Karate yarışları, arxiv şəkli

İdmançılarımızdan növbəti uğurlu nəticə

26
(Yenilənib 11:25 14.01.2019)
23 ölkədən 1621 karateçinin iştirakı ilə ənənəvi yarışda idmançılarımız 10 medal qazanıb

BAKI, 14 yanvar — Sputnik. Karate üzrə yeniyetmə və gənclərdən ibarət seçmə komandalarımız 28-ci Xorvatiyada Qran Pri turnirindən yüksək nəticə ilə dönüb. Samobor şəhərində 23 ölkədən 1621 karateçinin iştirakı ilə ənənəvi yarışda idmançılarımız 10 medal qazanıb.

Sputnik Azərbaycan Azərbaycan Karate Federasiyasının mətbuat xidmətinə istinadən xəbər verir ki, Roman Heydərov (kata) 18-20 yaşlı gənclər və böyüklər arasında yarışların qalibi qalibi olub. Kata turnirində digər təmsilçimiz Ceyhun İsgəndərov isə 16-17 yaşlı gənclər arasında birinci pilləyə qalxıb.

Kumite yarışlarında Hüseyn Məmmədli (14-15 yaşlı yeniyetmələr, -57 kq) qızıl medal, Murad Hacızadə (18-20 yaşlı gənclər, +84 kq) gümüş, Fidan Dadaşova (14-15 yaşlı yeniyetmələr, -47 kq), 16-18 yaşlı gənclərdən Mədinə Sadıxova (-48 kq) və Tural Yaqubov (-68 kq), 18-20 yaşlı gənclərdən isə Müseyib Məmmədov(-60 kq) və Emil Güləhmədov (-84 kq) bürünc mükafat qazanıb.

Qeyd edək ki, Karateçilərimizi 8-10 fevral tarixlərində Danimarkanın Aalborq şəhərində Avropa çempionata gözləyir.

Bu məsul yarışa hazırılığın bir hissəsi kimi Xorvatiya Qran Prisinə qatılan aşağı yaşlı seçmə komandalar iki gün sonra təlim-məşqləri davam etdirəcək.

26
Teqlər:
Karate Federasiyası, qələbə, idmançı, karateçi, karate
Əlaqədar
Milli Karate Federasiyası söz-söhbətə son qoydu
Ağdaşda karate müəllimi 500 manata görə öldürülüb
Karate millimiz yeni qızıllar üçün yollandı
Karate milli yığması əsas məqsədini açıqladı
Püşakatma, arxiv şəkli

Püşk atıldı, Azərbaycan klublarının rəqibləri bilindi

5
"Sumqayıt" klubu tarixində ikinci dəfə Avropa turnirində öz gücünü sınayacaq. "Qarabağ", "Neftçi", "Keşlə" də bu gün mötəbər tunirlərdəki rəqiblərini tanıyıblar.

 

BAKI, 16 iyun — Sputnik. Bu gün UEFA Çempionlar və Konfrans Liqalarının təsnifat mərhələlərinin püşkləri atılıb. Sputnik Azərbaycan xəbər verir ki, öncə Çempionlar Liqasında I təsnifat mərhələsinin püşkü atılıb.

Püşkatmanın nəticəsinə əsasən, futbol üzrə son Azərbaycan çempionu "Neftçi" "Dinamo" (Tbilisi, Gürcüstan) ilə qarşılaşacaq. Komandalar arasında ilk oyun iyulun 6-7-də, cavab görüşü 13-14-də keçiriləcək. "Neftçi" ilk oyunu səfərdə keçirəcək.

Daha sonra isə UEFA Konfrans Liqasının II təsnifat mərhələsinin püşkü atılıb.

"Qarabağ", "Sumqayıt" və "Keşlə" klublarının rəqibləri məlum olub. Ağdam təmsilçisi bu mərhələdə İsrailin "Aşdod" klubu ilə üz-üzə gələcək. Qurban Qurbanovun yetirmələri ilk oyunu evdə keçirəcəklər.

"Sumqayıt" Serbiyanın "Çukariçki", "Keşlə" isə Rusiyanın "Soçi" klubu ilə üz-üzə gələcək.

"Sumqayıt" və "Keşlə" klubları ilk oyunlarını səfərdə keçirəcəklər.

5
Teqlər:
püşkatma, UEFA Çempionlar Liqası, "Neftçi", "Keşlə", Qarabağ FK, "Sumqayıt" klubu, futbol
UEFA prezidenti Aleksander Çeferin, arxiv şəkli

UEFA prezidenti Aleksander Çeferin Bakıdadır

77
(Yenilənib 17:17 16.06.2021)
Çeferin bu gün Bakıda futbol üzrə Türkiyə və Uels yığma komandaları arasında AVRO-2020 çərçivəsində keçiriləcək oyuna tamaşa edəcək.

UEFA prezidenti Aleksandr Çeferin Bakıya təşrif buyurub. AFFA-dan RİA Novosti-yə verilən məlumata görə, Çeferin bu gün Bakıda futbol üzrə Türkiyə və Uels yığma komandaları arasında AVRO-2020 çərçivəsində keçiriləcək oyuna tamaşa edəcək.

Oyun Bakı Olimpiya Stadionunda yerli vaxtla saat 20.00-da başlayacaq.

Bu qarşılaşma Azərbaycan paytaxtında hazırkı Avropa birinciliyi çərçivəsində keçiriləcək ikinci oyun olacaq.

Dörd gün əvvəl Uels və İsveçrə yığmaları arasında Bakıda keçirilən görüş 1:1 hesabı ilə başa çatıb.

Bakıdakı diplomatik mənbənin RİA Novosti-yə verdiyi məlumata görə, oyunda Azərbaycan Prezidenti İlham Əliyev və Türkiyə Prezidenti Rəcəb Tayip Ərdoğanın iştirakı gözlənilir.

77
AZAL təyyarəsi

Daha yeddi ölkənin vətəndaşlarının Azərbaycana səfərinə icazə verilib - Yeni qərar

0
Nazirlər Kabinetinin bu gün imzaladığı qərara əsasən, iyunun 21-dən daha yeddi ölkənin vətəndaşlarının Azərbaycan Respublikasına səfər etməsinə icazə verilir.

 

BAKI, 16 iyun — Sputnik. İyunun 21-dən daha bir sıra ölkələrin vətəndaşlarının Azərbaycan Respublikasının ərazisinə səfər etməsinə icazə veriləcək.

Sputnik Azərbaycan-ın xəbərinə görə, bu barədə Nazirlər Kabineti yanında Operativ Qərargahın məlumatında bildirilib.

"Ölkəmizdə həyata keçirilən sistemli tədbirlər, həmçinin uğurlu vaksinasiya proqramı nəticəsində Azərbaycanda epidemioloji vəziyyət yaxşılaşmaqda davam edir.

Bununla əlaqədar, Azərbaycan Respublikası Nazirlər Kabineti yanında Operativ Qərargahın qərarına uyğun olaraq, 10 iyun tarixindən epidemioloji vəziyyəti sabit olan bir sıra ölkələrin vətəndaşları üçün hava yolu ilə Azərbaycan Respublikasının ərazisinə səfərlərdə yumşalmalar tətbiq edilib.

Vaksinasiyanın əhatəlilik dairəsinin daha geniş olduğu ölkələrdə epidemioloji vəziyyətin davamlı surətdə yaxşılaşdığını nəzərə alaraq, iyunun 21-dən aşağıda qeyd olunan ölkələrin vətəndaşlarının Azərbaycan Respublikasının ərazisinə səfər etməsinə icazə verilir:

- ABŞ

- Bəhreyn

- Birləşmiş Ərəb Əmirlikləri

- Böyük Britaniya

- İsrail

- Macarıstan

- Qətər

Azərbaycana gəlmək üçün tələblər

Qeyd olunan ölkələrin vətəndaşlarının Azərbaycan Respublikasına səfər etməsi üçün aşağıdakı tələblər gözlənilməlidir:

- yaşı 18-dən yuxarı olan sərnişinlərin tam vaksinasiya olunması və ya COVID-19 xəstəliyindən sağalması barədə müvafiq ölkənin verdiyi rəsmi sənədin (COVID Pasport) və uçuşdan əvvəl 72 saat ərzində verilmiş COVID-19-a dair PCR testinin neqativ nəticəsini təsdiq edən rəsmi sənədin təqdim olunması;

- 1 yaşdan 18 yaşadək olan sərnişinlərin uçuşdan əvvəl 72 saat ərzində verilmiş COVID-19-a dair PCR testinin neqativ nəticəsini təsdiq edən rəsmi sənədin təqdim olunması.

Yaşı 1 yaşdan aşağı olan uşaqlar üçün COVID pasport və PCR test nəticələrinə dair sənədlər tələb olunmur.

Azərbaycan Respublikasına birbaşa uçuşlar icra edən bütün aviadaşıyıcılar yalnız müvafiq tələblərə cavab verən sərnişinləri qeydiyyata almalıdırlar.

Azərbaycan ərazisinə daxil olarkən sərhəd nəzarətindən keçdikləri zaman müəyyən edilmiş tələblərə cavab verməyən sərnişinlər ölkə ərazisinə buraxılmır və aviadaşıyıcının hesabına həmin reyslə geri qaytarılır", - deyə məlumatda qeyd olunub.

İlk qaranquşlar

Qeyd edək ki, Nazirlər Kabinetinin 5 iyunda imzaladığı qərarından sonra 10 iyun tarixindən etibarən epidemioloji vəziyyətdə müsbət dinamikanın müşahidə edildiyini nəzərə alaraq Rusiya Federasiyası və Türkiyə Respublikasının vətəndaşları hava yolu ilə Azərbaycan ərazisinə səfərinə icazə verilib. Həmin qərara əsasən yaşı 18-dən yuxarı olan sərnişinlərin tam vaksinasiya olunması və ya COVID-19 xəstəliyindən sağalması barədə müvafiq ölkənin verdiyi rəsmi sənədin (COVID pasport) və uçuşdan əvvəl 72 saat ərzində COVID-19-a dair PCR testin neqativ nəticəsini təsdiq edən rəsmi sənədin təqdim olunması şərti ilə ölkəmizə səfər edə bilərlər. Həmçinin 1 yaşdan 18 yaşadək olan sərnişinlərin uçuşdan əvvəl 72 saat ərzində COVID-19-a dair PCR testin neqativ nəticəsini təsdiq edən rəsmi sənədin təqdim olunmalıdır. Eyni zamanda, 10 iyundan başlayaraq Azərbaycana daxil olmaq üçün bütün 1 yaşdan yuxarı olan sərnişinlərin COVID-19-a dair PCR testin neqativ nəticəsini təsdiq edən rəsmi sənədin müddəti uçuşdan əvvəl 48 saatdan 72 saatadək artırılır. 1 yaşdan aşağı olan uşaqlar üçün COVID pasport və PCR test nəticələrinə dair sənədlər tələb olunmur. Azərbaycan Respublikasına birbaşa uçuşlar icra edən bütün aviadaşıyıcılar yalnız müvafiq tələblərə cavab verən sərnişinləri qeydiyyata almalıdırlar. Azərbaycan ərazisinə daxil olarkən sərhəd nəzarətindən keçdikləri zaman tələblərə cavab verməyən sərnişinlər ölkə ərazisinə buraxılmır və aviadaşıyıcının hesabına həmin təyyarə ilə geri qaytarılır.

Eləcə də oxuyun:

  • Azərbaycanda gəlmə turizmə "yaşıl işıq" - Siyahı artırıla bilər

  • İlham Əliyevin köməkçisi quru sərhədlərinin açılması məsələsinə aydınlıq gətirib

0
Teqlər:
Azərbaycan, icazə, vətəndaş, xarici, uçuş