Milli komandanın baş məşqçisi Ruslan Maşurenko

Baş məşqçi: "Çünki onlar bu yarışa həm psixoloji, həm fiziki hazırdırlar"

30
(Yenilənib 19:39 19.09.2018)
“Federasiya rəhbərliyi tapşırıq verib ki, komandanın yanında olum, onlara kömək edim”

Təranə Xudabaxşiyeva, Sputnik Azərbaycan

BAKI, 19 sentyabr — Sputnik. Cüdo üzrə Dünya Çempionatının keçirilməsinə saatlar qalıb. Artıq püşkatma mərasimi keçirilib və yarışda iştirak edəcək cüdoçuların ilk qarşılasacaqları rəqibləri məlum olub.

Sputnik Azərbaycan-ın əməkdaşı cüdo mütəxəssislərinin mötəbər yarış haqqında fikirlərini öyrənib.

Milli komandanın məşqçisi və cüdoçu Elxan Məmmədov komanda haqqında təəssüratlarını bölüşüb: "Federasiya rəhbərliyi tapşırıq verib ki, komandanın yanında olum, onlara kömək edim. Karyeramı da davam etdirirəm. Hələ ki, karyeramı bitirmək fikrim yoxdur. Komandanın hazırlığından çox razıyam. Baş məşqçinin dediyi hər bir tapşırığı idmançılar reallaşdırırlar. Bakıda sıxlıq olduğu üçün Zaqulbada təlim-məşq toplanışı etdik. Səs-küydən və şəhərdən uzaq bir yerdə məşq etməyi üstün tutduq. Eyni zamanda idmançılarımız dünyanın ən güclü cüdo məktəbləri sayılan Yaponiya, Koreya, Fransa, Rusiyanın milli komandaları ilə təlim məşq toplanışı keçiblər". 

O bildirib ki, komandamızın hazırlığı fiziki və taktiki cəhətdən yaxşıdır: "Cüdo o qədər inkişaf edib ki, bu gün yarışda ancaq dözümlü idmançı qalib gələ bilər. Bizdə həm fiziki, həm də texniki vəziyyətə fikir verilir. Püşkatmanın nəticəsi də pis deyil. Orxan Səfərov, Rüstəm Orucov, Nicat Şıxəliyev, Elxan Məmmədov və Kəramət Hüseynovdan medal gözləyirəm".

Milli komandanın baş məşqçisi Ruslan Maşurenko isə deyib ki, bu çempionat ən güclü yarışlardan biridir: "Dünyanın ən güclü idmançıları bu çempionatda iştirak edirlər. 130-dan çox ölkənin bir nömrəli cüdoçuları Dünya çempionatında öz güclərini sınayacaqlar. Bizi çətin və məsuliyyətli yarış gözləyir”.

R.Maşurenko da komandamızın bu çətin yarışa yaxşı hazırlaşdığını vurğulayıb: “Məqsədimiz hər bir idmançımızın uğur qazanmasıdır. Cüdoçularımız yaxşı hazırlaşıb və hər biri yalnız uğur qazanmaq üçün yarışacaq. Düşünürəm ki, hər biri medal qazanmağı bacarar. Çünki onlar bu yarışa həm psixoloji, həm də fiziki cəhətdən hazırdırlar".

30
Əlaqədar
Karate milli yığması əsas məqsədini açıqladı
Böyük sınaqda ilk rəqiblərimiz məlum olub
Bakıda keçirilən yarışı dünya kanalları nümayiş etdirəcək

Dünya futbolunun əfsanəsi FOTOlarda

4
(Yenilənib 09:02 26.11.2020)
Dieqo Maradonanın oyunu dedikdə yəqin ki, öncə göz önünə onun sinəsini qabağa verərək rəqib oyunçuları aldadaraq bütün meydançanı keçməsi göz önünə gələcək.

Xəbər verildiyi kimi, dünya futbolunun əfsanəsi argentinalı Dieqo Armando Maradona dünyasını dəyişib. Maradona 60 yaşında infarktdan həyatını itirib. 

Əfsanəvi hücumçu azarkeşlərin yadında yalnız fenomenal oyunu ilə deyil, həm də qalmaqallarla yadda qalıb. 

Məsələn, 1986-cı ildə Argentina yığmasının qızıl medal qazandığı dünya çempionatında Maradonanın 1/4 finalda İngiltərə yığmasının qapısından əl ilə keçirdiyi top uzun müddət müzakirə mövzusu olub. Səbəbkarın özü hakimin hesaba aldığı topu "tanrının əli" vasitəsilə qapıdan keçirdiyini bildirib.

1991-ci ildə isə İtaliya çempionatının oyunundan sonra dopinq-testdən keçən Maradonanın kokain qəbul etdiyi aşkarlanıb.

Bütün bunlara baxmayaraq, futbolla maraqlanan hər kəs Dieqo Maradonanı futbol dahisi, təkbaşına oyunun taleyini həll edə bilən oyunçu kimi xatırlayacaq.

Sputnik Azərbaycan əfsanənin müxtəlif görüntülərini təqdim edir. 

 

4
  • © REUTERS / Carlos Barria

    Argentinalı futbolçu Dieqo Maradona müsahibə zamanı, 2010-cu il.

  • © REUTERS / Action Images / Juha Tamminen

    Argentinanın hücumçusu Maradona DÇ-1986-nın dörddəbir final matçında İngiltərə yığmasına qarşı oyunda.

  • © AP Photo / Carlo Fumagalli, file

    Dieqo Armando Maradona DÇ-1986-ın finalında AFR üzərində qələbədən sonra kuboku başı üzərinə qaldırır.

  • © REUTERS / Stringer

    Dieqo Maradona həyat yoldaşı Klaudiya və anası ilə toyda, 1989-cu il.

  • © Sputnik / Vladimir Rodionov

    İtaliyanın "Napoli" klubunun futbolçusu Dieqo Maradona Moskvanın "Spartak" komandası ilə oyundan sonra, 1990-cı il.

  • © AFP 2020 / Daniel Garcia

    Argentina millisinin kapitanı Dieqo Maradona DÇ-1994-də Yunanıstan komandasının qapısına vurduğu qolu qeyd edir.

  • © REUTERS / Stringer

    Futbol əfsanəsi Dieqo Maradona və Kuba lideri Fidel Kastro, 2001-ci il.

  • © REUTERS / Marcos Brindicci

    Maradona Kuba siqarı və Çe Qevaranın tatusu ilə, 2006-cı il.

  • © AFP 2020 / Stringer

    Futbol əfsanəsi Dieqo Maradona kolumbiyalı futbolçu Karlos Valderamanın karyerasını başa vurması ilə əlaqədar təşkil olunan şənlikdə rəqs edir, 2004-cü il.

  • © AP Photo / Matt Sayles

    Futbol əfsanəsi Dieqo Maradona Kannda özünə dair sənədli filmin nümayişi zamanı, 2008-ci il.

  • © AFP 2020 / Valery Hache

    Dieqo Maradona qızları ilə birgə 61-ci Kann kinofestivalında "Maradona" sənədli filminin premyerasından əvvəl, 2008-ci il.

  • © REUTERS / Eddie Keogh


    Məşqçi Maradona komandasının DÇ-2010-da Nigeriya millisinə vurduğu qolu qeyd edir.

  • © Sputnik / Sergey Guneev

    Rusiya Prezidenti Vladimir Putin, braziliyalı futbolçular Pele və Dieqo Maradona FİFA-2018 futbol üzrə dünya çempionatının püşkatmasından əvvəl.

  • © REUTERS / Marcos Brindicci

    Argentinalı futbol ulduzu Dieqo Maradona sevgilisi ilə, 2017-ci il.

  • © REUTERS / Grigory Dukor

    Futbol əfsanəsi Dieqo Maradona Kremldə, 2017-ci il.

Teqlər:
Argentina, braziliyalı futbolçu Pele, futbol, Dieqo Maradona
Dieqo Armando Maradona, arxiv şəkli

Əfsanəvi Dieqo Maradona vəfat etdi

60
(Yenilənib 20:55 25.11.2020)
Dieqo Maradona 1986-cı ildə Argentina yığmasının futbol üzrə dünya çempionu olmasında həlledici rol oynayıb.

BAKI, 25 noyabr - Sputnik. Dünya futbolunun əfsanəsi Dieqo Armando Maradona dünyasını dəyişib.

Sputnik Azərbaycan RİA Novosti-yə istinadən xəbər verir ki, argentinalı hücumçu 60 yaşında vəfat edib. O, bir neçə gün əvvəl La-Plata klinikasında beyin əməliyyatı keçirdiyinə baxmayaraq, ölümü başqa səbəbdən olub. Maradona infarktdan həyatını itirib. 

Dieqo Maradona 1986-cı ildə Argentina yığmasının dünya çempionu olmasında həlledici rol oynayıb.

Dieqo Armando Maradona 1960-cı il oktyabr ayının 30-da Argentinanın Villa Fiorito şəhərində anadan olub. Futbol karyerasına 10 yaşından başlayıb. 1976-cı ildə "Argentinos Xuniors" klubunda ölkə çempionatı matçına çıxan Maradona 1979-cu ildə keçirilən gənclər arasında dünya çempionatına qatılıb.

O, 1982-ci ildə o dövr üçün rekord məbləğə – 4 milyon dollara İspaniya "Barselona"sına transfer olub. İki il sonra İtaliya "Napoli"sinə keçən Maradona Neapolda 1991-ci ilədək qalıb. O, Argentina millisinin şərəfini qoruduğu 91 matçda 34 qol vurub.

1986-cı ildə Argentina yığmasının qızıl medal qazandığı dünya çempionatında Maradonanın 1/4 finalda İngiltərə yığmasının qapısından əl ilə keçirdiyi top uzun müddət müzakirə mövzusu olub. Səbəbkarın özü hakimin hesaba aldığı topu "tanrının əli" vasitəsilə qapıdan keçirdiyini bildirib.

1991-ci ildə İtaliya çempionatı matçından sonra dopinq-testdən keçən Maradonanın kokain qəbul etdiyi aşkarlanıb. İki il sonra İspaniya "Sevilya"sına transfer olan futbolçu 1994-cü il dünya çempionatında forma geyib. Lakin onun yenə qadağan olunmuş dərman preparatı qəbul etdiyi ortaya çıxdığından, 15 aylıq diskvalifikasiya olunaraq, yarışdan kənarlaşdırılıb.

Cəzalı olduğu müddətdə o, vətənində "Deportivo Mandiyu" və "Rasinq" klublarında baş məşqçi kimi çalışıb, diskvalifikasiyası başa çatdıqdan sonra isə o, "Boka Huniors"a qayıdıb. Lakin kokain aludəçiliyindən qurtula bilməməsi üzündən 1997-ci ildə futbolçu karyerasını başa vurub.

Eniş-çıxışlarla, qalmaqallarla zəngin həyatına baxmayaraq, Maradona 2000-ci ildə FİFA tərəfindən braziliyalı Pele ilə birgə XX əsrin ən yaxşı futbolçusu seçilib. Lakin o, təntənəli mərasimdə öz mükafatını aldıqdan sonra Pelenin də təltif olunmasını gözləmədən zalı tərk edib. O, ertəsi gün verdiyi açıqlamada yalnız özünü dünyanın ən yaxşı futbolçusu hesab etdiyi üçün belə addım atdığını bildirib.

60
Teqlər:
Argentina, hücumçu, Dieqo Maradona, Vəfat