Bavariya klubunun oyunçuları qələbələrini qeyd edirlər, 7 aprel 2018-ci il

"Bavariya" 28-ci dəfə Almaniya çempionu oldu

84
(Yenilənib 11:22 08.04.2018)
"Bavariya" liqa birinciliyində 29 turdan sonra xal ehtiyatını 72-yə çatdırıb və ən yaxın izləyicisi olan "Şalke"ni 20 xal qabaqlayır

BAKI, 8 aprel — Sputnik. Münhenin "Bavariya" klubu Almaniyanın tarixində 28-ci dəfə çempion olub.

Sputnik Azərbaycan xəbər verir ki, Bundesliqasının 29-cu turu çərçivəsində "Bavariya" "Auqsburq" klubunu 4:1 hesabı ilə məğlub edib.

"Bavariya" liqa birinciliyində 29 turdan sonra xal ehtiyatını 72-yə çatdırıb və ən yaxın izləyicisi olan "Şalke"ni 20 xal qabaqlayır.

"Bavariya" 118 illik tarixində 16 dəfə milli kubok, 5 dəfə isə Çempionlar Liqasında qələbə qazanıb. Həmçinin komanda Avropa Super Kuboku, UEFA Kuboku və dünya çempionatını da qazanıb.

84
Teqlər:
"Bavariya", Almaniya, futbol, çempion
AFFA-nın binası, arxiv şəkli

Bu bəyanat Superliqanı elə "beşikdə" boğa bilər...

26
(Yenilənib 14:09 20.04.2021)
"Mançester Yunayted", "Mançester Siti", "Arsenal", "Liverpul", "Tottenhem" və "Çelsi", "Real" (Madrid), "Barselona", "Atletiko" (Madrid), "Yuventus", "Milan" və "İnter" klubları imzaladıqları müqavilə ilə Super Liqanın yaradıldığını bəyan ediblər.

BAKI, 20 aprel — Sputnik. Azərbaycan Futbol Federasiyaları Assosiasiyası (AFFA) olaraq özündə separatçılığı ehtiva edən istənilən fəaliyyəti şiddətlə qınayırıq. Sputnik Azərbaycan xəbər verir ki, bu barədə AFFA-nın yaydığı məlumatda bildirilir.

"UEFA aprelin 18-də bəyanat yayaraq bildirib ki, İngiltərə Futbol Assosiasiyası və Premyer Liqa, İspaniya Futbol Federasiyası və La Liqa, İtaliya Futbol Federasiyası və Serie A məlumat əldə edib ki, qeyd olunan çempionatlarda çıxış edən bəzi klublar tərəfindən yeni Super Liqanın yaradılmasının elan olunması gözlənilir.

Həmin gün İngiltərənin "Mançester Yunayted", "Mançester Siti", "Arsenal", "Liverpul", "Tottenhem" və "Çelsi", İspaniyanın "Real" (Madrid), "Barselona", "Atletiko" (Madrid), İtaliyanın "Yuventus", "Milan" və "İnter" klubları imzaladıqları müqavilə ilə Avropada yeni turnirin – Super Liqanın yaradıldığını bəyan ediblər.

Azərbaycan Futbol Federasiyaları Assosiasiyası, Peşəkar Futbol Liqası və Azərbaycan Premyer Liqasında iştirak edən klublar FIFA və UEFA tərəfindən tənzimlənən bütün mövcud Nizamnamə və Əsasnamələrə sadiq olduğunu, bütün futbol yarışlarının beynəlxalq səviyyədə tanınan qanunlar çərçivəsində keçirilməsini, futbolda idman prinsiplərinin rəhbər tutulmasını, mövcud vəziyyətdə UEFA ilə həmrəy olduğunu və və UEFA-nı birmənalı şəkildə dəstəklədiyini bildirir. Avropa futbolunun əsas dəyərləri həmrəylik, ədalətli oyun və sosial məsuliyyətdir və bu proses uzun illərdir uğurla davam edir. Bir daha bəyan edirik ki, Azərbaycan Futbol Federasiyaları Assosiasiyası olaraq özündə separatçılığı ehtiva edən istənilən fəaliyyəti şiddətlə qınayırıq", - deyə məlumatda bildirilir.

26
Azərbaycanlı güləşçi Əli Rəhimzadə, arxiv şəkli

Azərbaycanlı pəhləvan Varşavada erməni güləşçini məğlub edib

15
(Yenilənib 21:19 19.04.2021)
Varşavada keçirilən Avropa çempionatında dörd güləşçimiz mübarizəyə uğurla başlayaraq 1/4 finala vəsiqə qazanıb.

BAKI, 19 aprel — Sputnik, Teymur Tuşiyev. Azərbaycanlı sərbəst güləşçi Əli Rəhimzadə (65 kq) Varşavada keçirilən Avropa çempionatındakı ilk görüşündə Ermənistan təmsilçisi Gevorq Tadevosyan üzərində qələbə çalıb. Sputnik Azərbaycan xəbər verir ki, 1/8 mərhələsindəki qarşılaşmada həmyerlimiz minimal xal üstünlüyü ilə qalib olub - 2:1. Rəhimzadənin 1/4 mərhələsindəki rəqibi bir qədər sonra məlum olacaq.

Azərbaycanın güləş ustalarından Əfqan Xaşalov (57 kq), Rəşad Yusifli (74 kq) və Şamil Zübairov (87 kq) müvafiq olaraq Yanis Martidis (Yunanıstan, 10:0), Andrey Sokalski (Polşa, 9:0) və Albert Saritov (Rumıniya, texniki qələbə) üzərində qələbə çalaraq ¼ finala yüksəliblər.

Daha bir güləşçimiz Turan Bayramov isə (70 kq) Nikolae Koyokaru (Böyük Britaniya) ilə görüşünü gözləyir.

15

Məhkəmə Vətən müharibəsindən sonra tutulan generalla bağlı qərar verdi

0
Rövşən Əkbərov CM-in 12.1, 120.2.2 (qəsdən adam öldürmə)  və  12.1, 221.3-cü (xuliqanlıq) maddələri ilə təqsirləndirilən şəxs qismində cəlb edilməklə, ona həmin maddələrlə ittiham elan edilib.

BAKI, 20 aprel - Sputnik. Bakı Hərbi Məhkəməsində sabiq birlik komandiri, ehtiyatda olan general-leytenant Rövşən Əkbərovun ev dustaqlığına buraxılması barədə verilən vəsatətə baxılıb.

Sputnik Azərbaycan APA-ya istinadən bildirir ki, hakim Camal Ramazanovun sədrliyi ilə keçirilən məhkəmə prosesində qərar elan olunub.

Qərara əsasən, həbs qətimkan tədbirinin ev dustaqlığına dəyişdirilməsi ilə bağlı vəsatət təmin edilməyib.

Qeyd edək ki, Baş Prokurorluğun yaydığı məlumata görə, Azərbaycan Respublikası vətəndaşı, 1971-ci il təvəllüdlü, Əliyev Elçin Fəday oğlunun 1 iyun 2001-ci il tarixdə Ukrayna Respublikasının paytaxtı Kiyev şəhərində soyuq silahla qəsdən öldürülməsi faktı ilə bağlı Ukrayna Respublikasının prokurorluq orqanlarında Cinayət Məcəlləsinin müvafiq maddələri ilə cinayət işi başlanıb, bir sıra istintaq tədbirləri yerinə yetirilib, 2003-cü il tarixdə cinayətin törədilməsində Azərbaycan Respublikasının vətəndaşının şübhəli olması əsası ilə cinayət işi Azərbaycan Respublikasına göndərilib.

Həmin cinayət işi üzrə Azərbaycan Respublikasının Hərbi və Baş Prokurorluğun Ağır cinayətlərə dair işlər üzrə istintaq idarəsində (əvvəlki) bir sıra istintaq hərəkətləri həyata keçirilib, lakin iş üzrə təqsirləndirilən şəxs qismində cəlb edilməli olan şəxs müəyyən edilmədiyindən cinayət işi üzrə icraat dayandırılıb.

2020-ci il tarixdə cinayət işi Baş Prokurorluqda yenidən öyrənildikdən sonra Baş Prokurorluğun rəhbərliyi tərəfindən cinayət işi üzrə icraatın dayandırılması haqqında qərar ləğv edilməklə icraat təzələnib və Baş Prokurorluğun İstintaq idarəsində çoxsaylı istintaq hərəkətləri aparılaraq iş üzrə kifayət qədər sübutlar toplanılaraq, həmin cinayət əməlinin Əkbərov Rövşən Telman oğlu tərəfindən törədilməsinə əsaslı şübhələr müəyyən edilib.

Belə ki, Azərbaycan Respublikası vətəndaşı, 1965-ci il təvəllüdlü Əkbərov Rövşən Telman oğlunun 31.05.2001-ci il tarixdən 01 iyun 2001-ci il tarixə keçən gecə Kiyev şəhəri, Deqtyaryov küçəsi 7 ünvanda yerləşən “Sikora” kafesində yeyib-içdikdən sonra, saat təxminən 3-4 radələrində həmin kafenin yaxınlığında Əliyev Elçin Fəday oğlu ilə aralarında yaranmış cüzi münaqişə səbəbindən xuliqanlıq niyyəti ilə Elçin Əliyevin ürək nahiyəsinə kəsici-deşici predmetlə xəsarət yetirərək sonuncunu qəsdən öldürməsinə şübhələr üçün əsaslar müəyyən edilib.

15 mart 2021-ci il tarixdə Rövşən Əkbərov CM-in 12.1, 120.2.2 (qəsdən adam öldürmə)  və  12.1, 221.3-cü (xuliqanlıq) maddələri ilə təqsirləndirilən şəxs qismində cəlb edilməklə, ona həmin maddələrlə ittiham elan edilib və Baş Prokurorluğun təqdimatına əsasən Bakı Hərbi Məhkəməsinin həmin tarixli qərarı ilə barəsində 4 ay müddətinə həbs qətimkan tədbiri seçilib.

0
Teqlər:
ev dustaqlığı, məhkəmə, həbs, general