İkinci Avropa Oyunlarının keçirildiyi Minsk şəhəri

İkinci Avropa Oyunları başa çatdı

247
Azərbaycanın bayraqdarı Minskdə qızıl medal qazanan karateçi Asiman Qurbanlı olub

BAKI, 1 iyul – Sputnik. Belarusun paytaxtı Minskdəki "Dinamo" Milli Olimpiya Stadionunda II Avropa Oyunlarının bağlanış mərasimi keçirilib.

II Avropa Oyunlarının qızıl medalı
© Sputnik / Alexey Filippov

Sputnik Azərbaycan-ın məlumatına görə, tədbirdə Belarus, Rusiya, Tacikistan prezidentləri ilə yanaşı, Beynəlxalq və Avropa Olimpiya Komitələrinin prezidentləri iştirak edib.

Mərasim Belarusun dövlət himni ilə start götürüb. Daha sonra iştirakçı ölkələrin bayraqları səhnəyə gətirib. Azərbaycanın bayraqdarı Minskdə qızıl medal qazanan karateçi Asiman Qurbanlı olub.

Daha sonra müxtəlif rəqs kompozisiyaları nümayiş etdirilib və Belarusun simvolu olan Zubr nəhəng ekranda canlandırılıb.

Yerli ifaçılar mahnılar ifa ediblər. Bu zaman idmanda vacib amillər olan yarışdan əvvəl, ikinci nəfəs, məşqçi, hörmət, yeni çağırış, könüllülər və qələbəni əks etdirən anlar nümayiş olunub.

Daha sonra EOC-un bayrağı endirilib.

Mərasimdə çıxış edən ölkə prezidenti Aleksandr Lukaşenko "Minsk 2019"u dostluq və birlik bayramı adlandırıb: "Biz bu bayramı hər şeydən əvvəl özümüzə hədiyyə etdik. 10 gün ərzində birlik ab-havasını siz idmançılar yaratdınız. Məşəli söndürməmişdən əvvəl əməyi keçən hər kəsə, o cümlədən jurnalistlərə, hakimlərə, könüllülərə təşəkkür edirəm. 8 min könüllünü itirə bilmərik. Onların bazasını hazırlamağı tapşırmışam. Azarkeşlərə də minnətdaram. Əziz qonaqlar, siz müharibəsiz, sakit şəraitdə yaşayan ölkədə oldunuz".

Lukaşenko Oyunların simvolu Lesik adlı tülküyə də təşəkkürünü bildirib və Avropa Oyunlarına uzun və şərəfli ömür arzulayıb.

Avropa Olimpiya Komitələrinin prezidenti Yanez Kotsiyançiç də çıxış edərək, təmiz idman mübarizəsi şəraitində Oyunlar izlədiklərini vurğulayıb. O, idmanda dopinqə qarşı amansız mübarizə aparacaqlarını diqqətə çatdırıb. Sloveniyalı funksioner "Minsk 2019"un Belarus üçün yaxşı sərmayə olduğunu sözlərinə əlavə edib və təşkilatçı ölkə üçün medal sıralamasında ikinci yeri gözəl nəticə adlandırıb. EOC prezidenti açılışda olduğu kimi, bağlanışda da belarusca danışmağı unutmayıb.

Nəhayət, Oyunların məşəli söndürülüb.

Tədbir atəşfəşanlıqla yekunlaşıb.

247
Sənan Şəfizadə

İdman şərhçisi: “Canni De Byazinin uğur qazanması üçün vaxt lazımdır”

2
(Yenilənib 10:18 14.07.2020)
İdman şərhçisi Sənan Şəfizadə deyir ki, hazırda əsas hədəf Azərbaycan millisinin Millətlər Liqasında uğur qazanmasıdır
Sənan Şəfizadə: “Yeni baş məşqçinin uğur qazanmaq üçün əlindən gələni edəcəyinə inanıram”

“Azərbaycana pul üçün gəlmirəm. Ölkə futbolu üçün vacib işlər görmək istəyirəm”. Bunu "Report"a müsahibəsində Azərbaycan millisinin yeni baş məşqçisi Canni De Byazi deyib.

İdman şərhçisi Sənan Şəfizadə Sputnik Azərbaycan-a deyir ki, Canni De Byazidən təcili, erkən uğur gözləmir:

“Hazırda əsas hədəf Azərbaycan millisinin Millətlər Liqasında uğur qazanmasıdır. İndiki şəraitdə millimizin bu hədəfə çatmasını gözləmirəm. Səbəb isə pandemiya dövründə onsuzda, fiziki cəhətdən formada olmayan oyunçularımızın daha da geriləməsidir. Canni De Byazi hələ Azərbaycan futbolçularını və futbolunu tanımır, uğur qazanmaq üçün ona vaxt lazımdır. Yeni baş məşqçinin millimizdə uğur qazanmaq üçün əlindən gələni edəcəyinə inanıram”.

Sənan Şəfizadənin geniş şərhinə audiofaylda qulaq asa bilərsiniz

2

“Neftçi”nin keçmiş vitse-prezidenti COVID-19-dan vəfat etdi

30
(Yenilənib 14:19 12.07.2020)
“Neftçi” futbol klubunun keçmiş vitse-prezidenti İlqar Quluzadənin ölümünü Azərbaycan Cüdo Federasiyasının əməkdaşı təsdiqləyib

BAKI, 12 iyul — Sputnik. Bakının “Neftçi” futbol klubunun sabiq vitse-prezidenti İlqar Quluzadə koronavirus infeksiyası səbəbindən dünyasını dəyişib.

Sputnik Azərbaycan bu barədə klubun mətbuat xidmətinə istinadla məlumat verir.

© Photo : REPORT
İlqar Quluzadə

“Neftçi”nin sabiq funksionerinin vəfatı barədə ilk dəfə Azərbaycan Cüdo Federasiyasının əməkdaşı Rahim Məhərrəmov sosial şəbəkədə yazaraq onun ölüm səbəbi kimi COVID-19-a yoluxmasını qeyd edib.

İ.Quluzadə 2008-ci ilin iyununadək “Neftçi”nin icraçı direktoru işləyib, 2009-cu ilin sentyabrınadək isə paytaxt klubunun vitse-prezidenti olub.

“Neftçi” klubu İ.Quluzadənin vəfatı ilə bağlı onun yaxınlarına başsağlığı verib.

Allah rəhmət eləsin!

30
Mövzu:
Azərbaycanda koronavirus: son xəbərlər
Əlaqədar
Rusiya COVID-19-la mübarizə aparmaq üçün Azərbaycana həkim briqadası göndərdi
Azərbaycanda daha bir İcra Hakimiyyətində iki məsul işçi COVID-ə yoluxub
Hələ ikincini yola verməmişik, həkim artıq üçüncü dalğadan danışır
Dünyada ilk koronavirus vaksininin sınağı bitdi
Evi icazəsiz tərk edən COVID xəstəsinə cinayət işi açıldı