Легкоатлет Рамиль Гулиев, фото из архива

Azərbaycanlı idmançının növbəti uğuru

92
(Yenilənib 05:15 31.08.2018)
Bu yarışın qalibi məsafəni 19,67 saniyəyə qət edən amerikalı Noah Layls olub

BAKI, 31 avqust — Sputnik. Türkiyə millisinin heyətində çıxış edən azərbaycanlı yüngül atlet Ramil Quliyev növbəti dəfə medal qazanıb.

Sputnik Azərbaycan xəbər verir ki, soydaşımız İsveçrədə keçirilən və Almaz liqasının iki finalından biri olan Sürix Weiltklasse atletika yarışlarında 200 metr məsafəni 19,98 saniyəyə qət edərək gümüş medala layiq görülüb. Bu yarışın qalibi məsafəni 19,67 saniyəyə qət edən amerikalı Noah Layls olub.

Xatırladaq ki, Ramil Quliyev ötən ilin avqustunda Londonda 200 metr məsafəyə qaçış yarışında finişə 20,09 saniyəyə çataraq dünya çempionu adını qazanmışdı.

92