Futbol. DÇ-2018. Argentina - Nigeriya oyunu

DÇ-2018: Messi son dəqiqələrdə necə xilas oldu

371
(Yenilənib 00:06 27.06.2018)
Argentina həddən artıq gərgin keçən oyunda 2:1 hesabı ilə qələbə qazanaraq, vəsiqəni əldə edib

BAKI, 27 iyun — Sputnik. Rusiyada keçirilən futbol üzrə dünya çempionatının D qrupunda III tura yekun vurulub. Sputnik Azərbaycan xəbər verir ki, Argentina millisi möcüzə ilə 1/8 finala keçib.

Bu turdan əvvəl Xorvatiya yığmasının 6, Nigeriyanın 3, Argentina və İslandıya millilərinin hərəyə 1 xalı vardı. Xorvatiya sonuncu oyunda da qələbə qazanaraq 9 xalla qrup lideri olub. İslandiya turniri tərk edib.

Bu qrupdan 1/8 finala ikinci vəsiqənin sahibi Argentina və Nigeriya milliləri arasındakı oyunda oynanılıb. Argentina həddən artıq gərgin keçən oyunda 2:1 hesabı ilə qələbə qazanaraq, vəsiqəni əldə edib. Hesabı 14-cü dəqiqədə Lionel Messi açıb. Nigeriyanın oyunçusu Viktor Moses 51-ci dəqiqədə penalti zərbəsi ilə hesabı bərabərləşdirib. Nəhayət, 86-cı dəqiqədə Markos Roxa argentinalıların qələbə topunu vurub. Nigeriya isə turniri tərk edib.

371
Teqlər:
Nigeriya, Argentina, 1/8 final, Lionel Messi, D qrupu, dünya çempionatı, futbol
Mövzu:
Futbol üzrə dünya çempionatı (90)
Əlaqədar
DÇ-2018: C qrupunda evə dönən komandalar hansılardır?
DÇ-2018: Argentina möcüzəyə nail ola biləcəkmi?
DÇ-2018: Növbəti mərhələnin bileti kimlərə kəsiləcək?
DÇ-2018: Polşa nağılının sonu
DÇ-2018: Liderlər arasında əzmkar bərabərlik

"Kral klubu"nun əfsanəsi getdi: Ramosun ən yaddaqalan şəkilləri

15
(Yenilənib 10:04 19.06.2021)
Yenidən nə vaxtsa "kral klubu"na qayıdacağına inandığını söyləyən təcrübəli oyunçu azarkeşlərə və komanda yoldaşlarına təşəkkür edib.

İspaniyanın "Real Madrid" futbol komandası kapitan Serxio Ramosla yollarını ayırıb.

Klub 35 yaşlı müdafiəçi ilə başa çatan müqavilənin müddətini uzatmayıb. Yenidən nə vaxtsa "kral klubu"na qayıdacağına inandığını söyləyən təcrübəli oyunçu azarkeşlərə və komanda yoldaşlarına təşəkkür edib. O, doğma klubunun daim ürəyində qalacağını bildirib.

Qeyd edək ki, 2005-ci ildən "Real Madrid"də çıxış edən Serxio Ramos bu komandanın heyətində beşqat İspaniya çempionu olub, 4 dəfə ölkə Superkubokunu, Çempionlar Liqasını və klublararası dünya çempionatını qazanıb. Həmçinin 2 dəfə İspaniya kuboku və UEFA Super Kubokunda qələbə sevinci yaşayıb.

İspaniyanın "Real Madrid" futbol komandası kapitan Serxio Ramosun ən yaddaqalan kadrları Sputnik Azərbaycan-ın fotolentində.

15
  • © AP Photo / DIEGO G. SOUTO

    Serxio Ramos 1 sentyabr 2005-ci ildə futbol klubuna yeni oyunçu kimi təqdimatı zamanı yeni formasını tutduğunu göstərir.

  • © AP Photo / Francisco Seco

    Serxio Ramos Real Madrid FK-da müdafiəçi olmağına baxmayaraq çox zaman qollar vurub.

  • © REUTERS / Sergio Perez

    2005-ci ildə Ramos 27 milyon avro qarşılığında Sevilyadan Real Madridə transfer olunub.

  • © REUTERS / Kai Pfaffenbach

    Ramoş Real Madrid FK ilə 2 dəfə Çempionlar Liqasını qazanıb.

  • © AP Photo / Manu Fernandez

    Madridin Bernabeu stadionunda "Real Madrid" ilə "Barcelona" arasında oynanan matçda "Barcelona" hücumçusu Lionel Messi və "Real" müdafiəçisi Sergio Ramos.

  • © AP Photo / Bernat Armangue

    "Real Madrid"də çıxış edən Serxio Ramos bu komandanın heyətində beşqat İspaniya çempionu olub, 4 dəfə ölkə Superkubokunu, Çempionlar Liqasını və klublararası dünya çempionatını qazanıb.

  • © AP Photo / Alastair Grant

    İspaniyanın "Real Madrid" futbol komandası kapitan Serxio Ramos oyun zamanı haqsılıq görəndə hakimlərlə mübahisə edirdi.

  • © AP Photo / Manu Fernandez

    "Real Madrid" komandasının oyunçuları Çempionlar liqasındakı qələbəni qeyd edir.

  • © AFP 2021 / CURTO DE LA TORRE

    "Kral klubun"un kapiatnı çılğınlığı ilə də seçilirdi. Bu şəkildə "Barcelona"-nın hücumçusu Lionel Messi və "Real" müdafiəçisi Serxio Ramos necə deyərlər "kəllə-kəlləyə" gəlib.

  • © AP Photo / Daniel Ocho de Olza

    "Real Madrid"in futbolçusu Serxio Ramos Çempionlar liqasında qələbə qazndığından sonra qazandıqdan sonra Sibeles meydanına gələrkən tanrıça Kibelanın boynuna Real Madrid bayrağını bağlayır.

  • © REUTERS / SUSANA VERA

    Serxio Ramos "Real Madrid"-i tərk edən zaman.

  • © AFP 2021 / GLYN KIRK

    İspaniyanın "Real Madrid" futbol komandasının keçmiş kapitanl Serxio Ramos.

London AVRO-2020 finalının keçirilməsi hüququndan məhrum ola bilər

11
(Yenilənib 16:40 18.06.2021)
UEFA-da Avropa çempionatının final oyununun keçiriləcəyi şəhərin dəyişə biləcəyini istisna etməyiblər, lakin turnirin son həftəsinin İngiltərədə keçiriləcəyinə ümidvar olduqlarını bildiriblər.

Avropa futbol assosiasiyaları ittifaqı (UEFA) AVRO-2020 final oyununun keçirilmə yerini Londondan (Böyük Britaniya) Budapeştə (Macarıstan) dəyişə bilər. Sputnik Azərbaycan "The Times" məcmuəsinə istinadən xəbər verir ki, koronavirus pandemiyası ilə əlaqədar vəziyyətin ağırlığı nəzərə alınaraq London şəhərinin rəhbərliyi stadionun 100% doldurulmasına zəmanət verə bilmir.

Daha sonra xəbərdə deyilir ki, Londonun meri UEFA-dan qurumun çempionatın final oyununun Budapeştdə təşkili məsələsini nəzərdən keçirdiyi barədə xəbərdarlıq alıb.

Öz növbəsində Macarıstan rəsmiləri AVRO-2020 final oyunu zamanı Ferens Puşkaş stadionunun 100% doldurula biləcəyinə söz veriblər. Yeri gəlmişkən, Budapeşt qitə birinciliyinin keçirildiyi şəhərlər arasında turnirin qrup mərhələsinin və ¼ oyununun keçirilməsi dövründə stadionun tam doldurula biləcəyinə zəmanət verən yeganə şəhərdir.

Bununla bağlı jurnalist Vasili Konev öz teleqram-kanalında bildirib ki, UEFA RİA Novostinin məsələ ilə bağlı sorğusuna cavab verib – qurum final oyununun Londondan Budapeştə keçirilməsini istisna etməyib.

"Gözlənilməz hallar üçün hər zaman fəaliyyət planı var, lakin biz əminik ki, turnirin son həftəsi Londonda keçiriləcək", - deyə UEFA-dan bildiriblər.

Qeyd edək ki, Avropa çempionatı çərçivəsində Lodonun "Uembli" stadionunda təkcə final oyunu deyil, yarımfinal qarşılaşmaları da keçirilməlidir.

AVRO-2020 Bakı oyunları

Bakı Olimpiya stadionunda ümumilikdə dörd oyunun keçirilməsi nəzərdə tutulub. "A" qrupunda iyunun 12-də İsveçrə-Uels (1:1) və iyunun 16-da Türkiyə-Uels (0:2) oyunları artıq keçirilib. Bundan əlavə qarşıda İsveçrə-Türkiyə (20 iyun) qarşılaşması var. İyulun 3-də isə burada AVRO-2020 ¼ final oyunlarından birinin keçirilməsi də nəzərdə tutulub.

 

11

XİN: Azərbaycan Ermənistanla münasibətlərin normallaşdırılması istiqamətində addımlar atır

0
(Yenilənib 18:06 19.06.2021)
Antalya Diplomatiya Forumu çərçivəsində “Cənubi Qafqaz: Regional sülh və əməkdaşlıq üçün yeni imkanlar” mövzusunda panel müzakirələri təşkil edilib.

BAKI, 19 iyun - Sputnik. "Vasitəçilik olmadan regionda sülhə nail olmaq mümkün deyil. Mehriban qonşuluq münasibətləri yaradılmalıdır. Bunun alternativi yoxdur".

Bu fikirləri Azərbaycanın xarici işlər naziri Ceyhun Bayramov Türkiyənin Antalya şəhərində keçirilən Antalya Diplomatiya Forumu çərçivəsində “Cənubi Qafqaz: Regional sülh və əməkdaşlıq üçün yeni imkanlar” mövzusunda təşkil edilmiş panel müzakirələri zamanı bildirib.

Onun sözlərinə görə, noyabrın 10-da imzalanmış üçtərəfli bəyanatdan sonra Azərbaycan Ermənistanla münasibətlərin normallaşdırılması istiqamətində addımlar atır. Buna misal kimi Bayramov ötən qış Rusiya qazının Azərbaycan ərazisindən keçməklə Ermənistana ötürülməsinə icazə verilməsini göstərib.

Ceyhun Bayramovun Antalya görüşləri - Rumıniya XİN başçısı ilə

Antalya Diplomatiya Forumunda iştirakı çərçivəsində Azərbaycanın xarici işlər naziri Ceyhun Bayramov Rumıniyanın xarici işlər naziri Boqdan Auresku ilə görüşüb.

C.Bayramov Azərbaycan və Rumıniya arasında qarşılıqlı hörmət və dəstəyə əsaslanan münasibətləri məmnunluqla qeyd edib. İkitərəfli iqtisadi, humanitar, təhsil və s. istiqamətlərdə əməkdaşlığın genişləndirilməsi üçün əlverişli imkanların olduğu vurğulanıb.

Nazir, həmçinin həmkarına münaqişə sonrası bölgədə mövcud olan vəziyyət, üçtərəfli bəyanatların icrası, Azərbaycan tərəfindən bu xüsusda atılan addımlar, azad olunmuş ərazilərdə həyata keçirilən bərpa və quruculuq işləri haqqında geniş məlumat verib. İşğal faktorunun aradan qaldırılması ilə iki ölkə arasında münasibətlərin normallaşdırılması imkanının yarandığı qeyd olunub.

Rumıniyanın xarici işlər naziri Boqdan Auresku öz növbəsində Azərbaycan ilə münasibətlərin strateji tərəfdaşlıq baxımından böyük əhəmiyyət kəsb etdiyini vurğulayıb. Post-münaqişə dövüründə regionada baş verən proseslərə toxunan nazir Boqdan Auresku, demarkasiya və mina məsələləri üzrə danışıqların aparılmasının vacibliyini dilə gətirib. Nazir, həmçinin mina partlaması nəticəsində həyatını itirən jurnalistlərə görə dərin təəssüf hissi keçirdiyini ifadə edib.

Daha sonra B.Auresku ölkəsinin Azərbaycanla müxtəlif istiqamətlər üzrə əlaqələri genişləndirməkdə maraqlı olduğunu bildirib və bu xüsusda , Azərbaycan-Rumıniya Birgə Komissiyasının fəaliyyətinin vacibliyini qeyd edib.

Nazir Auresku bu il Azərbaycan ilə Rumıniya arasında diplomatik münasibətlərin qurulmasının 30 illiyinin qeyd olunacağını bildirərək, bununla əlaqədar həmkarını ölkəsinə səfər etməyə dəvət edib.

İraq XİN başçısı ilə görüş

Xarici işlər naziri Ceyhun Bayramov Antalya Diplomatiya Forumunda iştirakı çərçivəsində İraq Respublikasının xarici işlər naziri Fuad Hüseyn ilə görüşüb.

Ceyhun Bayramov iraqlı həmkarına Ermənistanın onilliklər ərzində həyata keçirdiyi təcavüzkar siyasəti və onun fəsadları, həmçinin Ermənistanın növbəti hərbi təxribatına cavab olaraq Azərbaycanın cavab əməliyyatı, ərazilərin işğaldan azad edilməsi barədə məlumat verib. Nazir azad edilmiş ərazilərdəki vəziyyət, həyata keçirilən yenidən qurma işlərindən danışıb.

Ceyhun Bayramov ölkələrimiz arasındakı səmimi münasibətlərin təməlində xalqlarımız arasındakı tarixi, dini, mədəni bağların durduğunu qeyd edib. Azərbaycanın ədalətli mövqeyinə verilən dəstəyə görə qarşı tərəfə minnətdarlıq ifadə olunub.

Fuad Hüseyn məlumata görə təşəkkürünü bildirərək, ölkələrimiz arasındakı münasibətlərin inkişafını qeyd edib. O, müharibədən əziyyət çəkən ölkə kimi İraqın müharibənin doğurduğu fəsadlara yaxşı bələd olduğunu, bu səbəbdən problemlərin sülh yolu ilə həllinin tərəfdarı olduğunu söyləyib. Bu xüsusda, İraq naziri Azərbaycan və Ermənistan arasında hərbi əməliyyatların dayandırılması ilə bağlı razılığın əldə olunmasını məmnunluqla qeyd edib.

Tərəflər həmçinin enerji, humanitar, təhsil, kənd təsərrüfatı, turizm və digər sahələrdə ikitərəfli əməkdaşlıq perspektivlərini müzakirə ediblər.

Türkdilli Dövlətlərin Əməkdaşlıq Şurasının Baş katibi ilə görüş

Antalya Diplomatiya Forumunda iştirakı çərçivəsində Azərbaycan Respublikasının xarici işlər naziri Ceyhun Bayramov Türkdilli Dövlətlərin Əməkdaşlıq Şurasının (Türk Şurası) Baş katibi Bağdad Amreyev ilə görüşüb.

Azərbaycan Respublikası Xarici İşlər Nazirliyinin Mətbuat xidməti idarəsindən “Report”a verilən məlumata görə, görüş zamanı Bağdad Amreyev Azərbaycan və Türkiyə Prezidentləri tərəfindən imzalanmış Şuşa Bəyannaməsini yüksək qiymətləndirib. O, Bəyannamənin bölgədə sülh, təhlükəsizliyin təmin olunmasına, əməkdaşlığın genişləndirilməsinə xidmət edəcəyindən əminliyini vurğulayıb.

Görüş zamanı Türk Şurasının qarşıdan gələn Zirvə görüşünün təfərrüatları, o cümlədən yüksək səviyyəli tədbir çərçivəsində hazırlanacaq sənədlər barədə fikir mübadiləsi aparılıb.

Eyni zamanda Türk Şurasının gündəmində olan digər məsələr, habelə növbəti aylarda keçirilməsi nəzərdə tutulan görüşlər barədə müzakirələr aparılıb.

Ceyhun Bayramov Türk Şurası tərəfindən Azərbaycan və Türkiyə liderləri tərəfindən imzalanmış Şuşa Bəyannaməsinə verdiyi dəstəyə görə təşəkkürünü bildirib. Nazir bu sənədin imzalanmasının Azərbaycan və Türkiyə arasındakı sıx münasibətlərin nəticəsi olduğunu və əməkdaşlıq və müttəfiqlik nümunəsi olduğunu vurğulayıb.

Antalya Diplomatiya forum iyunun 18-dən 20-dək davam edəcək.

0