Futbol. DÇ-2018. Polşa - Seneqal oyunu

DÇ-2018: "Qara oğlanlar"ın əzmkar qələbəsi

133
(Yenilənib 00:01 20.06.2018)
Oyun 2:1 hesabı ilə Seneqal yığmasının xeyrinə başa çatıb

BAKI, 19 iyun — Sputnik. Rusiyada keçirilən futbol üzrə dünya çempionatının H qrupunda növbəti görüş baş tutub. Sputnik Azərbaycan xəbər verir ki, çempionatın ən stabil komandalarından sayılan Polşa millisi Seneqal millisi ilə qarşılaşıb.

Tərkibində Robert Levandovski kimi dünya şöhrətli futbolçu olan Polşa yığması Afrika təmsilçisinin əlində aciz qalıb. İlk dəqiqələrdən Rusiyaya statistika xətrinə gəlmədiyini nümayiş etdirən Seneqal yığması kifayət qədər stabil oyun nümayiş etdirib. Oyunda hesab 37-ci dəqiqədə açılıb. Afrikalı oyunçunun zərbəsindən sonra top Polşa yığmasının Tyaqo Rangel Tsionekin ayağına dəyərək qapıya girib və avtoqol qeydə alınıb.

60-cı dəqiqədə isə Seneqalın oyunçusu Mbaye Nyanq özü fərqlənib. O, qapıçı və müdafiəçinin kobud səhvindən istifadə edərək topu qapıya yönəldib.

87-ci dəqiqədə Polşa yığmasının oyunçusu Qjeqoj Krıxovyak baş zərbəsi ilə qapılarına vurulan qollardan birinin əvəzini çıxıb. Amma polşalılar bundan artığını edə bilməyiblər. Oyun 2:1 hesabı ilə Seneqal yığmasının xeyrinə başa çatıb.

Qeyd edək ki, H qrupunda ilk oyunda Yaponiya yığması Kolumbiya millisinə 2:1 hesabı ilə qalib gəlib.

133
Teqlər:
dünya çempionatı, Seneqal, Polşa, Rusiya, qələbə, futbol
Mövzu:
Futbol üzrə dünya çempionatı (90)
Əlaqədar
DÇ-2018: "Doğan Günəş" ölkəsi futbol dərsi verdi
DÇ-2018: Bu gün hansı oyunlar keçiriləcək
DÇ-2018: Əzmkar futbol öz nəticəsini verdi
DÇ-2018: Almaniya ənənəni pozmadı
DÇ-2018: Messinin uğursuz başlanğıcı
Azərbaycanlı şahmatçı Teymur Rəcəbov, arxiv şəkli

Teymur Rəcəbov Levon Aronyana qalib gəlib

9
Ağ fiqurlarla oynayan Rəcəbov qələbə qazanıb. Bununla da Teymur 7 oyundan sonra xal hesabını 3,5-ə çatdırıb.

BAKI, 23 noyabr - Sputnik. Onlayn şahmat üzrə “Skilling Open” turniri davam edir.

Apasport.az saytının məlumatına görə, Azərbaycan qrossmeysteri Teymur Rəcəbov VII turda prinsipial qarşılaşmaya çıxıb.

Şahmatçımız ermənistanlı Levon Aronyanla qarşılaşıb. Ağ fiqurlarla oynayan Rəcəbov qələbə qazanıb. Bununla da Teymur 7 oyundan sonra xal hesabını 3,5-ə çatdırıb.

Qeyd edək ki, turnirin əsas mərhələsində 16 şahmatçı bir dövrəlik dairəvi sistemlə mübarizə aparır. Üçgünlük mübarizədən sonra pley-off start götürəcək.

9
Teqlər:
şahmat turniri, Teymur Rəcəbov, qalib, qələbə, şahmat
Cüdo yarışı, arxiv şəkli

Avropa çempionatı: Bu gün 3 cüdoçumuz mübarizəyə qoşulacaq

11
Rüstəm Orucov və Telman Vəliyev (hər ikisi 73 kq) 1/16 final, Murad Fətiyev (81 kq) isə 1/32 final mərhələsindən mübarizəyə qoşulacaq.

BAKI, 20 noyabr — Sputnik. Çexiyanın paytaxtı Praqada keçirilən Avropa çempionatında bu gün Azərbaycanın 3 cüdoçusu tatamiyə çıxacaq.

Sputnik Azərbaycan xəbər verir ki, məlumatına görə, Rüstəm Orucov və Telman Vəliyev (hər ikisi 73 kq) 1/16 final, Murad Fətiyev (81 kq) isə 1/32 final mərhələsindən mübarizəyə qoşulacaq.

73 kq

1/16 final. Rüstəm Orucov - Klaudio Nunyes Dos Santos (Lüksemburq)

1/16 final. Telman Vəliyev - Vadim Şoka (Belarus)

81 kq

1/32 final. Murad Fətiyev - Yaromir Musil (Çexiya)

Qeyd edək ki, ilk yarış günündə Orxan Səfərov (66 kq) qızıl medal qazanıb.

11
Azərbaycan və Türkiyə bayraqları olan tablo, arxiv şəkli

Ankara Opera Balet Teatrında ölkəmizə dəstək məqsədilə bədii proqram təqdim ediləcək

0
(Yenilənib 23:33 23.11.2020)
Proqramda solistlər Şəfiqə Kutluər və Şənol Talınlı zəfər tərənnümlü ifalarla tamaşaçıların qarşısına çıxacaqlar. Konsert noyabrın 27-də baş tutacaq.

BAKI, 23 noyabr — Sputnik. Ankara Opera və Balet Teatrında Azərbaycana dəstək məqsədilə zəngin bədii proqram təqdim ediləcək.

Sputnik Azərbaycan xəbər verir ki, proqram Azərbaycanın Türkiyədəki Səfirliyi, Türkiyə-Azərbaycan Dostluq, Əməkdaşlıq və Həmrəylik Fondu (TADƏHF) və Anadolu Mədəniyyətlərin araşdırılması və inkişafı dərnəyi tərəfindən birgə təşkil olunacaq.

Proqramda solistlər Şəfiqə Kutluər və Şənol Talınlı zəfər tərənnümlü ifalarla tamaşaçıların qarşısına çıxacaqlar. Konsert noyabrın 27-də baş tutacaq.

0
Teqlər:
dəstək, proqram, teatr