Futbol. DÇ-2018. Rusiya - Misir oyunu

DÇ-2018: Rusiya tarixində ilk dəfə 1/8 finalda

298
(Yenilənib 00:04 20.06.2018)
Bu qələbə Rusiyaya tarixində ilk dəfə növbəti mərhələyə keçmək imkanı yaradıb

BAKI, 20 iyun — Sputnik. Futbol üzrə dünya çempionatında ilk 1/8 finalçı məlum olub. Sputnik Azərbaycan xəbər verir ki, çempionatın ev sahibi Rusiya millisi A qrupunda ikinci oyunda da qalib gələrək növbəti mərhələyə yüksəlib.

Rusiya yığması bu dəfə Məhəmməd Salahın başçılıq etdiyi Misir yığmasına qalib gəlib. Hesab 47-ci dəqiqədə açılıb. Misir yığmasının kapitanı Əhməd Fəthi topu öz qapılarına yönəldərək, avtoqola imza atıb.

Növbəti qol 59-cu dəqiqədə gəlib. Mario Fernandesin ötürməsindən sonra Denis Çerışev qapıya dəqiq zərbə vurub. Üstündən cəmi 3 dəqiqə sonra Artyom Dzyuba növbəti qolu misirlilərin qapısından keçirib.

Oyunun 73-cü dəqiqəsində Misir yığması qollardan birinin əvəzini çıxıb. Məhəmməd Salah penalti zərbəsi ilə çempionatda ilk dəfə Rsuiyanın qapısından qol keçirib.

Bu qələbə Rusiyaya tarixində ilk dəfə növbəti mərhələyə keçmək imkanı yaradıb. Misir yığması isə qrup mərhələsini adlamaq şansını itirib.

Xatırladaq ki, Rusiya birinci oyunda Səudiyyə Ərəbistanına 5:0 hesabı ilə qalib gəlib. Misir isə ilk oyunda Uruqvaya 0:1 hesabı ilə məğlub olub.

298
Teqlər:
Məhəmməd Salah, 1/8 final, dünya çempionatı, Misir, Rusiya, futbol
Mövzu:
Futbol üzrə dünya çempionatı (90)

Yunanıstan "Olimpiakos"u Bakıda məşqdən imtina edir

2
Bakıda oyundan öncə məşqə çıxmaqdan imtina səbəbi kimi "Baksel Arena"da qazonun pis olması və "kənar gözlərdən qaçmaq" istəyi göstərilir. 

BAKI, 24 iyul - Sputnik. Yunanıstanın "Olimpiakos" komandası Çempionlar Liqasının təsnifat mərhələsində "Neftçi" ilə Bakıda keçirəcəyi cavab oyunundan öncə məşqə çıxmaqdan imtina edib. 

Sputnik Azərbaycan bu barədə Fosonline-a istinadən xəbər verir.

Azərbaycan çempionunun Çempionlar Liqasındakı rəqibi son məşqi Yunanıstanda keçirib, iyulun 27-də, çərşənbə axşamı çarter reysi ilə Bakıya gələcək. 

Oyunöncəsi mətbuat konfransını da "Olimpiakos"un baş məşqçisi Pedro Martinş Yunanıstanda, onlayn formatda keçirəcək. 

 

Bakıda oyundan öncə məşqə çıxmaqdan imtina səbəbi kimi cavab oyununun keçiriləcəyi "Baksel Arena" stadionunda qazonun pis olması göstərilir. "Olimpiakos"un portuqal məşqçisini ÇL-in təsnifat mərhələsinin birinci raundunda "Neftçi" (Bakı) ilə "Dinamo"nun (Tbilisi) oyunu zamanı qazonun durumu qane etməyib. Nəşrin məlumatına görə, həmin oyunda futbolçular çox sürüşüblər.

Yeri gəlmişkən, Martinşin Bakıda məşq keçirmək istəməməsinin başqa bir səbəbi də var. Portuqaliyalı qorxur ki, onun komandasını "Neftçi"nin nümayəndələri də izləyə bilərlər, buna görə hazırlıq mərhələsini gizli saxlamağa qərar verib.

Qeyd olunur ki, beş il əvvəl "Olimpiakos" Astanada eyniadlı komanda ilə oyundan əvvəl məşq keçərkən təhlükəsizlik xidmətinin əməkdaşlarından biri "Astana" klubunun texniki işçisi olub.

Xatırladaq ki, Çempionlar Liqasının təsnifat mərhələsinin ikinci raundunda Afinada keçirilən ilk oyunda "Olimpiakos" "Neftçi"yə minimal hesabla qalib gəlib. Yeganə qolu Madi Kamara vurub, sonra isə oyundan qovulub. Bu səbəbdən o, Bakıda meydana çıxmayacaq. Klublar arasında cavab görüşü çərşənbə günü, iyulun 28-də baş tutacaq.

Eləcə də oxuyun:

2
Teqlər:
məşq, Bakı, futbol, UEFA Çempionlar Liqası, 'Neftçi'
Məhəməd Abdullayev

Azərbaycan idmançılarının Tokio gündəliyi: boksçularımızdan ilk qələbə

24
(Yenilənib 17:52 24.07.2021)
Tayfur Əliyevin ardınca Lorenso Sotomayor da rinqdə sözünü deyə bilməyib. Üzgüçülükdə iki təmsilçimiz sondan dördüncü yeri tutub. Məhəmməd Abdullayev isə 1/8 finala adlayıb.

BAKI, 24 iyul - Sputnik. Boksçu Məhəmməd Abdullayev Azərbaycandan olan dəri əlcək ustaları arasında Tokiodakı Olimpiadada qələbə qazanan yeganə idmançı oldu. Sputnik Azərbaycan-ın məlumatına görə, şənbə günü, iyulun 24-də Bəhreyn təmsilçisi Denis Latipovla görüşündən idmançımız qalib ayrılıb. 

91 kq çəki dərəcəsində 1/16 finaldakı görüş 3:1 hesabı ilə Abdullayevin xeyrinə bitib. 

O, ilk iki raundu udub, sonuncuda uduzsa da, görüşün qalibi olub. 1/4 finalda Abdullayev Özbəkistan təmsilçisi Bahodir Calolovla görüşəcək.

----------

16:13

Azərbaycanın daha bir boksçusu Tokio Yay Olimpiadasını tərk edib.

Sputnik Azərbaycan bildirir ki, titullu idmançı, Riodakı 2016-cı il Olimpiadasının gümüş mükafatçısı Lorenso Sotomayor (69 kq) 1/16 finalda Gürcüstan təmsilçisi Əsgərxan Madiyevə uduzub. 

Görüş üçüncü raundda Sotomayorun zədə alması səbəbindən dayandırılıb (qanaxma). Ancaq Azərbaycan yığmasının kubalı legioneri üçün qələbə ümidi heç yox idi də: ilk iki raundu o uduzmuşdu.

Bu gün daha bir boksçumuz rinqə çıxacaq. 91 kq çəki dərəcəsində çıxış edən Məhəmməd Abdullayev Bəhreyn təmsilçisi Denis Latipovla qarşılaşır. 

1/16 mərhələdə 57 kq çəki dərəcəsində çıxış edən boksçumuz - Tayfur Əliyev də hakimlərin mübahisəli qərarından sonra çıxışını dayandırmışdı. O, Vyetnam təmsilçisi Duaonq Van Nquenə qarşı döyüşürdü. Sonda nokdauna düşməsinə rəğmən beş hakimdən dördü ilk raundda Əliyevi qalib hesab etdi. Ancaq ikinci raundda Tayfurun rəqibindən geri qalmamasına rəğmən bütün hakimlər qələbəni vyetnamlıya verdilər. 

Üçüncü raundda Əliyev azacıq önə çıxsa da, ümumi hesabda Nquen qalib olub (2:3).

Üzgüçülərimiz də uduzdular 

Üzgüçülər Maksim ŞemberevMəryəm Şeyxəlizadəxangah Tokiodakı Olimpiadada uğursuz çıxış ediblər.

400 m məsafədə kompleks üzgüçülükdə çıxış edən Şemberev 4:19.40 dəqiqə nəticə ilə çıxışını yekunlaşdırıb. O, öz yarımqrupunda sonuncu - səkkizinci yer tutub. Ümumi sıralamada isə 29 iştirakçı arasında 26-cı ola bilib. Yarımfinala çıxa bilməyən Şemberev Olimpiadadakı işini yekunlaşdırıb.

Şemberev üçün bu, ikinci Olimpiadadır. 2012-ci ildə Londonda o, Ukrayna bayrağı altında çıxış edirdi.

100 m məsafədə batterflyay üsulu ilə yarışda Məryəm Şeyxəlizadəxangah finişə 1:01,37 dəqiqə nəticə ilə çataraq, üç nəfərdən ibarət yarımqrupda birinci olub. Yekun hesabda isə 33 yarışçı arasında 30-cu olub və o da Tokiodakı çıxışını bitirib.

Azərbaycan Tokio-2020-də

Tokio Yay Olimpiadasında ölkəmizi 44 idmançı təmsil edəcək. Onlar 40 lisenziya qazanaraq 14 idman növündə - cüdo, güləş, bədii gimnastika, idman gimnastikası, karate, boks, taekvondo, yüngül atletika, güllə atıcılığı, qılıncoynatma, veloidman, badminton, üzgücülük və triatlonda - çıxış edəcəklər.

Azərbaycan üçün bu, 2004-cü ildə Afinada keçirilən Olimpiya Oyunlarından bəri ən az sayda Olimpiya lisenziyasıdır, o vaxt idmançılarımız 38 lisenziya qazanmışdılar.

2008-ci ildə Pekində azərbaycanlı idmançılar 44, 2012-ci ildə Londonda 53, 2016-cı ildə Rio-de Janeyroda 56 lisenziya qazanıblar. 1996-cı ildən bəri olimpiadalarda idmançılarımız 43 medal qazanıblar ki, bunun da 7-si qızıl, 11-i gümüş, 25-i isə bürüncdür.

Eləcə də oxuyun:

24
Teqlər:
üzgüçülük, boks, Tokio Yay Olimpiya Oyunları