Məşqçi Dilarə Əhmədova

"Siyasətin idmana qarışması böyük fəsadlar törədə bilər"

1116
(Yenilənib 22:13 30.05.2018)
"Mənim azarkeşlik etdiyim komanda güclüdür, amma bu, oyundur, oyunda isə kimin udub-uduzacağını yalnız 90 dəqiqənin tamamında bilmək olar"

Şahpəri Abbasova, Sputnik Azərbaycan

BAKI, 30 may — Sputnik. İyun ayının 14-də bütün dünyanın gözü Rusiyada olacaq. Belə ki, futbol üzrə dünya çempionatının ev sahibi 2 dekabr 2010-cu ildə keçirilən səsvermə nəticəsində qalib gələn Rusiyadır. Bu mundial Rusiyanın ev sahibliyini etdiyi ilk çempionat olacaq. Rusiya Futbol Federasiyası tərəfindən təşkil olunacaq turnir həm də Şərqi Avropada keçirilən ilk mundial olacaq. Planetin ən yaxşı 32 komandası 8 qrupa bölünərək çempionatda iştirak edir.

Bəs görəsən Azərbaycanda futbol həvəskarları bu çempionatdan nə gözləyirlər? 

"Qəbələ"nin yüksək liqada çıxış edən qadınlardan ibarət komandasının, eyni zamanda Qaxın "UGİM U-13" və "U-16" komandalarının baş məşqçisi, əməkdar məşqçi Dilarə Əhmədova çempionatla bağlı fikirlərini Sputnik Azərbaycan-la bölüşüb.

O, dünya çempionatından sonra bizdə futbolun daha da inkişaf edəcəyinə ümid etdiyini deyib: "Çox istəyərdim ki, çempionatdan sonra bəzi dəyişikliklər olsun. Taktika və texnikada yeniliklər gözləyirəm".

Dilarə xanım hesab edir ki, çempionatda iştirak edəcək 32 komandadan 4-ü (Braziliya, İngiltərə, Almaniya, Argentina) daha güclüdür: "Bu çempionata Almaniya və İngiltərə qatılmaq istəmirdi. Onlar çempionatı boykot etmək niyyətində idilər. Düşünürəm ki, siyasətin idmana qarışması böyük fəsadlar törədə bilər". 

"Ümumiyyətlə, siyasətin idmana və incəsənətə təsiri olmamalıdır. Təəssüf ki, zaman-zaman siyasətin idmanın və incəsənətin üzərinə basqısının şahidi olmuşuq. Mən özüm şəxsən Braziliyaya azarkeşlik edəcəm. Braziliya komandasının reytinqi hamıdan yüksəkdir", — deyə o əlavə edib.

D.Əhmədova "Bütün dünyada futbol həvəskarları həmişə yarış başlamazdan əvvəl pərəştiş etdikləri komandanın qalib gələcəyinə dair mərc edirlər. Bu ənənə azərbaycanlı həvəskarlardan da yan keçməyib. Bəs siz azarkeşlik etdiyiniz komandanın qalib gələcəyinə inanırsınızmı?" sualımızı da cavablandırıb. O, deyib ki, əvvəlcədən hansı komandanın qalib gələcəyini proqnozlaşdırmaq düzgün deyil.

Xanım baş məşqçi vurğulayıb ki, kimin qalib gələcəyini ancaq matçın sonunda bilmək olar: "İdmanda gözlənilməz hadisələr çox olur. Meydança düz, top isə yumrudur. Ona görə də gözlənilməz nəticələr ola bilər. Mənim azarkeşlik etdiyim komanda güclüdür, amma bu, oyundur, oyunda isə kimin udub-uduzacağını yalnız 90 dəqiqənin tamamında bilmək olar". 

"Bəzən elə hallar olur, düşünürsən ki, filan komanda rəqibindən qat-qat güclüdür və o qalib gələcək. Oyun zamanı isə düşündüyünün tam əksi ilə qarşılaşırsan. Ümumiyyətlə, idmanı mən həyata bənzədirəm, həyatda olduğu kimi idmanda da gözlənilməz sürprizlər olur", — müsahibimiz deyib.

Baş məşqçi hesab edir ki, idmanda zəhmət ən önəmlisidir. Amma şans məsələsini də unutmaq olmaz. Ona görə də Dilarə xanım əvvəldən hansı komandanın qalib gələcəyinə dair proqnoz verməyə can atmır.

Qeyd edək ki, iyunun 14-də keçirilən açılış matçında Rusiya və Səudiyyə Ərəbistanı milliləri qarşılaşacaq. Turnirdəki oyunlar 12 fərqli stadionda 15 iyul 2018-ci ilədək keçiriləcək.

1116
Əlaqədar
Ulduz futbolçu iki qadın ilə bir gündə evlənir, özü də xristiandır...
Ulduz futbolçu Kəbədən milyonlara səsləndi - VİDEO
Türkiyədə möhtəşəm futbol gecəsi: "Qalatasaray" çempion oldu
Bakıda daha bir futbol məktəbi açıldı
Təcrübəli futbol məşqçisı yığma ilə müqaviləsini artırdı
Sənan Şəfizadə

İdman şərhçisi: “Bu sərəncam çempionatın yüksək səviyyədə keçirilməsinə təkan verəcək”

8
(Yenilənib 21:24 15.04.2021)
İdman şərhçisi Sənan Şəfizadə deyir ki, pandemiya ilə əlaqədar olaraq futbol turnirlərinin keçirilməsi üçün qaydalar müəyyənləşdirilib
Sənan Şəfizadə: “Sərəncam yerli təşkilat komitəsinin işini rahatlaşdıracaq”

Prezident İlham Əliyev 2021-ci ildə futbol üzrə Avropa çempionatının 4 oyununun (üç qrup və bir 1/4 oyunu) Bakı şəhərində keçirilməsi ilə əlaqədar bəzi tədbirlər haqqında sərəncam imzalayıb.

İdman şərhçisi Sənan Şəfizadə Sputnik Azərbaycan-a deyir ki, Prezident İlham Əliyevin imzaladığı sərəncam bu mötəbər yarışın ölkəmizdə yüksək səviyyədə keçirilməsinə təkan verəcək: “Bu sərəncam özündə mühim  məqamları əks etdirir. Bu sərəncam həm də yerli təşkilat komitəsinin işini rahatlaşdıracaq. Qeyd etməliyik ki, pandemiya ilə əlaqədar olaraq futbol turnirlərinin keçirilməsi üçün qaydalar müəyyənləşdirilib. Burada həm də media ilə iş prinsipində də dəyişiklik var”.

Sənan Şəfizadənin geniş şərhinə audiofaylda qulaq asa bilərsiniz

8
Bakı Olimpiya Stadionu, arxiv şəkli

Uels millisinin nümayəndələri Bakıya gəlib

8
(Yenilənib 20:45 17.04.2021)
Uels milli komandası Avro-2020-nin A qrupunda iyunun 12-də İsveçrə, iyunun 16-də isə Türkiyə yığması ilə qarşılaşacaq. Hər iki oyun Bakı Olimpiya Stadionunda keçiriləcək.

BAKI, 17 aprel - Sputnik. Avro-2020-nin final mərhələsində 2 qrup oyununu Bakı Olimpiya Stadionunda keçirəcək Uels milli komandasının 8 nəfərlik nümayəndə heyəti Bakıya işgüzar səfərə gəlib.

Sputnik Azərbaycan AFFA-nın rəsmi saytına istinadən xəbər verir ki, iki günlük səfər çərçivəsində təşkilatı məsələlərlə bağlı ətraflı müzakirələr aparılıb. Uelsli qonaqlar məşqlərin keçirəcəyi meydanlara və komandanın məskunlaşacağı otelə baxış keçirib, həmçinin SOCAR-ın Bakı Olimpiya Stadionunda olublar.

Qeyd edək ki, Uels milli komandası Avro-2020-nin A qrupunda iyunun 12-də İsveçrə, iyunun 16-də isə Türkiyə yığması ilə qarşılaşacaq. Hər iki oyun Bakı Olimpiya Stadionunda keçiriləcək.

8
Rusiya XİN-nin binası, arxiv şəkli

Çexiyanın Rusiyadakı səfirliyinin 20 əməkdaşı “persona non qrata” elan edildi

0
Rusiya Xarici İşlər Nazirliyinin “persona non qrata” elan etdiyi şəxslər Moskvanı 19 aprelə qədər tərk etməlidirlər.

BAKI, 18 aprel - Sputnik. Rəsmi Moskva Rusiya diplomatlarının Çexiyadan çıxarılmasına anoloji qərarla cavab verib.

Sputnik Azərbaycan RİA Novosti-yə istinadla xəbər verir ki, Rusiya Xarici İşlər Nazirliyi Çexiya Respublikasının Moskvadakı səfirliyinin 20 əməkdaşını “persona non qrata” elan edib.

Həmin şəxslər Rusiyanı 19 aprelə qədər tərk etməlidirlər.

Bundan əvvəl Çexiya respublikasının fövqəladə və səlahiyyətli səfiri Vitezslav Pivonka rəsmi Praqanın rus diplomatları ölkədən çıxaracağı ilə bağlı bəyanatından sonra Rusiya Xarici İşlər Nazirliyinə çağırılıb.

Bundan əvvəl RF diplomatiya idarəsində Çexiya hökumətinə sərt etiraz bildirilmiş və cavab tədbirlərinin görüləcəyinin anonsu verilmişdi.

Rusiya Xarici İşlər Nazirliyi qeyd edib ki, Praqanın hərəkətlərində "Amerikanın izlərini görməmək olmaz".

Nazirlik diplomatların qovulması qərarının 2014-cü ildə Vrbetitsadaki hərbi anbarlarda baş verən partlayışda Rusiya xüsusi xidmət orqanlarının iştirakı ilə bağlı "əsassız və həqiqətdən uzaq bəhanələr"lə əlaqədar verildiyini qeyd edib. 

 

0