2018-ci ilin idman yekunlarına həsr olunmuş mərasim

Növbəti ildə Azərbaycan idmançılarını ciddi sınaqlar gözləyir

61
(Yenilənib 16:37 26.12.2018)
Tədbirdə, həmçinin müxtəlif nominasiyalar üzrə ilin qalibləri təltif olunublar

BAKI, 26 dekabr - Sputnik. Bu gün Dövlət Bədən Tərbiyəsi və İdman Akademiyasında 2018-ci ilin idman yekunlarına həsr olunmuş mərasim keçirilib. Sputnik Azərbaycan xəbər verir ki, tədbir Azərbaycan Respublikasının Prezidenti İlham Əliyevin idman yekunları ilə bağlı çıxışı ilə başlayıb. 

Daha sonra gənclər və idman naziri Azad Rəhimov çıxış edərək idmançıları qarşıdan gələn bayramlar münasibəti ilə təbrik edib: “Hər il olduğu kimi, bu il də ənənəyə sadiq qalaraq 2018-ci ilin yekunlarını qeyd edirik. Bu il də kifayət qədər uğurlu olub. İdmançılarımız müxtəlif idman növlərində Dünya və Avropa çempionatlarında 263 qızıl medal olmaqla, 753 medal qazanıb. Bu da böyük uğurdur”.

Gənclər və idman naziri Azad Rəhimov
© Sputnik / Murad Orujov
Gənclər və idman naziri Azad Rəhimov

“İdmançılarımız, ümumilikdə, 236 yarışda, respublika əhəmiyyətli isə 225 yarışda iştirak ediblər. Ölkəmizdə 58 beynəlxalq səviyyəli idman tədbiri keçirilib. Həmçinin idman kompleksləri və idman bazaları inşa olunub. Yeni yaradılmış 44 idman olimpiya kompleksi buna bariz nümunədir” – deyə nazir əlavə edib.

A.Rəhimov, həmçinin qeyd edib ki, növbəti ildə Azərbaycan idmançılarını ciddi sınaqlar gözləyir. Çünki Tokio Olimpiya oyunlarına vəsiqə qazanmaq üçün şans olacaq.

Milli Olimpiya komitəsinin vitse-prezidenti Çingiz Hüseynzadə
© Sputnik / Murad Orujov
Milli Olimpiya komitəsinin vitse-prezidenti Çingiz Hüseynzadə

Tədbirdə Milli Olimpiya Komitəsinin vitse-prezidenti Çingiz Hüseynzadə də çıxış edib. Ç.Hüseynzadə Azərbaycanın bu il də müxtəlif beynəlxalq yarışlara yüksək səviyyədə ev sahibliyi etdiyini və idmançıların fərqli ölkələrdə təşkil edilən turnirlərdə fəxri kürsüyə yüksəldiklərini vurğulayıb: “Qazandığımız uğurlar Azərbaycanın, həqiqətən də idman ölkəsi olduğunu göstərir. İnanırıq ki, qarşıdan gələn ildə də, ən azı, idmanda qazandığımız uğurları təkrar edəcəyik”.

Tədbirdə, həmçinin müxtəlif nominasiyalar üzrə ilin qalibləri təltif olunublar.

Mükafatları A.Rəhimov və Ç.Hüseynzadə ilə yanaşı, Prezident Administrasiyası Gənclər siyasəti və idman məsələləri şöbəsinin müdiri Yusuf Məmmədəliyev, deputatlar, eləcə də idman ictimaiyyətinin tanınmış simaları təqdim ediblər.

61
Teqlər:
Milli Olimpiya Komitəsi, İlham Əliyev, Azad Rəhimov, Gənclər və İdman Nazirliyi
Əlaqədar
Azad Rəhimov: bu qədər medal gözləmirdik
Azad Rəhimov ədəbiyyata maraq yaradacaq yeni layihədən danışdı
Azad Rəhimov: “Azərbaycanda gənclər üçün hər şərait yaradılıb”
Prezidentdən mühüm təyinat: Əli Həsənov, Ceyhun, Bayramov, Azad Rəhimov...
Uruqvaylı futbolçu Franko Akosta (mavi formada), arxiv şəkli

Məşhur ispan futbolçu çayı keçərkən yoxa çıxıb

15
(Yenilənib 11:38 07.03.2021)
Dənizdə xilasetmə və axtarış üzrə koordinasiya mərkəzi həmin əraziyə hərbçiləri və dəniz piyadalarını çıxarıb. Ölkənin Hərbi Dəniz Qüvvələri futbolçunu axtardıqlarını açıqlayıb.

BAKI, 7 mart — Sputnik. İspaniyanın "Vilyarreal" klubunun sabiq futbolçusu vətəni Franko Akosta Uruqvayda çayı keçməyə cəhd edərkən itkin düşüb.

Sputnik Azərbaycan Report-a istinadla xəbər verir ki, Uruqvay dənizçiləri və polisləri 25 yaşlı hücumçunun axtarışına başlayıblar.

Hadisə martın 6-da gündüz saatlarında baş verib. Akosta Kanelones departamentində qardaşı ilə çayı keçmək istəyərkən, yoxa çıxıb. Polisi məhz onun qardaşı məlumatlandırıb.

Dənizdə xilasetmə və axtarış üzrə koordinasiya mərkəzi həmin əraziyə hərbçiləri və dəniz piyadalarını çıxarıb. Ölkənin Hərbi Dəniz Qüvvələri futbolçunu axtardıqlarını açıqlayıb.

Qeyd edək ki, Franko Akosta 2020-ci ilin yayından Uruqvayın "Atenas" komandasının formasını geyinir. Hazırda onun transfer məbləği 125 min avro qiymətləndirilir.

15
Formula-1 üzrə Azərbaycan Qran-prisi, arxiv şəkli

Ciddi məhdudiyyət: Bakıda "Formula-1"də azarkeşlər yerli TV olmayacaq

22
(Yenilənib 22:58 02.03.2021)
Azərbaycan Qran-prisinin təşkilatçıları bu il paytaxtımızda "kral yarışları"nın necə keçiriləcəyindən danışıblar.

BAKI, 2 mart — Sputnik, Teymur Tuşiyev. "Formula 1"in Azərbaycan Qran-prisinin reqlamentində bir sıra dəyişikliklər baş verib. Sputnik Azərbaycan xəbər verir ki, bu barədə Baku City Circuit (BCC) əməliyyat şirkətinin brifinqində məlumat verilib.

"Formula 1" Azərbaycan Qran-prisi bu ilin 4-6 iyun tarixlərində Bakı küçələrində təşkil olunacaq. Keçən il yarış koronavirus pandemiyası səbəbindən baş tutmamışdı. Epidemiya əleyhinə tədbirlərlə əlaqədar olaraq, yarışın Bakı mərhələsi tamaşaçısız keçiriləcək, buna görə stendlərin və əyləncə zonasının inşası nəzərdə tutulmur və konsertlər də təxirə salınır. Bundan başqa, həftəsonları mükafatlandırma mərasimləri sadələşdirilmiş formada, yarış iştirakçıları üçün mətbuat konfransları isə onlayn keçiriləcək.

Azərbaycan Qran-prisinin təşkilatçıları azarkeşlər olmasa da yarışın Bakıda keçirilməsinin vacibliyini vurğulayıblar.

"Bu qədər ciddi məhdudiyyətləri nəzərə alsaq, ortaya belə bir sual çıxa bilər: bu şəraitdə yarışı keçirməyin nə mənası var? Bildiyiniz kimi, "Formula 1" yarışları ölkənin turizm potensialını nümayiş etdirir, buna görə də onun keçirilməsi böyük əhəmiyyət daşıyır ", – deyə BCC-dən bildirilib.

Yeri gəlmişkən, BCC-nin Azərbaycan Qran-prisini keçirməkdən imtina etməməsinin daha bir səbəbi əks halda təşkilatçıların cərimə ödəməli olmasıdır. Cərimənin məbləği isə açıqlanmayıb.

Məhdudiyyətlər KİV nümayəndələrindən də yan keçməyib. Sosial məsafəyə riayət olunması qaydalarına görə, mətbuat mərkəzində jurnalistlər üçün yerlərin sayının 400-dən 150-yə endirilməsi nəzərdə tutulub. Həmin yerlər xarici və yerli jurnalistlər arasında bərabər şəkildə bölünəcək. Bununla belə, yerli telekanallar və radiolar Azərbaycan Qran-prisi üçün akkreditasiya əldə edə bilməyəcəklər.

Təşkilatçılar treklərin hazırlanması ilə bağlı əsas işlərin bu ilin may ayında yerinə yetiriləcəyi, bununla əlaqədar paytaxtın bəzi küçələrində nəqliyyatın hərəkətinin məhdudlaşdırılacağını də bildiriblər.

Eyni zamanda, qeyd ediblər ki, könüllülərdən müraciətlərin qəbulu artıq başa çatıb. Bu prosesə start veriləndən sonrakı 60 saat ərzində könüllülərdən təxminən yeddi min ərizə daxil olub. Marşallardan da ərizə qəbulu yekunlaşıb.

Qeyd edək ki, bu il marşalların sayı 150 nəfər artırılacaq.

22
Teqlər:
Formula-1 yarışı, Formula 1

cür qənaət edirsiniz?

0
0