Toğrul Əsgərov

Toğrul Əsgərovla bağlı müəmmalara aydınlıq gətirildi

302
(Yenilənib 11:49 21.12.2017)
Firdovsi Umudov: "Toğrul Əsgərov hələ ki milli komandada məşq edə bilməz"

BAKI, 20 dekabr — Sputnik. Bir neçə gün əvvəl ölkənin ən güclü güləşçilərini müəyyən etmək və milli komandanı yenidən qurmaq üçün güləş üzrə Azərbaycan çempionatı keçirilib. Yarışda maraqlı məqamlardan biri, ölkənin ən güclülərindən sayılan, "London 2012" olimpiadasının qızıl mükafatçısı Toğrul Əsgərovun iştirak etməməsi oldu.

Firdovsi Umudov
© Wikipedia
Firdovsi Umudov

Sputnik Azərbaycan Avropa çempionu Toğrul Əsgərovun idmançı kimi karyerasını davam etdirib-etdirməyəcəyi haqqında yaranmış suallara güləş üzrə milli komandanın baş məşqçisi Firdovsi Umudovla aydınlıq gətirib.

Baş məşqçi bildirib ki, Toğrul Əsgərov məşqlərini davam etdirir: "Ümumdünya Antidopinq Agentliyinin qanunlarına əsasən, qanında dopinq aşkarlanan idmançı milli yığmanın məşqlərində iştirak edə bilməz. Biz də o qaydalara əməl etdiyimiz üçün Toğrul Əsgərov milli komandada yox, şəxsi müəlliminin yanında məşqlərini davam etdirir".

"Təbii, mən də onun məşqlərinə xüsusi nəzarət edirəm. Onu da deməliyəm ki, Toğrulun zədəsi hələ tam sağalmayıb" — baş məşqçi deyib.

F.Umudov onu da əlavə edib ki, aprel ayında dopinqə görə verilən cəza bitəndən sonra idmançımız milli yığmada məşqlərini davam etdirəcək: "Daha sonra bir neçə beynəlxalq yarışlarda onu yoxlayacağıq. Məqsədimiz Toğrul Əsgərovu qarşıda gələn "Tokio-2020" Olimpiya oyunlarına hazırlamaqdır".

Qeyd edək ki, 2017-ci il aprel ayında idmançı Toğrul Əsgərovun "higenamin" preparatından istifadə etdiyi məlum olub. Bu dərmanın cari ildən Ümumdünya Antidopinq Agentliyi tərəfindən istifadəsi qadağan edilib. Preparat daha çox çəkini qorumaq üçün qəbul olunur.

Xatırladaq ki, güləşçimiz 1 il müddətinə cəza alıb və bütün yarışlardan kənarlaşdırılıb. Ona tətbiq olunan cəza 2018-ci il aprelin 17-də başa çatacaq.

302
Teqlər:
Firdovsi Umudov, Toğrul Əsgərov, dopinq, güləşçi, yarış
Əlaqədar
Toğrul Əsgərovdan sərt cavab
Firdovsi Umudov: “Toğrul Əsgərov heç yerə getmir”
Baş məşqçi: "Toğrul Əsgərov ömürlük şikəst ola bilər"
Toğrul Əsgərov: "Özüm də anlamadım ki, necə oldu"
Qarabağ klubunun futbolçuları, arxiv şəkli

"Qarabağ"da koronavirusa yoluxan futbolçuların sayı artıb

18
Milli komandanın heyətində Lüksemburqda koronavirusa yoluxmuş Maksim Medvedev müalicəsini tamamlayaraq Bakıya qayıdıb.

BAKI, 5 dekabr - Sputnik. Azərbaycan çempionu "Qarabağ"da daha beş futbolçunun koronavirus testi müsbət çıxıb.

Sputnik Azərbaycan bildirir ki, bu barədə klubun yaydığı açıqlamada deyilir.

Məlumata görə, "Qarabağ" Avropa Liqasının qrup mərhələsində "Makkabi" ilə matçdan geri döndükdən sonra Peşəkar Futbol Liqasının tələblərinə əsasən, Premyer Liqanın XII turunda qarşılaşacağı "Qəbələ" ilə matçın hazırlıqları çərçivəsində növbəti dəfə koronavirus testindən keçib
Testin nəticələrinə görə, futbolçular Qara Qarayev, Emil Balayev, İsmayıl İbrahimli, Toral Bayramov Kevin Medinada koronavirus aşkarlanıb.
Daha öncə testin nəticəsi pozitiv olan daha iki futbolçunun - Mahir Emreli Abbas Hüseynovun - müalicələri davam etdirilir.
Milli komandanın heyətində Lüksemburqda koronavirusa yoluxmuş Maksim Medvedev müalicəsini tamamlayaraq Bakıya qayıdıb.

Qeyd edək ki, komandanın baş məşqçisi Qurban Qurbanov da koronavirusa yoluxub. 

18
Teqlər:
test, Qarabağ FK, yoluxma, Koronavirus, epidemiya, COVID-19
Mövzu:
Azərbaycanda koronavirus: son xəbərlər
Qarabağ - Makkabi oyunu

"Qarabağ" İsraildə ilk xalını qazandı

37
(Yenilənib 00:38 04.12.2020)
“Qarabağ” qrupda son oyununu dekabrın 10-da keçirəcək. Ağdamlılar İspaniyada “Vilyarreal”ın qonağı olacaqlar

BAKI, 3 dekabr - Sputnik. Azərbaycan çempionu “Qarabağ” avrokuboklarda növbəti oyununu keçirib.

Sputnik Azərbaycan apasport.az-a istinadən bildirir ki, Ağdam təmsilçisi Avropa Liqasının qrup mərhələsinin V turunda meydana çıxıb.

İlk 4 görüşdə uduzduqdan sonra İ qrupunda sonuncu yeri tutduğu rəsmiləşən Qurban Qurbanovun yetirmələri İsrailin “Makkabi” klubu ilə görüşüb. Cari mövsümdə avrokuboklarda son ev matçını keçirən təmsilçimiz Təl-Əviv klubunu da İstanbuldakı “Başakşəhər Fatih Teim” stadionunda qəbul edib.

Baş məşqçi Qurban Qurbanov və əsas heyətin bir sıra üzvləri koronavirusa yoluxduğu üçün qardaş ölkəyə böyük itkilərlə yollanan “Qarabağ” turnirdə ilk xalını qazanıb. Qarşılaşmada hər iki qol ilk 45 dəqiqədə vurulub.

Komandamız hissənin ortalarında qapısında qol görüb. İsrail təmsilçisi penalti ilə hesabı açıb. Ağdamlılar ilk yarı başa çatmamış hesabda tarazlıq yaradıblar. Xayme Romero bərabərlik qoluna imza atıb. 

Qrupun digər oyununda “Sivasspor” Türkiyədə “Vilyareal”ı qəbul edib. İspaniya təmsilçisi 1 qolla səfər qələbəsi qazanıb.

Qeyd edək ki, “Qarabağ” qrupda son oyununu dekabrın 10-da keçirəcək. Ağdamlılar İspaniyada “Vilyarreal”ın qonağı olacaqlar.

Avropa Liqası
Qrup mərhələsi
V tur, İ qrupu
3 dekabr
21:55. “Qarabağ” (Azərbaycan) - “Makkabi” (Təl-Əviv, İsrail) - 1:1
Qollar:  Xayme Romero, 37 - Yonatan Kohen, 22 (pen.)

Baş hakim: Robert Hennessi (İrlandiya)
“Qarabağ”: 1. Şahruddin Məhəmmədəliyev, 81. Kevin Medina, 77. Donald Gerye, 8. Uroş Matiç, 2. Qara Qarayev (k), 19. Filip Ozobiç, 10. Abdullah Zubir, 44. Elvin Cəfərquliyev, 7. Ovusu Kvabena, 9. Xayme Romero, 18. İsmayıl İbrahimli
Ehtiyat oyunçular: 12. Emil Balayev, 94. Ayxan Arazlı, 4. Rahil Məmmədov, 27. Toral Bayramov, 21. Rauf Hüseynli, 29. Zamiq Əliyev 
Məşqçi: Elçin Rəhmanov
“Makkabi”: 19. Daniel Tennenbaum, 30. Maor Kandil, 18. Eytan Tibi, 21. Şeran Yeini (k), 27. Ofir Davidzada, 23. Eyal Qolasa, 42. Dor Perets, 24. Yonatan Kohen, 44. Luis Ernandes, 17. Dan Biton, 9. Nik Blekmen
Ehtiyat oyunçular: 1. Daniel Perets, 3. Matan Baltaksa 11. Tal Ben Haim, 22. Avi Rikan, 25. Amit Qlazer, 29. Eylon Almoq, 39. Eduardo Gerrero, 47. Eden Karzev, 10. Etey Şexter, 6. Dan Qlazer, 31. Şahar Piven, 72. Aleksandar Peşiç
Baş məşqçi: Giorgios Donis

37
Teqlər:
UEFA Avropa Liqası, "Makkabi" FK (Tel-Əviv), Qarabağ FK
Sarımsaq, arxiv şəkli

Təbii antibiotik zərərli imiş

0
(Yenilənib 23:40 05.12.2020)
Məlum olub ki, sarımsaq xəstəliyin simptomlarını ağırlaşdıran mədə və öd şirəsinin ifraz edilməsini stimullaşdırır.

BAKI, 5 dekabr — Sputnik. Çoxsaylı faydalı təsirləri olmasına baxmayaraq, sarımsaq aqressiv məhsul hesab edilir.

Sputnik Azərbaycan xarici mətbuata istinadla xəbər verir ki, bu barədə danışan həkim-dietoloq İnna Zaykina bildirib ki, çox sarımsaq yemək olmaz.

Mədə xorası xəstəliyi, pankreatit və digər xəstəliyi olan insanlar sarımsaq yeməməlidirlər. Çünki sarımsaq xəstəliyin simptomlarını ağırlaşdıran mədə və öd şirəsinin ifraz edilməsini stimullaşdırır.

Bir müddət əvvəl isə endokrinoloq Yelena Qubkina kartof bişirmə və yemək üsulları barədə danışarkən bildirmişdi ki, kartof torpaqdan və havadan zərərli maddələr yığdığı üçün onu istehlak edərkən diqqətli olmaq lazımdır. Belə ki, kartofu soyulmuş qaynatmaq və buxarda bişirmək daha faydalıdır. Belə ki, bu zaman tərəvəz maksimum miqdarda qida - kalium, natrium, B6 vitamini verir.

0
Teqlər:
allergiya, mədə-bağırsaq xəstəlikləri, simptom, xəstəlik, təbii antibiotik, zərər, sarımsaq