Bakı Olimpiya Stadionu, arxiv şəkli

Qalmaqallı Mxitaryan məsələsində daha bir iştirakçı tərəf sözünü dedi

3716
(Yenilənib 22:37 21.05.2019)
Qarayev: "Ermənistan vətəndaşları dəfələrlə Azərbaycan ərazisində olublar və ölkəmizdə olduqları müddətdə onların təhlükəsizliyi ilə bağlı heç bir zaman problem yaranmayıb"

Teymur Tuşiyev, Sputnik Azərbaycan

BAKI, 22 may - Sputnik. London klubları "Arsenal" və "Çelsi" mayın 29-da futbol üzrə Avropa Liqasının final matçının keçiriləcəyi Bakı Olimpiya Stadionuna (BOS) heç bir irad bildirməyib. Bunu Sputnik Azərbaycan-la söhbətində BOS-un direktoru Cavid Qarayev deyib. O, arenanın Avropa Liqasının final matçına hazırlığı barədə danışıb.

Директор бакинского олимпийского стадиона Джавид Гараев
Bakı Olimpiya Stadionunun direktoru Cavid Qarayev

- Aydın məsələdir ki, stadionun hazırlığı həlledici məqama daxil olub. Hazırda konkret olaraq nə üzərində iş gedir?

- Demək olar ki, hazırda stadionun UEFA-ya təhvil verilməsi proseduru həyata keçirilir. Biz təşkilatın bütün tələblərini yerinə yetirmişik və onun infrastrukturunda lazımi dəyişikliyi etmişik. Öz növbəsində bir sıra kreslolar yenilənib, eyni zamanda jurnalistlər üçün xüsusi media-zona qurulub. Bununla yanaşı, arenanı bütünlüklə futbol sahəsinə çevirmək məqsədilə qaçış yolu, tamamilə süni qazonla örtülüb. Bir sıra təmir və texniki işlər görülüb.

Hazırda stadionun brendləşdirilməsi davam edir, azarkeşlərin daha uyğun yerləşdirilməsi üçün istiqamət bildirən nişanlar quraşdırılır. Ümumilikdə hazırlıq tamamlanma mərhələsindədir və bu günlərdə stadion, tamamilə UEFA-nın ixtiyarına veriləcək. Ümumiyyətlə təşkilatın ofisi artıq stadionda fəaliyyət göstərir və o da hazırlıq prosesini koordinasiya edir.

- Arenanın infrastrukturunda nə dərəcədə çox dəyişiklik etmək lazım gəldi?

- Qlobal dəyişikliklər olmadı. Onsuz da bizim stadion yenidir, UEFA və FİFA-nın bütün standartlarına cavab verir. Kiçik kosmetik işlər görülüb. Misal üçün, biz ehtiyat skameykaları 60 sm endirdik ki, tribunanın birinci sırasından görünüşü yaxşılaşdıraq.

- Stadionun təhlükəsizliyinin təmin edilməsi üçün hansı işlər görülüb, xüsusilə də nəzərə alanda ki, ingilis azarkeşlər öz aqressiv davranışları ilə məşhurdurlar?

- Təhlükəsizlik təkcə stadion tərəfindən təmin edilmir. Bu layihənin həyata keçməsi üçün Azərbaycanın bütün idarələri, o cümlədən Daxili İşlər Nazirliyi prosesə cəlb edilib. Odur ki, Bakı Olimpiya Stadionunda təhlükəsizlik maksimal səviyyədə təmin olunacaq. Bura xüsusi təlim keçmiş stüardlar cəlb olunub və könüllülər də yardım edəcək.

- Bu yaxınlarda Bakını "Arsenal" və "Çelsi" nümayəndələri ziyarət edib. Onlar hər hansı tələb səsləndiriblər?

- Tələb olmayıb. Onlar sadəcə stadionun ərazisi ilə tanış olublar. Baxıblar ki, onların fanatları arenaya haradan düşəcəklər, qazonun keyfiyyətini yoxlayıblar. Lakin stadionun infrastrukturunun dəyişdirilməsinə dair hər hansı tələb, yaxud irad səsləndirməyiblər.

- Maraqlıdır ki, o zaman "Arsenal" nümayəndələri artıq Bakıya gəlməyəcəyi dəqiqləşən Henrix Mxitaryanla bağlı hər hansı arzularını ifadə etmişdilərmi?

- Bu məsələnin stadionla heç bir əlaqəsi yoxdur. Mxitaryanla bağlı vəziyyət təhlükəsizliklə əlaqədar idi. Bildiyiniz kimi, bizim hökumətimiz və futbol federasiyamız bütün lazımi zəmanətləri vermişdilər. Buna görə də şübhə yoxdur ki, istər Mxitaryanın, istərsə də stadionun təhlükəsizliyi yüksək səviyyədə təmin ediləcəkdi. Məlumdur ki, Ermənistan vətəndaşları dəfələrlə Azərbaycan ərazisində olublar və ölkəmizdə olduqları müddətdə onların təhlükəsizliyi ilə bağlı heç bir zaman problem yaranmayıb. Odur ki,"Arsenal" stadiona Mxitaryanla bağlı hər hansı tələb irəli sürməyib.

- Olimpiya stadionunda qazonun keyfiyyətini necə qiymətləndirirsiz?

- Qazon UEFA-nın standartlarına tamamilə cavab verir. Onun kateqoriyası "4+"-dir və tezliklə bu kateqoriya yüksələcək. Qazon tamamilə yenilənib, yerinə tam oturandan sonra onun keyfiyyəti əla qiymətləndiriləcək.

- Azarkeşləri matç zamanı nələr gözləyir?

- Bakı Olimpiya Stadionu ərazisində əyləncə zonası fəaliyyət göstərəcək. Azarkeşlər burada vaxtlarını yaxşı keçirə biləcəklər. Bununla yanaşı, şəhərdə 3 fanat zonası fəaliyyət göstərəcək - "Arsenal", "Çelsi" və ümumi.

3716
Teqlər:
Bakı Olimpiya Stadionu, "Çelsi" klubu, "Arsenal" futbol klubu, futbol, UEFA Avropa Liqası, UEFA
Əlaqədar
Mxitaryan "Arsenal"ın onu Bakıya aparmamaq qərarının ağır olduğunu etiraf edib
“Arsenal” Mxitaryan müəmmasına aydınlıq gətirdi
UEFA Bakı ilə bağlı qalmaqallı tələbə reaksiya verdi
UEFA Avropa Liqasının Bakı finalı ilə bağlı vacib qərar
"Arsenal" final matçının Bakıda keçirilməsindən narazılıq edib
Elmar Babanlı, Azərbaycan Cüdo Federasiyasının baş katibi

Baş katib cüdoçularımızın ““Böyük dəbilqə”dəki çıxışından danışır

15
(Yenilənib 08:33 27.10.2020)
Azərbaycan Cüdo Federasiyasının baş katibi Elmar Babanlı deyir ki, Tokio Olimpiadasına vacib reytinq xalları qazandırması turnirin əhəmiyyətliliyini daha da artırır
Elmar Babanlı: “Medal gözlədiyimiz idmançımız ümidləri doğrultmadı”

““Böyük dəbilqə” turniri 7 aylıq fasilədən sonra keçirilən ilk böyük turnir idi” . Sputnik Azərbaycan xəbər verir ki, bunu Azərbaycan Cüdo Federasiyasının baş katibi Elmar Babanlı bildirib.

O bildirib ki, yarışın Tokio Olimpiadasına vacib reytinq xalları qazandırması onun əhəmiyyətliliyini daha da artırır:

“Cüdoçumuz Nicat Şıxəlizadə (66 kiloqram) medal qazana bilərdi. Gültac Məmmədəliyeva (52 kiloqram) yaxşı güləş göstərib güclü rəqiblərinə qalib gəlsə də, medal qazana bilmədi. Amma onun üçün reytinqli idmançılar arasında “Böyük dəbilqə” kimi nüfuzlu turnirdə 7-ci yeri tutmaq yaxşı nəticə sayılır. Digər cüdoçumuz, 81 kiloqram çəkidə mübarizə aparan Hidayət Heydərov o qədər də güclü olmayan bolqarıstanlı rəqibinə məğlub oldu. Rəqib görüşün əvvəlində vazari xalı ilə üstünlüyə malik idi və sonadək mövqeyini qorudu. Bu çəkidə Murad Fətiyev kifayət qədər perspektivli idmançıdır. Bir görüşdə qalib gəlməyi onun potensialının göstəricisidir. Daha bir perspektivli cüdoçumuz Telman Vəliyev (73 kiloqram) ötən Qran-Pri yarışlarında mükafatçı olub və bu turnirdə də ondan medal gözləyirdik. Amma ümidləri doğrultmadı”.

Elmar Babanlının fikirlərinə audiofaylda qulaq asa bilərsiniz

15
Makkabi - Qarabağ oyunu

"Qarabağ" qrup mərhələsinin ilk matçında məğlub oldu

33
(Yenilənib 10:23 23.10.2020)
I qrupunun digər matçında "Vilyarreal" İspaniyada Türkiyə "Sivasspor"unu qəbul edib. Görüş məhsuldar keçib və ispanların 5:3 hesablı qələbəsi ilə başa çatıb.

BAKI, 23 oktyabr - Sputnik. UEFA Avropa Liqasının qrup mərhələsində ilk turun oyunları keçirilib.

Ağdamın "Qarabağ" klubu Avropa Liqasının qrup mərhələsində mübarizəyə başlayıb.

Dalbadal 7-ci dəfə avrokubokların qrupunda çıxış edən Qurban Qurbanovun yetirmələri İsraildə Təl-Əvivin “Makkabi” komandası ilə görüşüb. I qrupunun I turu çərçivəsində keçirilən görüşdə hesab 10-cu dəqiqədə açılıb. Yonatan Kohen "Makkabi"ni irəli çıxarıb - 1:0. Birinci hissə bu hesabla bitib.

İkinci hissədə də "Qarabağ" buraxılmış qolun əvəzini çıxa bilməyib. Oyun minimal hesabla israillilərin xeyrinə başa çatıb. 

I qrupunun digər matçında "Vilyarreal" İspaniyada Türkiyə "Sivasspor"unu qəbul edib. Görüş məhsuldar keçib. Oyun ispanların 5:3 hesablı qələbəsi ilə qurtarıb.

II turun oyunları oktyabrın 29-da keçiriləcək. “Qarabağ” ilk ev görüşündə İspaniya təmsilçisi “Vilyarreal”la üz-üzə gələcək. Matç Türkiyədəki "Başakşehir Fatih Terim" stadionunda olacaq.

33
Azərbaycanın Birinci vitse-prezident Mehriban Əliyeva, arxiv şəkli

Mehriban Əliyeva Ermənistanın müharibə cinayətlərinə üsyan etdi

84
(Yenilənib 23:55 27.10.2020)
"Erməni təcavüzkarlarının əli ilə daha neçə günahsız insan həlak olmalıdır ki, dünya birliyi bu cinayətləri dinməzcə seyr etməyə son qoysun?"

BAKI, 27 oktyabr - Sputnik. "Bu gün Ermənistan silahlı qüvvələri döyüş əməliyyatları zonasından kənarda yerləşən Bərdə şəhərini raket atəşinə məruz qoyaraq humanitar atəşkəs rejiminin şərtlərini növbəti dəfə kobud şəkildə pozublar. “Smerç” qurğusundan buraxılmış kasetli raketlərlə atəş nəticəsində dörd mülki şəxs, o cümlədən yeddi yaşlı qız həlak olub. Dördü uşaq olmaqla on dörd nəfər ciddi xəsarət alıb".

Sputnik Azərbaycan bildirir ki, bu barədə Azərbaycanın Birinci vitse-prezidenti Mehriban Əliyeva sosial şəbəkədəki heabında yazıb.

Посмотреть эту публикацию в Instagram

Публикация от Mehriban Aliyeva (@firstvicepresidentazerbaijan)

"Silahlı münaqişələr zamanı mülki şəxslərin qətlə yetirilməsi 1949-cu il Cenevrə Konvensiyalarının və bütövlükdə beynəlxalq humanitar hüquq normalarının ən kobud şəkildə pozulması deməkdir.
Erməni təcavüzkarlarının əli ilə daha neçə günahsız insan həlak olmalıdır ki, dünya birliyi bu cinayətləri dinməzcə seyr etməyə son qoysun?
Həlak olanların doğmalarına və yaxınlarına dərin hüznlə başsağlığı verirəm, yaralananların tezliklə sağalmalarını arzulayıram.
Biz öz torpağımızı təcavüzkarlardan azad edəcəyik və bu cinayətlərə son qoyacağıq.
Uca Tanrı Vətənimizi qorusun!" - paylaşımda deyilir.

84
Teqlər:
Atəşkəsin pozulması, ölənlər və yaralılar, dinc sakinlər, raket zərbələri, erməni təxribatı, Ermənistan-Azərbaycan, Dağlıq Qarabağ münaqişəsi
Mövzu:
Azərbaycan və Ermənistan arasında müharibə
Əlaqədar
Beynəlxalq təşkilatların ciddi ölçü götürməməsi Ermənistanı azğınlaşdırır - Ombudsman
Bərdədə erməni təxribatından ölənlərdən biri 7 yaşlı uşaqdır - FOTO
XİN: Ermənistan münaqişənin siyasi həllində maraqlı deyil
Hikmət Hacıyev: "Bərdəyə "Smerç"dən kasetli bomba atılıb"
Ermənilərin Bərdəni atəşə tutması nəticəsində ölənlərin sayı artdı