Индивидуальные и парные соревнования по теннису IV Игр Исламской солидарности

Bunu bilməliyik: İslam dini idmanda hansı şərtlər qadağalar qoyur?

543
(Yenilənib 00:35 24.12.2017)
Əkrəm Həsənov: "Allah yanında güclü kişi zəif kişidən daha dəyərlidir"

Təranə Xudabaxşiyeva, Sputnik Azərbaycan

BAKI, 23 dekabr — Sputnik. Azərbaycan dünyada idman ölkəsi kimi tanınır. Buna bir çox nüfuzlu idman yarışlarına ev sahibliyi etməsi bariz nümunədir. Birinci Avropa Oyunları, IV İslam Oyunlarının, eləcə də, bir çox idman növləri üzrə dünya, Avropa oyunlarının paytaxt Bakıda keçirilməsi yeniyetmə və gənclərin idmana olan marağını artırır. Bunun nəticəsi olaraq, idman zallarında məşq edən idmançıların, eləcə də qızların sayı durmadan artır.

Azərbaycan əhalisinin böyük əksəriyyəti İslam dininə tapınan ölkədir. İslam dinində də, demək olar ki, bütün sahələrdə müəyyən qaydalar, qadağalar mövcuddur. Maraqlıdır, İslam dinində idmanla bağlı hansı şərtlər hökm olunur? Sputnik Azərbaycan ilahiyyatçılardan İslam dinində idman haqqında hansısa məlumatların, həmçinin qadağaların olub-olmadığını dəqiqləşdirib.

İlahiyyatçı Əkrəm Həsənov bildirib ki, İslam dinində idmana böyük əhəmiyyət verilir: "Məhəmməd peyğəmbər öz dövrünün gənclərinə, İslamı qəbul edən hər bir şəxsə idmanla məşğul olmağı tövsiyə edib. Peyğəmbər bildirib ki, Allah yanında güclü kişi zəif kişidən daha dəyərlidir. Bununla da o, idmanın əhəmiyyətini bildirib. İdmanla məşğul olmaq İslamda əyləncə sayılır. Dinimizdə əyləncəyə müəyyən çərçivələr daxilində icazə verilir".

Ə.Həsənov deyib ki, peyğəmbərimizin hədisləri əsasında yanaşsaq, idmanla məşğul olmaq əyləncədən daha çox cihada hazırlaşmaq kimi dəyərləndirilir: "Peyğəmbər də öz səhabələrinə düşmənlə mübarizədə güclü olmaları üçün ox atmağı, üzgüçülüklə məşğul olmağı tövsiyə edib. Ancaq bu gün bizim bildiyimiz bütün idman növləri ilə məşğul olmaq İslam dinində icazəli hesab olunur, hətta təşviq olunur. Məhəmməd peyğəmbər üzmək, ata və ya dəvəyə minmək, ox atmaq, qaçmaq və güləşmək kimi idman növlərini tövsiyə edib".

"Bir hədisdə belə buyurulur: "Ox atmaq əyləncə deyil, əyləndiyiniz şeylərin ən xeyirlisidir" (Kənzul Ummal 4/292, Feyzul Qadir 4/59). Digər bir rəvayətdə isə belə deyilir: "Mələklər sizin heç bir əyləncənizdə iştirak etməz, ancaq ox atmaq və atla yarış keçirməkdən başqa" (Said İbnul Mənsur 2/183). Hətta bəzi rəvayətlərdə peyğəmbərin özünün də şəxsən dəvə və at yarışlarında iştirak etdiyi, bəzən yarışda qalib gəldiyi, bəzən də uduzduğu bildirilir" – deyə ilahiyyatçı qeyd edib.

Dini ekspert onu əlavə edib ki, İslam dinində idmanla məşğul olan qadınlara dini baxımından örtülü geyinmək şərti qoyulub. Amma qadınların idmanla məşğul olması İslam dinində qadağan yox, əksinə təşviq edilir.

Ə.Həsənov onu da vurğulayıb ki, İslamda qadınların ictimai yerlərdə açıq-saçıq idmanla məşğul olmalarına icazə verilmir: "Bəzi islam alimləri idmanla məşğul olmağı mənfi nəticələrdən qorumaq üçün halal və haram kateqoriyalara bölüblər. Məsələn, bəzi alimlər boks, insan bədəninə zərər verəcək qaydasız döyüşlərdə iştirak etməyi doğru hesab etmirlər. Əsasən də idman oyunlarında İslam alimləri geyim məsələsini daha çox qabardırlar. Kişilərdə diz qapağı ilə göbək örtülməlidir, qadınlarda isə yalnız əl və üz açıq qala bilər. Ancaq qadınlar örtülü yerdə və yalnız öz aralarında müəyyən çərçivədə geyim normalarını qoruyaraq idman edə bilərlər".

İlahiyyatçı İslam dinində yaş məsələsinə də toxunub: "İdmanla məşğul olmağın dinimizdə bəzi ədəbləri vardır ki, onlara riayət olunmalıdır. Dinimizdə idmanla məşğul olmağın heç bir yaş məhdudiyyəti yoxdur. Belə ki, kiçik yaşlı uşaqlar və yaşlı insanlar da idmanla məşğul ola bilərlər".

İlahiyyatçı Hacı Şahin isə qeyd edib ki, İslam dinində insanın ruhi təkamülü ilə yanaşı, cismi sağlamlığına da önəm verilir: "Bir çox ibadətlər haqqında danışanda onun sağlamlığa olan faydaları da diqqətə çatdırılır. Məsələn, insanın Həcc ziyarətinə getməsi onun sağlamlığı üçün faydalıdır, oruc tutmaq sağlamlığa xeyirlidir. Bundan əlavə, peyğəmbərimiz piyada gəzməyi tövsiyə edib. Peyğəmbərin zamanında at yarışları keçirilirdi və hətta Məhəmməd peyğəmbər özü də o yarışlarda iştirak edirdi. Bir sözlə, fiziki sağlam olmayan insanın mənəvi təkamülündən danışmaq olmaz".

"İslam dini idmanda qadın və kişiləri ayırmır. Dinin ümumi hökmləri vardır ki, onları qorumaq şərti ilə hər kəs idmanla məşğul ola bilər. İslam dinində bədənə bilərəkdən xəsarət yetirmək günah sayıldığı üçün, belə idman növləri ilə məşğul olmaq da məqbul deyil" – deyə Hacı Şahin əlavə edib.

543
Teqlər:
ilahiyyatçı, İslam dini, şərt, qadağa, idman
Əlaqədar
Bu idmançılara mənzil verildi – VİDEO
Prezident bir qrup idmançıya ev və fəxri ad verib - SİYAHI
Dünyanın ən varlı idmançılarının adları açıqlanıb
Hüseynzadə: “Təşkilatın nöqsanlarına görə idmançılar problem yaşamamalıdır”
Masallılı usta qeyri-adi idman maşını düzəlti: “TOT AZ” 25 min manata başa gəlir
Güləş, arxiv şəkli

Fransa Güləş Federasiyası loqoda bayrağımızın olmamasına görə üzr istədi

20
(Yenilənib 11:47 14.01.2021)
Azərbaycan Güləş Federasiyasının mətbuat katibi Sərxan Musayev səsləndirilən narazılıqlara aydınlıq gətirib.

BAKI, 14 yanvar — Sputnik. Fransanın Nitsa şəhərində keçiriləcək güləş üzrə Qran-pri turnirinin təşkilatçıları Azərbaycan bayrağının yarışın loqosunda yer almamasına görə üzr istəyib.

Bu barədə "Report"a Azərbaycan Güləş Federasiyasının Mətbuat katibi Sərxan Musalı məlumat verib.

O bildirib ki, məsələ ilə bağlı dərhal Fransa Güləş Federasiyası ilə əlaqə saxlayıblar: "Onlar qeyd etdilər ki, üzrlü hesab edin, bu, daha əvvəl hazırlanmış loqodur və burada bəzi yarış iştirakçılarının bayraqları yoxdur. Loqoda daha əvvəl bu yarışda olan ölkələrin bayraqları həkk olunub. Buna görə nəzərə alınmayıb. Loqoda elə ölkələrin bayraqları var ki, bu yarışda iştirak etmirlər. Həmin loqo 2020-ci ildə də istifadə edilib. Sadəcə, diqqətsizlik olub və bizə üzürxahlıq etdilər. Təşkilatçılıqla bağlı problem belə ola bilərdi ki, yarış nəkanında bayrağımız olmazdı. Amma bununla bağlı problem olmayacaq".

Federasiya rəsmisi təşkilatçılar tərəfindən heç bir soyuq münasibət görmədiklərini sözlərinə əlavə edib: "Mənfi nəsə hiss etməmişik. Ümumiyyətlə, problem olsaydı, bizim komandalara viza verməz, iştiraklarına problem yaradardılar. Arxivə də nəzər saldıq, Dünya Güləş Birliyinin saytında 2014-cü ildən sonrakı yarışları görmək mümkündür. 2019-cu ilə qədər bu yarış Qran-pri statusu almayıb. 2019, 2020 və 2021-ci illərdə artıq Qran-pri statusu ilə təşkil edilib. Yəni, həmin vaxta qədər ciddi yarış hesab edilmirdi. 2019-cu ilə qədər yalnız qadın və sərbəst güləşçilər arasında keçirilib. 2020 və 2021-ci illərdə isə güləşin hər üç növü proqrama daxil edilib. Biz 2020-ci ildə ilk dəfə bu yarışa qatılmışıq. Həmin vaxt yunan-Roma güləşi üzrə yığma komanda iştirak edib. Bu il isə həm yunan-Roma, həm də sərbəst güləşçilərimiz mübarizə aparacaq. Artıq təşkilatçılar bu çatışmazlığı aradan qaldırıblar və loqoya Azərbaycan bayrağını da yerləşdiriblər".

Qeyd edək ki, Qran-pri 15 - 17 yanvarda olacaq.

20
Bakı Olimpiya Stadionu, arxiv şəkli

"UEFA-2020" ilə bağlı vergidən azadolmanın müddəti artırıldı

10
Qeyd edək ki, Azərbaycan həmçinin, 2020-ci ildə futbol üzrə Avropa çempionatının oyunlarına da ev sahibliyi etməli idi.

BAKI, 12 yanvar - Sputnik. Prezident İlham Əliyev Vergi Məcəlləsinə və “Gömrük tarifi haqqında” qanuna dəyişiklikləri təsdiqləyib.

Sputnik Azərbaycan xəbər verir ki, dəyişikliklər "UEFA-2020" futbol çempionatı ilə bağlı vergidən azadolmanın müddətinin daha 1 il uzadılmasını nəzərdə tutur.

Sənəddə deyilir ki, Avropa Futbol Assosiasiyaları Birliyinin (UEFA) İcraiyyə Komitəsi ötən il Avropa Liqasının final oyununun Bakı Olimpiya Stadionunda keçirilməsi haqqında qərar qəbul edilib.

Qeyd edək ki, Azərbaycan həmçinin, 2020-ci ildə futbol üzrə Avropa çempionatının oyunlarına da ev sahibliyi etməli idi. Hazırda bütün dünyada yeni növ koronavirusun (COVID-19) yayılması ictimai-siyasi, sosial-iqtisadi həyatın bütün sahələrinə təsir etdiyi kimi, idman sahəsindən də yan keçməyib, o cümlədən böyük idman oyunlarının keçirilməsi təxirə salınıb.

Bildirilib ki, bu səbəbdən futbol üzrə Avropa çempionatının 2020-ci ildə keçirilməsi nəzərdə tutulan oyunlarının 2021-ci ildə Bakıda keçirilməsi nəzərdə tutulur. Bununla əlaqədar, “Vergi Məcəlləsində dəyişiklik edilməsi haqqında” 9 aprel 2019-cu il tarixli və “Gömrük tarifi haqqında” qanunda dəyişiklik edilməsi barədə” 9 aprel 2019-cu il tarixli qanunların qüvvədə olma müddətinin 1 avqust 2021-ci il tarixinə qədər uzadılması nəzərdə tutulur.

Həmin qanunlarla Azərbaycanda keçirilən UEFA 2019 Avropa Liqasının final oyunu və UEFA 2020 Futbol çempionatının oyunları ilə əlaqədar bir çox vergi növləri üzrə - gəlir vergisindən, mənfəət vergisindən, ƏDV-dən, aksizli mallara görə aksizdən, habelə gömrük rüsumlarından azadolmalar nəzərdə tutulub.

10
Rəssamın rəngləri və fırçaları, arxiv şəkli

Adi karandaşla canlı kimi görünən qəhrəmanlarımız: bunlar 14 yaşlı uşağın əl işidir - FOTO

28
(Yenilənib 23:32 16.01.2021)
Yardımlıdan olan yeniyetmə Vətən müharibəsi şəhidlərinin portretlərini sadə karandaşla yaradır. O inanır ki, gələcəkdə məşhur fırça ustası olacaq

BAKI, 16 yanvar - Sputnik, Kəmalə Əliyeva. Akademik təhsilinin olmamasına rəğmən, on dörd yaşlı Səməd İskəndərli karandaşla unikal əsərlər yaradır. O, daha çox Qarabağ müharibəsinin qəhrəmanlarının portretlərini çəkir. Sputnik Azərbaycan bildirir ki, gənc rəssam üçün hazırda ən böyük çətinlik işləmək üçün şəraitin olmaması və rassam ləvazimatlarının yoxluğudur. 

Посмотреть эту публикацию в Instagram

Публикация от İskəndərli Səməd 🇦🇿 (@drawing.smd)

Səməd Yardımlı rayonunun Sırıq kəndində yaşayır. O, rəsmlə uşaqlıqdan maraqlanır. Maliyyə problemlərinə görə ailəsi ona inkişaf etməkdə yardım edə bilmir. Müəllimlə çalışmaq imkanı olmayan Səməd internetdə müxtəlif videoçarxlara baxaraq öyrənir. 

Посмотреть эту публикацию в Instagram

Публикация от İskəndərli Səməd 🇦🇿 (@drawing.smd)

"Təəssüf ki, valideynlərim mənə rəssamlıq üçün lazım olanları ala bilmirlər, çünki bu ləvazimatlar çox bahadır. Əvvəl ancaq sadə karandaşla çəkməyə başladım. Sonra mənim xaricdə yaşayan dostum tanışları vasitəsilə mənə rəngli karandaşlar göndərdi, indi də onlardan istifadə edirəm. Onun sayəsində öz üzərimdə daha çox işləmək arzusu yarandı", - Səməd deyir.

© Photo : Courtesy of Samed Iskenderli
Səməd İskəndərli

Gənc istedad qohumlarını, tanışlarını, müxtəlif filmlərin qəhrəmanlarını çəkir. Son işləri isə Vətən müharibəsinin qəhrəmanlarına həsr olunub. Onun sözlərinə görə, hər dəfə şəhidlərin portretlərini yaradanda böyük məsuliyyət hiss edir və çalışır ki, hər yeni işi öncəkindən daha yaxşı alınsın. 

Səməd əmindir ki, gələcəkdə məşhur rəssam olacaq və onun əsərlərini hər kəs tanıyacaq. 

28
Teqlər:
Yardımlı, yeniyetmə, rəssam, Qarabağ
Mövzu:
Sözlə deyə bilmədiklərimizin izharı - sənət