Dünya çempionatı, Argentina-İslandiya görüşü

Argentinalı futbol ulduzu azarkeşlərdən üzr istədi

115
(Yenilənib 23:59 17.06.2018)
"Bu gün argentinalılar üçün çətin gün idi. Bizim çempionatdakı debüt matçımız çox gərgin keçdi"

BAKI, 17 iyun — Sputnik. Argentina yığmasının sabiq oyunçusu, əfsanəvi futbolçu Dieqo Maradona Argentina-İslandiya matçında “Spartak” stadionunda siqar çəkdiyi üçün üzr istəyib. 

Argentina yığmasının sabiq oyunçusu, əfsanəvi futbolçu Dieqo Maradona Argentina-İslandiya matçında “Spartak” stadionunda siqar çəkdiyi üçün üzr istəyib. 

O, özünün Instagram səhifəsində siqaret çəkməyin qadağan olduğu barədə heç nə bilmədiyini yazıb. 

DÇ-2018, Argentina-İslandiya görüşü, Lionel Messi
© Sputnik / Алексей Филиппов

"Bu gün argentinalılar üçün çətin gün idi. Bizim çempionatdakı debüt matçımız çox gərgin keçdi. Hər kəs öz hisslərini bir cür ifadə edir. Düzü mən bilmirdim ki, stadionda siqaret çəkmək olmaz” – deyə futbolçu yazıb. O, buna görə azarkeşlərdən və turnirin təşkilatçılarından üzr istəyib. 

Argentina- İslandiya matçı 1:1 hesabı ilə heç-heçə başa çatıb. Oyunun 19-cu dəqiqəsində hesabı argentinalılar açıb. Ondan 4 dəqiqə sonra islandiyalılar hesabı bərabərləşdiriblər və bundan sonra sırf müdafiə mövqeyi tutublar. İkinci hissədə argentinalıların hesabda irəli çıxmaq şansı yaranıb. İslandiyanın qapısına penalti təyin edilib. İslandiyalıların qapıçısı Hannes Halldorson Lionel Messinin zərbəsini dəf edib. 

Futbol üzrə 21-ci dünya çempionatı Rusiyanın 11 şəhərində keçirilir. Final matçı iyulun 15-də Moskvanın “Lujniki” stadionunda keçiriləcək. 

115
Teqlər:
"Spartak" stadionu, Futbol üzrə dünya çempionatı, Lionel Messi, Hannes Halldorson, Dieqo Maradona, Rusiya, İslandiya, Argentina
Mövzu:
Futbol üzrə dünya çempionatı (90)
Əlaqədar
Messi danışdı: Karyerasına son qoyur?
Messi ata oldu, “Barsa”nın heyətindən çıxarıldı
Fantastik məbləğ açıqlandı: Messi nə qədər qazanır?
Messi Ardaya salam vermir, çünki...
DÇ-2018: Messinin uğursuz başlanğıcı
Fitnes zalı, arxiv şəkli

Azərbaycanda fitnes trenajor zalları açıla bilər, amma...

28
(Yenilənib 15:52 24.09.2020)
Azərbaycanda mart ayında karantin rejiminin tətbiqi ilə idman və fitnes zallarının fəaliyyəti məhdudlaşdırılıb, eləcə də qapalı məkanlarda idman tədbirlərinin keçirilməsi yasaqlanıb

BAKI, 24 sentyabr — Sputnik. Azərbaycanın Gənclər və İdman Nazirliyi Nazirlər Kabineti yanında Operativ Qərargahla birlikdə idman yarışlarının keçirilməsi, idman zalları və fitnes klublarının açılmasını nəzərdə tutan xüsusi proqram hazırlayır. Sputnik Azərbaycan bildirir ki, bunu qurumun rəhbəri Azad Rəhimov bildirib.

“İdmanın bir çox növləri üzrə çempionatlar adətən noyabr-dekabr aylarında keçirilir. Biz yarışları keçirməyi çox istəyirik. Hazırda Nazirlər Kabineti yanında Operativ Qərargahla birlikdə böyük proqram hazırlayırıq. Orada idman zalları, fitnes mərkəzlərinin açılması da nəzərdə tutulub”, - Rəhimov deyib.

İlkin mərhələdə, nazirin sözlərinə görə, yarışları tamaşaçısız keçirmək planlaşdırılır.

Məlumata görə, proqramda əsas bənd ondan ibarətdir ki, 100 kv.m sahədə yalnız dörd nəfər və bir məşqçi məşq edə bilər.

Azərbaycanda mart ayında karantin rejiminin tətbiqi ilə idman və fitnes zallarının fəaliyyəti məhdudlaşdırılıb, eləcə də qapalı məkanlarda idman tədbirlərinin keçirilməsi yasaqlanıb. Karantin rejimi ölkədə sentyabrın 30-dək davam edəcək.

28
Teqlər:
idman zalı, idman, Koronavirus, epidemiya, COVID-19, karantin

"Qarabağ" "Neftçiyə uduzdu

26
(Yenilənib 23:40 20.09.2020)
Səfər qələbəsindən sonra xallarını 6-ya çatdıran "Neftçi" 3-cü pilləyə yüksəlib. 4 xalı olan "Qarabağ" isə 5-ci sıraya geriləyib.

BAKI, 20 sentyabr — Sputnik. Futbol üzrə Azərbaycan Premyer Liqasında III tura yekun vurulub.

Turun son oyununda "Qarabağ" "Azərsun Arena"da "Neftçi"bu qəbul edib. Azərbaycan derbisi qonaqların 2:1 hesablı qələbəsi ilə yekunlaşıb.

Hesabı 10-cu dəqiqədə Ağdam klubunun hücumçusu Kvabena Ovusu açıb. Cəmi 2 dəqiqə sonra "Neftçi" Voislav Stankoviçin qolu ilə tarazlığı bərpa edib. Qol zamanı "Qarabağ"ın qapıçısı Emil Balayevin kobud səhvi diqqət çəkib. Komandalar fasiləyə bu hesabla yollanıblar - 1:1.

İkinci hissədə "ağ-qaralar" daha bir qol vurublar. 68-ci dəqiqədə Balayevlə üzbəüz dueldən qalib ayrılan Namiq Ələsgərov topu boş qapıya göndərib və yekun hesabı müəyyənləşdirib.

Səfər qələbəsindən sonra xallarını 6-ya çatdıran "Neftçi" 3-cü pilləyə yüksəlib. 4 xalı olan "Qarabağ" isə 5-ci sıraya geriləyib.

Qeyd edək ki, tura sentyabrın 19-da start verilib. "Qəbələ" evdə "Keşlə" ilə qolsuz heç-heçə edib. "Sumqayıt" doğma meydanda "Səbail"ə 2:1 hesabı ilə qalib gəlib. Bu gün isə "Sabah" səfərdə "Zirə"ni yenib - 2:0.

26
Teqlər:
Futbol üzrə Azərbaycan Premyer Liqası, "Neftçi" Futbol Klubu, "Neftçi", "Qarabağ" futbol klubu, "Qarabağ" komandası, "Qarabağ
Fransa ordusunun əsgərləri Charlie Hebdo jurnalının ofisinin yaxınlığında, 25.09.2020

Məhəmməd peyğəmbəri təhqir edən jurnalın binası qarşısında insanlara hücum

0
(Yenilənib 20:23 25.09.2020)
"Əl-Qaidə" terror təşkilatı Fransanın satirik "Charlie Hebdo" jurnalını yeni hücumla hədələyir. Şirkətin məlumatına görə, terrorçuların təhdidləri İslam peyğəmbəri Məhəmmədin karikaturalarının yenidən buraxılması ilə bağlıdır.

BAKI, 25 sentyabr — Sputnik. Parisdə "Charlie Hebdo" satirik jurnalının köhnə redaksiyasının binasının qarşısında insanlara hücum edilib. Sputnik Azərbaycan "BFMTV" telekanalına istinadən xəbər verir ki, üzərində soyuq silah olan şəxs bir neçə nəfəri yaralayıb.

Qeyd olunur ki, hadisə nəticəsində dörd nəfər yaralanıb, onlardan ikisinin vəziyyəti ağırdır. KİV-in məlumatına görə, xəsarət alanlardan ikisi Premières Lignes informasiya agentliyinin (onun redaksiyası Charlie Hebdo-nun əvvəlki binasının kirayəçisidir) əməkdaşlarıdır. 

Hadisə yerindən yayınan şübhəlilərdən biri Bastiliya meydanı, digəri isə "Rişar Lenuar" metro stansiyasının yanında saxlanılıb. Ancaq polis yalnız bir şübhəlinin saxlanıldığı barədə məlumat yayıb. Bildirilir ki, o artıq ifadə verib. Şübhəlinin 18 yaşı var və Pakistan əsillidir. 

Prokurorluq araşdırmalara başlayıb.

Qeyd edək ki, "Əl-Qaidə" terror təşkilatı Fransanın satirik "Charlie Hebdo" jurnalını yeni hücumla hədələyir.

Şirkətin məlumatına görə, terrorçuların təhdidləri İslam peyğəmbəri Məhəmmədin karikaturalarının yenidən dərc olunması ilə bağlıdır. Karikaturaların 2015-ci ildə baş vermiş terror aktında həlak olanların xatirəsinə həsr olunacağı deyilir.

Bundan əvvəl Tehran Fransanın "Charlie Hebdo" qəzetində İslam peyğəmbərinin karikaturalarının təkrar buraxılmasını pisləyib.

2015-ci il yanvarın 7-də Səid və Şərif Kuaşi qardaşları Parisdə "Charlie Hebdo" redaksiyasına hücum ediblər. Onlar 12 nəfəri, o cümlədən 8 jurnalisti və rəssamı öldürüblər.

Terror aktından sonra bir milyondan artıq fransalı "Je suis Charlie" ("Mən Şarliyəm") yazılmış lövhəciklərlə terrora və mətbuatda senzuraya qarşı yürüş ediblər.

0
Teqlər:
karikatura, Məhəmməd peyğəmbər, Pakistan, "Charlie Hebdo", Fransa, terror
Əlaqədar
Terrorçular "Charlie Hebdo"nu yeni hücumla təhdid edirlər
Dəhşətli terror: bu dəfə Avropanın mərkəzində əsgərləri vurdular
Xristian dünyasında güclü anti-islam təbliğatı başlayıb
Məşhur jurnal bu dəfə Rusiya və Ukraynanı təhqir etdi