Rikardo

"Formula 1" ulduzundan Qurban Qurbanova hədiyyə

101
(Yenilənib 22:44 29.11.2017)
"F1 Bakı Qran Pri"sinin sonuncu qalibi, "Red bull"un pilotu olan Daniel Rikkardo "Atlılar"ın qonağı olub

BAKI, 29 noyabr — Sputnik. Bu gün "Qarabağ" Futbol Klubunun axşam məşqində sürpriz qonaq iştirak edib.

Sputnik Azərbaycan klubun saytına istinadla xəbər verir ki, "F1 Bakı Qran Pri"sinin sonuncu qalibi, "Red bull"un pilotu olan Daniel Rikkardo "Atlılar"ın qonağı olub.

F1 Bakı Qran Prisinin sonuncu qalibi, Red bullun pilotu olan Daniel Rikkardo və Qurban Qurbanov
"F1 Bakı Qran Pri"sinin sonuncu qalibi, "Red bull"un pilotu olan Daniel Rikkardo və Qurban Qurbanov

Komanda isə kiçik tanışlıqdan sonra Ağdam klubunun baş məşqçisi Qurban Qurbanov avstraliyalı pilota onun adının yazıldığı "Qarabağ"ın formasını hədiyyə olaraq verib.

Rikkardo isə öz ayaqqabılarını imzalayaraq baş məşqçiyə təqdim edib.

Daha sonra futbolçularla söhbət edən Rikkardo bir neçə dəqiqə komandanın oyunçuları ilə birlikdə məşqdə iştirak edib.

101
Əlaqədar
Növbəti Formula 1 yarışı üçün bilet satışına başlanılır
Formula 1 azarkeşlərinin sayı məlum oldu
Formula 1 Azərbaycan Qran Prisinin qalibi bəlli oldu
Formula 2-nin növbəti yarışı başladı
Avropa Liqasının qrup mərhələsinin 2-ci tutu çərçivəsində Qarabağ - Vilyareal matçı

"Qarabağ" azarkeşlərini məyus etdi

7
(Yenilənib 23:52 29.10.2020)
Azərbaycanın "Qarabağ" və İspaniyanın "Vilyarreal" komandaları arasındakı UEFA Avropa Liqasının I qrupunun II tur matçı keçirilib.

BAKI, 29 oktyabr — Sputnik. "Qarabağ" və İspaniyanın "Vilyarreal" komandaları arasındakı UEFA Avropa Liqasının I qrupunun II tur matçı keçirilib.

Sputnik Azərbaycan xəbər verir ki, görüş Türkiyənin İstanbul şəhərindəki "Başakşehir Fatih Terim" stadionunda baş tutub.

Komandalar oyunun birinci hissəsini heç-heçə başa vurublar. İkinci hissədə isə "Qarabağ"ın oyunçusu Kvabena Ovusu fərqlənib. O, 78-ci dəqiqədə hesabı açıb. Lakin Ağdam klubunun azarkeşlərinin sevinci uzun çəkməyib. 2 dəqiqə sonra "Vilyarreal" Yeremi Pinonun vurduğu qolla hesabı bərabərləşdirib. Matçın 84-cü dəqiqəsində Pako Alkaser Ağdam klubunu cəzalandırıb. "Vilyarreal" ikinci qolla önə çıxıb. 

Oyuna əlavə edilən dəqiqələrdə "Vilyarreal" 3-cü topu "Qarabağ"ın qapısından keçirib. Üçüncü topu da 90+6-cı dəqiqədə penaltidən Pako Alkaser vurub.

Beləliklə, "Qarabağ"-"Vilyarreal" matçında oyun ispan klubunun qələbəsi ilə başa çatıb.

Bu oyunun nəticəsi olaraq xallarını 6-ya çatdıran "Vilyarreal" qrupda liderliyini möhkəmlədib. "Qarabağ" isə 1 xalla 3-cü pillədə qalıb.

7
Ramil Quliyev

Dünya çempionu da "Qarabağ Azərbaycandır!" dedi

16
(Yenilənib 23:21 29.10.2020)
İdmançı üzərində "Pray for Barda" ("Bərdə şəhəri üçün dua edin") sözləri və 19 nəfərin öldüyü, 50 nəfərin yaralandığı yazılmış foto paylaşıb.

BAKI, 29 oktyabr — Sputnik. Türkiyə millisinin azərbaycanlı dünya çempionu Ramil Quliyev Ermənistan silahlı qüvvələrinin Bərdə şəhərinə raket zərbələri ilə törətdiyi terror barədə özünün "Instagram" səhifəsində paylaşım edib.

Sputnik Azərbaycan xəbər verir ki, idmançı üzərində "Pray for Barda" ("Bərdə şəhəri üçün dua edin") sözləri və 19 nəfərin öldüyü, 50 nəfərin yaralandığı yazılmış foto paylaşıb.

Ramil Quliyevin paylaşımının skrinşotu

Bununla yanaşı, sosial şəbəkədə Qarabağa aid video yayımlayıb və qeyd bölməsinə "Qarabağ Azərbaycandır" yazıb.

Qeyd edək ki, 30 yaşlı idmançının "Instagram"da 67 mindən çox izləyicisi var.

16