Milli Gimnastika Arenası

Avropa çempionatında sevincli anlar yaşandı: Qızıl medal bizə gəldi

95
(Yenilənib 18:04 15.04.2018)
Gimnastımız Avropa çempionatında qızıl medal qazanıb

BAKI, 15 aprel — Sputnik. Milli Gimnastika Arenasında keçirilən batut, ikili mini-batut və tamblinq üzrə 26-cı Avropa çempionatında Azərbaycan millisinin üzvü Mixail Malkin qızıl medal qazanıb.

Sputnik Azərbaycan xəbər verir ki, tamblinq yarışında 77,400 bal toplayan idmançımız bütün rəqiblərini qabaqlayaraq Avropa çempionu olub.

İkinci yerdə danimarkalı Adam Mathiesen, üçüncü yerdə isə rusiyalı Vadim Afanasyev qərarlaşıblar.

95
Teqlər:
Vadim Afanasyev, Adam Mathiesen, Milli Gimnastika Arenası, gimnastika, qızıl medal, Mixail Malkin
Əlaqədar
Bakıda bədii gimnastika üzrə Dünya Kuboku yarışlarına start verildi
Azərbaycan Gimnastika Federasiyası beynəlxalq reytinq siyahısına daxil edilir
“Polad Kuboku” mini-futbol çempionatında “Şağlaser” və “Master 114” komandaları arasında final matçında oyun epizodu

Təxirə salınan "Polad Kuboku"nun final oyunu baş tutdu - FOTO

89
Final oyunundan sonra çempionatda fərqlənən futbolçulara və turnirdə 1, 2 və 3-cü yeri tutan komandalara medallar və qiymətli hədiyyələr təqdim edilib.

BAKI, 21 iyun — Sputnik. Lənkəranda 9 aylıq fasilədən sonra Tovuz döyüşləri şəhidlərinin əziz xatirəsinə həsr olunan "Polad Kuboku" mini-futbol çempionatının final oyunu baş tutub. Çempionata 16 komanda qatılsa da, sadəcə “Şağlaser” və “Master 114” komandaları final mərhələsinə gələ biliblər.

Gərgin final oyunu “Master 114” komandasının 1:2 hesablı qələbəsi ilə başa çatıb. Final oyunundan sonra çempionatda fərqlənən futbolçulara və turnirdə 1, 2 və 3-cü yeri tutan komandalara medallar və qiymətli hədiyyələr təqdim edilib.

Mini-futbol turniri pandemiya şəraitinin qaydalarına uyğun olaraq keçirilib və iştirakçı komandaların da qaydalar çərçivəsində hərəkət etmələrinə xüsusi diqqət yetirilib.

© Sputnik / Rahim Murad
“Polad Kuboku” mini-futbol çempionatının əsas mükafatı

Çempionatın təşkilatçılarından biri Famil Məmmədovun Sputnik Azərbaycan-a bildirdiyinə əsasən, bundan sonra da oxşar tədbirlər təşkil edəcəklər: “Polad Kuboku” mini-futbol çempionatı Böyük Zəfərə aparan Tovuz döyüşlərinə həsr olunub. Çempionat ötən ilin sentyabr ayında başlanmışdı. Vətən müharibəsi başladığı ilk gündən onu dayandırmalı olduq. “Polad Kuboku”nun həm təşkilat üzvlərindən, həm də çempionatda iştirak edən komandaların üzvlərindən Vətən müharibəsində könüllü olaraq iştirak edənlər oldu. Çox şükür ki, hamısı sağ-salamat geri qayıtdı. Bu gün də çempionatımızın final oyunu baş tutdu. Allah bütün şəhidlərimizə rəhmət eləsin!”

  • “Polad Kuboku” mini-futbol çempionatında “Şağlaser” və “Master 114” komandaları arasında final matçında oyun epizodu
    © Sputnik / Rahim Mammadov
  • “Polad Kuboku” mini-futbol çempionatında “Şağlaser” və “Master 114” komandaları arasında final matçında oyun epizodu
    © Sputnik / Rahim Murad
  • “Polad Kuboku” mini-futbol çempionatında “Şağlaser” və “Master 114” komandaları arasında final matçında oyun epizodu
    © Sputnik / Rahim Murad
  • “Polad Kuboku” mini-futbol çempionatında “Şağlaser” və “Master 114” komandaları arasında final matçında oyun epizodu
    © Sputnik / Rahim Murad
  • “Polad Kuboku” mini-futbol çempionatının əsas mükafatı
    © Sputnik / Rahim Murad
  • “Polad Kuboku” mini-futbol çempionatının qalibi “Master 114” komandasına kubokun təqdimedilmə mərasimi
    © Sputnik / Rahim Murad
1 / 6
© Sputnik / Rahim Mammadov
“Polad Kuboku” mini-futbol çempionatında “Şağlaser” və “Master 114” komandaları arasında final matçında oyun epizodu

F.Məmmədov onu da bildirdi ki, çempionatın əsas məqsədi Tovuz döyüşləri zamanı Vətən uğrunda canlarından keçən şəhidlərimizin əziz xatirəsini yad etmək və eyni zamanda milli vətənpərvərlik ruhunda olan gəncləri bir araya toplamaq idi.

Eləcə də oxuyun:

89
Teqlər:
final, kubok, çempionat, futbol, Lənkəran
Bakı Olimpiya Stadionunda AVRO-2020-nin qrup mərhələsi çərçivəsində keçirilən Türkiyə-İsveçrə matçında oyun epizodu

Türkiyənin göz yaşları, Uelsin rəqsi: Bakıda AVRO-2020 qrup mərhələsinə yekun vurulub

3
(Yenilənib 17:31 21.06.2021)
RİA Novosti agentliyinin müxbiri Aleksandr Roqulev futbol üzrə Avropa çempionatının qrup mərhələsinin Bakıda keçirilən oyunlarının yekunlarını şərh edir.

Bakıda İsveçrə və Türkiyə komandaları arasındakı oyunla Avropa çempionatının qrup mərhələsinə yekun vurulub. Azərbaycan paytaxtı "A" qrupundakı 6 oyundan üçünə uğurla ev sahibliyi edib və sabahdan iyulun 3-də keçiriləcək AVRO-2020 ¼ final oyununa hazırlaşacaq.

Türk sahili

Azərbaycan paytaxtı əslində Türkiyə futbolçuları üçün elə öz evləri kimi idi. Burada Şenol Günəşin komandasına çox ümid bəsləyirdilər. Türklər Avropa çempionatının seçmə mərhələsini uğurla keçərək, digər komandalarla yanaşı? həm də Fransa millisini də məğlub etmişdilər. Onların heyətində Avropa səviyyəli bir neçə ulduz da vardı və turnirdən əvvəl ən azı yarımfinala namizəd komanda kimi nəzərdən keçirilirdilər.

Türkiyə Azərbaycan üçün ən yaxın silahdaş və qardaş ölkədir. Paytaxtda Türkiyə bayraqlarını hətta Avropa çempionatı olmasa belə, hər addımda görmək olar. Təbii ki, onların oyununa bütün biletlər satılmışdı. Olimpiya stadionu 50% doldurula bilərdi (34 min tamaşaçı).

© Sputnik / Murad Orujov
Əllərində Azərbaycan və Türkiyə bayraqları olan azarkeşlər Bakı Olimpiya Stadionunun qarşısında

Odur ki "ay-ulduzlular"ın çıxışından məyusluq da daha güclü idi. Türklər Bakıya İtaliya millisinə Romada 0:3 hesabı ilə məğlubiyyətdən sonra gəlmişdilər. Günəşin sözlərinə görə, Türkiyə futbolçuları hətta Uels yığması ilə oyunun birinci hissəsində də bu zərbədən oyana bilməmişdilər. Nəticədə 0:2 hesabı ilə başa çatan, lakin tam darmadağınla da nəticələnə biləcək oyun. İsveçrə millisinə qarşı son turun oyunu da eyni cür başa çatıb – 1:3, nəticə bundan da ağır ola bilərdi.

"Biz komanda daxilində fəlsəfəni dəyişməli, ona qalib ruhunu aşılamalıyıq. İlk iki oyunda bizdə bu qətiyyən hiss olunmurdu. Mən bizə qarşı deyilən bütün tənqidlərə hörmətlə yanaşıram, oyunçularımız da özlərindən narazıdırlar. Həyatda hər zaman istədiyiniz kimi olmur. Əminəm ki, futbolçularımız bu vəziyyətdən çıxacaq və yeni oyuna hazır olacaqlar. Biz buraya yaxşılardan biri olmaq üçün gəldik, lakin bunu edə bilmədik. Sözsüz ki, biz məyusuq və bizə azarkeşlik etmiş hər bir kəsdən üzr istəyirik", - deyə Şenol Günəş bildirib.

İndi isə AVRO-2020 Azərbaycanda təşkilat komitəsi Rusiya millisinin çempionatda çıxışını diqqətlə izləyir. Ehtimal var ki, Stanislav Çerçesovun yetirmələri ¼ finala çıxa bilsələr, komanda oyununu məhz Bakıda keçirə bilər. Bu halda azərbaycanlılar? nəhayət ki, şəhərin küçələrində turist kütlələrini görə və Avropa çempionatının əsl əhvali-ruhiyyəsini hiss edə biləcəklər.

Fəth edilməmiş Uels

Nə qədər təəccüblü görünsə də, Azərbaycan torpağı hamıdan çox Uels millisinə uğur gətirib. Britaniyalıları turnirdən əvvəl "A" qrupunun üçüncü yer tutmasına az ehtimal olan autsayderi adlandırırdılar. Tərəddüdlərin əsas səbəbi komandada nəsil dəyişməsi və baş məşqçi ilə bağlı qarmaqarışıqlıq idi. Əfsanəvi məşqçi Rayan Giqqs futbolla əlaqədar olmayan bir səbəb üzündən komandadan uzaqlaşdırıldı. Onun köməkçisi Ropert Peycin isə top-komandalarla kifayət qədər iş təcrübəsi yox idi.

© Sputnik / Murad Orujov
Türkiyə millisinin müdafiəçisi Zeki Çelik (qırmızı formada) və Uels komandasının yarımmüdafiəçisi Daniel Ceyms Bakı Olimpiya Stadionunda AVRO-2020-nin qrup mərhələsi çərçivəsində keçirilən Türkiyə-Uels matçında

Buna baxmayaraq, İsveçrə komandası ilə qarşılaşmada (1:1) uelslilər sübut etdilər ki, hazırkı çempionata boş yerə gəlməyiblər. Təşəbbüsü rəqibə verərək, Uels yığmasının müdafiəçiləri təzyiqə davam gətirdilər və buraxılmış qoldan sonra cavab topunu da vurdular. Oyunun qəhrəmanı isə adi komandalardan biri olan "Suonsi" klubunun oyunçusu Kiffer Mur oldu. Birinci hissədə onun qaşı toqquşma nəticəsində paralandı və buna görə də başına sarğı qoyulmalı oldu. Elə sarğılı başı ilə Mur fasilədən sonra topu rəqib komandasının qapısına göndərərək, Britaniya mətbuatının yazdığı kimi, öz transfer qiymətini 10 milyon funt-sterlinq artırdı.

"İndi mən ən xoşbəxt uelsliyəm. Baş verənlərin bir hissəsi olduğuma görə xoşbəxtəm. Bugünkü oyunda qələbə tamamilə oyunçuların sayəsində əldə olunub. Mən sizi elə indi soyunub-geyinmə otağına aparardım ki, bu gözəl kollektivi görəsiniz. Bu çox güclü kollektivdir. Burada hər kəs komanda və ölkə naminə şüşə qırıntıları üzərində gəzməyə də hazırdır", - deyə Peyc ikinci oyundan sonra deyib.

İsveçrə pley-off mərhələsinə can atır

Bakıda iki oyun keçirmiş üçüncü komanda İsveçrə millisidir. Vladimir Petkoviçin komandasını "kafi" qiymətləndirmək olar. Xüsusilə də, komanda pley-off mərhələsinə çıxa bilsə. İkinci hissədə Uels yığmasına hesabı bərabərləşdirməyə imkan verərək isveçrəlilər rəqibi sıxışdıra bilmədilər. Əvəzində isə türklər üzərində inamlı qələbə qazandılar. Üç oyunun nəticəsinə görə? İsveçrə millisinin 4 xalı var, top fərqi isə 3-dür (əgər yalnız İtaliya və Uels komandaları ilə oyunu nəzərə alsaq). Bundan əlavə? komandanın 1/8 finala çıxmaq şansları da pis deyil.

"Qrup mərhələsinə yekun vuraraq deyə bilərəm ki, Uels (1:1) və Türkiyə (3:1) komandaları ilə oyunlarda biz üstün idik. İtalyanlarla oyunda isə (0:3) biz əsl top-yığma komanda ilə qarşılaşdıq. Ümid edirik ki, mübarizəni davam etdirmək üçün dörd xal kifayət edəcək", - deyə Petkoviç bildirib.

Болельщики сборной Уэльса возле Олимпийского стадиона перед началом матча 1-го тура группового этапа чемпионата Европы по футболу 2020 между сборными Уэльса и Швейцарии.
© Sputnik / Murad Orudzev
Bakı Olimpiya Stadionunun qarşısında Uels yığmasının azarkeşləri

Ümumilikdə, qrup mərhələsinin Bakıda keçirilən oyunlarında hansısa xoşagəlməz hadisə baş verməyib. Azərbaycan paytaxtı iri miqyaslı tədbirlərə ev sahibliyi etməyi bacarır və AVRO-2020 də istisna deyil.

Hətta oyunlardan sonra metro girişində "tıxac" problemi də operativ şəkildə həll olunmuşdu – Azərbaycan polisi məharətlə İsveçrə-Türkiyə oyunundan sonra insan axınını ayırırdı ki, onlar bir-birini tapdalamasınlar. Təəssüf ki, stadionun tuta biləcəyi 65 min tamaşaçını deyil, cəmi 17 min nəfəri ayırmaq lazım gəldi. Bakı Olimpiya Stadionunun tutumu məhdudlaşdırılmışdı, Bakıda oyunlar da elə böyük maraq doğurmamışdı.

Əslində, Bakıda heç kim böyük futbol turnirinin atmosferini hiss etməyə macal tapmadı. Bunun əsas üç səbəbi oldu: AVRO azarkeşləri müxtəlif şəhərlərin arasında parçalanıblar, Türkiyə millisinin uğursuz çıxışı, habelə koronavirus məhdudiyyətləri. Azərbaycan iyunun 10-dan etibarən ölkəyə giriş-çıxış qaydalarını xeyli sadələşdirdi, lakin artıq çox gec idi – bir çox potensial turistlər Bakıya sonra da gedə biləcəklərini düşünərək səyahət fikrindən əl çəkdilər. Bakıya isə heç olmazsa ömründə bircə dəfə də olsa gəlmək lazımdır.

3
Vergilər nazirliyi

Vergi ödəyicilərinin yeni qeydiyyat üsulunu öyrənmək istəyənlərin nəzərinə

0
(Yenilənib 18:58 21.06.2021)
Dövlət Vergi Xidməti 2021-ci ilin iyun ayının 1-nə respublika üzrə uçotda olan vergi ödəyicilərin sayı barədə məlumat yayıb. Ötən ilin müvafiq dövrü ilə müqayisədə vergi ödəyicilərinin ümumi sayı 16,5% artıb.

BAKI, 21 iyun — Sputnik. 2021-ci ilin iyun ayının 1-nə respublika üzrə uçotda olan 1.260.629 vergi ödəyicisinin 87,7%-i fiziki, 12,3%-i faizi hüquqi şəxs və digər təşkilatlar olub.

Sputnik Azərbaycan Dövlət Vergi Xidmətinin saytına istinadla xəbər verir ki, ötən ilin müvafiq dövrü ilə müqayisədə vergi ödəyicilərinin ümumi sayı 16,5% artıb. Bunun da 94,3%-i fiziki, 5,7%-i isə hüquqi şəxslərin hesabına baş verib.

2021-ci ilin son üç ayında (mart, aprel və may ayları) ardıcıl olaraq qeydə alınan vergi ödəyicilərinin sayında artım müşahidə edilməkdədir.

Hüquqi şəxs kimi uçotda olan vergi ödəyicilərinin sayı artıb

Hüquqi şəxs kimi uçotda olan vergi ödəyicilərinin sayının artması əsasən (97,9%) kommersiya qurumlarının hesabına baş verib. Müqayisə edilən dövrdə kommersiya qurumlarının sayı 7,7% artaraq 138.803, qeyri-kommersiya qurumlarının sayı isə 1,4% artaraq 15.793 vahid təşkil edib. Cari ilin 5 ayında 4.573 kommersiya qurumu dövlət qeydiyyatından keçib ki, bu da 2020-ci ilin müvafiq dövrü ilə müqayisədə 27,2% çoxdur. Yanvar-may aylarında kommersiya qurumlarının dövlət qeydiyyatının 83,3%-i elektron qaydada, 16,7%-i kağız daşıyıcılarda edilmiş müraciətlər əsasında həyata keçirilib.

Bu ilin ötən dövrü ərzində ilkin qeydiyyat prosedurunun yerinə yetirilməsi zamanı 910 hüquqi şəxsin ƏDV məqsədləri üçün qeydiyyata alınması təmin edilib ki, bu da ümumi qeydiyyatın 20%-i deməkdir. Yanvar-may aylarında qeydiyyatdan keçmiş 4.573 kommersiya qurumundan 4.214-ü yerli investisiyalı, 359-u isə xarici investisiyalı qurumlardır. Yerli investisiyalı kommersiya qurumlarının dövlət qeydiyyatının sayı 56,1% artıb. Yerli investisiyalı məhdud məsuliyyətli cəmiyyətlərin e-qeydiyyatının xüsusi çəkisi isə 91,7% təşkil edib.

Bu ilin ilk 5 ayında fəaliyyəti aktivləşmiş hüquqi şəxslərin sayı 4.676 vahid təşkil edərək ötən ilin müvafiq dövrünə nisbətən 9,8% artıb. Fəaliyyəti aktivləşmiş ƏDV ödəyicilərinin sayında isə müvafiq olaraq 14,8%-lik artım müşahidə edilir. Hesabat dövründə fəaliyyətini dayandırmış hüquqi şəxslərin sayında ötən illə müqayisədə 1% azalma qeydə alınıb. Bu azalma, həmçinin, fəaliyyəti passivləşmiş ƏDV ödəyicilərinin sayında da (4,6 faiz) müşahidə edilir.

2021-ci il iyunun 1-nə qeydiyyatda olan kommersiya hüquqi şəxslərin 88,2%-i məhdud məsuliyyətli cəmiyyət, 1,5%-i səhmdar cəmiyyəti, 1,3%-i kooperativ və s. formalarda yaradılıb. Hesabat dövründə fəaliyyəti aktiv olan hüquqi şəxslərin 86,6%-i kommersiya qurumlarıdır. 2020-ci ilin müvafiq dövrü ilə müqayisədə aktiv kommersiya qurumlarının sayı 14,3% artıb, xüsusi çəkisi isə 59% olub. Kommersiya qurumlarının tərkibində aktiv ƏDV ödəyicilərinin sayı 2020-ci ilin müvafiq dövrü ilə müqayisədə 16,3% artaraq 24.574 vahid təşkil edib.

Cari ildə yeni qeydiyyat üsulu ilə (fin kod+mobil nömrə) 746 yerli investisiyalı məhdud məsuliyyətli cəmiyyət qeydiyyata alınıb ki, bu da ötən ilin müvafiq dövrü ilə müqayisədə 313 vahid və ya 72,3% çoxdur. Bu üsulun ümumi qeydiyyatda xüsusi çəkisi artaraq 16,3%, yerli investisiyalı məhdud məsuliyyətli cəmiyyətlərin qeydiyyatında isə 17,9% təşkil edib.

16.121 xarici investisiyalı kommersiya hüquqi şəxs dövlət qeydiyyatından keçib

2021-ci il iyunun 1-dək 16.121 xarici investisiyalı kommersiya hüquqi şəxs dövlət qeydiyyatından keçib. Bunlardan 10.787-nin fəaliyyəti aktivdir, 4.472-nin fəaliyyəti dayandırılıb, 862-si isə ləğv edilib. Hesabat dövründə fəaliyyəti aktiv olan xarici investisiyalı kommersiya qurumlarının sayı 2020-ci ilin müvafiq dövrü ilə müqayisədə 7,2% artıb. Qeydiyyatda olan xarici investisiyalı kommersiya hüquqi şəxslərin 18,2%-i xarici hüquqi şəxslərin Azərbaycandakı nümayəndəliyi və ya filialı, 78,1%-i məhdud məsuliyyətli cəmiyyət, 1,1%-i səhmdar cəmiyyəti və kooperativ, 2,6%-i isə digər təşkilati-hüquqi formalardadır. Bu ilin yanvar-may aylarında dövlət qeydiyyatından keçmiş 359 xarici investisiyalı kommersiya hüquqi şəxsin 29%-i ticarət, 27%-i xidmət, 13,1%-i tikinti, 30,9%-i digər sahədə fəaliyyət göstərir.

Bu ilin may ayında dövlət qeydiyyatına alınmış hüquqi şəxslərin 35-i Türkiyə, 7-i İran, 6-sı Pakistan, 3-ü Rusiya investisiyalı hüquqi şəxslərdir.

2021-ci il iyunun 1-nə 285 publik hüquqi şəxs dövlət qeydiyyatına alınıb.

Aktiv vergi ödəyicilərinin sayı artır

Qeyd edək ki, 2021-ci ilin aprel ayının 1-nə respublika üzrə uçotda olan 1.240.652 vergi ödəyicisinin 87,7%-i fiziki şəxs, 12,3%-i hüquqi şəxs və digər təşkilatlar olub. 2020-ci ilin müvafiq dövrü ilə müqayisədə vergi ödəyicilərinin ümumi sayı 167.992 vahid və ya 115,7% artıb ki, bunun da 94,6%-i fiziki şəxslərin, 5,4%-i hüquqi şəxslərin hesabına baş verib. Hüquqi şəxs kimi uçotda olan vergi ödəyicilərinin sayının artması əsasən kommersiya qurumları hesabına baş verib.

2020-ci ilin mart ayından başlamaqla müşahidə olunmuş ardıcıl 12 aylıq azalma dövründən sonra, ilk dəfə olaraq cari ilin mart ayında qeydiyyatın sayında artım müşahidə edilib.

Cari ilin I rübündə 2.714 kommersiya qurumu dövlət qeydiyyatından keçib. Kommersiya qurumlarının 2253-ü (83%) elektron qaydada, 461-i isə (17%) kağız daşıyıcılarda edilmiş müraciətlər əsasında qeydə alınıb. İlkin qeydiyyat prosedurunun yerinə yetirilməsi zamanı 460 hüquqi şəxsin (ümumi qeydiyyatın 17%-i) ƏDV məqsədləri üçün qeydiyyata alınması təmin edilib.

Cari ilin I rübündə 2.494 yerli investisiyalı kommersiya qurumu dövlət qeydiyyatına alınıb ki, bu da yerli investisiyalı kommersiya qurumlarının dövlət qeydiyyatının sayında 25%-lik artım deməkdir.

Fəaliyyəti aktivləşmiş (bərpa edilmiş) hüquqi şəxslərin sayı 2.840 vahid təşkil edib

2021-ci ilin I rübündə fəaliyyəti aktivləşmiş (bərpa edilmiş) hüquqi şəxslərin sayı 2.840 vahid təşkil edib. Bu zaman fəaliyyəti aktivləşmiş ƏDV ödəyicilərinin sayı ötən ilin müvafiq dövrü ilə müqayisədə 6,4% artıb. 2021-ci ilin I rübündə fəaliyyətini dayandırmış hüquqi şəxslərin sayı 3.682 vahid təşkil edərək 2020-ci ilin müvafiq dövrü ilə müqayisədə 19,5% azalıb. Fəaliyyətini passivləşmiş ƏDV ödəyicilərinin sayı isə 18,8% azalıb.

2021-ci ilin I rübündə qeydiyyata alınmış və fəaliyyətini bərpa etmiş kommersiya qurumlarının sayı fəaliyyəti passivləşmiş qurumların sayından 1.788 vahid çox olub.

Hesabat dövründə fəaliyyəti aktiv olan hüquqi şəxslərin 86,4%-i kommersiya qurumlarıdır. Ümumiyyətlə,136.997 kommersiya qurumundan 58,5 faizinin vəziyyəti aktiv olub. 2020-ci ilin müvafiq dövrü ilə müqayisədə aktiv kommersiya qurumlarının sayı 13,9 faiz artıb. Bu zaman kommersiya qurumlarının tərkibində aktiv ƏDV ödəyicilərinin sayı 16% artıb.

2021-ci ilin I rübündə kommersiya qurumlarının 83%-i elektron qaydada qeydiyyata alınıb. Yerli investisiyalı məhdud məsuliyyətli cəmiyyətlərin e-qeydiyyatının xüsusi çəkisi isə 91%-ə yaxın olub.

Yeni qeydiyyat üsuluna maraq artır

Yeni qeydiyyat üsulu ilə (fin kod+mobil nömrə) cari ildə 438 yerli investisiyalı məhdud məsuliyyətli cəmiyyət qeydə alınıb ki, bu da 2020-ci ilin müvafiq dövrü ilə müqayisədə 62,2 faiz çoxdur. Bu üsulun ümumi qeydiyyatda xüsusi çəkisi artaraq 16,1%, yerli investisiyalı məhdud məsuliyyətli cəmiyyətlərin qeydiyyatında isə 17,7% təşkil edib.

2021-ci ilin 1 aprel tarixinə 272 publik hüquqi şəxs, 16.066 xarici investisiyalı kommersiya hüquqi şəxs dövlət qeydiyyatından keçib.

0