Formula 1 yarışı

Bakı Şəhər Halqasından lyuk olayına reaksiya: "Belə hallar yarışı maraqlı edir"

857
(Yenilənib 14:56 27.04.2019)
Nigar Arpadarai: "Test yürüşündə həm trekdə, həm bolidlərdə problemlər yarana bilir, axı bu, yarışa hazırlıqdır"

BAKI, 27 aprel — Sputnik. Xəbər verdiyimiz kimi, dünən SOCAR Azərbaycan Qran-prisində Formula 1-in sərbəst yürüşləri zamanı "Wilyams" komandasının pilotu Corc Rasselin bolidi lyukun drenajına dəyərək xəsarət alıb. Nəticədə sərbəst yürüş dayandırılıb və bütün lyuklar yoxlanılmağa başlanılıb. 

Sputnik Azərbaycan xəbər verir ki, baş verən hadisə ilə bağlı bu gün mətbuat konfransı keçirilib. Konfransda Bakı Şəhər Halqasının Marketin və kommunikasiya şöbəsinin rəhbəri Nigar Arpadarai və Bakı Şəhər Halqası (BŞH) Əməliyyat Şirkətinin Tikinti şöbəsinin rəhbəri Tom Buçer iştirak edib.

Nigar Arpadarai deyib ki, onlar hər il treki hazır edib Beynəlxalq Avtomobil Federasiyasına təhvil verirlər: "Həmin Federasiyanın mütəxəssisləri baxıb, razılıq verəndən sonra yarışlar keçirilir. Dünən baş verən hadisəni xarici azarkeşlər normal qarşıladı. Onlar Azərbaycan Qran-prisinin maraqlı olduğunu deyirlər. Hətta fanatlar yazırdı ki, bizim bir sıralama yarışı Çin Qran-prisindən maraqlıdır".

"Formula 1-də belə hallar olur. Test yürüşündə həm trekdə, həm bolidlərdə problemlər yarana bilir, axı bu, yarışa hazırlıqdır. Bizim trek beynəlxalq ekspertlərin nəzarətindədir, onlarsız iş görmürük. Onu da deməliyəm ki, bizdə baş verən belə hallar Azərbaycan Qran-prisini maraqlı edir" – deyə N.Arpadarai əlavə edib. 

Tom Buçer isə bildirib ki, dünən həmin hadisə baş verəndən sonra Beynəlxalq Avtomobil Federasiyasının rəsmiləri ilə görüşüb, artıq bu halın təkrarlanmaması üçün nələr etməli olduqlarını müzakirə ediblər: "Bakı Şəhər Halqası şəhər trekidir. Tarix boyu belə hallar həm şəhər, həm adi teklərdə baş verib".

"Dünən hadisə baş verəndən sonra Beynəlxalq Avtomobil Federasiyasının əməkdaşları ilə üç dəfə görüş keçirdik və bu müddət ərzində bütün lyuklar yoxlanıldı. Hər şeyin qaydada olduğuna əmin olandan sonra yarışların keçirilməsinə razılıq verildi. Beynəlxalq Avtomobil Federasiyasının rəsmiləri bizim etdiyimiz cəhdləri çox yüksək qiymətləndirdilər. Problemi cəmi 16 saata həll etdik" - Buçer vurğulayıb.

O, eyni zamanda əlavə edib ki, asfalt qatı əla vəziyyətdədir. "Hətta pilotlar belə, asfalt qatından razıdırlar. Çalışacağıq ki, asfalt qatını bir neçə il də belə saxlayaq".

Öz növbəsində Nigar Arpadarai dünən "Prema Racing" komandasının pilotu Şon Gelaeltin qaydanı kobud şəkildə pozmasından da danışıb: "O, marşalların bolidə kömək etdiyi zaman kobud qayda pozdu. Buna görə də, hətta dünən yarışdan bir günlük uzaqlaşdırıldı. Marşallar tibbi müayinədən keçirilib və səhhətlərində heç bir problem yoxdur".

857
Teqlər:
Bakı Şəhər Halqası, Nigar Arpadarai, yarış, Formula 1, Qran-pri
Əlaqədar
Formula 1 turistləri Bakıda və ya paytaxtımızın "rəqəmsal təbliğatı" - İNFOQRAFİKA
“Formula-1”: Şarl Lekler ən sürətli olub, ilk gün yekunlaşıb
“Formula 1”də qəzanın günahkarı bilindi
Formula 1 üzrə ikinci günə start verilib - Cədvəl
Futbol üzrə Azərbaycan millisinin baş məşqçisi Canni De Byazi, arxiv şəkli

Hamısı italyan olacaq - Millimizin məşqçisi qərarını verdi

28
(Yenilənib 22:46 02.08.2020)
“Mənə De Byazi zəng vurdu. O, Karbonenin məsləhəti ilə bunu etdi. Mən Karbone ilə “Ternana” və “Venesiya”da çalışmışam"

BAKI, 2 avqust — Sputnik. Azərbaycanın futbol üzrə milli komandasının yeni baş məşqçisi Canni De Byazinin daha bir köməkçisi müəyyənləşib.

Sputnik Azərbaycan APA-ya istinadən bildirir ki, italiyalı mütəxəssisin məşqçilər korpusundakı həmyerlilərinin sayı 4-ə çatıb.

Köməkçi məşqçilər Benni Karbone və Klaudio Beluççi, oyunların analizi üzrə mütəxəssis Federiko Turritsianinin ardınca fiziki hazırlıq üzrə çalışdırıcı Alessandro Skayya da yığmamızda çalışacaq. O, millidə ümumilikdə 5-ci italiyalı olacaq.

Bunu Skayyanın özü açıqlayıb: “Mənə De Byazi zəng vurdu. O, Karbonenin məsləhəti ilə bunu etdi. Mən Karbone ilə “Ternana” və “Venesiya”da çalışmışam. Orada Valter Zenqanın baş məşqçiliyi dövründə birgə işləmişik”.

28
Əlaqədar
Futbol üzrə millimizin baş məşqçisi bəlli oldu
Rəsmi: Azərbaycanca danışan Canni De Byazi sükanı ələ aldı
Bir də futboldan görək: Millimizin baş məşqçisindən daha bir jest
“Real”ın keşmiş ulduzu Azərbaycana gəlməkdən imtina edib
Baş nazir futbolçuya ərə getdi
Dani Ramires (göy formada), arxiv şəkli

“Real”ın keşmiş ulduzu Azərbaycana gəlməkdən imtina edib

15
(Yenilənib 15:58 01.08.2020)
Yarımmüdafiəçi adını açıqlamadığı Azərbaycan klubundan aldığı daha cəlbedici təklifdən imtina etdiyini də bildirib

BAKI,  1 avqust — Sputnik. Polşamın “Lex” klubunun ispaniyalı futbolçusu Dani Ramires Azərbaycandan aldığı təklifdən imtina edib.

Apasport.az saytının məlumatına görə, bunu 28 yaşlı yarımmüdafiəçinin özü açıqlayıb.

Hələ 16 yaşında “Leqanes”dən Madrid “Real”ına keçən, sonradan bir sıra klublarda çıxış edən Ramires bu il LKS-dən “Lex”ə transfer olunub. Yarımmüdafiəçi adını açıqlamadığı Azərbaycan klubundan aldığı daha cəlbedici təklifdən imtina etdiyini də bildirib: “MLS-dən və Azərbaycanın bir klubundan təklifim var idi. Onlar mənə daha çox pul ödəyəcəkdi. Amma mən olmaq istədiyim yerdəyəm və çox xoşbəxtəm”.

Qeyd edək ki, 2017-ci ildən Polşada oynayan Dani “Ştormil” (2017-18) və LKS (2018-20) klublarının formasını geyinib.

15
Sklifosovski adına Elmi-Tədqiqat Təcili Yardım İnstitutunun baş elmi işçisi İlqar Əliyev

Rusiyalı həkim azərbaycanlı həmkarlarının səhvləri haqda: "İnsanın imkanları xaricindədir"

4
(Yenilənib 19:16 03.08.2020)
Sumqayıt xəstəxanasında işləyən rusiyalı həkim koronavirusdan nə ilə xilas olmaq və ağciyərləri süni havalandırma aparatından sonra xəstələrin sağ qalmasından danışıb

BAKI, 3 avqust — Sputnik, Aleksandra Zuyeva. Bu pandemiyanı gözləyirdik, çünki müəyyən qanunayğunluq var – onlar təxminən hər 80 ildən bir təkrarlanır.

Həkimlər, arxiv şəkli
© Photo : Ministry of Defence of the Russian Federation

Bunu Sputnik Azərbaycan-a Sklifosovski adına Elmi-Tədqiqat Təcili Yardım İnstitutunun baş elmi işçisi İlqar Əliyev deyib.

Əliyev Azərbaycana Heydər Əliyev Fondunun dəvəti ilə COVID-19 pandemiyası ilə mübarizədə yerli mütəxəssislərə kömək üçün gələn 22 rusiyalı həkim qrupunun tərkibində təşrif buyurub. Hazırda Sumqayıt şəhər 1 saylı xəstəxanada işləyir.

Yeri gəlmişkən, Sumqayıt təsadüfi seçilməyib. Əliyevin sözlərinə görə, rusiyalı həkimləri oraya ən böyük problemləri həll etməyə göndərdilər. Həmin problemləri hətta onlardan öncə Sumqayıta gələn türkiyəli həkimlər də çözə bilməmişdilər.

Bu xəstəxanada qarşılaşdıqları əsas problem isə reanimasiya olub.

“Terapevtik bölmələr mövcud durumun öhdəsindən gəlirdi, amma reanimasiyada vəziyyət kifayət qədər çətin idi. Və hələ də o cürdür”, - həkim qeyd edib.

Bunun səbəbini Sputnik Azərbaycan-ın həmsöhbəti insan faktorunda görür: tibbi heyət çatışmır, olanın da kifayət qədər təhsili yoxdur. Bunu isə, Əliyevin sözlərinə görə, onunla izah etmək olar ki, orta tibbi personal heç vaxt reanimasiyada işləmədiyindən bu işin xüsusiyyətini bilmir. Üstəlik, Sumqayıt xəstəxanasında əsasən anestezioloqlar işləyirlər.

“Bilirsiniz, əgər xəstələri uzunmüddətli ağciyərlərin süni havalandırma (ASH) aparatına  qoşsalar, sonradan da havalandırmanı düzgün aparmasalar, düzgün müalicə etməsələr, onlar sağ qalmayacaqlar”, - həkim deyib.

Belə də alınır: yerli həkimlər təcili kömək göstərir, xəstəni intibasiya edir, onu ASH cihazına qoşurlar, amma xəstənin özünün aparatsız nəfəs ala biləcəyi səviyyəyə çatdıra bilmirlər. Çünki, Əliyevin sözlərinə, bu, artıq başqa qəbildən olan bilikləri tələb edir. 

Məsələn, onun sözlərinə görə, əlamət və analizlərlə adamın xəstəliyinin dərəcəsini təyin etmək, sonra isə xəstəliyin mənfi dinamikasını hesablamaq olar. 

“Bizimlə bir qrupda gələn terapevtlər dərhal məhz bununla məşğul oldular: onlar xəstələri müayinə edir, risk qrupuna aid olanları təyin edərək reanimasiyaya vəziyyətləri kəskinləşməyə macal tapmamış köçürürdülər”, - İ.Əliyev deyib. 

Həkim, eyni zamanda, koronavirusa yoluxub ASH cihazına qoşulan xəstələrin 80%-nin sağ qalmadığı haqda mifi də rədd edib: “İki ay yarımdan çox kovid mərkəzində işlədim. Reanimasiyadan xəstələrin 90%-i keçdi. Onlardan yarısı ASH cihazına qoşulu idi. Ölənlər isə cəmi 30% təşkil elədi”. 

İ.Əliyev rusiyalı həkimlərin Sumqayıt xəstəxanasında qarşılaşdıqları daha bir ciddi problemə toxunub: sən demə, tibbi heyət iki həftə müddətində “qırmızı zona”da sutkada 8 saat işləyirmiş.

“Bu, reanimasiya üçün həddən artıq çoxdur. Düzgün anlamanız üçün – “qırmızı zona”da 4 saat işləməyin özü çoxdur. Səkkiz saat – insanın imkanları xaricindədir”, - həkim deyib.

Ancaq iş qrafikini başqa cür qurmaq alınmayıb, çünki həkim çatmırmış. Müvafiq olaraq, Əliyevin sözlərinə görə, reanimasiyada müalicənin nəticələri elə də ürəkaçan olmayıb.

Rusiyalı həkimlərin gəlişi ilə xəstəxanada çox şey dəyişib: bu müddət ərzində sahman yaratmaq, nəyin harada yerləşəcəyini, kimin nə edəcəyini izah etmək, eləcə də tibbi heyətə bu işləri yerinə yetirməyi öyrətmək mümkün olub.

COVID-19-la mübarizə qripə yoluxmanı da azaldıb - TƏBİB>>

Sumqayıt xəstəxanasında avadanlıqla bağlı da problem olub. Bu məsələnin həlli üçün rusiyalı mütəxəssislər TƏBİB-lə əlaqə saxlayıblar.

“Onların vasitəsilə lazımi avadanlığı sifariş verir və qısa zaman ərzində əldə edirdik”, - Sputnik Azərbaycan-ın həmsöhbəti deyib.

Ümumilikdə COVID-19-la mübarizə barədə danışarkən İlqar Əliyev bildirib ki, pandemiyanı dayandıra biləcək yeganə vasitə peyvənddir. Bununla yanaşı, həkim əmindir ki, yeni virus bizimlə daimi qalacaq və öz-özünə yox olmayacaq.

Dərmanlara gəlincə, onun sözlərinə görə, virus əleyhinə preparatlardan heç biri COVID-19-u müalicə etmək üçün yetərli deyil.

“Hər birimizin immun sistemimiz fərqlidir və virusa reaksiyamız da buna müvafiqdir. Kiminsə immun sistemi özü virusu dəf edir və onlar üçün hər şey tez və əla bitir. Bəzilərində isə ciddi problemlər yaranır”, - həkim deyib və əlavə edib ki, sonunculara daha çox şəkərli diabeti, artıq çəkisi olanlar aiddir ki, onların orqanizmi yoluxma ilə bacara bilmir. 

Bütün bunları nəzərə alaraq, İlqar Əliyev qeyd edir ki, hər bir şəxs öz sağlamlığına diqqətlə yanaşmalıdır: əlləri tez-tez yumaq, burnu təmizləmək, boğazı yaxalamaq gərəkdir. “Özündə koronavirusun hansısa əlamətini sezdikdə isə bunun soyuqdəymə olduğunu düşünərək  özünümüalicə ilə məşğul olmaq yaramaz, dərhal həkimə müraciət etmək lazımdır”, - mütəxəssis məsləhət görüb.

Əliyev həmçinin xatırladıb ki, COVID-19 insanların dünyagörüşünü dəyişə bilsə də, dünya iqtisadiyyatına ciddi təsir etsə də, bəşəriyyətin başına oyun açan ilk pandemiya deyil.

“Biz bu pandemiyanı gözləyirdik, çünki müvafiq qanunauyğunluq var. Təxminən hər 80 ildən bir pandemiyalar təkrarlanır. 1918-ci ildə “ispan qripi” vardı, bu əsrdə də COVID-19 gözlənilən idi”, - deyən həkim insanları sakit olmağa çağırıb.

4
Mövzu:
Azərbaycanda koronavirus: son xəbərlər
Əlaqədar
Azərbaycanda daha 647 nəfər COVID-19-dan sağalıb
Dünyanın koronavirus büdcəsi tükənir: xəstəliyə necə qalib gələcəyik?
COVID-19-dan sağalanlara iki vitamin məsləhət gördülər
Əvvəl risk qrupundakılar, sonra isə hamı - kütləvi peyvəndin başlama tarixi uzaqda deyil
COVID-19-dan sağalanların nəzərinə: immun sisteminiz etibarlı deyil