BAKI, 12 may — Sputnik. Fransanın "PSJ" klubunun hücumçusu bu yay komandasını dəyişə bilər. Bu barədə Sputnik Azərbaycan İspaniyanın "Marca" nəşrinə istinadən xəbər verir
Nəşr yazır ki, Neymar "PSJ" rəhbərliyinə klubdan ayrılmaq istədiyini deyib.
Daha əvvəl yayılan məlumatlarda Neymarın Fransa çempionatına keçməklə səhv etdiyini anladığını və dekabrda Madrid "Real"ının nümayəndələri ilə danışıqlar apardığı bildirilirdi.
Neymarın "PSJ"dən ayrılması məsələsi ən yüksək səviyyədə həll olunacaq. Çünki Qətər əmiri Tamim bin Hamad əl-Tani üçün məsələ prestij məsələsidir, onu pul maraqlandırmır.
Neymarın transferi 260-300 milyon avro məbləğində dəyərləndirilir. Oyunçunun bonuslarla bərabər illik məvacibi 40 milyon avro olacaq.
