Qarabağın oyunçuları, arxiv şəkli

"Qarabağ" - "Arsenal" oyununda stadionda ən çox ikinci dəstəklənəcək"

8653
(Yenilənib 16:21 30.09.2018)
Sərxan Musalı: ""Qarabağ" evdə "Arsenal"la heç-heçə etsə belə, bunu sensasyon nəticə saymamalıyıq"

Təranə Xudabaxşiyeva, Sputnik Azərbaycan

BAKI, 30 sentyabr — Sputnik. UEFA Avropa Liqasının qrup mərhələsinin ikinci turunda "Qarabağ" komandası İngiltərənin "Arsenal" klubu ilə qarşılaşacaq. Oyun Bakı Olimpiya Stadionunda baş tutacaq.

Maraqlıdır, 4 oktyabrda keçiriləcək oyunda komandamızın uğur qazanma şansı nə qədərdir? Sputnik Azərbaycan-ın əməkdaşı elə bu sualla da futbol yazarlarına müraciət edib.

"Futbol +" qəzetinin əməkdaşı Sərxan Musalı bildirib ki, iki ölkənin futbolu müqayisəyəgəlməzdir: "Elə klubların səviyyəsi də. Ancaq futbolda gözlənilməz nəticələr çox olur. Hətta deyərdim ki, "Qarabağ" öz evində "Arsenal"la heç-heçə etsə belə, bunu sensasion nəticə saymamalıyıq. "Qarabağ" komandası neçə ildir qrup mərhələsində çıxış edir və nəhəng klublarla oyun təcrübəsi zəngindir".

"Atletiko"ya səfərdə uduzmayan komanda Bakıda "Arsenal"dan xal ala bilməz? Hər iki komandanın itkiləri var. İngiltərə təmsilçisində əsas problem müdafiədədir. "Qarabağ" isə Dani Kintananın yoxluğundan əziyyət çəkir. Bununla belə, mən ümidli proqnoz verərdim. Düşünürəm ki, hesab 1:1 olacaq" – deyə S.Musalı əlavə edib.

İdman yazarı Elçin Cəlilov isə məsələyə fərqli münasibət bildirib: "Qarabağ" bununla beşinci ildir ki, Avropa turnirlərinin qrup mərhələsinədək yüksəlir. Bu da böyük təcrübə deməkdir. Həm klub bu prosesdə xeyli yenilikdən xəbərdar oldu, həm baş məşqçi püxtələşdi, həm də heyətdəkilər təcrübələrini artırmış oldular. "Arsenal" Avropanın böyük klublarından sayılır. "Qarabağ"ın belə klublarla oynamaq təcrübəsi var. "Borussiya", "Roma", "Ateltiko", "Çelsi", "Tottenhem" və digər komandaları misal göstərə bilərəm".

UEFA Çempionlar Liqasının III təsnifat mərhələsi. Qarabağ-BATE (Belarus) oyunu. Bakı, Tofiq Bəhramov adına Respublika stadionu. 7 avqust 2018-ci il
© Sputnik / Murad Orujov

E.Cəlilov hesab edir ki, heyətdəki çatışmazlıqlara baxmayaraq, "atlılar" "topçular"ın qarşısında aciz qalmayacaq: "Əlbəttə ki, sürpriz hesab gözləyənlərimiz çox azdır. Lakin müsbət tərəfi budur ki, bu göstərici var, inam bəslənir. "Qarabağ"ın bu çıxışlardan həm maddi, həm təcrübə baxımdan qazancı çox böyükdür. Azarkeşlərin "Arsenal" üçün toplaşması qəribə görünməməlidir. Böyük komandalarla oynamaq elə bu tip detallar üçün lazımdır".

O qeyd edib ki, artıq 30 minə yaxın bilet satılıb: "Güman edirəm ki, 68 min yer tutumu olan Bakı Olimpiya Stadionunun 80-90 faizi dolacaq. Azarkeşlərin əksəriyyəti də "Arsenal"ı dəstəkləyəcək. Bu şeylər normaldır, qəribsəməyə dəyməz".

8653
Teqlər:
futbol yazarları, futbol, Arsenal, Bakı Olimpiya Stadionu, "Qarabağ" futbol klubu, Avropa Liqası
Əlaqədar
"Qarabağ" ilk oyununu uduzdu
"Qarabağ" növbəti dəfə sınağa çəkiləcək
Futbol bayramı gəlir, “Qarabağ”ın təqvimi bilindi
"Qarabağ"ın rəqibləri məlum oldu
Ağdamlıların qisası: "Qarabağ" necə Avropa Liqasının qrup mərhələsinə yüksəldi
Ağdamda Cümə məscidi

"Qarabağ"ın futbolçuları Ağdam məscidində ibadət etdilər "İmarət" stadionunda oynadılar

23
(Yenilənib 16:55 28.11.2020)
"Qarabağ" futbol klubunun üzvləri bu gün Ağdamda Cümə məscidini ziyarət ediblər və "İmarət" stadionunda simvolik futbol oynayıblar.

BAKI, 28 noyabr — Sputnik. "Qarabağ" klubu bu gün təmsil etdiyi Ağdam şəhərinə səfər edib. Sputnik Azərbaycan Report-a istinadla xəbər verir ki, səfərdə klub rəhbərliyi ilə yanaşı məşqçilər və futbolçular da yer alıb.

Komanda üzvləri Ağdamdakı Cümə məscidində namaz qılıblar.

Sonra Ağdam klubu doğma meydanda ("İmarət" stadionunda) simvolik olaraq futbol oynayıb.

Simvolik matç Azərbaycandakı diplomatik korpusun və beynəlxalq təşkilatların nümayəndələrinin işğaldan azad olunmuş Ağdama səfəri çərçivəsində baş tutub.

"Qarabağ"ın legionerləri də Ağdam şəhərinə aparılıb.

  • “Qarabağ” 27 ildən sonra Ağdamda simvolik futbol oynayıb
    © Photo : APA
  • “Qarabağ” 27 ildən sonra Ağdamda simvolik futbol oynayıb
    © Photo : APA
  • “Qarabağ” 27 ildən sonra Ağdamda simvolik futbol oynayıb
    © Photo : APA
1 / 3
© Photo : APA
“Qarabağ” 27 ildən sonra Ağdamda simvolik futbol oynayıb

Bu, Qarabağ" futbol klubunun 27 ildən sonra işğaldan azad edilmiş Ağdama ilk səfəridir.

Komandanın yaranma tarixi 1951-ci ildən başlasa da, "Qarabağ" adı ilə ilk dəfə 1987-ci ildə yaşıl sahələrə çıxmağa başlayıb. 

Ağdam noyabrın 20-də 27 illik erməni işğalından azad olunub.

23
Teqlər:
Ağdam, "Qarabağ" FK, Qarabağ
Qarabağ - Sivasspor matçından görüntü

"Qarabağ" Türkiyədən məğlub ayrıldı

29
(Yenilənib 00:03 27.11.2020)
UEFA Avropa Liqasının I qrupunun 4-cü turunda "Qarabağ" və "Sivasspor" komandaları İstanbuldakı "Başakşehir Fatih Terim" stadionunda qarşılaşıblar.

BAKI, 26 noyabr - Sputnik. UEFA Avropa Liqasının I qrupunun 4-cü turunda Türkiyədə "Qarabağ" və "Sivasspor" komandaları arasında oyun start götürüb.

Sputnik Azərbaycan xəbər verir ki, İstanbuldakı "Başakşehir Fatih Terim" stadionunda oynanılan qarşılaşma Argentina futbolunun əfsanəsi Dieqo Maradonanın ölümü ilə bağlı 1 dəqiqəlik sükutla başlayıb.

Hesabı 8-ci dəqiqədə "Qarabağ"ın oyunçusu Abdullah Zubir açıb. Türkiyə təmsilçisi 40-cı dəqiqədə Aruna Konenin penaltidən vurduğu qolla tarazlığı bərpa edib. Komandalar fasiləyə 1:1 hesablı heç-heçə ilə yollanıblar.

Uroş Matiç 51-ci dəqiqədə fərqlənməklə Azərbaycan çempionunu yenidən hesabda önə keçirib.

58-ci dəqiqədə "Sivasspor"un oyunçusu Olarenvayu Kayode hesabı bərabərləşdirib.

Oyunun 79-cu dəqiqəsində Kone komandasını uğura aparan növbəti qolu vurub. Beləliklə, oyun ev sahiblərinin qələbəsi ilə nəticələnib.

Qrupda ardıcıl 4-cü məğlubiyyətdən sonra Azərbaycan çempionunun 1/16 final şansının üstündən rəsmən xətt çəkilib. Artıq son iki tur Qurban Qurbanovun yetirmələri üçün formal xarakter daşıyacaq.  

“Qarabağ” növbəti oyununu dekabrın 3-də “Makkabi”yə qarşı məhz bu arenada keçirəcək.

29
Teqlər:
futbol, UEFA Avropa Liqası, UEFA, Fatih Terim, İstanbul, "Sivasspor" FK, "Qarabağ" FK, "Qarabağ

"Qafqazın Xirosiması" - fransız kanalı Ağdamı belə adlandırdı

0
“Bu şəhər o qədər dağıdılıb ki, bəzən onu “Qafqazın Xirosiması” adlandırırlar. 1980-ci illərin sonlarında 40 min əhalisi olan Ağdam bu gün “ruhlar şəhəri”dir" - France-24.

BAKI, 28 noyabr - Sputnik. “France-24” kanalı işğaldan azad edilmiş Ağdam rayonu haqqında reportaj yayımlayıb.

Sputnik Azərbaycan AZƏRTAC-a istinadla xəbər verir ki, reportajda münaqişəyə son qoyan razılaşmaya əsasən, dekabrın 1-də Laçın rayonunun Azərbaycana təhvil verilməli olduğu bildirilir. Qeyd edilir ki, bununla da Azərbaycan Dağlıq Qarabağın ətrafındakı 7 rayonun hamısını geri qaytarmış olacaq.

Kanalın xüsusi müxbirləri Lüdoviq dö Fuko, Katrin Norestrent və Hüseyn Əsədin Ağdamdan hazırladıqları reportajda deyilir:

“Bu şəhər o qədər dağıdılıb ki, bəzən onu “Qafqazın Xirosiması” adlandırırlar. 1980-ci illərin sonlarında 40 min əhalisi olan Ağdam bu gün “ruhlar şəhəri”dir. Bu gün Ağdamda hələ də qalan yeganə bina məsciddir. Bu şəhər 30 il əvvəl Birinci Qarabağ müharibəsi zamanı böyük strateji əhəmiyyət daşıyırdı. 1993-cü ildə bu şəhərin itirilməsi müharibənin dönüş nöqtəsi oldu. Buranın sakinləri köç etmək məcburiyyətində qaldı. Bu gün məcburi köçkünlər qayıdırlar və dağılmış binaları görürlər”.

Reportajda Ağdam sakini Zülfü Qasımovun bu fikirlərinə də yer verilir: “Belə bir şəhəri bu günə salmaq olarmı? Bu evləri belə dağıtmaq olarmı? Siz bu evlərin keçmişini görsəydiniz bilərdiniz ki, ən müasir evlər, ən yaxşı tikilmiş evlər ancaq Ağdamda olub. Onlar bilirdilər ki, burada yaşamayacaqlar. Onların inamı yox idi ki, burada qalsınlar. Çünki qalmaqları mümkün deyildi. Ona görə də əllərinə düşən hər şeyi dağıdıblar”.

Reportajda qeyd edilir ki, bərpa işlərindən əvvəl təhlükəsizliyi təmin etmək lazımdır. Azərbaycan tərəfindən azad edilmiş digər rayonlar kimi, Ağdam da mina ilə doludur. Hakimiyyət orqanları bu istiqamətdə işə başlayıblar.

ANAMA-nın əməliyyat qərargahının rəhbəri İdris İsmayılov deyir ki, 4500-ə yaxın piyada əleyhinə mina, 2000-ə yaxın tank əleyhinə mina, 750-yə yaxın isə müxtəlif növ bombalar aşkar edilərək zərərsizləşdirilib.

Reportajda, həmçinin Azərbaycanın işğaldan azad edilmiş ərazilərə vurulmuş ziyanı 10 milyardlarla dollar həcmində dəyərləndirdiyi və Ermənistan tərəfindən təzminat almaq üçün məhkəmələrə müraciət edəcəyi diqqətə çatdırılır.

0