Qarabağ futbol klubu

"Qarabağ" Azərbaycan çempionu oldu

112
(Yenilənib 21:32 22.04.2018)
Ağdam komandası bununla da ardıcıl 5-ci, ümumilikdə isə 6-cı çempionluğunu qazanıb

BAKI, 22 aprel — Sputnik. "Qarabağ" klubu futbol üzrə Azərbaycan Premyer Liqasında növbəti dəfə çempionluq əldə edib.

Sputnik Azərbaycan xəbər verir ki, Ağdam klubu 24-cü turda vaxtından əvvəl çempion olub.

"Qarabağ" bu turda "Sumqayıt"la görüşüb və oyun 1:0 hesabı ilə Qurban Qurbanovun yetirmələrinin xeyrinə başa çatıb.

Xallarını 59-a yüksəldən ağdamlılar növbəti turların nəticəsindən asılı olmayaraq, digər komandalar üçün əlçatmaz olublar. Qeyd edək ki, mövsümün başa çatmasına 4 tur qalmış 2-ci pillədə gələn "Qəbələ"nin 42 xalı var. "Qəbələ" bu gün "Neftçi"yə məğlub olub.

Ağdam komandası bununla da ardıcıl 5-ci, ümumilikdə isə 6-cı çempionluğunu qazanıb.

112
Teqlər:
Qurban Qurbanov, çempion, Azərbaycan, "Qarabağ" futbol klubu
Voleybol oyunu, arxiv şəkli

Qadın voleybolçumuz Macarıstan çempionatının gümüş medalçısı olub

2
(Yenilənib 14:32 13.04.2021)
Yekaterina Jidkovanın çıxış etdiyi "Bekeşçaba" klubu koronavirusa yoluxma hallarının artması üzündən Macarıstan çempionatının final seriyasına qatıla bilməyib.

BAKI, 13 aprel — Sputnik, Teymur Tuşiyev. Azərbaycanlı qadın voleybolçu Yekaterina Jidkova Macarıstan çempionatının gümüş medalına layiq görülüb. Sputnik Azərbaycan xəbər verir ki, voleybol üzrə qadın milli komandamızın üzvünün çıxış etdiyi "Bekeşçaba" klubu ilə "Fatuma" klubu arasında final görüşü baş tutmayıb.

Belə ki, final görüşü "Bekeşçaba" klubu üzvləri arasında koronavirusa yoluxma hallarının artması üzündən təxirə salınıb.

Ən yaxşı halda final görüşü şənbə günü, aprelin 17-də baş tuta bilərdi. Belə ki, Avropa Voleybol Konfederasiyasının reqlamentinə əsasən, milli çempionatlar aprelin 18-nə qədər başa çatmalıdır.

Nəticədə, "Bekeşçaba" texniki məğlubiyyətə uğrayaraq milli çempionatda gümüş medallarla kifayətlənməli olub.

Klubun üzvlərindən kimin xəstələnməsi, Jidkovanın da koronavirusa yoluxub-yoluxmaması barədə məlumat hələ ki yoxdur.

Xatırladaq ki, Macarıstan çempionatının yarımfinal oyununda Jidkovanın çıxış etdiyi klub "Kopoşvari" klubuna 3:1 hesabı ilə qalib gəlib.

2
Teqlər:
Macarıstan, voleybol
Nəriman Abbasov, arxiv şəkli

Nəriman Abbasov ikinci dəfə "Fight Nights" çempionluq kəmərini müdafiə edib

11
Azərbaycanlı Nəriman Abbasovla rusiyalı Şamil Amirov arasında görüş üçüncü raundda başa çatıbAzərbaycanlı Nəriman Abbasovla rusiyalı Şamil Amirov arasında görüş üçüncü raundda başa çatıb

BAKI, 12 aprel — Sputnik, Teymur Tuşiyev. Qarışıq əlbəyaxa döyüşlər üzrə həmyerlimiz Nəriman Abbasov Moskvada yüngül çəkidə (70,3 kq) "AMC Fight Nights" çempionluq kəmərini müdafiə edib. Sputnik Azərbaycan xəbər verir ki, rusiyalı idmançı Şamil Amirov üzərində texniki nokautla qələbə qazanan həmyerlimiz artıq eyni titulu ikinci dəfədir ki müdafiə edir.

Qeyd edək ki, görüşün ilk iki raundunda idmançımız çətinlik çəkib. Çünki sərbəst güləş üzrə keçmiş Avropa çempionu olmuş Amirov görüş ərzində dəfələrlə mübarizəni döşək üzərinə keçirməyə cəhd edib.

Abbasov isə zərbə fəndlərinə daha çox üstünlük verdiyi üçün rəqibini daim ayaq üstə məsafədə saxlamağa çalışıb.

İkinci raundda parterdə olduğu halda rəqibinə zərbə endirməyə imkan tapmış Abbasov daha sonra üstə çıxaraq onu zərbə atəşinə tutub. Bu raundda rusiyalı idmançını xilas edən raundun bitməsi haqqında zəngin səsi olub.

Görüşün üçüncü hissəsində isə Abbasov demək olar ki, artıq müqavimət göstərməyən rəqibini şapalaqlamaqda davam edib. Raundun ortalarında Amirovun köməkçiləri yetirmələrinin məğlubiyyətini qəbul edərək rinqə dəsmal tullayıblar.

Qeyd edək ki, Abbasovun çempionluğun müdafiəsi uğrunda ilk görüşü ötən ilin sentyabrında olub. Həmin qarşılaşmada həmyerlimiz digər rusiyalı Mixail Qoqitidzeni məğlub edib. Çempionluq kəmərini isə Abbaasov 2019-cu ildə qazaxıstanlı idmançı Kaut Xamidov üzərində xal hesabı ilə qələbədən sonra qazanıb.

11
Ukrayna hərbçisi , arxiv şəkli

Stoltenberq: "NATO Ukraynanın tərəfindədir"

0
(Yenilənib 16:42 13.04.2021)
"Böyük dövlətlər digərlərinə nəyi etmələrini diktə edə bilməzlər. Biz bu dünyanı keçmişdə qoymaq istəyirik. Biz Ukraynanın modernləşmə və islahatlara istiqamətlənən səylərini dəstəkləyirik".

BAKI, 13 aprel — Sputnik. NATO Ukraynanın tərəfindədir, müttəfiqlər Ukraynanın özünün təhlükəsizliyini təmin etməsi üçün dəstək göstərirlər. Sputnik Azərbaycan xəbər verir ki, bunu Ukraynanın xarici işlər naziri Dmitri Kuleba ilə birgə keçirdiyi mətbuat konfransında NATO-nun baş katibi Yens Stoltenberq bildirib.

"NATO-nun Ukraynanın suverenliyinə və ərazi bütövlüyünə dəstəyi dəyişməz olaraq qalır. Biz Krımın qanunsuz anneksiyasını tanımırıq, tanımayacağıq. Rusiyanı Ukraynanın şərqindəki silahlılara dəstəyi dayandırmağa, qoşunlarını Ukrayna ərazisindən çıxarmağa çağırırıq", - deyə Stoltenberq bildirib.

O əlavə edib ki, Ukraynanın NATO-ya üzvlüyü məsələsini yalnız alyansın 30 üzvü və Kiyev həll etməlidir, Rusiya buna qarışmamalıdır:

"Böyük dövlətlər digərlərinə nəyi etmələrini diktə edə bilməzlər. Biz bu dünyanı keçmişdə qoymaq istəyirik. Biz Ukraynanın modernləşmə və islahatlara istiqamətlənən səylərini dəstəkləyirik. İslahatlar sonrakı Avroatlantik inteqrasiya üçün ən yaxşı vasitədir".

Stoltenberq vurğulayıb ki, Rusiya təhlükəsizlik sahəsində digər ölkələrin əvəzinə qərar verə bilməz və bu, NATO-ya üzvlük məsələsinə də aiddir.

0