Lionel Messi

Messinin adını əbədiləşdirmək üçün addım atılır

21
(Yenilənib 16:52 31.10.2018)
La Liqa rəhbəri Javier Tebas: “Messi uşaqlıqdan bu günə kimi futbol oynayır və hər zaman futbolda zirvədə olub”

BAKI, 31 oktyabr — Sputnik. Ispaniya Liqasında ən yaxşı göstəricisi olan futbolçunun alacağı mükafata Lionel Messinin adının verilməsi məsələsi gündəmə gəlib.

Sputnik Azərbaycan Türkiyə mətbuatına istinadən xəbər verir ki, La Liqa rəhbəri Javier Tebas yaradacaqları yeni mükafatla Messinin adını əbədiləşdirmək fikrində olduğunu deyib: “Messi gələcəkdə bütün dövrün ən yaxşı futbolçusu sayılacaq. Messi uşaqlıqdan bu günə kimi futbol oynayır və hər zaman futbolda zirvədə olub”.

21
Əlaqədar
Messi yeni rekorda imza atdı, 6000-ci qolu vurdu - VİDEO
Messi hər kəsi heyrətə saldı, amma oyunu ilə deyil - VİDEO
DÇ-2018: Messi son dəqiqələrdə necə xilas oldu
Messi danışdı: Karyerasına son qoyur?
Yenicə ata olan Messi və oğlunun şəkli yayıldı - FOTO
Azərbaycan millisinin və Qarabağ klubunun hücumçusu Mahir Emreli

"Qarabağ"ın ulduzu "Beşiktaş"da oynaya bilər

8
(Yenilənib 21:21 06.07.2020)
Beşiktaş prezidenti Ahmet Nur Çebinin çağırışına cavab gəlib və 23 yaşlı Mahir Emreli "ağ-qaralar"ın heyətində oynamağa təklif olunub.

BAKI, 6 iyul — Sputnik. Azərbaycan milli komandasının və "Qarabağ" klubunun hücumçusu Mahir Emreli İstanbulu təmsil edən "Beşiktaş"da oynaya bilər.

Sputnik Azərbaycan "Fotospor" nəşrinə istinadən xəbər verir ki, Mahir Emreli İstanbul təmsilçisinə təklif olunub.

Məlumata görə, Beşiktaş prezidenti Ahmet Nur Çebi Azərbaycanda qoşulduğu canlı yayımda deyib: "Azərbaycanda yaxşı futbolçular varmı? Azərbaycanlı qardaşlarımız ən yaxşısını gətirsinlər və bizə göstərsinlər".

Onun bu çağırışına cavab gəlib və 23 yaşlı Mahir Emreli "ağ-qaralar"ın heyətində oynamağa təklif olunub.

Gənc hücumçu bu mövsüm 16 oyunda 6 qol vurub və 7 qol ötürməsi edib.

8
Rüfət Güləliyev (göy formada), arxiv şəkli

Azərbaycanda 22 yaşlı dünya çempionu vəfat edib

54
(Yenilənib 17:14 06.07.2020)
Bakıda keçirilmiş İslam Həmrəyliyi Oyunlarının 22 yaşlı qalibi Rüfət Gülaliyevin ölümünün səbəbi hələlik məlum deyil. Yalnız qeyd olunur ki, ötən gün onun səhhəti kəskin şəkildə pisləşib.

BAKI, 6 iyul — Sputnik. Bazar günü, iyulun 5-də 22 yaşlı azərbaycanlı idmançı, dünya, Avropa və 2017-ci ilin dördüncü İslam Həmrəyliyi Oyunlarının çempionu Rüfət Gülaliyev Bakıda qəflətən vəfat edib.

Sputnik Azərbaycan Trend agentliyinə istinadən xəbər verir ki, idmançının ölümünün səbəbi hələlik məlum deyil. Yalnız qeyd olunur ki, ötən gün onun səhhəti kəskin şəkildə pisləşib və nəticədə Gülaliyev həyatının 22-ci ilində dünyasını dəyişib.

Gülaliyev əslən Azərbaycanın Laçın rayonundan olub və avqustun 8-də ad gününü qeyd etməli idi. O, həmçinin Azərbaycan Dövlət Bədən Tərbiyəsi və İdman Akademiyasının məzunu və zorxana milli idman növü üzrə idman ustası idi.

54
Pişik, arxiv şəkli

Ölüm öpüşü: Pişik sahibinin həyatına belə son qoydu

0
(Yenilənib 23:43 07.07.2020)
Həkimlər qadının orqanizmində bakterial meningitə səbəb olan "pasteurella multocida" bakteriyasını aşkar ediblər

BAKI, 7 iyul — Sputnik. Avstraliyanın Melburn şəhərinin sakini pişiyin cırmaqlaması və yaranı yalamasından sonra ölüb.

Sputnik Azərbaycan "Herald Sun" nəşrinə istinadən xəbər verir ki, 80 yaşlı qadının qohumları onu yataqda şüursuz halda yanında pişiklə tapıblar.

Həkimlər onun orqanizmində bakterial meningitə səbəb olan "pasteurella multocida" bakteriyasını aşkar ediblər.

Pensiyaçı komada doqquz gün keçirib, bundan sonra onu həyat təminatı sistemindən ayırıblar.

Yerli xəstəxanalardan birinin yoluxucu xəstəliklər üzrə direktoru Lindsi Qreyson bildirib ki, ev sahibləri pişiklərinə açıq yaraları yalamağa imkan verməməlidirlər. Eyni zamanda o xəbərdarlıq edib ki, immunitet sistemi pozulmuş şəxslər bu ev heyvanlarından qaçmalıdırlar.

Bakterial meningit bakterial infeksiya nəticəsində baş və onurğa beyni membranlarının iltihabıdır.

0
Əlaqədar
Koronavirus bəlasını dünyaya yayan Çin əhli iyrənc adətindən əl çəkmək niyyətində deyil
Bakıda "pişik əməliyyatı" - VİDEO
Evsiz pişikdən yemək əldə etmək üçün ağlasığmaz kələk - Video
Küçədə pişik gəzdirmək cərimə ilə nəticələndi
Telekanal insanları panikaya saldı, sevdiklərindən ayrıldılar