Almaniyanın paytaxtı Berlində keçirilmiş Karate1 Premyer Liqasında medal qazanan karateçilər ilə görüş

Karate milli yığması əsas məqsədini açıqladı

50
(Yenilənib 18:51 19.09.2018)
Karate Federasiyasının prezidenti Yaşar Bəşirov da yarış haqqında fikirlərini bildirib

BAKI, 19 sentyabr — Sputnik. Almaniyanın paytaxtı Berlində keçirilmiş Karate1 Premyer Liqasında medal qazanan karateçilər ilə görüş keçirilib.

Sputnik Azərbaycan xəbər verir ki, konfransda medal qazanan idmançılarımız Rafael Ağayev, İrina Zaretska, və Firdovsi Fərzəliyev, 5-ci yerə çıxan Şahin Atamov, eyni zamanda  Gənclər və İdman Nazirliyin İdman şöbəsinin müdiri Fərid Mansurov, Azərbaycan Karate Federasiyasının prezidenti Yaşar Bəşirov, vitse-prezident Rəhman Hətəmov və milli komandanın baş məşqçisi Şahin Xudaverdiyev də iştirak edib.

Gənclər və İdman Nazirliyin İdman şöbəsinin müdiri Fərid Mansurov
© Sputnik / Murad Orujov
Gənclər və İdman Nazirliyin İdman şöbəsinin müdiri Fərid Mansurov

Tədbiri giriş sözü ilə açan Fərid Mansurov uğur qazanan idmançıları təbrik edib: "Bundan sonra da uğurlarınızın bol olmasını arzu edirəm.  Hər birinizin oyunlarını izləmişəm. Karete idman növündə güclü rəqabət var. Biz Rafael Ağayevin hər zaman 1-ci yeri tutmasına öyrəşmişik. Amma karete günü-gündən inkişaf edir, Ağayev bu dəfə gümüş medal əldə edib. Biz karate millisinin bütün üzvlərindən 2020-ci il Tokio Yay Olimpiya Oyunlarında yüksək nəticələr gözləyirik. Dövlətimizin göstərdiyi diqqət və qayğı idmançıları həvəsləndirməlidir. Ancaq peşəkar idman qurbanlar tələb edir. Bir sözlə idmançılarımızdan zədəsiz döyüşlər və medallar gözləyirik".

Karate Federasiyasının prezidenti Yaşar Bəşirov
© Sputnik / Murad Orujov
Karate Federasiyasının prezidenti Yaşar Bəşirov

Karate Federasiyasının prezidenti Yaşar Bəşirov da yarış haqqında fikirlərini bildirib. O, deyib ki, hazırda karete idman növündə vəziyyət yaxşıdır: “Bu yarışa ondan artıq idmançımız qatılmışdı. 72 ölkə arasında biz ilk "8-liy"ə düşməyi bacardıq. Çox güclü ölkələr və idmançılar var idi, çətin görüşlər keçirdik. Bundan sonrakı əsas məqsədimiz olimpiadada yaxşı çıxış etməkdir. Məşqlərimiz davam edir, idmançılarımız növbəti yarışlara hazırlaşır".

Rafael Ağayev
© Sputnik / Murad Orujov
Rafael Ağayev

Rafael Ağayev belində zədə olsa da mətbuat konfransına gəlib. O, çıxışı zamanı deyib ki, zədələrinin olmasına baxmayaraq var gücü ilə “Tokio 2020” olimpiadasına vəsiqə qazanmağa çalışacaq: "Bu mənim qarşıma qoyduğum əsas məqsəddir".

Qeyd edək ki, Karate1 Premyer Liqasında Rafael Ağayev (75 kq) və İrina Zaretska (68 kq) gümüş, Firdovsi Fərzəliyev (60) isə bürünc medal qazanıb, Şahin Atamov isə hakim haqsızlığına tuş gələrək 5-ci yerlə kifayətlənməli olub.

50
Əlaqədar
Karateçimiz hakim haqsızlığına görə medalsız qaldı
Karate millimiz yeni qızıllar üçün yollandı
Ağdaşda karate müəllimi 500 manata görə öldürülüb
Karateçilərimizi daha bir sınaq gözləyir
Karatenin "brilyantı" məğlub oldu
Milli Karate Federasiyası söz-söhbətə son qoydu
Məsut Özil, arxiv şəkli

Məsut Özil bundan sonra Türkiyədə oynayacaq

24
(Yenilənib 20:41 24.01.2021)
Türkiyə mediası 3.5 illik sözləşməyə imza atan Özilin bu müddət ərzində İstanbul klubunda 15 milyon avrodan çox qazacağını yazıb.

BAKI, 24 yanvar - Sputnik. Türkiyənin "Fənərbaxça" klubu yeni transferi Məsut Özillə 3,5 illik müqavilə bağlayıb.

Sputnik Azərbaycan klubun rəsmi saytına istinadla xəbər verir ki, 2014-cü ildən oyunçusu olduğu Almaniya millisindən istefa verən türkəsilli hücumameylli yarımmüdafiəçi müqaviləyə imza atdıqdan dərhal sonra məşqlərə başlayıb.

"Burada olduğum üçün xoşbəxtəm. Xəyalım gerçək oldu. İnanıram ki, uğurlu mövsüm keçirəcəyik", - deyə Özil vurğulayıb.

33 yaşlı oyunçunun transferi "sarı-lacivərdlilər"ə demək olar ki, havayı başa gəlib. Türkiyə mediası 3.5 illik sözləşməyə imza atan Özilin bu müddət ərzində İstanbul klubunda 15 milyon avrodan çox qazacağını yazıb.

Özil İngiltərə "Arsenal"ı ilə müqaviləsini pozduqdan sonra İstanbul klubu ilə razılaşıb. 

24
Teqlər:
İstanbul, "Fənərbaxça", məşhur futbolçu, futbolçu, Məsut Özil
Yunis Hüseynov, arxiv şəkli

Yunis Hüseynov vəzifəsindən istefa verib

13
(Yenilənib 13:15 24.01.2021)
55 yaşlı mütəxəssis “Keşlə” Futbol Klubunun İdarə Heyətinin sədri Zaur Axundova təşəkkür edib, kluba uğurlar arzulayıb.

BAKI, 24 yanvar - Sputnik. "Keşlə" komandasının baş məşqçisi Yunis Hüseynov bu gün istefa ərizəsini rəhbərliyə təqdim edib.

Sputnik Azərbaycan klubun rəsmi saytına istinadən məlumatına görə, keçirilən görüşdən sonra Hüseynovun istefası qəbul olunub.

55 yaşlı mütəxəssis “Keşlə” Futbol Klubunun İdarə Heyətinin sədri Zaur Axundova təşəkkür edib, kluba uğurlar arzulayıb.

Rəhbərlik də öz növbəsində Hüseynova göstərdiyi xidmətlərə görə təşəkkür edib.

Qeyd edək ki, Yunis Hüseynov "Keşlə"yə 2020-ci ilin avqustunda baş məşqçi təyin olunmuşdu.

13
Teqlər:
futbol klubu, futbol, baş məşqçi, Keşlə, "Keşlə"
SpaceX şirkətinin  Falcon 9 raketinin buraxılışı, arxiv şəkli

Orbitə bir dəfəyə rekord sayda kosmik aparat çıxarılıb

0
(Yenilənib 23:34 24.01.2021)
Daşıyıcı raketin göyərtəsində 133 dövlət və kommersiya peyki var. Bundan əlavə, həmin buraxılışa 10 "Starlink" internet mikro-peyki daxildir. orbitə bir dəfəyə rekord sayda kosmik aparat çıxarılan ilk buraxılışdır.

BAKI, 24 yanvar - Sputnik. "SpaseX" şirkəti bu gün "Falcon-9" raket daşıyıcısının 143 raketlə orbitə buraxılışını həyata keçirib.

Sputnik Azərbaycan xəbər verir ki, start ABŞ-ın şərq sahili vaxtı ilə saat 10:00-da (19:00 GMT+4) Kanaveral (Florida ştatı) kosmodromunda baş tutub.

Daşıyıcı raketin göyərtəsində 133 dövlət və kommersiya peyki var. Bundan əlavə, həmin buraxılışa 10 "Starlink" internet mikro-peyki daxildir. Şirkətdən bildirirlər ki, bu, orbitə bir dəfəyə rekord sayda kosmik aparat çıxarılan ilk buraxılışdır.

Peyklər sartdan təxminən bir saat sonra yerətrafı orbitə buraxılıb.

0
Teqlər:
kosmik stansiya, kosmik, orbit, "SpaceX", İlon Mask