İBSA cüdo Qran Pri Bakı 2019

Azərbaycan komandası bir gündə 9 medal qazandı

83
(Yenilənib 11:03 14.05.2019)
Komandamıza ilk qızıl medalı 60 kq çəki dərəcəsində Vüqar Şirinli qazandırıb

BAKI, 14 may — Sputnik. "İBSA cüdo Qran Pri Bakı 2019" yarışının ilk gününün yarışları komandamız üçün uğurlu keçib. Yarışın ilk günündə Azərbaycan idmançıları üç qızıl, üç gümüş və üç bürünc medal qazanıblar.

Sputnik Azərbaycan Paralimpiya Komitəsinin mətbuat xidmətinə istinadən xəbər verir ki, komandamıza ilk qızıl medalı 60 kq çəki dərəcəsində Vüqar Şirinli qazandırıb. O, Rumıniyadan olan rəqibi Florin Aleksandru Bologanı finalda məğlub edərək fəxri kürsünün ən yüksək pilləsinə yiyələnib. Eyni çəki dərəcəsində üçüncü yeri qazaxıstanlı idmançı Oljas Orazalyuli qazanıb.

Komandamıza ikinci qızılı 48 kq çəki dərəcəsində gənc cüdoçu Şahanə Hacıyeva qazanıb. O, finalda çinli idmançı Li Liqinqi məğlub edərək qızıl medala yiyələnib. Həmin çəki dərəcəsində üçüncü yerə özbəkistanlı idmançı Lobar Xürrəmova layiq görülüb.

57 kq çəki dərəcəsində yarışan idmançımız Sevda Vəliyeva Azərbaycana üçüncü medalı qazandırıb. O, finalda azərbaycanlı idmançı, paralimpiya çempionu Afaq Sultanovanı məğlub edərək qızıla sahib olub.

Gümüş medalçılarımız isə 66 kq çəki dərəcəsində Bayram Mustafayev, 81 kq çəki dərəcəsində Hüseyn Rəhimli və 57 kq çəki dərəcəsində Afaq Sultanovadır.

Digər idmançılarımız Namiq Aslanlı, Bəsti Səfərova və Ramil Qasımov yarışlarda 3-cü yerə layiq görülüblər.

83
Teqlər:
gümüş medal, qızıl, medallar, idmançı, yarış, Azərbaycan
Dieqo Armando Maradona

Maradonanın həkimi ittihamlara cavab verdi

15
(Yenilənib 23:55 29.11.2020)
Bu gün məlumat yayılıb ki, Lukenin evində və klinikasında axtarış aparılıb. Bundan başqa həkimi Maradonaya kömək göstərməməkdə və bilməyərəkdən onun ölümünə səbəb olmaqda ittiham edirlər

BAKI, 29 noyabr - Sputnik. Argentina millisinin sabiq oyunçusu Dieqo Armando Maradonanın həkimi Leopold Luke futbolçunun ölümü barədə ittihamlara reaksiya verib.

Sputnik Azərbaycan xarici mətbuata istinadən bildirir ki, həkim baş verənlərdə heç kimi, o cümlədən də özünü günahkar bilmir. O həmçinin istintaqla əməkdaşlıq etməyə hazır olduğunu da deyib. Luke vurğulayıb ki, Maradonanın evindəki tibbi heyət futbolçunun alkoqol asılılığından müalicəsi ilə məşğul idi və ürəktutmasının qarşısını ala bilmədi.

Bu gün məlumat yayılıb ki, Lukenin evində və klinikasında axtarış aparılıb. Bundan başqa həkimi Maradonaya kömək göstərməməkdə və bilməyərəkdən onun ölümünə səbəb olmaqda ittiham edirlər.

​Maradona noyabrın 25-də 60 yaşında dünyasını dəyişib. Ölümə səbəb üərk çatışmazlığı səbəbindən ağciyərdə kəskin şişkinlik yaranması olub.

Dieqo Maradona "Barselona", "Napoli", "Nyuells Old Boyz"  klublarında oynayıb. Argentina millisi ilə 1986-cı ildə dünya çempionu olub. Futbol tarixində ən parlaq oyunçulardan hesab olunur.

15
Teqlər:
axtarış, ittiham, həkim, ölüm, Dieqo Armando Maradona
Qurban Qurbanov, arxiv şəkli

"Qarabağ"dan üzücü xəbər: Qurban Qurbanov koronavirusa yoluxub

20
(Yenilənib 19:16 29.11.2020)
Dünən “Qarabağ”la Ağdama getməyən və bu gün komandanı meydana çıxarmayan 48 yaşlı mütəxəssisin səhhətindəki problem virusla bağlı olub

BAKI, 29 noyabr - Sputnik. “Qarabağ”ın baş məşqçisi Qurban Qurbanovun koronavirusa yoluxması təsdiqlənib.

Sputnik Azərbaycan apasport.az saytına istinadən bildirir ki, bu, Premyer Liqanın XI turunun “Sənail”lə matçından (1:1) sonra açıqlanıb.

Bildirilib ki, dünən “Qarabağ”la Ağdama getməyən və bu gün komandanı meydana çıxarmayan 48 yaşlı mütəxəssisin səhhətindəki problem virusla bağlı olub. Qurbanovun koronavirus testi müsbət nəticə verib.

20
Teqlər:
Qurban Qurbanov, Qarabağ FK, yoluxma, Koronavirus, epidemiya, COVID-19
Mövzu:
Azərbaycanda koronavirus: son xəbərlər