Kapoeyra Federasiyasının prezidenti Nahid Ağazadə

Kapoeyra Federasiyasının prezidenti: "Biz uşaqlara aqressiya öyrətmirik"

279
(Yenilənib 11:16 28.05.2018)
"Mən 11 ildir kapoeyra ilə məşğulam, rəqibim isə 37 ildir bu sənətdədir, deməli, doğru qərardır və bunu uduzmaq yox, şərəf bilirəm"

Təranə Xudabaxşiyeva, Sputnik Azərbaycan

BAKI, 27 may — Sputnik. Azərbaycanda kapoeyranın yaradıcısı kimi idman tarixinə düşən Taleh Orucov 1997-ci ildə ilk dəfə Lənkəranda kapoeyra məktəbini yaradıb. Həmin məktəbin fəaliyyətini 2007-ci ildən Bakıda davam etdirib. Bununla o, həm də Kapoeyra Federasiyasını inkişaf etdirib. Taleh Orucov 2017-ci ildə, hətta Dünya Kapoeyra Federasiyasının prezidenti seçilib. Amma bir neçə ayın içində Taleh Orucov nədənsə tutduğu vəzifədən istefa verib. Onun yerinə isə Nahid Ağazadə gətirilib.

Sputnik Azərbaycan Kapoeyra Federasiyasının yeni prezidenti Nahid Ağazadə ilə həmsöhbət olub. Federasiyada baş verənlər barədə suallar ünvanlayıb.

— Nahid bəy, hər şey birdən oldu. Taleh Orucov getdi və siz Kapoeyra Federasiyasına prezident seçildiniz…

— Taleh Orucov bir müddətdir xəstəlikdən əziyyət çəkirdi. Bu səbəbdən Taleh müəllim federasiyada işləri davam etdirə bilmədi. O, hal-hazırda Türkiyədə müalicə alır. Bu səbəbdən də həm Azərbaycan Kapoeyra Federasiyasının, həm də Dünya Kapoeyra Federasiyasının prezidenti vəzifəsindən öz ərizəsi ilə getdi.

 Siz prezident seçilməmişdən öncə hansı sahədə çalışmısınız? Dünya Kapoeyra Federasiyası prezidentliyinə də namizədsiniz?

— Mən 11 ilə yaxın müddətdə Azərbaycan Kapoeyra Federasiyasında baş məşqçi kimi işləmişəm. İclas keçirildi və namizədliyim irəli sürüldü. Səs çoxluğu ilə namizədlər arasında mən Kapoeyra Federasiyasının prezidenti seçildim. Amma Dünya Kapoeyra Federasiyasına namizədliyim verilmədi. Dünya üzrə elə ustalar var ki, onların yanında mən namizədliyimi verə bilməzdim. Amma Dünya Kapoeyra Federasiyasının idarə heyətinin üzvüyəm.

 Bu sahəyə hansı idman növündən gəlmisiniz?

— İdmana gəldiyim ilk gündən kapoeyra ilə məşğulam. O zaman məni dostum Elmar Bayramov zala gətirib. Sadəcə bir məşq özümü sınamaq üçün gəlmişdim. Gəldim, sınadım, bəyəndim və artıq 11 ildir burdayam. 2007-ci ildən bu idman növündəyəm.

 Dünya çempionatı keçirmək Taleh Orucovun ideyası idi…

— Bəli, Taleh müəllimin ideyası idi. İdman Nazirliyi söz verdiyi dəstəyi göstərdi. Doğrudur, bəzi maliyyə problemləri oldu, amma böyük tədbir təşkil edən zaman belə hallar baş verir. Bizim də işlərimiz nəticəsində uğurlu yarış alındı.

 Olimpiya idman növlərinin sponsorları var. Bəs sizin necə?

— Xeyr. Bakı Şəhər Baş İdman idarəsi, İdman Nazirliyi bizə dəstək olur. Amma bizim xüsusi bir sponsorumuz yoxdur. Hazırda isə konkret sponsor yoxdur. Şirkəti olan valideynlər də bizə dəstək olur. Federasiyanın öz balansından da kömək olaraq bəzi yarışlar təşkil edirik.

 Xarici yarışlara gedəndə maliyyə məsələsi necə öz həllini tapır? Axı hər idmançının imkanı yoxdur…

— İl ərzində olacaq xarici yarışların təqvimini biz öncədən İdman Nazirliyinə təqdim edirik. Onlar da il ərzində keçiriləcək önəmli yarışlar üçün maliyyə ayırırlar. Amma bəzən olur ki, mühüm yarışlardan gec xəbər tuturuq. Bu zaman özümüz xərcimizi çəkib yarışlara qatılırıq.

Kapoeyra Federasiyasının prezidenti Nahid Ağazadə Sputnik Azərbaycana müsahibə zamanı
© Sputnik / Murad Orujov
Kapoeyra Federasiyasının prezidenti Nahid Ağazadə Sputnik Azərbaycana müsahibə zamanı

 Qeyri-olimpiya idman növlərində ən böyük problem maaş məsələsidir. Müəyyən vaxtdan sonra maliyyə problemlərinə görə kişi və qadın idmançılar iş tapıb idmandan uzaqlaşırlar. Sizdə də bu problem mövcuddur?

— Biz çalışırıq ki, yüksək dərəcəli idmançılarımızı itirməyək. Onları məşqçi kimi hazırlayırıq, müəllim kimi işləyirlər.

— Yeni prezident seçilmisiniz və bu federasiyaya hansı yeni ab-hava gətirəcək?

— Birinci növbədə sponsor problemini həll etməliyik. İkinci növbədə isə Azərbaycanda yarışların sayını çoxaltmalıyıq. Əvvəl 4 dəfə yarış keçirirdik, bu gün isə 6 və daha çox yarış. Bu yarışlar idmançılar arasında motivasiyanın artmasına səbəb olur.

 Azərbaycanda valideynlər övladlarını adətən idmana dava düşəndə döyülməmək, döymək üçün qoyurlar. Kapoeyra da kontaktsız idman növüdür. Bəs siz küçədə necə müdafiə olunursuz?

— Biz uşaqlara aqressiya öyrətmirik. Hətta yarış zamanı belə, idmançı gülməlidir. Əks halda ona cərimə gəlir. Hətta valideynlərdən biri mənə şikayət etmişdi ki, "Mənim uşağım öyrəndiklərini niyə çöldə tətbiq etmir? İstəyirəm ki, tətbiq etsin, çünki məktəbdə onu şagird vurub, oğlum isə onu vurmaq əvəzinə davanın səbəbini öyrənməyə çalışıb". Valideynə cavabımda dedim ki, biz aqressiya öyrətmirik və vacib məqamlarda o, döyə bilər.

— Yarışda dünya ikincisi oldunuz…

— Çoxu deyir ki, yarışda mənə qarşı haqsızlıq olub. Hətta Braziliya komandasından da yaxınlaşıb bunu deyənlər oldu. Amma mən belə düşünmürəm. Mən 11 ildir kapoeyra ilə məşğulam, rəqibim isə 37 ildir bu sənətdədir. Onun stajı mənim yaşımdan çoxdur. Deməli, doğru qərardır və bunu uduzmaq yox, şərəf bilirəm.

279
Teqlər:
Nahid Ağazadə, Azərbaycan Kapoeyra Federasiyası, sponsor, qələbə, yarış, prezident
Oktaqona ümumi baxış, arxiv şəkli

UFC “DQR bayrağına” görə erməni idmançını cəzalandırdı

11
(Yenilənib 15:05 07.08.2020)
Erməni idmançı qaydaları pozduğuna görə cərimələnib, idmançını rinqə çıxmazdan öncə yoxlamalı olan, 20 il təcrübəyə malik əməkdaşını işindən azad edib

BAKI, 7 avqust – Sputnik. Erməni əsilli amerikalı döyüşçü Edmen Şahbazyan UFC-dəki çıxışı zamanı törətdiyi təxribata görə cəzalanıb.

Sputnik Azərbaycan-ın Apasport.az saytına istinadən məlumatına görə, bunu “Glendale fighting club”un rəhbəri Edmond Tarverdyan açıqlayıb.

Şahbazyanın şəxsi məşqçisi və meneceri olan Tarverdyan Ermənistan mətbuatına bildirib ki, avqustun 2-də ABŞ-ın Las-Veqas şəhərində təşkil olunan “UFC Fight Night 173” turniri çərçivəsində keçirilən döyüş zamanı idmançının öz küncündə qondarma "Dağlıq Qarabağ Respublikası"nın “bayrağ”ını asması cəzasız qalmayıb: “Azərbaycan, Türkiyə və bir sıra digər ölkələrin səfirlikləri bizdən şikayət ediblər ki, Edmen Şahbazyan oktaqona Dağlıq Qarabağ Respublikasının bayrağı ilə çıxıb. UFC rəhbərliyi bizi cərimələyib, idmançını rinqə çıxmazdan öncə yoxlamalı olan, 20 il təcrübəyə malik əməkdaşını işindən azad edib”.

Məşqçi səhv etdiklərini boynuna alıb: “Etiraf edim ki, biz səhv etdik. Müqavilənin bəndinə diqqət yetirməmişdik. Bunun cəzasını çəkməyə hazırıq”.

Qeyd edək ki, Azərbaycan Xarici İşlər Nazirliyi yarışda erməni əsilli döyüşçünün Azərbaycanın işğal olunmuş ərazilərindəki qanunsuz rejimin “bayrağını” qaldırması ilə bağlı UFC-yə etiraz məktubu ünvanlayıb. Məktubda qanunsuz qurumun Ermənistanın hərbi təcavüzünün nəticəsindən başqa bir şey olmadığı bildirilib və ABŞ-ın Azərbaycanın ərazi bütövlüyünə dəstəyinə dair birmənalı mövqeyi UFC rəhbərliyinin diqqətinə çatdırılıb.

11
Roy Cons, arxiv şəkli

Dişləyə bilər. Mayk Taysonun rəqibinin qulaqları sığortalanacaq

14
(Yenilənib 15:36 05.08.2020)
1997-ci ilin iyununda döyüş zamanı Tayson rəqibi Evander Holifildin qulağının bir hissəsini dişləyib qoparıb

BAKI, 5 avqust — Sputnik. Keçmiş mütləq dünya çempionu Roy Consun qulaqları həmvətəni Mayk Taysonla döyüşdən əvvəl sığortalana bilər.

Sputnik Azərbaycan Rusiya mətbuatına istinadən xəbər verir ki, Consun meneceri Colt Barnanın belə bir niyyəti var.

Barnanın fikrincə, "mümkün kazusu" nəzərə almaq lazımdır.

1997-ci ilin iyununda döyüş zamanı Tayson rəqibi Evander Holifildin qulağının bir hissəsini dişləyib qoparıb.

Holifild və Tayson 1996-cı ildən 1997-ci ilə qədər iki döyüş keçiriblər. Hər ikisində Holifild qalib gəlib. O, birinci döyüşün 11-ci raundunda Taysonu nokauta göndərib. İkinci döyüşdə isə rəqibinin qulağını dişlədiyinə görə Tayson diskvalifikasiya olunub.

Bu il iyulun 21-də 54 yaşlı Mayk Tayson 51 yaşlı keçmiş mütləq dünya çempionu Roy Consonla döyüşəcəyini bildirib. Döyüş sentyabrın 12-də Kaliforniyada keçiriləcək. Duelin səkkiz raundlu olması planlaşdırılır.

Tayson xeyriyyə turnirləri üçün peşəkar rinqə qayıtmaq istəyi barədə aprelin sonlarında danışıb. Amerikalı 2005-ci ildən döyüşlərdə olmayıb. Onun hesabına 58 duel var. O, onlardan 50-də qazanıb.

14
Avtobus

Üç yüz manat xeyir götürəcəkdi, 15 günlük həbsə düşdü - FOTO

0
(Yenilənib 16:10 08.08.2020)
İcazəsi olmayan 30 sərnişinin hər birindən 10 manat almaqla onları Bakı şəhərinə aparacağına söz verən kişinin heç sürücülük hüququ olmadığı ortaya çıxıb

Rahim Məmmədov, Sputnik Azərbaycan

BAKI, 8 avqust — Sputnik. Mingəçevir Şəhər Polis Şöbəsinin əməkdaşları tərəfindən keçirilən tədbirlərlə karantin qaydalarını pozaraq, Bakıya sərnişin daşımağa cəhd edən sürücü saxlanılıb.

Daxili İşlər Nazirliyinin Mətbuat Xidmətinin Şəki regional qrupundan Sputnik Azərabaycan-a verilən məlumata görə, qanunsuz fəaliyyətlə məşğul olan Mingəçevir şəhər sakini Vasif Osmanov idarə etdiyi “Mercedes” markalı avtobusla sərnişinləri Bakıya aparmaq istəyən zaman şəhər ərazisində polis əməkdaşları tərəfindən saxlanılıb. Yoxlanış zamanı V.Osmanovun sürücülük hüququ olmadan sükan arxasına əyləşdiyi də məlum olub. O, icazəsi olmayan 30 sərnişinin hər birindən 10 manat almaqla onları Bakı şəhərinə aparacağına dair söz verdiyini bildirib.

© AR Ministry of Internal Affairs
Saxlanılan şəxs

Sürücü Vasif Osmanov barəsində Mingəçevir Şəhər Polis Şöbəsində toplanmış materiallar hüquqi qiymət verilməsi üçün məhkəməyə göndərilib və  o, məhkəmənin qərarı ilə 15 gün müddətinə inzibati həbs edilib. Sərnişinlər barəsində isə protokol tərtib edilərək, cərimə olunublar.

0
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
Əlaqədar
Balakəndə istirahət edənləri polis sıraya düzdü
Əvvəl açıq havadakı restoranlar, sonra rayonlara gediş-gəliş açılacaq
Hökumət karantin rejiminin daha da yumşaldılması barədə qərar qəbul edib
Hamam kömək etmədi: uşaq bağçasına görə valideynlər də cəzalandılar
DYP Bakını tərk etmək istəyən sürücülərə xəbərdarlıq edib