Milli Olimpiya Komitəsi

Azərbaycanda idman sahəsinə yönəlik radikal qərar - "Yaralı yerimiz" gündəmdə

322
(Yenilənib 17:36 29.11.2017)
Dünya çempionu: "Heç bir idmançı bilərəkdən bunu etməz"

Təranə Xudabaxşiyeva, Sputnik Azərbaycan

BAKI, 29 noyabr — Sputnik. Son illər Azərbaycanda dopinq qəbuluna görə idmandan uzaqlaşdırılan idmançılar sayı artıb. Hətta Olimpiya Oyunlarında qazandıqları medalları əllərindən alınan ağır atletlərimiz də var. Dopinq probleminin artıq Azərbaycanda da peşəkar idmançıların kabusuna çevrildiyini söyləmək olar.

Dopinq-test
© AP Photo / Alexander Zemlianichenko

Sputnik Azərbaycan-ın məlumatına görə, baş verənləri nəzərə alan Milli Məclis üzvləri dopinqlə bağlı Cinayət Məcəlləsinə dəyişiklik ediblər. Parlamentin birinci oxunuşda qəbul etdiyi dəyişikliyə əsasən, Cinayət Məcəlləsinin 143-1-ci maddəsinə (Dopinq vasitələrindən və (və ya) metodlarından istifadəyə məcbur etmə) yeni cəza — azadlığın məhdudlaşdırılması əlavə olunub.

Həmin maddəyə təklif olunan variantda deyilir ki, dopinq vasitələrindən və (və ya) metodlarından istifadəyə məcbur etmə 500 manatdan 1000 manatadək miqdarda cərimə və ya 2 ilədək müddətə islah işləri və ya 2 ilədək müddətə azadlığın məhdudlaşdırılması ilə cəzalandırılır.

İdman jurnalisti Sərxan Musalı Sputnik Azərbaycan-a bildirir ki, son 3-4 ildə idmanımızda, xüsusən ağır atletikada dopinq qəbul etmə hallarının geniş vüsət alması, ölkəmizin "qara siyahı"ya düşməsi AGİN və MOK-u ciddi addımlar atmağa sövq etdi: "Bu işə hökumət də dəstək verdi. Çünki Gənclər və İdman Nazirliyinin nəzdində fəaliyyət göstərən Dopinqə Qarşı Mübarizə Sektorunun fəaliyyəti də qənaətbəxş deyildi. Bu üzdən həmin sektor ləğv olundu və ayrıca Milli Antidopinq Agentliyi yaradıldı".

"Bundan əlavə, gözlənildiyi kimi, qanunvericilikdə idmançını dopinqə təhrik edən şəxslərə qarşı cəzalar sərtləşdirildi. Bu da dopinqə qarşı mübarizədə önəmli addımdır. Bir idman jurnalisti kimi bu dəyişikliyi alqışlayıram" — Musalı deyir.

Güləş üzrə dünya çempionu Hacı Əliyev də parlamentin bu qərarı ilə razıdır: "Heç bir idmançı bilərəkdən dopinq qəbul etməz. Amma hansısa həkim və ya məşqçi bilərəkdən idmançıya dopinq içirərək karyerasını məhv edirsə, onlar cəza almalıdır. Dopinq idmançı üçün lazımsızdır. Çünki qanında dopinq aşkarlanan idmançı 1-4 il ərzində idmandan uzaqlaşdırılır. Bunu başqası bilərəkdən edirsə, həmin şəxs cəza almalıdır".

"Karyeram boyu belə halla rastlaşmamışam, nə də başqa idmançının belə halla rastlaşdığını görmişəm. Yenə deyirəm, belə hal aşkarlanarsa, mütləq şəkildə həmin insan cəzalanmalıdır" – deyə güləşçi əlavə edib.

Ağır atletika üzrə keçmiş dünya çempionu, məşqçi Nizami Paşayev isə iddia edir ki, heç bir həkim və ya məşqçi heç bir idmançını dopinq qəbul etməyə məcbur edə bilməz: "Bu qərarın dopinq qalmaqallarının qarşısını alacağına inanmıram. Hələ də dopinq qalmaqalı davam edir. Karyeram boyu hansısa idmançının dopinq qəbul edilməsinə məcbur edildiyinin şahidi olmamışam".

322
Teqlər:
istifadə, Sputnik Azərbaycan, dopinq, idmançı, Azərbaycan, cəza
Əlaqədar
AMADA: Dopinqə düşən idmançılarımızın Rusiya ilə əlaqəsi yoxdur
Azərbaycanlı idmançı dopinq iddiasını rədd edir
Azərbaycanın ikiqat dünya çempionunda dopinq aşkarlandı
Putin: İdmanda dopinqin yeri olmayıb və olmayacaq
Nurlan İbrahimov, arxiv şəkli

"Qarabağ" klubu onun mətbuat katibinə qarşı UEFA-dan ağlasığmaz qərar

22
Dağlıq Qarabağ münaqişəsi zamanı Facebook sosial şəbəkəsində ermənilərlə bağlı paylaşımına görə, UEFA "Qarabağ" klubunun Mətbuat xidmətinin rəhbəri Nurlan İbrahimovu futboldan ömürlük kənarlaşdırıb.

BAKI, 26 noyabr — Sputnik. UEFA "Qarabağ" klubunun Mətbuat xidmətinin rəhbəri Nurlan İbrahimovu futboldan ömürlük kənarlaşdırmaq barədə qərar verib.

Sputnik Azərbaycan UEFA-nın rəsmi saytına istinadla xəbər verir ki, İbrahimov Dağlıq Qarabağ münaqişəsi zamanı Facebook sosial şəbəkəsində ermənilərlə bağlı paylaşımına görə bu cəzaya məruz qalıb.

Bununla yanaşı, qurum Ağdam klubunu da 100 000 avro məbləğində cərimələyib.

UEFA daha əvvəl İbrahimova qarşı "İrqçi və digər ayrı-seçkilik davranışı" və "Əsas davranış qaydalarının pozulması" maddəsi ilə intizam işi açmışdı.

"Qarabağ" klubu da öz növbəsində Nurlan İbrahimovla bağlı UEFA-nın yekun qərarına etiraz edəcək.

Bu barədə "Report"a Ağdam təmsilçisinin direktoru Emrah Çelikel məlumat verib.

Çelikel bildirib ki, klub bu yöndə lazımi tədbirləri görəcək: "Xəbər hələ çox yenidir, cəmi 15 - 20 dəqiqə əvvəl almışıq. Nə cür addım atacağımıza rəhbərliklə müzakirələrdən sonra qərar verəcəyik".

Çelikəl qərardan apellyasiya veriləcəyini də söyləyib: "Klubun mövqeyindən və Nurlan tərəfdən baxanda cəza çox ağırdır. UEFA-nın tabeliyində olan klub kimi onların qərarlarına hörmət etmək borcumuzdur. Ancaq haqsızlıq olduğunu düşündüyümüz halda lazımi etirazları edəcəyik. Qərarla bağlı UEFA-ya mütləq müraciət olunacaq".

22
Teqlər:
ermənilər, Ermənistan, UEFA, "Qarabağ", Qarabağ FK

Dünya futbolunun əfsanəsi FOTOlarda

12
(Yenilənib 09:06 26.11.2020)
Dieqo Maradonanın oyunu dedikdə yəqin ki, öncə göz önünə onun sinəsini qabağa verərək rəqib oyunçuları aldadaraq bütün meydançanı keçməsi gələcək.

Xəbər verildiyi kimi, dünya futbolunun əfsanəsi argentinalı Dieqo Armando Maradona dünyasını dəyişib. Maradona 60 yaşında infarktdan həyatını itirib. 

Əfsanəvi hücumçu azarkeşlərin yadında yalnız fenomenal oyunu ilə deyil, həm də qalmaqallarla yadda qalıb. 

Məsələn, 1986-cı ildə Argentina yığmasının qızıl medal qazandığı dünya çempionatında Maradonanın 1/4 finalda İngiltərə yığmasının qapısından əl ilə keçirdiyi top uzun müddət müzakirə mövzusu olub. Səbəbkarın özü hakimin hesaba aldığı topu "tanrının əli" vasitəsilə qapıdan keçirdiyini bildirib.

1991-ci ildə isə İtaliya çempionatının oyunundan sonra dopinq-testdən keçən Maradonanın kokain qəbul etdiyi aşkarlanıb.

Bütün bunlara baxmayaraq, futbolla maraqlanan hər kəs Dieqo Maradonanı futbol dahisi, təkbaşına oyunun taleyini həll edə bilən oyunçu kimi xatırlayacaq.

Sputnik Azərbaycan əfsanənin müxtəlif görüntülərini təqdim edir. 

12
  • © REUTERS / Carlos Barria

    Argentinalı futbolçu Dieqo Maradona müsahibə zamanı, 2010-cu il.

  • © REUTERS / Action Images / Juha Tamminen

    Argentinanın hücumçusu Maradona DÇ-1986-nın dörddəbir final matçında İngiltərə yığmasına qarşı oyunda.

  • © AP Photo / Carlo Fumagalli, file

    Dieqo Armando Maradona DÇ-1986-ın finalında AFR üzərində qələbədən sonra kuboku başı üzərinə qaldırır.

  • © REUTERS / Stringer

    Dieqo Maradona həyat yoldaşı Klaudiya və anası ilə toyda, 1989-cu il.

  • © Sputnik / Vladimir Rodionov

    İtaliyanın "Napoli" klubunun futbolçusu Dieqo Maradona Moskvanın "Spartak" komandası ilə oyundan sonra, 1990-cı il.

  • © AFP 2020 / Daniel Garcia

    Argentina millisinin kapitanı Dieqo Maradona DÇ-1994-də Yunanıstan komandasının qapısına vurduğu qolu qeyd edir.

  • © REUTERS / Stringer

    Futbol əfsanəsi Dieqo Maradona və Kuba lideri Fidel Kastro, 2001-ci il.

  • © REUTERS / Marcos Brindicci

    Maradona Kuba siqarı və Çe Qevaranın tatusu ilə, 2006-cı il.

  • © AFP 2020 / Stringer

    Futbol əfsanəsi Dieqo Maradona kolumbiyalı futbolçu Karlos Valderamanın karyerasını başa vurması ilə əlaqədar təşkil olunan şənlikdə rəqs edir, 2004-cü il.

  • © AP Photo / Matt Sayles

    Futbol əfsanəsi Dieqo Maradona Kannda özünə dair sənədli filmin nümayişi zamanı, 2008-ci il.

  • © AFP 2020 / Valery Hache

    Dieqo Maradona qızları ilə birgə 61-ci Kann kinofestivalında "Maradona" sənədli filminin premyerasından əvvəl, 2008-ci il.

  • © REUTERS / Eddie Keogh


    Məşqçi Maradona komandasının DÇ-2010-da Nigeriya millisinə vurduğu qolu qeyd edir.

  • © Sputnik / Sergey Guneev

    Rusiya Prezidenti Vladimir Putin, braziliyalı futbolçular Pele və Dieqo Maradona FİFA-2018 futbol üzrə dünya çempionatının püşkatmasından əvvəl.

  • © REUTERS / Marcos Brindicci

    Argentinalı futbol ulduzu Dieqo Maradona sevgilisi ilə, 2017-ci il.

  • © REUTERS / Grigory Dukor

    Futbol əfsanəsi Dieqo Maradona Kremldə, 2017-ci il.

Teqlər:
Argentina, braziliyalı futbolçu Pele, futbol, Dieqo Maradona

Rusiyalı sülhməramlılar Laçın dəhlizində təhlükəsizliyə necə nəzarət edirlər video

0
(Yenilənib 15:04 26.11.2020)
Rusiyalı sülhməramlıların Laçın dəhlizi ilə nəqliyyat hərəkətinin təhlükəsizliyini necə təmin etdiyini videoda izləyin.

Dağlıq Qarabağda Rusiya sülhməramlıları üçtərəfli sülh razılığı və atəşkəs rejiminin təmin edilməsinə nəzarət edir. 

Hərbçilər təmas xəttində yerləşən 23 müşahidə məntəqəsindən vəziyyəti gecə-gündüz müşahidə edir. Sülhməramlılar həm də Laçın dəhlizi boyunca hərəkətin təhlükəsizliyini təmin edirlər.

Kəlbəcərə ilk daxil olan Azərbaycan hərbçiləri - FOTOLAR>>

İstehkamçılar hərbi əməliyyatlardan zərər çəkən əraziləri minalardan təmizləyirlər. Mühəndis bölmələri yolları təmizləyir, bölgədə nəqliyyat hərəkətinin tənzimlənməsinə yardım edir, habelə yaşayış məntəqələrinin su, enerji və istilik tədarükünü bərpa edir.

0