Rafael Ağayev

Karatenin “brilyantı”: "Desəm ki, yeriyə bilmirəm, yalan olar"

119
(Yenilənib 16:49 04.03.2019)
Məşhur karateçimiz Sputnik Azərbaycan-a gələcək planlarından danışdı

Təranə Xudabaxşiyeva, Sputnik Azərbaycan

BAKI, 4 mart — Sputnik. Bu gün Azərbaycanın məşhur karateçisi, dəfələrlə dünya və Avropa çempionu, “Karatenin brilyantı” adlandırılan Rafael Ağayevin doğum günüdür. 34 yaşı tamam olan idmançı Sputnik Azərbaycan-a açıqlama verərək deyib ki, mart ayının sonlarında keçiriləcək Avropa Çempionatında iştirak edəcək.

O bildirib ki, keçən ildən yarışlara xüsusi hazırlaşır: “Çünki qarşıda olimpiya oyunları gəlir. Hal-hazırda komandamız Avstriyadadır. Mən o yarışa getmədim. Avropa çempionatına hazırlaşıram. Martın 8-dən milli komandanın Avropa çempionatına hazırlığı başlayır. Martın 25-nə kimi təlim məşq toplantısı olacaq. Hətta Özbəkistan və Qazaxıstan komandaları da bizimlə birlikdə təlim məşq toplantısına qatılacaq. Bu il bütün yarışlar əsasdır. Hər yarışdan qazandığımız medal bizə olimpiadada iştirak etmək üçün əlavə xal verəcək. Ona görə hər yarışa məsuliyyətlə yanaşırıq. Əlimizdən gələni edirik”.

“O ki qaldı zədəyə, desəm ki, indi yeriyə bilmirəm, yalan olar. Amma desəm ki, zədəm yoxdur, o da yalan olar. Sağ ayağımdan iki dəfə əməliyyat olunmuşam. İndi də həmin zədə məni incidir. Sadəcə olaraq məşqlər çox olanda şişir və zədəyə buz qoymalı oluram. Əlimdə də zədə var, amma o qədər bilinmir. Əsas ayağımdakı zədədir. Allah güc versin, yarışlarda qələbə qazanım” – deyə Ağayev əlavə edib.

119
Həbib Nurməhəmmədovun atası Əbdülmanap Nurməhəmmədov, arxiv şəkli

Həbib Nurməhəmmədova ağır itki üz verdi

111
(Yenilənib 16:00 03.07.2020)
"Çeçen xalqının adından Abdulmanap Maqomedoviçin ailəsinə öz səmimi başsağlığımı çatdırıram!" - Ramzan Kadırov

BAKI, 3 iyul — Sputnik. Qarışıq döyüş növləri (UFC) üzrə çempion Həbib Nurməhəmmədovun atası Abdulmanap Nurməhəmmədov vəfat edib. Onun koronavirusdan dünyasını dəyişdiyi deyilir. Sputnik Azərbaycan "RİA Novosti"yə istinadən xəbər verir ki, bu barədə Çeçenistanın rəhbəri Ramzan Kadırov öz "Telegram" səhifəsində yazıb.

"Abdulmanap Nurməhəmmədovun ölümü ilə bağlı kədərli xəbərlər mənə də çatdı. Çeçen xalqının adından Abdulmanap Maqomedoviçin ailəsinə öz səmimi başsağlığımı çatdırıram! O, özündən sonra yaxşı ad qoydu və layiqli bir nəsil yetişdirərək bizi tərk etdi. Allahın iradəsi, yazısı belədir!"

111
Əlaqədar
Nurməhəmmədovdan acı etiraf: “Ölən çoxdur, atamın da vəziyyəti ağırdır” – VİDEO   
Eksklüziv video: Həbibin atası Azərbaycan MMA Federasiyasının rəhbəri ilə döyüşür
Həbibdən Konora: “Sən möhtəşəm döyüşçüsən”
Həbibin qələbə fotosunun müəllifi koronavirusdan öldü - FOTO
Sənan Şəfizadə

İdman şərhçisi: “Əcnəbi məşqçi millimizə fövqəl uğur qazandırmayacaq”

4
(Yenilənib 15:01 03.07.2020)
İdman şərhçisi Sənan Şəfizadə deyir ki, futbolumuzda tarix yazacaq, önəmli oyunlarda özünü göstərə biləcək futbolçu yoxdur
Sənan Şəfizadə: “Oyunlar təxirə salınacaqsa, əcnəbi məşqçiyə ehtiyac yoxdur”

“Roy Kinin gəlişi ilə bütün problemlərin həll olacağına əmin ola bilmərik”. Bunu Sputnik Azərbaycan-a idman şərhçisi Sənan Şəfizadə deyib.

O bildirib ki, Millətlər Liqasında uğurlu çıxışa ümidləndiyimiz üçün məşqçi axtarışı sürətlənib: “Əgər Millətlər Liqasının oyunları bu il üçün təxirə salınacaqsa, əcnəbi məşqçiyə ehtiyac yoxdur. Əcnəbi məşqçi gələrsə, Azərbaycan futbolçularını tanımaq üçün ona ən azı bir il vaxt lazım olacaq. Hazırkı pandemiya şəraitində isə məşqçilərin oyunçu seçimi etmək üçün belə bir imkanı yoxdur. Hazırkı məqamda hər-hansı əcnəbi məşqçi Azərbaycan millisinə fövqəl bir uğur qazandırmayacaq. Futbolumuzda tarix yazacaq, önəmli oyunlarda özünü göstərə biləcək futbolçu yoxdur. Futbolçu yetişdirmək lazımdır”.

Qeyd edək ki, İngiltərənin “The Sun” nəşri “Mançester Yunayted” klubunun əfsanəvi futbolçularından sayılan Roy Kinin Azərbaycan millisinin baş məşqçi postuna namizədlərdən biri olduğunu yazıb.

Sənan Şəfizadənin geniş şərhinə audiofaylda qulaq asa bilərsiniz

4
 İranda epdimioloji vəziyyət

İranda bir gündə 150-dən çox şəxs koronavirusdan öldü

0
(Yenilənib 00:14 04.07.2020)
Son 24 saat ərzində koronavirusa 2566 yoluxma halı qeydə alınıb ki, bununla da ölkədə virusa yoluxanların sayı 235429-a çatıb

BAKI, 4 iyul — Sputnik. İranda koronavirusa yoluxanların sayı bir gün ərzində 2566 nəfər artıb. Sputnik Azərbaycan xəbər verir ki, bunu İranın Səhiyyə Nazirliyinin rəsmi nümayəndəsi Sima Sədat Lari bildirib.

Hospitalda koronavirus xəstəsinin yoxlanılması
© Sputnik / Vladimir Astapkovich

"Son 24 saat ərzində koronavirusa 2566 yoluxma halı qeydə alınıb ki, bununla da ölkədə virusa yoluxanların sayı 235429-a çatıb. Bir gün ərzində 154 nəfər virusdan ölüb, bununla da ölkədə koronavirusdan ölənlərin sayı 11260-a çatıb", - deyə məlumatda bildirilib.

O həmçinin qeyd edib ki, virusa yoluxan 235429 şəxsdən 196,5 mindən çoxu sağalıb.

Xatırladaq ki, SARS-CoV-2 koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 10,8 milyonu keçib, 521 mindən çox adam isə virus səbəbilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

0
Mövzu:
Dünyanı cənginə almış bəla