Бакинский Олимпийский стадион, фото из архива - Sputnik Azərbaycan
İDMAN
Ölkənin və dünyanın idman həyatına dair məlumatlar

Məşhur idmançımızdan sensasiyalı açıqlama: "Biabırçılıqdır..."

© Sputnik / Alexander Vilf / Mediabanka keçidŞəhriyar Məmmədyarov
Şəhriyar Məmmədyarov - Sputnik Azərbaycan
Abunə olmaq
Şəhriyar Məmmədyarov: "Bu ölkədə məndən güclü nə qədər idmançı var ki, mənə bir sponsur tapılmır?"

BAKI, 27 avqust — Sputnik. ABŞ-ın Sent-Luis şəhərində "Sinquefield Cup" turnirində mübarizə aparan Azərbaycan şahmat millisinin üzvü Şəhriyar Məmmədyarov il ərzində normadan daha çox oyun keçirməsindən, buna isə sponsorunun olmadığı üçün məcbur qaldığından şikayətlənib. Sputnik Azərbaycan xəbər verir ki, o, bu barədə gileyini sosial şəbəkədə paylaşıb.

Шахматные фигуры и часы - Sputnik Azərbaycan
İDMAN
Şahmatçılarımız Avropa çempionu oldu

"Bu gün Maqnus Karlsenlə 5 saatdan çox oyun oynadım. Açığı, çətin mübarizə oldu, debütdən böyük üstünlüyüm var idi. Daha sonra bir az pis vəziyyətə düşdüm və rəqib 5 saat mənə qalib gəlməyə çalışdı. Bu oyundan sonra bir qərara gəldim ki, bir daha 40-45 günlük turnirlərə getməyəcəm. Gərək az oynayıb, gücümü qoruyum" — o bildirib.

"Bu qədər tez-tez turnirlərdə iştirak eləmək biabırçılıqdır. Bu gün bir jurnalist mənə sual verdi ki, "səni bu qədər çox oyun oynamağa nə məcbur edir?" Jurnalistə utandım cavab verim ki, məni fasiləsiz oynamağa vadar edən puldur. Deyə bilmədim ki, mənim kimi professional oyunçunun sponsoru yoxdur, hətta bütün yarışlara öz hesabıma gəlirəm, amma turnirlərdə iştirak edən digər şahmat ustalarının sponsorları var" — Ş.Məmmədyarov vurğulayıb.

O, açıqlamasını belə yekunlaşdırıb: "Arada fikirləşirəm ki, bu ölkədə məndən güclü nə qədər idmançı var ki, mənə bir sponsor tapılmır? Azərbaycana sevgim sonsuzdur, amma təəssüflər olsun ki, mənim gücüm sonsuz deyil. Bir gün indiki Şəhriyar Məmmədyarov olmayacaq, o zaman isə bu söhbətlər mənasız olacaq. Sabah oyun var, gərək yenə hazırlaşım. Çox heyif, amma bu gedişlə şahmat məni bezdirir. Yorulmuşam".

Xəbər lenti
0