Mirhəsən Seyidov

Federasiyanın yeni baş katibi: "Bir neçə günə qərar qəbul ediləcək"

202
(Yenilənib 18:49 11.02.2018)
Mirhəsən Seyidov: "İdman mənim üçün yad sahə deyil"

Təranə Xudabaxşiyeva, Sputnik Azərbaycan

BAKI, 10 fevral — Sputnik. Bir neçə gün öncə "İRƏLİ" İctimai Birliyinin sədri Mirhəsən Seyidov Azərbaycan Milli Karate Federasiyasının (AMKF) baş katibi vəzifəsinə təyin olunub. Yeni baş katib Sputnik Azərbaycan-a qısa açıqlama verib.

M.Seyidov əvvəlcə baş katib olaraq qarşıya qoyulan məqsədlər haqqında danışıb.

"Azərbaycan nüfuzu və uğurları ilə dünyada tanınan idman ölkəsidir. Azərbaycanda keçirilən beynəlxalq yarışlar, idman siyasəti ölkə gənclərinin sağlam olmasına, güclü olmasına və uğurlu idmançı olmasına yönəlib. Azərbaycan Karate Federasiyasının bugünkü əsas məqsədi 2020-ci ildə Tokioda keçiriləcək Olimpiya oyunlarına hazırlaşmaqdır. Hazırda bütün işlər bu yarışa yönəldilib. Məqsədimiz ancaq irəli addımlamaqdır", — deyə o bildirib.

Baş katib onu da qeyd edib ki, tezliklə baş məşqçi postunda dəyişiklik gözlənilir: "Biz məqsədlərimizə nail olmaq üçün baş məşqçi postunda da dəyişiklik etmək qərarına gəlmişik. Hələ kimin təyin olunacağı sual altındadır. Soçidə keçirilən Avropa çempionatında bir neçə məşqçidən təklif almışıq. Düşünürəm ki, bir neçə gündən sonra bu məsələ idarə heyətinin iclasında müzakirə olunacaq və qərar qəbul ediləcək. Məşqçinin yerli və ya xarici vətəndaş olması hələ dəqiqləşməyib. Bir onu bilirəm ki, komandamıza daha çox uğur qazandıra biləcək məşqçi olmalıdır".

M.Seyidov sponsor məsələsinə də aydınlıq gətirib: "Bu məsələ də həll olunmaq üzrədir. Bir neçə sponsor təklifi var. Müzakirələr gedir və sonda birini dəyərləndirib müqavilə bağlayacağıq. Hələ ki danışıqlar davam edir".

Gənclər sektorundan idman sektoruna gələn baş katib idmanda çalışmasında çətinlik çəkmədiyini vurğulayıb: "İdman mənim üçün yad sahə deyil. Uzun illər "cui-citsu" idman növü ilə məşğul olmuşam. Eyni zamanda gənc və yeniyetmə vaxtlarımda cüdo yarışlarında uğurla çıxış etmişəm. Hətta milli yığma komandanın üzvü də olmuşam. Ona görə də mənə yad sahə deyil. Əksinə idman mənə doğma sahədir".    

202
Teqlər:
Azərbaycan Milli Karate Federasiyası, baş katib, Mirhəsən Seyidov, "İrəli" İctimai Birliyi
Əlaqədar
Azərbaycan Alpinizm Federasiyasında dəyişiklik
Nazirlik Basketbol Federasiyasının ittihamlarına cavab verdi
Nazirlik federasiya ətrafındakı söhbətlərə aydınlıq gətirdi
Futbol Federasiyasının prezidenti istefa verməyə hazırlaşır
Federasiya rəhbəri rinqdə döyüldükdən sonra öldü
Rusiya millisinin hücumçusu Artyom Dzyuba (ön planda) və Belçika millisinin müdafiəçisi Tobi Alderveyreld

Rusiya millisinin futbolçuları AVRO-2020-nin startında Belçikaya uduzdular

5
(Yenilənib 01:10 13.06.2021)
Romelu Lukakunun dublu və Tom Menyenin qolu sayəsində belçikalılar AVRO-2020-də ilk oyunu qazanaraq B qrupunun lideri oldular.

Rusiya millisinin futbolçuları Avropa çempionatının qrup mərhələsindəki start oyununda Belçika komandasına uduzublar.

Sankt-Peterburqda keçirilən B qrupunun oyunu belçikalıların 3:0-lıq qələbəsi ilə yekunlaşıb.

Romelu Lukaku dubl edib (10-cu və 88-ci dəqiqələr), bir qol da Tom Menye (34-cü dəqiqədə) vurub. 

Rusiya turnirdəki növbəti matçını Sankt-Peterburqda iyunun 16-da Finlandiyaya qarşı keçirəcək. Belçikalılar bir gün sonra Kopenhagendə Danimarka millisi ilə oynayacaqlar.

 

5
Danimarka yığmasının yarımmüdafiəçisi Kristian Erikssen və Finlandiya millisinin havbeki Qlen Kamara AVRO-2020 matçında

Kristian Erikssen AVRO-2020-də Finlandiya ilə Danimarka oyununun ən yaxşısı seçildi

134
(Yenilənib 00:28 13.06.2021)
Avropa çempionatının təşkilat komitəsi oyun zamanı huşunu itirən futbolçunu dəstəkləmək qərarına gəlib.

Danimarkalı yarımmüdafiəçi Kristian Erikssen futbol üzrə Avropa çempionatının Finlandiya ilə Danimarka arasında keçirilən oyununun ən yaxşı futbolçusu seçilib. Bu barədə UEFA-nın saytında bildirilir.

Rusiya millisinin B qrupundakı rəqiblərinin oyunu şənbə günü Kopenhagendə başlayıb və 1:0 hesabı ilə finlərin xeyrinə başa çatlb.

Birinci taymın lap sonunda danimarkalıların yarımmüdafiəçisi Kristian Erikssen meydançada huşunu itirib. Bir neçə dəqiqə ərzində həkimlər ona ilkin yardım göstərib, ürəyini bilvasitə masaj ediblər. Sonra 29 yaşlı futbolçunu pərdəli xərəkdə tribunaların altındakı otağa aparıblar. Komandalar da onun ardınca gediblər.

Bir qədər sonra UEFA bəyan edib ki, oyunçu klinikadadır, özünə gəlib, vəziyyəti sabitdir. Matç təxminən iki saat sonra, Bakı vaxtı ilə 22:30-da davam etdirilib.

134