Lionel Messi

Messi yeni rekorda imza atdı, 6000-ci qolu vurdu - VİDEO

92
(Yenilənib 13:23 19.08.2018)
Lionel Messi "Barselona"nın La Liqada vurduğu 5000-ci qolun da müəllifi olub

BAKI, 19 avqust — Sputnik. Argentinalı futbolçu Lionel Messi "Barselona" klubunun İspaniya çempionatında 6000-ci qolunu vurub.

Sputnik Azərbaycan-ın məlumatına görə, bu tarixi hadisə ilk turda "Alaves"lə ev oyununa təsadüf edib.

Messi 64-cü dəqiqədə cərimə zərbəsini dəqiq yerinə yetirib. O, 90+2-ci dəqiqədə də fərqlənib. Daha bir qolu isə 83-cü dəqiqədə Filippe Koutinyo vurub. Beləliklə, "Barselona" 3:0 hesabı ilə qalib gəlib.

Xatırladaq ki, Lionel Messi "Barselona"nın La Liqada vurduğu 5000-ci qolun da müəllifi olub. Bu, 1 fevral 2009-cu ildə "Rasinq"lə XXI tur görüşünə 

təsadüf edib. "Barselona"nın 2:1 hesabı ilə qalib gəldiyi oyunda da Messi iki qol vurub.

92
Teqlər:
cərimə zərbəsi, "Barselona", qol, rekord, Lionel Messi
Bavariya klubunun hücumçusu Robert Levandovski

Tarixində 20 dəfə! “Bavariya” yenidən kuboku qazandı

5
(Yenilənib 13:11 05.07.2020)
Qalib komandadan David Alaba (16-cı dəqiqə), Serc Qnabri (24) və Robert Levandovski (59, 89) qolları vurublar. Leverkuzen klubundan Sven Bender (63) və Kay Haverts (90, penalti nöqtəsindən) vurublar.

BAKI, 5 iyul – Sputnik. Münhenin "Bavariya" futbol klubu Almaniya kubokunun finalında Leverkuzenin "Bayer" komandasını məğlub edib. Görüş 4:2 hesabı ilə başa çatıb.

Sputnik Azərbaycan-ın məlumatına görə, qarşılaşma Berlində Olimpiya Stadionunda koronavirus pandemiyası səbəbindən tamaşaçısız keçirilib.

Qalib komandadan David Alaba (16-cı dəqiqə), Serc Qnabri (24) və Robert Levandovski (59, 89) qolları vurublar. Leverkuzen klubundan Sven Bender (63) və Kay Haverts (90, penalti nöqtəsindən) vurublar.

"Bavariya" 20-ci dəfə ölkə kubokunun sahibi oldu, 4 dəfə klub finalda məğlub olub.

5
Həbib Nurməhəmmədovun atası Əbdülmanap Nurməhəmmədov, arxiv şəkli

Həbib Nurməhəmmədova ağır itki üz verdi

134
(Yenilənib 16:00 03.07.2020)
"Çeçen xalqının adından Abdulmanap Maqomedoviçin ailəsinə öz səmimi başsağlığımı çatdırıram!" - Ramzan Kadırov

BAKI, 3 iyul — Sputnik. Qarışıq döyüş növləri (UFC) üzrə çempion Həbib Nurməhəmmədovun atası Abdulmanap Nurməhəmmədov vəfat edib. Onun koronavirusdan dünyasını dəyişdiyi deyilir. Sputnik Azərbaycan "RİA Novosti"yə istinadən xəbər verir ki, bu barədə Çeçenistanın rəhbəri Ramzan Kadırov öz "Telegram" səhifəsində yazıb.

"Abdulmanap Nurməhəmmədovun ölümü ilə bağlı kədərli xəbərlər mənə də çatdı. Çeçen xalqının adından Abdulmanap Maqomedoviçin ailəsinə öz səmimi başsağlığımı çatdırıram! O, özündən sonra yaxşı ad qoydu və layiqli bir nəsil yetişdirərək bizi tərk etdi. Allahın iradəsi, yazısı belədir!"

134
Əlaqədar
Nurməhəmmədovdan acı etiraf: “Ölən çoxdur, atamın da vəziyyəti ağırdır” – VİDEO   
Eksklüziv video: Həbibin atası Azərbaycan MMA Federasiyasının rəhbəri ilə döyüşür
Həbibdən Konora: “Sən möhtəşəm döyüşçüsən”
Həbibin qələbə fotosunun müəllifi koronavirusdan öldü - FOTO
Fairmont hotelində saxlanılan şəxslər

DİN məşhur oteldəki əməliyyatla bağlı məlumat yaydı VİDEO

0
(Yenilənib 21:01 05.07.2020)
Səbail RPİ əməkdaşlarının keçirdiyi müvafiq tədbirlərlə yayılan görüntülərdə əks olunan şəxslər müvafiq polis idarəsinə dəvət olunaraq barələrində inzibati tənbeh tədbiri tətbiq olunub

BAKI, 5 iyul – Sputnik. Paytaxtın Səbail rayonunda otellərdən birində xüsusi karantin rejim qaydalarına əməl olunmayan, sosial məsafənin, mövcud preventiv tədbirlərin şərtlərinin pozulması ilə müşayiət olunan görüntülərlə bağlı müvafiq nəzarət-profilaktik tədbir keçirilib.

DİN-in Mətbuat xidmətindən Sputnik Azərbaycan-a verilən məlumata görə, Səbail RPİ əməkdaşlarının keçirdiyi müvafiq tədbirlərlə yayılan görüntülərdə əks olunan şəxslər müvafiq polis idarəsinə dəvət olunaraq barələrində inzibati tənbeh tədbiri tətbiq olunub.

Saxlanılan şəxslərin hər biri ilə profilaktik, izahedici söhbətlər aparılaraq onların diqqətinə çatdırılıb ki, bu əməllər ölkədə tətbiq olunan epidemiya əleyhinə rejimin, sanitariya-gigiyena və karantin qaydalarına zidd olmaqla, insanların həyat və sağlamlığı üçün risk daşıyır. Onlar izahatlarında bu hərəkətlərindən səmimi peşimançılıqlarını ifadə ediblər.

Saxlanılan şəxslər İnzibati Xətalar Məcəlləsinə uyğun olaraq  məsuliyyətə cəlb ediliblər.

0