı Şuraya hər bir iddiaçı barədə arayış təqdim edib.

Milli Televiziya və Radio Şurasının iclasında təqdim olunmuş arayışlar əsasında geniş müzakirələr aparılıb. Müəyyən edilib ki, bəzi iddiaçıların təqdim etdiyi sənədlərdə göstərilmiş texniki və yaradıcılıq imkanları, o cümlədən, kadr potensialı barədə məlumatlar yerində baxış zamanı öz təsdiqini tapmır, bəzi iddiaçılarda yayım üzrə təqdim olunmuş proqram konsepsiyası müsabiqə şərtlərinə (ixtisaslaşma sahəsinə) uyğun gəlmir, bəzi iddiaçılarda isə ümumilkə televziya yayımının təşkil olunması üçün texniki-iqtisadi göstəricilər qənaətbəxş deyil. Bununla da Şura heç bir iddiaçıda təhsil, elm və maarifləndirmə janrlı ümumölkə televiziya kanalının fəaliyyəti üçün müvafiq potensialın olmadığı qənaətinə gəlib.

Milli Televiziya və Radio Şurası qeyd olunanları nəzərə alaraq, “Televiziya və radio yayımı haqqında” Azərbaycan Respublikasının 2002-ci il 25 iyun tarixli 345-IIQ nömrəli Qanununun 18.4.1-ci maddəsini, Azərbaycan Respublikası Prezidentinin 2002-ci il 05 oktyabr tarixli 795 saylı Fərmanı ilə təsdiq edilmiş “Milli Televiziya və Radio Şurası haqqında Əsasnamə”nin 8.6-cı bəndini rəhbər tutaraq müsabiqənin yekunlarına görə qalib seçilmədiyi üçün iddiaçılara xüsusi razılıq (lisenziya) verilməsindən imtina olunması barədə qərar qəbul edib.

Həmçinin oxuyun:

MTRŞ-yə yeni üzv təyin olundu - Onu "Qulp"dan tanıyırıq

MTRŞ-nın yeni cəzası effekt verir - Telekanallar artıq qanunları poza bilməyəcəklər

0