Qarabağ - Çelsi qarşılaşması

"Qarabağ" - "Çelsi" qarşılaşması haqda yeni ağrılı fakt: azarkeşə niyə işgəncə verdilər?

849
(Yenilənib 18:12 27.11.2017)
Futbol bayramı, yoxsa 90 dəqiqəlik cəhənnəm əzabı?

Fuad Həsənov, Sputnik Azərbaycan

BAKI, 27 noyabr — Sputnik. Qayıdaq yenə də "Qarabağ" – "Çelsi" matçına. Etiraf edək ki, həmin gün stadiona gələn 68 min, əgər ingilisləri çıxsaq, 67 min yerli azarkeşin çiynində "Qarabağ"-ın şərfi olmasına baxmayaraq, onların böyük hissəsi "Çelsi"-nin ulduz oyunçularını izləməyə gəlmişdi.

Məqsədim "Qarabağ"-ı kiçildib, rəqibini böyütmək deyil. Çünki rəqib onsuz da böyükdür. Ancaq "Qarabağ" da kiçik deyil. Lakin fakt odur ki, əgər noyabrın 22-i saat 21:00-da meydana "Çelsi" yox, məsələn İsveçin "Höteborq" klubu (bilməyənlər üçün deyim ki, klubun orijinaldakı adı "Göteborg"-dur) çıxsaydı, əminəm ki, stadionun heç yarısı da dolmayacaqdı. Hətta Çempionlar Liqası oyunu olsaydı belə, yenə də dolmazdı.

Bu, özü sübut edir ki, bizim azarkeşlər stadionu ancaq dünya səviyyəli komandalar Bakıya gələndə doldururlar. Yəni, sırf onları görməyə gəlirlər. "Qarabağ", "Qarabağ" qışqırıqları isə futbol fanatizmindən deyil, tam şəkildə patriotluqdan qaynaqlanır. Əgər futbol fanatızmi olsaydı, "Qarabağ"-ın ölkə çempionatındakı oyunlarında da stadionlar ağzına kimi dolardı.

İndi qayıdaq əsas problemə. Bakı Olimpiya Stadionu çox gözəl stadiondur. Dünya səviyyəsində stadiondur. Sağ olsunlar, dünyanın o başından gəldilər, tikdilər, getdilər. Özü də cəmi üç il yarıma.

Bizimkilərə bircə stadiona Wi-Fi çəkmək işi qaldı. Ancaq nə hikmətdirsə, az qala 3 ilə yaxınlaşır, hələ də stadiona Wi-Fi çəkilməyib. Daha doğrusu çəkilib, amma 1-2 otağa. Texniki heyət və digər əməkdaşlar üçün. Onun da gücü 1 gb-a qədərdir, özlərinə güclə çatır. Hansı sektorda olmağınızdan asılı olmayaraq, Wi-Fi şəbəkəsi tapa bilməzsiniz.

Olimpiya stadionunda internet şəbəkəsi axtaranlar
© Karikatura
Olimpiya stadionunda internet şəbəkəsi axtaranlar

Dünyanın bu cür möhtəşəm stadionları olan ölkələrdə, azarkeşlər pulsuz istifadəyə verilən Wi-Fi-dan yararlanaraq, oyun ərzində selfi çəkib sosial şəbəkələrdə paylaşa, dosta-tanışa göndərə bilirlər. Hələ 90 dəqiqə canlı yayıma keçən "psixopatları" demirəm. Mədəniyyətə baxın, stadion rəhbərliyi hətta "psixopatların" ehtiyacını da nəzərə alır.

Bir də özümüzə baxaq. Azarkeşlər "Çelsi"-nin Bakıya gələcəyini eşidir, həftələrlə, hətta bir neçə ay öncədən bu anın həyəcanı ilə yaşayırlar. Avtobusa 10 manat, oyun biletinə də 20 manat (ən azı) pul verib rayondan Bakıya gəlirlər ki, stadiondan selfi çəkdirib, elə oradan birbaşa dostlarına şəkillər atsınlar. Amma nə illah edirlərsə, alınmır.

Wi-Fi olmamağı bir kənara, normal mobil operatorun gündəlik internet paketi də çalışmır. Təbii ki, o an maraq da, həyəcan da, futbolla bağlı hər şey də ölür. Üstəgəl portuqal hakimin insafsız qərarları, bizim azarkeşlərə 90 dəqiqəlik futbol bayramı deyil, cəhənnəm yaşadır. Həmin gün azərbaycanlılara tək portuqaliyalı referi yox, həm də stadion rəhbərliyi və mobil operatorlar zülm elədilər.

Bakı Olimpiya Stadionunun rəhbərliyi ilə əlaqə saxladıq. Stadiona nə üçün hələ də Wi-Fi çəkilmədiyini soruşduq. Yaxşı ki, zəng vurduq, yadlarına saldıq. Yaxın illərdə bu haqda düşünəcəklərini söylədilər.

Mobil operator şirkətləri isə bildirdi ki, oyun ərəfəsində şəbəkədə yüklənmə çox olduğundan internet zəif olub…

849
Teqlər:
"Çelsi", Bakı Olimpiya Stadionu, oyunçu, ingilis, "Qarabağ", matç, Bakı, wi-fi, stadion, azarkeş
Əlaqədar
Şok açıqlama: "Avropaya "Qarabağ"ın qrupdan çıxması sərf etmirdi"
“Qarabağ”dan daha bir məyusedici xəbər
"Qarabağ"dan məyusedici nəticə
Məşqçi: "Qarabağ" yaxşı oynamağa məcburdur
Azərbaycan millisinin yarımmüdafiəçisi Qara Qarayev, arxiv şəkli

Qara Qarayev: "Kəndimin işğaldan azad olunmasını sözlə ifadə edə bilmirəm"

106
(Yenilənib 22:47 27.09.2020)
Azərbaycan millisinin də üzvü olan Qara Qarayev Horadiz kəndində doğulub. Kənd onun 1 yaşı olarkən - 1993-cü ildə işğal edilib.

BAKI, 27 sentyabr - Sputnik. "Bu, həyatımın ən unudulmaz günüdür. Valideynlərimin, nəslimin doğma kəndinə qayıdacağı xəbəri mənim üçün çox önəmli bir hadisədir. Doğma kəndimin düşmənlərdən azad edilməsini sözlərlə ifadə edə bilmirəm".

Sputnik Azərbaycan "Report"a istinadən xəbər verir ki, bu fikirləri "Qarabağ"ın futbolçusu Qara Qarayev Füzulinin Horadiz kəndinin işğaldan azad olunması ilə bağlı danışarkən deyib.

28 yaşlı yarımmüdafiəçi həsrətində olduğu torpaqlara ayaq basacağı günü səbirsizliklə gözlədiyini bildirib: "İnanıram ki, bu, son deyil. Tezlikdə Qarabağda, Şuşada Azərbaycan bayrağı dalğalanacaq. Ordumuzla, xalqımızla qürur duyuram. Bu gün birlik, bərabərlik günüdür. Allah sizi qorusun, Azərbaycan əsgəri"!

Qeyd edək ki, Azərbaycan millisinin də üzvü olan Qara Qarayev Horadiz kəndində doğulub. Kənd onun 1 yaşı olarkən - 1993-cü ildə işğal edilib.

106
Teqlər:
Qarabağ FK, Qara Qarayev, Horadiz, Cəbrayıl, erməni təxribatı, Azərbaycan Ordusu, Dağlıq Qarabağ münaqişəsi, Dağlıq Qarabağ
Əlaqədar
Azərbaycan Odusunun uğurlu əməliyyatı nəticəsində bir sıra kəndlərimiz azad edilib
Azərbaycan Ordusu daha bir kəndi erməni işğalından azad edib
MN: Ermənistanın Ağdərə istiqamətindəki komandanlığına təslim olmaq təklif edilib
Ordumuz Ermənistanın hərbi texnikalarını belə məhv edir – VİDEO
Ermənistan təxribatı nəticəsində bir ailənin 5 üzvü həlak olub
Ermənistan ordusunun mərmiləri Tərtərdə evləri viran etdi - FOTO
Ermənistan ordusunun silah-sursat anbarı məhv edilib - VİDEO
 Mario Balotelli, arxiv şəkli

Məşhur futbolçu evlənməyə hazırlaşır

7
(Yenilənib 14:43 26.09.2020)
Məşhur futbolçu 1 aydır ki, münasibətdə olduğu model və "Instagram" fenomeni Alessia Messina ilə ailə qurmağa hazırlaşır.

BAKI, 26 sentyabr — Sputnik. İtaliyalı tanınmış qaradərili futbolçu ailə qurmağa hazırlaşır.

Sputnik Azərbaycan-ın Türkiyə mediasına istinadən xəbərinə görə, İtaliyanın ən çox gündəmdə olan futbolçusu Mario Balotelli evlilik hazırlıqlarına başlayıb. Məşhur hücumçu 1 aydır ki, münasibətdə olduğu model və "İnstagram" fenomeni Alessia Messina ilə ailə qurmağa hazırlaşır.

Qeyd edək ki, məşhur cütlük artıq nişanlanıb.

 

7
Vaşinqtonda Kapitoliy binasına mənzərə, arxiv şəkli

Vaşinqtondan Ceyhun Bayramova zəng: Qarabağda son vəziyyəti soruşdular

0
ABŞ Dövlət katibinin müavini Stiven Biqan öz növbəsində gərginliyin azaldılması üçün tərəflərin müvafiq addımlar atmasının vacibliyini qeyd edib

BAKI, 28 sentyabr - Sputnik. Sentyabr 27-də Xarici İşlər naziri Ceyhun Bayramov və ABŞ Dövlət katibinin müavini Stiven Biqan arasında telefon danışığı baş tutub.

Azərbaycan XİN-dən Sputnik Azərbaycan-a daxil olan məlumata görə, ABŞ rəsmisi bölgədə baş verən yüksək gərginlik ilə bağlı ciddi narahatlığını ifadə edərək, hazırkı vəziyyəti sorğu edib.

Nazir Ceyhun Bayramov Ermənistan silahlı qüvvələrinin növbəti təcavüz aktı barədə məlumat verərək Azərbaycan silahlı qüvvələrinin özünü müdafiə hüququ çərçivəsində mülki əhalisini müdafiə etmək məqsədilə həyata keçirildiyi cavab həmlələrini qeyd edib. Bölgədə yaşanan bu gərginliyin kökündə Ermənistanın 30 ilə yaxındır ki, davam edən işğalçılıq siyasətinin durduğu vurğulanıb və BMT TŞ qətnamələrinin tələbləri başda olmaqla beynəlxalq təşkilatların qərarlarının yerinə yetirilməsinin vacibliyi bildirilib. Yaranmış vəziyyətin tam məsuliyyətinin Ermənistan üzərində olduğu vurğulanıb.

ABŞ Dövlət katibinin müavini Stiven Biqan öz növbəsində gərginliyin azaldılması üçün tərəflərin müvafiq addımlar atmasının vacibliyini qeyd edib.

0
Teqlər:
Ceyhun Bayramov, Dövlət Departamenti, ABŞ, Azərbaycan, Ermənistan, cəbhə xətti, ön cəbhə, cəbhə, erməni təxribatı, Dağlıq Qarabağ münaqişəsi
Əlaqədar
Azərbaycan Ermənistana qarşı tribunalın yaradılması üçün müraciət edəcək
Ermənistan ordusunun öldürdüyü beş nəfərin adları açıqlandı
MN: Ermənistanın Ağdərə istiqamətindəki komandanlığına təslim olmaq təklif edilib
İtaliya parlamentariləri Ermənistanın təxribatını pislədilər
Azərbaycanın mülki əhalisi hədəfdə: Ermənistan ordusunun atdığı mərmi Ağdamda evi dağıtdı