Taekvando Federasiyasının müəllimlərinin etiraz aksiyası

Taekvando Federasiyasında maaş etirazı: Aylardır pul almırıq

648
(Yenilənib 10:21 11.06.2018)
"Sadəcə, istəyimiz odu ki, federasiya prezidentinə məlumat çatsın"

BAKI, 10 iyun — Sputnik. Son vaxtlar bəzi idman federasiyalarında məşqçi və müəllimlərin maaşı problemı yaranıb. Hətta bu federasiyalarda etiraz aksiyalarının da şahidi olmuşuq.

Bu dəfə Azərbaycan Taekvando Federasiyasının müəllimləri aksiya keçiriblər. Sputnik Azərbaycan xəbər verir ki, illərdir federasiyada işləyən müəllimlər səslərini çatdırmaq üçün media vasitəsi ilə müraciət ediblər. Onlar bildiriblər ki, keçən ilin avqustundan maaş almırlar: "İyulun ayının maaşını fevralda almışıq. Son 8 ayın maaşını isə almamışıq. Bu yubanmanın səbəbini heç birimiz bilmirik. Bizə konkret bir şey deyilmir. Gah deyirlər maaşlar olacaq, gah da deyirlər olmayacaq. 90 məşqçi 150-500 manat aralığında maaş alırlar. Ancaq biz icarəyə götürülən zallara görə ödəniş edirik. Eləsi müəllim var ki, 6-7 aylıq borca görə zalı bağlanıb. Bizə hər dəfə 10 gündən sonra maaş veriləcəyini deyirlər. ATF-nin vitse-prezidenti Nağı Səfərov hər dəfə bizi arxayın edir. 

Desək ki, federasiyaya heç pul ayrılmır, doğru olmaz. Yarışlara komandanı göndərirlər. 90 məşqçinin ümumi aylıq maaşı 30 min manat edirsə, 2 legionerin və ya baş məşqçinin əmək haqqı 12 min dollardır. Bu da bizə pis təsir edir. Onlar maaş alırlar. Amma yığmaya Olimpiada iştirakçısı, dünya və Avropa medalçısı bəxş edən mütəxəssislər var ki, aylardı maaşa həsrət qalıb. Biz heç də kənara atılası məşqçilər deyilik. Ölkədə taekvondonu yaradanlar pulsuz qalıb, sonradan gələnlər isə pul alır. Federasiyada pul yoxdursa, əlavə legioner niyə gətirilir?"

Müəllimlər başqa mövzuya da toxundular. Onlar iddia edir ki, milli komandaya İrandan heç kimə lazım olmayan qadın taekvondoçular gətiriblər: "Onlar da Avropa çempionatının elə ilk mərhələsində uduzdular. Legionerlərə 40 müəllimin pulunu verirlər. Sözümüzü federasiya prezidentinə çatdıran yoxdur". Müəllimlər aksiya zamanı onu da qeyd ediblər ki, federasiya prezidenti Kəmaləddin Heydərov taekvondonun inkişafında böyük işlər görüb: "O, 17 ildir taekvondo idman növünün inkişafı üçün əlindən gələni edir. Federasiyanın maddi-texniki bazası əla vəziyyətdədir. Ancaq vitse-prezident Nağı Səfərov hər dəfə bir bəhanə ilə maaşların verilməsini gecikdirir. Biz də onun sözünə inana-inana bu qədər vaxt keçdi. Yığma üzvlərinin və məşqçilərinin maaşı bu yaxında verildi. Biz də bu qənaətə gəldik ki, onlara pul verilir, bizə verilmirsə, deməli, maaşlarımız kəsilib. Amma bununla bağlı bizə konkret bir şey deyilməyib. Gözləməyi məsləhət görürlər, vəssalam. Maaş almayan məşqçilərin orta maaşı 300 manatdır. Uşaqları taekvondoya cəlb etmək üçün çox güzəştlər edirik. Pulsuz məşqlər keçirik. Aldığımız 5-10 manatdan da zalını icarə haqqını ödəyirik. Avadanlıqları da özümüz alırıq. Bundan sonra nə edək? Əlimizdən başqa nə iş gəlir? Başqa gəlir sahəmiz də yoxdur".

Məşqçilər iddia edir ki, iki legioner idmançı və baş məşqçinin aylıq pulu 90 məşqçinin ümumi maaşına bərabərdir.

"Bir idmançını yetişdirmək illər tələb edir. Ömrümüzü buna sərf edirik. Bütün bunların qarşılığında verilən dəyər belə olmamalıdır. Regionlarda elə məşqçilər var ki, zallarının pəncərəsi, istilik sistemi yoxdur. İldə bir dəfə məşqçiləri yığıb, problemləriylə maraqlanırdılar. Artıq bu da yoxdur. Kəmaləddin Heydərov burda nə baş verdiyindən xəbərsizdir. Bizim də məqsədimiz odur ki, problemimizi rəhbərlik bilsin" — deyə müəllimlər giley edirlər.

Taekvando Federasiyasının müəllimlərinin etiraz aksiyası
Emin Seferov
Taekvando Federasiyasının müəllimlərinin etiraz aksiyası

Məşqçilərdən biri deyir ki, onlara olimpiadada medal qazansalar hər şeyin yaxşı olacağı barədə söz veriblər, onlar da seviniblər. Amma Radik İsayev olimpiya çempionu olub, Milad Beiqi Harçeqani və Patimat Abakarova Olimpiadada bürünc medal qazanıblar, heç nə dəyişməyib: "Sevindik, amma sevincimiz uzun sürmədi, əksinə medal qazanmağımız biz məşqçilərin burnundan gəldi. Bizə dedilər ki, vəziyyətimiz daha da pisləşib, çünki xərcimiz artıb. Radikin maaşı qaldırıldı. Onun pulunu bizdən çıxartdılar. Məqsədləri odur ki, legionerlərlə işləsinlər".

"Hakimlərə də baxan yoxdur. Beynəlxalq hakim olsaq da, bir yarışa da gedə bilmirik. Özlərinə lazım olan adamları isə pul tapıb göndərirlər. Yarışdan dəvət gəlir, deyirlər ki, pulun varsa get. Ölkə xaricində idarəçilik etməliyik ki, ölkədə hakimliyin səviyyəsi yüksəlsin. Amma belə olmayanda yerli yarışların da idarəçiliyi istənilən səviyyədə olmur. Cəmi 1 nəfər yarışlara gedir. O da heç Bakıya gəlmir. Biz ölmüşük ki, ölkəmizi başqası təmsil etsin?" — deyə müəllimlər hakimlərə olan münasibətdən də narazılıq edirlər.

"Taekvondo ailəsi həmişə öndə olub. Sadəcə, istəyimiz odu ki, federasiya prezidentinə məlumat çatsın. Ölkədə iqtisadi böhran yaşanan 2015-2016-cı illərdə də maaş problemi yaşamamışıq. Ümid edirik ki, səsimizi eşidəcəklər və bu problem öz həllini tapacaq"- məşqçilər bildirilər.

648
Teqlər:
etiraz aksiyası, Azərbaycan Taekvando Federasiyası, problem, məşqçi, maaş, müraciət
Həbib Nurməhəmmədovun atası Əbdülmanap Nurməhəmmədov, arxiv şəkli

Həbib Nurməhəmmədova ağır itki üz verdi

112
(Yenilənib 16:00 03.07.2020)
"Çeçen xalqının adından Abdulmanap Maqomedoviçin ailəsinə öz səmimi başsağlığımı çatdırıram!" - Ramzan Kadırov

BAKI, 3 iyul — Sputnik. Qarışıq döyüş növləri (UFC) üzrə çempion Həbib Nurməhəmmədovun atası Abdulmanap Nurməhəmmədov vəfat edib. Onun koronavirusdan dünyasını dəyişdiyi deyilir. Sputnik Azərbaycan "RİA Novosti"yə istinadən xəbər verir ki, bu barədə Çeçenistanın rəhbəri Ramzan Kadırov öz "Telegram" səhifəsində yazıb.

"Abdulmanap Nurməhəmmədovun ölümü ilə bağlı kədərli xəbərlər mənə də çatdı. Çeçen xalqının adından Abdulmanap Maqomedoviçin ailəsinə öz səmimi başsağlığımı çatdırıram! O, özündən sonra yaxşı ad qoydu və layiqli bir nəsil yetişdirərək bizi tərk etdi. Allahın iradəsi, yazısı belədir!"

112
Əlaqədar
Nurməhəmmədovdan acı etiraf: “Ölən çoxdur, atamın da vəziyyəti ağırdır” – VİDEO   
Eksklüziv video: Həbibin atası Azərbaycan MMA Federasiyasının rəhbəri ilə döyüşür
Həbibdən Konora: “Sən möhtəşəm döyüşçüsən”
Həbibin qələbə fotosunun müəllifi koronavirusdan öldü - FOTO
Sənan Şəfizadə

İdman şərhçisi: “Əcnəbi məşqçi millimizə fövqəl uğur qazandırmayacaq”

4
(Yenilənib 15:01 03.07.2020)
İdman şərhçisi Sənan Şəfizadə deyir ki, futbolumuzda tarix yazacaq, önəmli oyunlarda özünü göstərə biləcək futbolçu yoxdur
Sənan Şəfizadə: “Oyunlar təxirə salınacaqsa, əcnəbi məşqçiyə ehtiyac yoxdur”

“Roy Kinin gəlişi ilə bütün problemlərin həll olacağına əmin ola bilmərik”. Bunu Sputnik Azərbaycan-a idman şərhçisi Sənan Şəfizadə deyib.

O bildirib ki, Millətlər Liqasında uğurlu çıxışa ümidləndiyimiz üçün məşqçi axtarışı sürətlənib: “Əgər Millətlər Liqasının oyunları bu il üçün təxirə salınacaqsa, əcnəbi məşqçiyə ehtiyac yoxdur. Əcnəbi məşqçi gələrsə, Azərbaycan futbolçularını tanımaq üçün ona ən azı bir il vaxt lazım olacaq. Hazırkı pandemiya şəraitində isə məşqçilərin oyunçu seçimi etmək üçün belə bir imkanı yoxdur. Hazırkı məqamda hər-hansı əcnəbi məşqçi Azərbaycan millisinə fövqəl bir uğur qazandırmayacaq. Futbolumuzda tarix yazacaq, önəmli oyunlarda özünü göstərə biləcək futbolçu yoxdur. Futbolçu yetişdirmək lazımdır”.

Qeyd edək ki, İngiltərənin “The Sun” nəşri “Mançester Yunayted” klubunun əfsanəvi futbolçularından sayılan Roy Kinin Azərbaycan millisinin baş məşqçi postuna namizədlərdən biri olduğunu yazıb.

Sənan Şəfizadənin geniş şərhinə audiofaylda qulaq asa bilərsiniz

4
 İranda epdimioloji vəziyyət

İranda bir gündə 150-dən çox şəxs koronavirusdan öldü

0
(Yenilənib 00:14 04.07.2020)
Son 24 saat ərzində koronavirusa 2566 yoluxma halı qeydə alınıb ki, bununla da ölkədə virusa yoluxanların sayı 235429-a çatıb

BAKI, 4 iyul — Sputnik. İranda koronavirusa yoluxanların sayı bir gün ərzində 2566 nəfər artıb. Sputnik Azərbaycan xəbər verir ki, bunu İranın Səhiyyə Nazirliyinin rəsmi nümayəndəsi Sima Sədat Lari bildirib.

Hospitalda koronavirus xəstəsinin yoxlanılması
© Sputnik / Vladimir Astapkovich

"Son 24 saat ərzində koronavirusa 2566 yoluxma halı qeydə alınıb ki, bununla da ölkədə virusa yoluxanların sayı 235429-a çatıb. Bir gün ərzində 154 nəfər virusdan ölüb, bununla da ölkədə koronavirusdan ölənlərin sayı 11260-a çatıb", - deyə məlumatda bildirilib.

O həmçinin qeyd edib ki, virusa yoluxan 235429 şəxsdən 196,5 mindən çoxu sağalıb.

Xatırladaq ki, SARS-CoV-2 koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 10,8 milyonu keçib, 521 mindən çox adam isə virus səbəbilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

0
Mövzu:
Dünyanı cənginə almış bəla