Rafael Ağayev

Rafael Ağayevin yeni hədəfi bəlli oldu

198
(Yenilənib 15:51 03.04.2019)
Yaşar Bəşirov: "Düşünürəm, o, Tokio Olimpiadasında da medal qazanacaq"

BAKI, 3 aprel - Sputnik. Karate üzrə milli komandamız 28-31 mart tarixində Avropa çempionatında iştirak edib. Millimiz vətənə bir qızıl, bir gümüş və iki bürünc medalla qayıdıb. Bu gün Gənclər və İdman Nazirliyində medal qazanmış idmançıların mətbuat konfransı baş tutub.

Sputnik Azərbaycan xəbər verir ki, mətbuat konfransını İdman Nazirliyinin idman şöbəsinin müdiri Fərid Mansurov açıb. O, medal qazanmış idmançılarımızı təbrik etdikdən sonra karatenin inkişafı barədə danışıb: “Karate 2020 Tokio Olimpiadasının gündəliyinə daxil edilib. Şübhəsiz ki, karatenin inkişafı göz önündədir, bu idman növündə rəqabət çoxalıb”.

“Azərbaycan Karate Federasiyası da düzgün istiqamət götürüb. Bu gün uşaq və yeniyetmələrin karateyə böyük marağı var. Karateçilərimizin qarşılarına qoyduqları məqsəd Olimpiya oyunlarına vəsiqə qazanıb, medal əldə etməkdir. Hər bir idmançıya gələcək yarışlarda uğurlar arzu edirəm" – deyə o bildirib.

Sonra Karate Federasiyasının prezidenti Yaşar Bəşirov çıxış edərək bildirib ki, artıq lisenziya yarışları başlayıb: “Çalışırıq ki, hər yarışda daha çox medal qazanaq. Hər uğur bizi olimpiadaya daha da yaxın edir. Rafael Ağayevi bütün dünya tanıyır. Düşünürəm, o, Tokio Olimpiadasında da medal qazanacaq. İrina Zaretska da uğur qazanan idmançılardandır. Avropada məğlub olsa da, digər yarışlarda uğur qazanacağına inanıram”.

“Gələn il Azərbaycanda keçiriləcək 50-ci Avropa çempionatı isə sonuncu lisenziya xarakterli yarış olacaq. Orada da rəqabət güclü olacaq. Bütün dünyanın gözü bizə dikiləcək. Çünki bizim karateçilər bu gün dünyada lideridirlər, xüsusilə Rafael Ağayev. Bütün yığmanın üzvlərinə inanıram. Ümidlərimiz böyükdür. 4 idmançının lisenziya qazanacağına inanırıq”.

Mətbuat konfransında idmançılarımız da çıxış ediblər. Asiman Qurbanlı bundan əvvəl reytinqdə irəliləyə bilməməsinə səbəb kimi əməliyyat olunmasını göstərib: “Əməliyyatdan sonra özümü toparlayammadım deyə reytinqdə irəliləyə bilmirdim. Nəhayət özümü toparladım, Avropada uğur qazandım. Olimpiya oyunlarında uğur qazanacağıma ümidim çoxdur”.

Rafael Ağayev isə ikinci Avropa oyunlarında da uğur qazanmaq istədiyini bildirib.

198
Jandarma polis

Fransada yüzlərlə azarkeş polisi çaş-baş qoydu

9
(Yenilənib 18:25 27.05.2020)
Hadisə yerinə polislər gəlsələr də, insan kütləsini qovmaq onlara müəssər olmayıb. Qanunu pozan şəxslər isə saxlanılmayıblar

BAKI, 27 may — Sputnik. Fransanın həvəskarlardan ibarət "Noyhof" və "Otperr" futbol komandalarının oyunu zamanı gözlənilməz hadisə baş verib. Sputnik Azərbaycan xəbər verir ki, sosial şəbəkədə qarşılaşma haqda elan verilib. On nəfərdən artıq insanın bir yerə toplaşma qadağası olmasına baxmayaraq 400 azarkeş oyunu seyr etmək üçün "PakoMateo" stadionuna gəlib. Ən maraqlısı isə qapıya qol vurulan zaman baş verib. Belə ki, top qapıdan keçən kimi azarkeşlər meydançaya daxil olaraq qol sevincini futbolçularla birlikdə qeyd ediblər. Hadisə yerinə polislər gəlsələr də, insan kütləsini qovmaq onlara müəssər olmayıb. Qanunu pozan şəxslər isə saxlanılmayıblar.

Qeyd edək ki, hazırda Fransada 145 mindən artıq koronavirusa yoluxma faktı aşkarlanıb. Ölü sayı isə 28 mini ötüb. 11 may tarixindən hökumət yumşalma ilə bağlı qərar versə də, kafe, restoran və kinoteatrlar hələ də bağlı saxlanılır.

9
Spartak FK-nın oyunçusu Ayaz Quliyev, arxiv şəkli

Azərbaycan əsilli futbolçuya cəza: öncə ikinci komanda, sonra isə icarə

11
(Yenilənib 02:24 26.05.2020)
"Spartak" klubunun Azərbaycan əsilli futbolçusu baş məşqçini əvəz edən Vladimir Çipzanoviçin hər göstərişinə bir mız qoyub. Rəhbərlik isə buna göz yuma bilməyib

BAKI, 26 may – Sputnik. Yarımmüdafiəçi Ayaz Quliyev Moskvanın “Spartak” klubunun ikinci komandasına keçirilib.

Sputnik Azərbaycan bildirir ki, bu barədə paytaxt klubu məlumat yayıb.

Bildirilir ki, Azərbaycan əsilli futbolçunun fiziki hazırlıq üzrə məşqçi Vladimir Çipzanoviçlə sözü düz gəlməyib. Sonuncu hazırda iki həftəlik karantində saxlanan baş məşqçi Domeniko Tedeskonun əvəzinə komandaya rəhbərlik edir. Ayaz Quliyevin Çipzanoviçin bütün göstərişlərinə şübhə ilə yanaşaraq intizamı pozduğu deyilir.

Bu səbəbdən komanda rəhbərliyi oyunçunu mövsümün sonunadək “Spartak-2”yə göndərməyi, sonra isə hansısa kluba icarəyə verməyi düşünür.

23 yaşlı Ayaz Quliyevin əvəzinə isə əsas komandada yarımmüdafiəçi Konstantin Şiltsov oynayacaq.

Qeyd edək ki, Quliyev ötən il piyadanı döyməsi ilə yadda qalmışdı. Onu bu hərəkətinə görə 4 ay müddətinə sürücülük vəsiqəsindən məhrum etmişdilər. 

11
Əlaqədar
Holland ulduz yenidən "Qalatasaray"da
Azərbaycan millisinin yarımmüdafiəçisi Bundesliqanın tövsiyəsini pozdu
Futbol klubundan cəsarətli addım: azarkeşləri görün nə ilə əvəz etdi
UEFA Azərbaycan futbolunu üzərinə götürüb – Klublarımıza növbəti yardım
Üçüncü türk: Onu "Barselona" ilə bağlayırlar
La Casa de Papel serialından kadr

"Netflix" uğursuz kopyalanmış türk serialı...

9
Əgər mövzu və ideologiya etibarı ilə "La Casa de Papel" serialını hər hansı bir Türkiyə serialı parodiya belə etsəydi, bunun özü bir inqilab sayılacaqdı.

"Netflix" artıq dünyanın ən böyük kino platformasına çevrilməkdədir. Əlbəttə, bu platformada Azərbaycan istehsalı olan hər hansı film və ya serial yer almamaqdadır. Yaxın gələcəkdə bunun baş verəcəyinə dair hər hansı bir ümid işığı da olmadığından mən Türkiyə kino sektorunun "Netflix"dəki yerindən bəhs edəcəyəm.

"Netflix"də Türkiyə istehsalı olan (yanılmıramsa) iki serial yayımlanır. Bunların heç birini izləmədiyim üçün barələrində hər hansı bir fikir yürüdə bilməyəcəyəm. Lakin "Netflix"də yayımlanan bir sıra Amerika, İspaniya seriallarının izləyəcisiyəm və bu platformanın möhtəşəmliyinə dərin heyranlıq və pərəstiş duyuram. Üstəlik, film və serial sahəsinin gələcək inkişaf mərhələsinin məhz "Netflix"dən başladığını əminliklə iddia edə bilərəm.

"Netflix"də yayımlanan "La Casa de Papel" adlı ispan serialını bəlkə də çoxunuz izləmisiniz. İzləməyənlərə izləmələrini tövsiyə edirəm. Bu serial təkcə rejissor işi, aktyor oyunu, montaj və səs keyfiyyətləri ilə, məzmunu – dramaturgiyası ilə deyil, həm də özünün ehtiva etdiyi etiraz forması, tənqid üsulu ilə demokratiyanın, mənəvi və maddi azadlığın ən mükəmməl göstəricisidir.

Təbii ki, bu cür demokratik yaradıcılığa, mədəni cəsarətə elə ancaq hər hansı Avropa ölkəsi, Avropa xalqı sahib ola bilərdi. Yaxın Şərqdən, Qafqazdan, lap inkişaf etmiş uzaq Şərqdən də, Şimaldan və Cənubdan da belə keyfiyyətli tənqidi və etirazı gözləmək indiki halda hərdəmxəyallıq, hətta, dəlilik olardı.

Zeynəb Xanlarova, arxiv şəkli
© Official website of President of Azerbaijan Republic

"La Casa de Papel" mövzusu etibarı ilə siyasi səhnədə oynanılan böyük pul oyunlarına, insanların puldan asılı salınmış yazıq vəziyyətinə, məşiətimizlə bərabər xarakterimizin də pulla eyni mahiyyətə uyğunlaşdırılmasına etiraz edir. Əvvəlcədən təşkilatlanmış bir qrup kağız pulların istehsal olunduğu binanı işğal edir və burada istədikləri məbləğdə pul istehsal edib qaçmağı, o pulu öz aralarında bölüşdürüb öz böyük arzularını həyata keçirməyi planlaşdırırlar. Bunun üçün qurbanlar verirlər, yeri gəlsə, kiməsə hər hansı limitlərlə əzab da verirlər, amma qətiyyən can almamağa çalışır, vicdani və əxlaqi normaları qorumağa çalışır, xalqın gözündə qəhrəman olmaq, siyasətçiləri isə böyük bir iflasla baş-başa buraxmaq istəyirlər.

Serialın dördüncü sezonunun yayımına az qalmış Türkiyədə yayımlanmağa başlayan bir serialın anonsları çıxdı qarşıma. Bir müəllim dərs dediyi məktəbin binasının bir qismini partladır, öz şagirdlərini əsir götürür və özünün ailə-məişət problemlərinin intiqamını polisdən, müəllimdən, şagirddən almağa çalışır. "Öğretmen" adlı bu serialın anonslarından məlum olur ki, görüntüdə "La Casa de Papel"i parodiya etməyə çalışıblar. Lakin yaşadıqları mühitin maddi-mənəvi azadlıqları yalnız ailə-məişət intiqamlarına və kiçik əhəmiyyətli şəxslərə etiraz etməyə icazə verdiyi üçün mövzu və ideologiya baxımından "La Casa de Papel"ə yaxınlaşmağı da bacarmırlar.

Əslində, əgər mövzu və ideologiya etibarı ilə "La Casa de Papel" serialını hər hansı bir Türkiyə serialı parodiya belə etsəydi (ya da edə bilsəydi), bunun özü bir inqilab sayılacaqdı. Onlar isə təkcə müəllim obrazının xarici görünüşünü, kiçik məzmun detallarını, montaj və səs effektlərini məşhur ispan serialından kopyalamağa çalışıblar. Buna rəğmən, serial qısa müddətdə xeyli baxış toplayıb və sevilərək izlənilir.

Ah, yazıq Şərq! Hər zaman kiçik məsələlərlə baş qarışdırıb, kiçik ümidlərlə yetinməyə çalışıb. Amma onlar üçün hər zaman Avropa qəddar, zalım, ədalətsiz, əxlaqsız bir coğrafiya hesab edilib. Qəribədir, elə deyilmi? Mən də bu barədə uzun düşüncələrə dalıb bir antidepressant içirəm, vəssalam. Nə edim? Elə bununla kifayətlənə bilirəm. Bağışlayın!

9