FİFA-nın keçmiş prezidenti Yozef Blatter zərfdən Qətərin adını çıxarmaqla 2022-ci ildə futbol üzrə Dünya Çempionatının bu ölkədə keçəcəyini elan edir

Platininin izi ilə: 2022-ci ilin futbol üzrə dünya çempionatı Qətərdən alına bilər

77
(Yenilənib 09:52 19.06.2019)
Platininin rüşvət alması öz təsdiqini tapsa, çempionatın Qətərdən alınaraq başqa ölkədə keçirilməsi qərarının veriləcəyi istisna edilmir

BAKI, 18 iyun — Sputnik. 2022-ci ilin futbol üzrə dünya çempionatının Qətərdən alınaraq başqa ölkədə keçirilməsi ehtimalı var.

Sputnik Azərbaycan xəbər verir ki, bu barədə RİA Novosti-yə Rusiya Futbol Birliyinin fəxri prezidenti, FİFA-nın keçmiş vitse-prezidenti Vyaçeslav Koloskov deyib.

Bu gün Avropa Futbol Assosiasiyaları Birliyinin (UEFA) keçmiş sədri, tanınmış futbolçu Mişel Platini polis nəzarəti altına alınıb.

Buna fransalı futbol mütəxəssisinin 2022-ci il dünya çempionatının keçiriləcəyi yerlə bağlı seçimlərdə korrupsiyaya yol verməsi ittihamı səbəb olub.

Qeyd edək ki, 2022-ci ildə Dünya çempionatının Qətərdə keçirilməsi qərarı 2010-cu ildə verilib. Bundan sonra çempionatın Qətərə verilməsi ilə bağlı qalmaqal yaşanıb. Rəsmi Dohanın çempionatın keçirilməsi qərarı üçün FİFA rəsmilərinə rüşvət verdiyi iddia olunurdu. Lakin FİFA-ya qarşı aparılan araşdırma heç bir korrupsiya faktını ortaya çıxarmamışdı.

"Platininin rüşvət alması öz təsdiqini tapsa, dünya çempionatının korrupsiya mexanizmləri ilə alındığı aşkar olunsa, çempionatın Qətərdən alınaraq başqa ölkədə keçirilməsi qərarının veriləcəyini istisna etmirəm. Lakin bu böyük bir faciə olacaq, dünya futbolunun imicinə böyük ziyan vuracaq", - deyə Koloskov bildirib.

77

Gənclər üçün nümunə: Yetmiş dörd yaşlı bodibilder müsabiqələri fəth edir

38
(Yenilənib 10:36 09.05.2021)
Bədən tərbiyəsi müəllimi Nikolay Çernuşkin gəncləri mükəmməl fiziki forma əldə etməyə və yarışlarda qələbələrə ruhlandırır. Daha ətraflı videomuzda.

Çernuşkinin dediyinə görə, uşaqlıqdan idmanla məşğul olub. Təqaüdə çıxmazdan əvvəl xizək sürməyə başlayıb, daha sonra qış idmanını tərk edib.

Təxminən 45 yaşından bodibildinqlə maraqlanıb və özünü tamamilə ona həsr edib.

Zamanla Nikolay müxtəlif yarışlara qatılaraq bir neçə dəfə qalib olub.

 

38
Beşiktaş klubunun azarkeşləri, arxiv şəkli

"Beşiktaş" növbəti dəfə Türkiyə Super Liqasının qalibi olub

659
Bununla 2021/22 mövsümündə Türkiyəni avrokuboklarda təmsil edəcək komandalar da müəyyənləşib. “Beşiktaş” və “Qalatasaray” Çempionlar Liqasında mübarizə aparacaqsa, “Fənərbaxça” ilə 4-cü yeri tutan “Trabzonspor” yeni yaradılmış Konfrans Liqasında çıxış edəcək.

BAKI, 15 may - Sputnik. Türkiyə Super Liqasında 2020/21 mövsümünün çempionu müəyyənləşib.

Sputnik Azərbaycan Apasport-a istinadla xəbər verir ki, həm qızıl medalların, həm də digər mükafatçıların sahibləri son turda bəlli olub.

Son tur öncəsi “Beşiktaş”, “Qalatasaray” və “Fənərbaxça” qızıl medallara iddia edirdi. Axırıncı oyunlar da kritik alınıb. Kayseridə yerli “Kayserispor” üzərində əzmkar qələbə qazanan “Fənərbaxça” buna rəğmən bürünc mükafatla kifayətlənib. Enner Valensiya və Sərdar Azizin son dəqiqələrdəki qolları sayəsində “sarı-lacivərdlilər”in 2:1 hesablı qələbəsi 3-cü pillədə yer alan komandanın mövqeyini dəyişməyib.

Öz meydanında “Yeni Malatyaspor” önündə hesabda geri düşən “Qalatasaray” İbrahim Dərvişoğlu, Rayan Babel və Oğulcan Çağlayanın ikinci hissədəki qolları sayəsində 3:1 hesablı qələbə qazanıb. Lakin bu, çempionluq üçün yetərli olmayıb. Çünki İzmirdə “Göztəpə” ilə üz-üzə gələn “Beşiktaş” rəqibini 2:1 hesabı ilə məğlub edib. “Qara qartal”ın heyətində Domaqoy Vida və Raşid Qezzal fərqlənib.

“Beşiktaş”la “Qalatasaray” mövsümü eyni xalla (84) tamamlamasına baxmayaraq, müsbət top fərqi rəqibindən daha çox olan “ağ-qaralar” finişə birinci çatıb.

Beləliklə, 3 illik həsrətə son qoyan “Beşiktaş” 16-cıdəfə Türkiyə çempionluğunu qazanıb.

Bununla 2021/22 mövsümündə Türkiyəni avrokuboklarda təmsil edəcək komandalar da müəyyənləşib. “Beşiktaş” və “Qalatasaray” Çempionlar Liqasında mübarizə aparacaqsa, “Fənərbaxça” ilə 4-cü yeri tutan “Trabzonspor” yeni yaradılmış Konfrans Liqasında çıxış edəcək.

Bundan başqa, “Dənizlispor”, “Ərzurumspor” və “Ankaragücü”nün ardından “Gənclərbirliyi” də elitanı tərk edib.

659
Liberal Demokrat Partiyasının lideri Vladimir Jirinovski

Jirinovski: "Onların üzünə tüpürüb, daşa basacaqlar"

0
Kommunistlər, yaxud "Spravedlivaya Rossiya" nə ilə ortaya çıxacaq? Onların üzünə tüpürüb, daşa basacaqlar! Onlara deyəcəklər: hansı yeni sosializmdən danışırsınız? Axı siz hələ 40 il əvvəl bizə kommunizm söz vermişdiniz!

BAKI, 18 may — Sputnik. Rusiya liberal-demokrat partiyasının (RLDP) sədri rəhbərlik etdiyi təşkilatın "siyasi səhnədə bakirə" olduğunu bəyan edib. Sputnik Azərbaycan Rusiya mediasına istinadən xəbər verir ki, partiya sədri RLDP-nin hələ heç bir partiya ilə siyasi ittifaqa girmədiyini dilə gətirib.

""Yedinaya Rossiya" vətəndaşların qarşısına nə ilə çıxacaq? Onlardan soruşacaqlar: niyə siz heç bir şey etməmisiniz? Axı 20 ildir ki, hökumət partiyasısınız. Kommunistlər, yaxud "Spravedlivaya Rossiya" nə ilə ortaya çıxacaq? Onların üzünə tüpürüb, daşa basacaqlar! Onlara deyəcəklər: hansı yeni sosializmdən danışırsınız? Axı siz hələ 40 il əvvəl bizə kommunizm söz vermişdiniz! Onların heç birinin təklif edəcəyi bir şey yoxdur. Seçicilər onların hamısına yalançı və fırıldaqçı kimi nifrət edirlər", - partiya lideri qeyd edib.

Jirinovski bildirib ki, RLDP isə təmizdir: "Əgər məişət dilində müqayisə aparsaq, RLDP siyasi səhnədə bakirədir. Biz heç kimlə nikaha, siyasi ittifaqa daxil olmamışıq. Bunların hamısı isə elə qurcuxurlar", - deyə Jirinovski bildirib.

Eləcə də oxuyun: 

* Jirinovski Rusiya prezidenti vəzifəsinin adının dəyişdirilməsini təklif edir

* Jirinovskidən xaricdə yaşayan ruslara RF pasportlarının verilməsini sadələşdirmək təklifi

* Köklərə məhdudiyyət qoyun, arıqlar yaşaya bilmirlər

 

0
Teqlər:
partiya, Rusiya, Vladimir Jirinovski