DÇ-2018, İspaniyalı futbolçular Rusiya ilə oyuna hazırlaşırlar

DÇ-2018: Bu gün bizi hansı oyunlar gözləyir

313
(Yenilənib 09:17 01.07.2018)
Bu gün futbol üzrə dünya çempionatında meydana çıxacaq 4 komandanın hamısı Avropa təmsilçisi olacaq

BAKI, 1 iyul — Sputnik. Rusiyada keçirilən dünya çempionatında bu gün 1/8 finalın növbəti oyunları keçiriləcək.

Sputnik Azərbaycan-ın məlumatına görə, ilk olaraq Bakı vaxtı ilə saat 18.00-da Rusiya və İspaniya qarşılaşacaqlar. Rusiya millisi A qrupunda ikinci, ispanlar isə B qrupunda ikinci yeri tutublar. Oyun Moskvadakı "Lujniki" stadionunda keçiriləcək. 

Qeyd edək ki, Rusiya 1991-ci ildə müstəqillik əldə etdikdən sonra ilk dəfədir ki, dünya çempionatlarının 1/8 finalıda çıxış edir. İspaniya isə 2010-cu ildə dünya çempionu olub. 

Günün digər qarşılaşmasında Xorvatiya və Danimarka üz-üzə gələcəklər. Avropa təmsilçilərinin görüşü Nijni Novqorodda olacaq. Saat 22.00-da başlayacaq qarşılaşmanın qalib 1/4 finalda Rusiya-İspaniya oyununda qələbə qazananla qüvvəsini sınayacaq. Danimarka C qrupunda ikinci, Xorvatiya isə D qrupunda birinci yeri tutub.

Qeyd edək ki, Xorvatiya millisi dünya çempionatları tarixində ən böyük uğurunu 1998-ci ildə əldə edib. Həmin il xorvatlar dünya üçüncüsü olublar. Danimarkaya gəldikdə isə, bu yığma da dünya çempionatları tarixində ən böyük nailiyyətini 1998-ci ildə əldə edib. Həmin il danimarkalılar 1/4 finaladək gedə biliblər.

313
Teqlər:
"Lujniki" stadionu, Futbol üzrə dünya çempionatı, Nijni Novqorod, Moskva, Danimarka, Xorvatiya, İspaniya, Rusiya
Mövzu:
Futbol üzrə dünya çempionatı (90)
Əlaqədar
DÇ-2018: Daha bir superulduzun komandası çempionatı tərk etdi
DÇ-2018: İlk 1/4 finalçı məlum oldu
DÇ-2018: İspaniya bombardirlərinin dueli
DÇ-2018 play-off matçları
DÇ-2018: Bütün 1/8 final iştirakçıları məlumdur