Futvole üzrə beynəlxalq turnirdə iştirak edən braziliyalı idmançılar

İdman ictimaiyyətində şok effekti yaradan hadisəyə aydınlıq gətirildi

297
(Yenilənib 18:25 18.07.2018)
Baş katib: "Yarışda Pakistan Futnet Federasiyasının prezidenti Seyid Uluhassan Alirza şəxsən özü iştirak edib"

Təranə Xudabaxşiyeva, Sputnik Azərbaycan

BAKI, 18 iyul — Sputnik. 14-15 iyul tarixlərində Bakıda futnet üzrə beynəlxalq turnir keçirilib. Səkkiz ölkənin komandaları ilə yanaşı Azərbaycan yığmasının da mübarizə apardığı turnirdə bir çox saxtakarlıqlar edildiyi iddia olunur.

Belə ki, öncədən yarışda Braziliya yığmasının iştirak edəcəyi deyilsə də, yarış boyu bu komandanı görən olmayıb. Eyni zamanda, iddia olunur ki, Rusiya komandasının tərkibini tamamlamaq üçün azərbaycanlı futzalçı, hazırda Yüksək Liqada mübarizə aparan "İtaldizain" klubunun üzvü, çimərlik futbolu yığmamızın oyunçusu Elvin Quliyevin əyninə Rusiya yığmasının formasını geyindiriblər.

Azərbaycan Futnet Federasiyasının baş katibi Əfqan Həmzəyev (sağda) və Pakistan Futnet Federasiyasının prezidenti Seyid Uluhassan Alirza (soldan ikinci) Heydər Əliyev beynəlxalq aeroportunda
© Foto Ə.Həmzəyev tərəfindən təqdim olunub
Azərbaycan Futnet Federasiyasının baş katibi Əfqan Həmzəyev (sağda) və Pakistan Futnet Federasiyasının prezidenti Seyid Uluhassan Alirza (soldan ikinci) Heydər Əliyev beynəlxalq aeroportunda

Azərbaycan Futnet Federasiyasının daha bir saxtakarlığa yol verdiyi bildirilir. Belə ki, iştirakçı ölkələr arasında Portuqaliyanın adı çəkilsə də, avropalılar Bakıya, ümumiyyətlə gəlməyiblər. Portuqaliya forması ilə İsrail millisinin idmançısı Omri Kohen və iranlı Ali Reza mübarizə aparıb.

Anderson Aguino (solda) və Pakistan Futnet Federasiyasının prezidenti Seyid Uluhassan Alirza
© Foto Ə.Həmzəyev tərəfindən təqdim olunub
Anderson Aguino (solda) və Pakistan Futnet Federasiyasının prezidenti Seyid Uluhassan Alirza

Sputnik Azərbaycan iddia edilənlərin nə dərəcədə doğru olub-olmadığına aydınlıq gətirmək üçün Futnet Federasiyasının baş katibi Əfqan Həmzəyevlə əlaqə saxlayıb. Baş katib deyilənlərin həqiqətə uyğun olmadığını bildirib.

"Yarışda iştirak edən komanda 2 üzvdən ibarət olur. Onlar müxtəlif ölkələrin üzvləri ola bilərlər. Həmin idmançıların aralarında razılaşma olur və 1 nömrəli forma geyən idmançının ölkəsinin adı altında idmançılar yarışa qatıla bilirlər" — Həmzəyev vurğulayıb.

"Bizdə də eyni hal baş verdi. Braziliya komandası iştirak edib və uğur da qazanıb. Anderson Aguino və Kaspar Shlebusich adlı idmançılar Braziliyanı təmsil ediblər. Rusiya komandasında Azərbaycan idmançısı iştirak etsə də, komandanın 1 nömrəli oyunçusu Rusiyanın idmançısı olduğu üçün Rusiya komandasını təmsil etməli olub" – o əlavə edib.

Baş katib Pakistan komandasında turistlərin çıxış etməsi ilə bağlı iddialara da aydınlıq gətirib: "Pakistan Futnet Federasiyasının prezidenti Seyid Uluhassan Alirza şəxsən özü iştirak edib. Belə olan halda turist necə yarışda iştirak edə bilərdi? Təbii ki, bu da yanlış məlumatdır. Onların milli komandalarını Abdul Rəşid Balok və Şaqas Kan təmsil edib".

297
Teqlər:
Azərbaycan Futnet Federasiyası, futvole, Əfqan Həmzəyev, turnir, baş katib, Braziliya, Bakı, Rusiya, yığma, komanda, yarış, idmançı, Azərbaycan, Pakistan, mübarizə
Əlaqədar
"Siyasətin idmana qarışması böyük fəsadlar törədə bilər"
Rus idmançının yenə bəxti gətirmədi
Tanınmış azərbaycanlı idmançının sağlamlığı təhlükədədir
Formula-1 üzrə Azərbaycan Qran-prisi, arxiv şəkli

Ciddi məhdudiyyət: Bakıda "Formula-1"də azarkeşlər yerli TV olmayacaq

21
(Yenilənib 22:58 02.03.2021)
Azərbaycan Qran-prisinin təşkilatçıları bu il paytaxtımızda "kral yarışları"nın necə keçiriləcəyindən danışıblar.

BAKI, 2 mart — Sputnik, Teymur Tuşiyev. "Formula 1"in Azərbaycan Qran-prisinin reqlamentində bir sıra dəyişikliklər baş verib. Sputnik Azərbaycan xəbər verir ki, bu barədə Baku City Circuit (BCC) əməliyyat şirkətinin brifinqində məlumat verilib.

"Formula 1" Azərbaycan Qran-prisi bu ilin 4-6 iyun tarixlərində Bakı küçələrində təşkil olunacaq. Keçən il yarış koronavirus pandemiyası səbəbindən baş tutmamışdı. Epidemiya əleyhinə tədbirlərlə əlaqədar olaraq, yarışın Bakı mərhələsi tamaşaçısız keçiriləcək, buna görə stendlərin və əyləncə zonasının inşası nəzərdə tutulmur və konsertlər də təxirə salınır. Bundan başqa, həftəsonları mükafatlandırma mərasimləri sadələşdirilmiş formada, yarış iştirakçıları üçün mətbuat konfransları isə onlayn keçiriləcək.

Azərbaycan Qran-prisinin təşkilatçıları azarkeşlər olmasa da yarışın Bakıda keçirilməsinin vacibliyini vurğulayıblar.

"Bu qədər ciddi məhdudiyyətləri nəzərə alsaq, ortaya belə bir sual çıxa bilər: bu şəraitdə yarışı keçirməyin nə mənası var? Bildiyiniz kimi, "Formula 1" yarışları ölkənin turizm potensialını nümayiş etdirir, buna görə də onun keçirilməsi böyük əhəmiyyət daşıyır ", – deyə BCC-dən bildirilib.

Yeri gəlmişkən, BCC-nin Azərbaycan Qran-prisini keçirməkdən imtina etməməsinin daha bir səbəbi əks halda təşkilatçıların cərimə ödəməli olmasıdır. Cərimənin məbləği isə açıqlanmayıb.

Məhdudiyyətlər KİV nümayəndələrindən də yan keçməyib. Sosial məsafəyə riayət olunması qaydalarına görə, mətbuat mərkəzində jurnalistlər üçün yerlərin sayının 400-dən 150-yə endirilməsi nəzərdə tutulub. Həmin yerlər xarici və yerli jurnalistlər arasında bərabər şəkildə bölünəcək. Bununla belə, yerli telekanallar və radiolar Azərbaycan Qran-prisi üçün akkreditasiya əldə edə bilməyəcəklər.

Təşkilatçılar treklərin hazırlanması ilə bağlı əsas işlərin bu ilin may ayında yerinə yetiriləcəyi, bununla əlaqədar paytaxtın bəzi küçələrində nəqliyyatın hərəkətinin məhdudlaşdırılacağını də bildiriblər.

Eyni zamanda, qeyd ediblər ki, könüllülərdən müraciətlərin qəbulu artıq başa çatıb. Bu prosesə start veriləndən sonrakı 60 saat ərzində könüllülərdən təxminən yeddi min ərizə daxil olub. Marşallardan da ərizə qəbulu yekunlaşıb.

Qeyd edək ki, bu il marşalların sayı 150 nəfər artırılacaq.

21
Teqlər:
Formula-1 yarışı, Formula 1
Oskar heykəli, arxiv şəkli

Hollivudla əməkdaşlıq edən məşhur idmançı "Oscar" almaq istəyir

13
Xatırladaq ki, 32 yaşlı Nurməhəmmədov Castin Qeyjini UFC 254 turnirinin ikinci turunda "üçbucaq" boğma fəndindən istifadə edərək məğlub edib.

BAKI, 22 fevral — Sputnik. Peşəkar karyerasını bitirdiyini elan edən məşhur rusiyalı döyüşçü Həbib Nurməhəmmədov karyerası haqqında film çəkilişləri üçün Hollivudla çalışdığını və "Oscar" qazanmağı planlaşdırdığını söyləyib.

Sputnik Azərbaycan xarici mediaya istinadən xəbər verir ki, döyüşçü hazırda sənədli film üzərində işləyir: "Təxminən bir il yarım lazımdır. "Oscar" qazanmaq istəyirik. 20 dəqiqə ərzində "Oscar"lıq film çəkmək o qədər də asan deyil. Hollivudla birlikdə işləyirik. Çox güman ki, dərhal kinoteatrlarda nümayiş olunacaq. Bu normal bir hekayədir, dağdan gələn oğlan çəki kateqoriyasından asılı olmayaraq ən yaxşı döyüşçü oldu, məğlub olmadı".

Xatırladaq ki, 32 yaşlı Nurməhəmmədov Castin Qeyjini UFC 254 turnirinin ikinci turunda "üçbucaq" boğma fəndindən istifadə edərək məğlub edib. Döyüşdən sonra rusiyalı karyerasını bitirdiyini elan edib. Onun hesabında 29 MMA döyüşündə 29 qələbə, o cümlədən UFC-nin 13 döyüşündə 13 qələbə var.

13
Teqlər:
Oskar, Hollivud, Həbib Nurməhəmmədov

Azad edilmiş daha bir kəndimizin hazırkı mənzərəsi belədir - VİDEO

0
Cəbrayıl rayonunun Papı kəndi 2020-ci ilin oktyabrın 21-də əks-hücum əməliyyatı nəticəsində işğaldan azad olunub.

Müdafiə Nazirliyi Cəbrayıl rayonunun Papı kəndindən videogörüntülər paylaşıb. Sputnik Azərbaycan həmin görüntüləri təqdim edir.

0