BAKI, 24 avqust — Sputnik. ABŞ-ın basketbol üzrə milli yığması yoldaşlıq oyununda avstraliyalı rəqiblərinə 98:94 hesabı ilə məğlub olublar.
Sputnik Azərbaycan "USA Today" nəşrinə istinadən xəbər verir ki, bu, son 13 ildə ABŞ millisinin ilk məğlubiyyəti olub.
Sözügedən oyun bu il keçiriləcək Dünya Kuboku yarışlarına hazırlıq çərçivəsində komandalar arasında keçirilmiş ikinci görüş olub. Birinci oyunda amerikalılar güclü olublar.
Dünya kuboku Çində keçiriləcək. Turnir avqustun 31-də başlayacaq.
ABŞ millisi bundan əvvəl 2006-cı ildə yunanlara məğlub olub.
