Milli Antidopinq Agentliyinin rəhbəri Şəfəq Hüseynli

Rəsmi xəbərdarlıq: Korrupsiya hallarına yol verənlər barəsində ciddi qərar veriləcək

717
(Yenilənib 12:47 25.12.2018)
Xərçəng xəstəliklərində, hormonal problemlərdə istifadə edilən dərmanları 15-16 yaşlı sağlam insanlara satırlar

BAKI, 25 dekabr - Sputnik. Bu gün Azərbaycan Milli Antidopinq Agentliyinin (AMADA) ilin yekunları ilə bağlı hesabat iclası keçirilib. Sputnik Azərbaycan xəbər verir ki, açıqlama verib. Milli Antidopinq Agentliyinin icraçı direktoru Şəfəq Hüseynli mediaya illik hesabatla bağlı açıqlama verib. 

O bildirib ki, bu il Dünya Antidopinq Federasiyası üçün ağır il olsa da, ölkəmiz üçün uğurlu hesab edilə bilər: “İki ildir yaranmağımıza baxmayaraq, artıq müsbət yöndə işlər görürük. Belə ki, qurumlar və federasiyalar ilə işlərimiz öz töhfəsini verir. Daima ölkədə monitorinq keçirir və nəticələr çıxarırırq”.

Ş.Hüseynli qeyd edib ki, Milli Antidopinq Agentliyinin işi Avropa şurası tərəfindən də yüksək qiymətləndirilib: “Dünyada yeni qurum -  Beynəlxalq Test Agentliyi də yaradılıb. Artıq Beynəlxalq Test Agentliyi ilə 49-dan çox qurum işləməyə başlayıb. Biz də artıq onlarla əməkdaşlıq edirik”.

“2017-ci ilə nisbətən, bu il test sayını iki dəfə artırmışıq və 817 test keçirmişik. Beynəlxalq sifarişlər az olub. Ən çox güləş, futbol, boks və velosiped idman növləri üzrə idmançılar arasında yoxlanış keçirilib. 543 idmançı yoxlamadan keçib. Məqsədimiz dopinqdən istifadə edən idmançıları zamanında aşkarlamaqdı” – deyə Agentlik rəsmisi əlavə edib.

O, aşkarladıqları nöqsanlardan, qarşılaşdıqları problemlərdən də danışıb: “Bu il 12 güləş, 7 taekvando və digər idman növlərində, ümumilikdə 35 qayda pozuntusu olub. Bəzən elə olur, idmançıları tapa bilmirik. Xəbərdarlıq edirik ki, idmançını üç dəfə tapa bilməsək, artıq haqqında qəti qərar verərək yarışlara buraxmayacağıq”.

Dopinq nəzarəti
© AP Photo / Alexander Zemlianichenko

Şəfəq Hüseynli dopinq siyahısına düşən dərmanların bazasını hazırladıqlarını da qeyd edib. Bildirib ki, idmançılar asanlıqla dərmanın adını həmin bazaya yazaraq təhlükəli olub-olmadığını öyrənə biləcəklər.

“Dopinqin istifadəsi artıq sosial problemə çevrilib. Fitnes mərkəzlərində dopinqlərdən daha çox istifadə edirlər. Xərçəng xəstəliklərində, hormonal problemlərdə istifadə edilən dərmanları 15-16 yaşlı sağlam insanlara satırlar. Biz buna qarşı mübarizə aparacağıq və hüquq və mühafizə orqanları ilə birlikdə əməkdaşlıq edəcəyik. 2019-2020ci illərdə məşhur idmançılar ilə işləyəcəyik və təhsil proqramlarında və seminarlarda iştirak edəcəklər” – deyə AMADA rəsmisi qeyd edib.

İcraçı direktoru onu da vurğulayıb ki, federasiyalar AMAA ilə daha sürətli işləməlidir: “Bəzən məlumatları bizə gec verirlər, idmançıları gizlədirlər və qanuna zidd hərəkətlər edirlər. Bu da federasiyaların sanksiya ilə üzləşə biləcəyinə zəmin yaradır”.

“Məşqçi və idmançılar tərəfindən korrupsiya halları olub. İndiyə kimi onlara şifahi şəkildə xəbərdarlıq etmişik. Artıq bu hadisə yenidən təkrarlanarsa, o zaman həmin şəxs və ya federasiya haqqında daha ciddi qərar qəbul ediləcək” – deyə Ş.Hüseynli vurğulayıb.

717
Teqlər:
məşqçi, hesabat, idmançı, dopinq, antidopinq, Azərbaycan Milli Antidopinq Agentliyi, Milli Antidopinq Agentliyi
Əlaqədar
Kreyq Ridi yenidən Dünya Antidopinq Agentliyinin prezidenti seçilib
Milli antidopinq qurumunun səlahiyyətləri artırılır
Azərbaycanda Milli Antidopinq Agentliyi yaradılacaq
Prezident Ümumdünya Antidopinq Agentliyinin nümayəndə heyətini qəbul edib
Formula-1 üzrə Azərbaycan Qran-prisi, arxiv şəkli

Ciddi məhdudiyyət: Bakıda "Formula-1"də azarkeşlər yerli TV olmayacaq

19
(Yenilənib 22:58 02.03.2021)
Azərbaycan Qran-prisinin təşkilatçıları bu il paytaxtımızda "kral yarışları"nın necə keçiriləcəyindən danışıblar.

BAKI, 2 mart — Sputnik, Teymur Tuşiyev. "Formula 1"in Azərbaycan Qran-prisinin reqlamentində bir sıra dəyişikliklər baş verib. Sputnik Azərbaycan xəbər verir ki, bu barədə Baku City Circuit (BCC) əməliyyat şirkətinin brifinqində məlumat verilib.

"Formula 1" Azərbaycan Qran-prisi bu ilin 4-6 iyun tarixlərində Bakı küçələrində təşkil olunacaq. Keçən il yarış koronavirus pandemiyası səbəbindən baş tutmamışdı. Epidemiya əleyhinə tədbirlərlə əlaqədar olaraq, yarışın Bakı mərhələsi tamaşaçısız keçiriləcək, buna görə stendlərin və əyləncə zonasının inşası nəzərdə tutulmur və konsertlər də təxirə salınır. Bundan başqa, həftəsonları mükafatlandırma mərasimləri sadələşdirilmiş formada, yarış iştirakçıları üçün mətbuat konfransları isə onlayn keçiriləcək.

Azərbaycan Qran-prisinin təşkilatçıları azarkeşlər olmasa da yarışın Bakıda keçirilməsinin vacibliyini vurğulayıblar.

"Bu qədər ciddi məhdudiyyətləri nəzərə alsaq, ortaya belə bir sual çıxa bilər: bu şəraitdə yarışı keçirməyin nə mənası var? Bildiyiniz kimi, "Formula 1" yarışları ölkənin turizm potensialını nümayiş etdirir, buna görə də onun keçirilməsi böyük əhəmiyyət daşıyır ", – deyə BCC-dən bildirilib.

Yeri gəlmişkən, BCC-nin Azərbaycan Qran-prisini keçirməkdən imtina etməməsinin daha bir səbəbi əks halda təşkilatçıların cərimə ödəməli olmasıdır. Cərimənin məbləği isə açıqlanmayıb.

Məhdudiyyətlər KİV nümayəndələrindən də yan keçməyib. Sosial məsafəyə riayət olunması qaydalarına görə, mətbuat mərkəzində jurnalistlər üçün yerlərin sayının 400-dən 150-yə endirilməsi nəzərdə tutulub. Həmin yerlər xarici və yerli jurnalistlər arasında bərabər şəkildə bölünəcək. Bununla belə, yerli telekanallar və radiolar Azərbaycan Qran-prisi üçün akkreditasiya əldə edə bilməyəcəklər.

Təşkilatçılar treklərin hazırlanması ilə bağlı əsas işlərin bu ilin may ayında yerinə yetiriləcəyi, bununla əlaqədar paytaxtın bəzi küçələrində nəqliyyatın hərəkətinin məhdudlaşdırılacağını də bildiriblər.

Eyni zamanda, qeyd ediblər ki, könüllülərdən müraciətlərin qəbulu artıq başa çatıb. Bu prosesə start veriləndən sonrakı 60 saat ərzində könüllülərdən təxminən yeddi min ərizə daxil olub. Marşallardan da ərizə qəbulu yekunlaşıb.

Qeyd edək ki, bu il marşalların sayı 150 nəfər artırılacaq.

19
Teqlər:
Formula-1 yarışı, Formula 1
Oskar heykəli, arxiv şəkli

Hollivudla əməkdaşlıq edən məşhur idmançı "Oscar" almaq istəyir

13
Xatırladaq ki, 32 yaşlı Nurməhəmmədov Castin Qeyjini UFC 254 turnirinin ikinci turunda "üçbucaq" boğma fəndindən istifadə edərək məğlub edib.

BAKI, 22 fevral — Sputnik. Peşəkar karyerasını bitirdiyini elan edən məşhur rusiyalı döyüşçü Həbib Nurməhəmmədov karyerası haqqında film çəkilişləri üçün Hollivudla çalışdığını və "Oscar" qazanmağı planlaşdırdığını söyləyib.

Sputnik Azərbaycan xarici mediaya istinadən xəbər verir ki, döyüşçü hazırda sənədli film üzərində işləyir: "Təxminən bir il yarım lazımdır. "Oscar" qazanmaq istəyirik. 20 dəqiqə ərzində "Oscar"lıq film çəkmək o qədər də asan deyil. Hollivudla birlikdə işləyirik. Çox güman ki, dərhal kinoteatrlarda nümayiş olunacaq. Bu normal bir hekayədir, dağdan gələn oğlan çəki kateqoriyasından asılı olmayaraq ən yaxşı döyüşçü oldu, məğlub olmadı".

Xatırladaq ki, 32 yaşlı Nurməhəmmədov Castin Qeyjini UFC 254 turnirinin ikinci turunda "üçbucaq" boğma fəndindən istifadə edərək məğlub edib. Döyüşdən sonra rusiyalı karyerasını bitirdiyini elan edib. Onun hesabında 29 MMA döyüşündə 29 qələbə, o cümlədən UFC-nin 13 döyüşündə 13 qələbə var.

13
Teqlər:
Oskar, Hollivud, Həbib Nurməhəmmədov
NATO-nun Baş katibi Yens Stoltenberq, arxiv şəkli

Yens Stoltenberq: Gürcüstan Ukrayna NATO üzvü olacaqlar

0
NATO-nun Baş katibi: "Buxarest sammitində qərara gəldik ki, Ukrayna və Gürcüstan NATO üzvü olacaq. Amma dəqiq tarix demədik".

BAKI, 5 mart - Sputnik. "Gürcüstan və Ukrayna tarixi və coğrafi baxımdan müxtəlif ölkələr olsalar da, hər ikisi NATO-ya üzv olmağa can atır və biz bu işdə onlara kömək edəcəyik".

Sputnik Azərbaycan Rossiya1 telekanalına istinadla xəbər verir ki, bunu NATO-nun Baş katibi Yens Stoltenberq Brüggedə Avropa Kollecindəki çıxışı zamanı bəyan edib.

"NATO-nun qapıları açıq olaraq qalır. Buxarest sammitində qərara gəldik ki, Ukrayna və Gürcüstan NATO üzvü olacaq. Amma dəqiq tarix demədik. Çünki bu ölkələr NATO-ya üzv olmaq üçün alyansın standartlarına cavab verməlidirlər", - deyə Y.Stoltenberq bildirib.

Onun sözlərinə görə, adıçəkilən ölkələr bütün diqqətini islahatlar, demokratik institutların möhkəmlənməsi və korrupsiyaya qarşı mübarizə istiqamətinə yönəltməlidir. Bu, Ukrayna və Gürcüstana NATO-ya üzv olmaq üçün kömək edəcək.

Baş katib həmçinin heç bir ölkənin, o cümlədən də Rusiyanın bu prosesə mane ola bilməyəcəyini qeyd edib.

0
Teqlər:
Gürcüstan, Ukrayna, baş katibi Yens Stoltenberq, Yens Stoltenberq, NATO