Vatslav Xladkin

Şotlandlar çex futbolçunu "Qarabağ"a satmaq, Ağdam klubu isə təslim olmaq istəmir

2012
(Yenilənib 16:14 09.07.2019)
Şotlandiyanın "Sent-Mirren" futbol klubu futbol üzrə Azərbaycan çempionu "Qarabağ" klubuna çex qapıçı Vatslav Xladkini satmaqdan imtina edib, amma...

 

Teymur Tuşiyev, Sputnik Azərbaycan

BAKI, 8 iyul — Sputnik. Şotlandiyanın "Sent-Mirren" futbol klubu futbol üzrə Azərbaycan çempionu "Qarabağ" klubuna çex qapıçı Vatslav Xladkini satmaqdan imtina edib. Sputnik Azərbaycan-ın məlumatına görə, bu barədə The Scottish Sun nəşri yazıb.

Ağdam klubu şotland "Sent-Mirren"inə qapıçı Vatslav Xladkini 200 min funta (426,5 min manat) ona satmağı təklif edib. Lakin bu məbləğ şotlandları qane etməyib və onlar futbolçunu Azərbaycan klubuna satmaqdan imtina ediblər. Çex futbolçu "Qarabağ"ın baş məşqçisi Qurban Qurbanovun diqqətini cari mövsümün ikinci yarısında keçirdiyi oyunlar zamanı cəlb edib. Xüsusilə də bu ilin mayında pley-off mərhələsinin final matçında Xladkinin rəqib "Dandi Yunayted"in qapısına 3 penalti vurması onu "Sent-Mirren"in qəhrəmanına çevirib. Bunun sayəsində çex qapıçı Şotlandiya Premyer Liqasına qeydiyyatını davam etdirir.

Lakin Ağdam klubu qapıçını əldə etmək istiqamətində cəhdlərini dayandırmaq niyyətində deyil. Klub yaxın vaxtlarda şotlandlara maliyyə cəhətdən daha cəlbedici təklif etmək niyyətindədir. Məlumata görə, "Qarabağ" Xladkiyə Şotlandiyada aldığı məbləğdən 6 dəfə yüksək maaş təklif etməyə hazırlaşır. Bununla yanaşı, cari mövsümlərarası dövrdə "Sent-Mirren"ə yeni baş məşqçi Cim Qudvin başçılıq edəcək. Qapıçının klubda bundan sonrakı vəziyyəti bəlli deyil.

Bütün bunlarla yanaşı, 28 yaşlı qapıçı şotland klubunda qalmaq istəyir. O, hesab edir ki, belə olan təqdirdə, onun İngiltərə Premyer-liqasına düşmək şansı daha çox olacaq. Xladkini saxlamaq arzusunu klubun icraçı direktoru Peysli Fitspatrik də bəyan edib. O, Vatslavı komandanın həyati vacib bəndi adlandırıb. Bununla belə, "Qarabağ"ın daha böyük məbləğ təklifi "Sent-Mirren" rəhbərliyinin qərarını dəyişə bilər.

"Qarabağ"ın yenilənmiş təkliflərini şotlandlara iyulun 10-da Albaniyada Çempionlar Liqasının ilk seçmə mərhələsi çərçivəsində "Partizani" ilə keçiriləcək matça qədər irəli sürəcəyi istisna edilmir.

2012
Sənan Şəfizadə

İdman şərhçisi: “Canni De Byazinin uğur qazanması üçün vaxt lazımdır”

2
(Yenilənib 10:18 14.07.2020)
İdman şərhçisi Sənan Şəfizadə deyir ki, hazırda əsas hədəf Azərbaycan millisinin Millətlər Liqasında uğur qazanmasıdır
Sənan Şəfizadə: “Yeni baş məşqçinin uğur qazanmaq üçün əlindən gələni edəcəyinə inanıram”

“Azərbaycana pul üçün gəlmirəm. Ölkə futbolu üçün vacib işlər görmək istəyirəm”. Bunu "Report"a müsahibəsində Azərbaycan millisinin yeni baş məşqçisi Canni De Byazi deyib.

İdman şərhçisi Sənan Şəfizadə Sputnik Azərbaycan-a deyir ki, Canni De Byazidən təcili, erkən uğur gözləmir:

“Hazırda əsas hədəf Azərbaycan millisinin Millətlər Liqasında uğur qazanmasıdır. İndiki şəraitdə millimizin bu hədəfə çatmasını gözləmirəm. Səbəb isə pandemiya dövründə onsuzda, fiziki cəhətdən formada olmayan oyunçularımızın daha da geriləməsidir. Canni De Byazi hələ Azərbaycan futbolçularını və futbolunu tanımır, uğur qazanmaq üçün ona vaxt lazımdır. Yeni baş məşqçinin millimizdə uğur qazanmaq üçün əlindən gələni edəcəyinə inanıram”.

Sənan Şəfizadənin geniş şərhinə audiofaylda qulaq asa bilərsiniz

2

“Neftçi”nin keçmiş vitse-prezidenti COVID-19-dan vəfat etdi

30
(Yenilənib 14:19 12.07.2020)
“Neftçi” futbol klubunun keçmiş vitse-prezidenti İlqar Quluzadənin ölümünü Azərbaycan Cüdo Federasiyasının əməkdaşı təsdiqləyib

BAKI, 12 iyul — Sputnik. Bakının “Neftçi” futbol klubunun sabiq vitse-prezidenti İlqar Quluzadə koronavirus infeksiyası səbəbindən dünyasını dəyişib.

Sputnik Azərbaycan bu barədə klubun mətbuat xidmətinə istinadla məlumat verir.

© Photo : REPORT
İlqar Quluzadə

“Neftçi”nin sabiq funksionerinin vəfatı barədə ilk dəfə Azərbaycan Cüdo Federasiyasının əməkdaşı Rahim Məhərrəmov sosial şəbəkədə yazaraq onun ölüm səbəbi kimi COVID-19-a yoluxmasını qeyd edib.

İ.Quluzadə 2008-ci ilin iyununadək “Neftçi”nin icraçı direktoru işləyib, 2009-cu ilin sentyabrınadək isə paytaxt klubunun vitse-prezidenti olub.

“Neftçi” klubu İ.Quluzadənin vəfatı ilə bağlı onun yaxınlarına başsağlığı verib.

Allah rəhmət eləsin!

30
Mövzu:
Azərbaycanda koronavirus: son xəbərlər
Əlaqədar
Rusiya COVID-19-la mübarizə aparmaq üçün Azərbaycana həkim briqadası göndərdi
Azərbaycanda daha bir İcra Hakimiyyətində iki məsul işçi COVID-ə yoluxub
Hələ ikincini yola verməmişik, həkim artıq üçüncü dalğadan danışır
Dünyada ilk koronavirus vaksininin sınağı bitdi
Evi icazəsiz tərk edən COVID xəstəsinə cinayət işi açıldı