Qurban Qurbanov

Qurban Qurbanov: "Üzərimizdə təzyiq var"

27
(Yenilənib 14:51 21.11.2017)
Baş məşqçi: "Uduzmuşamsa, onda gərək mənim də yerimə baş məşqçi gətirsinlər?"

BAKI, 21 noyabr — Sputnik. "Qarabağ" futbol klubunun baş məşqçisi Qurban Qurbanov sabahkı "Çelsi" matçı öncəsi jurnalistlərin suallarını cavablandırıb. Sputnik Azərbaycan həmin müsahibəni təqdim edir:

- Pedronun əvəzinə kim oynayacaq və Dani Kintananın durumu nə yerdədir?

— Enrike haqda düşünmürəm, əlimizdə olan digər oyunçulardan yararlanmağa çalışacağıq. Daninin durumu normaldır. Tam qəti qərarı həkimlər verəcək. Onun yerində kim olacağı, sabah bilinəcək.

- "Qarabağ"ın müdafiə xətti yaş baxımından çoxdur. Qışda buna müdafiəyə hər hansı yeni futbolçular transfer olunacaqmı?

— Transferlər barədə düşünmürəm. Əlimdə olan müdafiəçilər məni qane edir. Yaş önəmli deyil. Onun meydanda göstərdiyi oyun önəmlidir. Onlar yaşlı olmağına baxmayaraq digər oyunçulara nümununədir. Bu haqda düşünməyə vaxtım yoxdur. Fikrimi başqa yerə yönləndirmək istəmirəm.

- Şehiçə güvənirsiniz. İki oyun qalıb. İkinci qapıçı bu iki oyundan birində oynaya biləcəkmi?

— Bütün oyunçularıma inanıram, təkcə qapıçıya yox. Komandamda olan hər oyunçu önəmlidir.

- "Atletiko"dan alınan ikinci xaldan sonra qrupda üçüncü yer uğrunda mübarizə aparacaqsınızmı? Sabahkı və Romadakı oyunlar psixoloji baxımdan komandaya necə təsir edəcək?

— Komanda üzərində təzyiq həmişə olur. Bu turnir ən mötəbəridir. Burada oynayan hər kəs, o cümədən mən də təzyiq altında oluram. Bu, normaldır. Qarşımızdakı rəqibi düzgün qiymətləndirməliyik. Dünyanın ən güclü klublarından biridir. Onlar heç bir oyuna rahat çıxmırlar. Mövsümün ən vacibi oyunu hesab edirlər. Bunu başa düşürük. Belə oyunlarda təcrübə toplamalıyıq. Oyunçular da bunu anlayırlar. Sabah layiqli oyun göstərməyə çalışacağıq. Üçüncü yer barədə yox, istəyirəm, azarkeşlər buradan getdikdən sonra əhvalları yüksək olsun. Bir yerdə çalışacağıq ki, yaxşı oyun göstərək.

- İlk oyundan sonra Şehiç gərginlikdə idi. Sizcə, bu həyəcan onun üçün necə təsir edəcək? Bunun qarşısı alınacaqmı?

— Təkc biz böyük hesabla uduzmuruq. "Çelsi" bizdən başqa klublara da böyük hesabla qalib gəlib. Zəif komandalara qarşı olmur. Görürəm, Şehiçdən sual çox verilir. O, təcrübəli futbolçudur. 0:6 hesabı ilə uduzmuşamsa, onda gərək mənim də yerimə baş məşqçi gətirsinlər? Həmin oyunda səhvlərimiz çox idi.

27
Teqlər:
"Atletiko", oyun, təzyiq, "Çelsi", Qurban Qurbanov, baş məşqçi, "Qarabağ" futbol klubu
Əlaqədar
"Qarabağ" üçün sürpriz hazırlanıb
"Qarabağ"-"Çelsi" oyununa bilet alanların diqqətinə
"Qarabağ" kubokunun qalibi müəyyən olunub
"Qarabağ" Qurbansız qalacaq?
Qalatasaray azarkeşləri, arxiv şəkli

Türkiyənin məşhur klubundan şəhidimizlə bağlı jest

36
(Yenilənib 21:08 24.11.2020)
"Qalatasaray"ın növbəti oyunlarından birində stadionda şəhidimiz Muradın səs yazısı səslənəcək, oyunçular Fərid yazılı forma ilə oyuna çıxacaqlar.

BAKI, 24 noyabr — Sputnik. "Qalatasaray"ın növbəti oyunlarından birində stadionda şəhidimiz Murad Məmmədovun səs yazısı səslənəcək, oyunçular Fərid yazılı forma ilə oyuna çıxacaqlar. Sputnik Azərbaycan-ın məlumatına görə, bu barədə CBC Sportun idman şərhçisi Gündüz Abbaszadə məlumat yayıb. O bildirib ki, şəhidin ailəsi "Qalatasaray"ın oyununa dəvət olunacaq. Klub şəhidimizin məzarını ziyarət edəcək: ""Qalatasaray" prezidentinin köməkçisi Yusuf Günay bir az əvvəl telefon danışığımızda mənə bunları dedi. Fərid və Muradın ailəsinin nömrələrini də istədi. Tapdıq, göndərdik. Bununla yanaşı, Türkiyə TV-lərində bu haqda xəbərlər olacaq. Ümid edirəm, ruhları şaddır!"

Xatırladaq ki, Vətən müharibəsində torpaqlarımızın azad edilməsi uğrunda qəhrəmancasına döyüşərək şəhid olan Fərid Dursunovun son istəklərindən biri azarkeşi olduğu Türkiyənin "Qalatasaray" klubu ilə bağlı olub. Qax rayonundan olan Fərid "Şəhid olsam, məzarıma Azərbaycan bayrağı ilə yanaşı "Qalatasaray"ımın bayrağını da asarsınız", - deyə dostlarından xahiş edib. Şəhidlik zirvəsinə ucalandan sonra isə yoldaşları onun bu istəyini yerinə yetiriblər. Qəhrəmanımızın məzarına üçrəngli Azərbaycan bayrağı ilə yanaşı, "Qalatasaray" bayrağı da asılıb. Eyni zamanda sosial şəbəkələrdə gəncin dostları və digər fəallar məsələ ilə bağlı "Qalatasaray" klubunun rəhbərliyinə məlumat verdiklərini bildiriblər. Qeyd edilib ki, klub rəsmiləri də şəhidin xatirəsini əbədiləşdirmək məqsədilə müəyyən rəsmi addımlar atacaqlarını vurğulayıblar.

36
Teqlər:
bayraq, arzu, Qax, azərbaycanlı, şəhid, "Qalatasaray" futbol klubu, Türkiyə
Azərbaycanlı şahmatçı Teymur Rəcəbov, arxiv şəkli

Teymur Rəcəbov Levon Aronyana qalib gəlib

39
Ağ fiqurlarla oynayan Rəcəbov qələbə qazanıb. Bununla da Teymur 7 oyundan sonra xal hesabını 3,5-ə çatdırıb.

BAKI, 23 noyabr - Sputnik. Onlayn şahmat üzrə “Skilling Open” turniri davam edir.

Apasport.az saytının məlumatına görə, Azərbaycan qrossmeysteri Teymur Rəcəbov VII turda prinsipial qarşılaşmaya çıxıb.

Şahmatçımız ermənistanlı Levon Aronyanla qarşılaşıb. Ağ fiqurlarla oynayan Rəcəbov qələbə qazanıb. Bununla da Teymur 7 oyundan sonra xal hesabını 3,5-ə çatdırıb.

Qeyd edək ki, turnirin əsas mərhələsində 16 şahmatçı bir dövrəlik dairəvi sistemlə mübarizə aparır. Üçgünlük mübarizədən sonra pley-off start götürəcək.

39
Teqlər:
şahmat turniri, Teymur Rəcəbov, qalib, qələbə, şahmat
Uşaq əllərini yuyur, arxiv şəkli

Bakı Abşeronun bəzi ərazilərində iki gün su olmayacaq

0
(Yenilənib 17:28 25.11.2020)
Noyabrın 26-27-də Bakının Binəqədi və Sabunçu rayonlarının, eləcə də Abşeron rayonunun bəzi ərazilərinə (əsasən bağ massivlərinə) içməli suyun verilməsində məhdudiyyətlər olacaq.

BAKI, 25 noyabr — Sputnik. Ceyranbatan-Maştağa magistral su xəttinin Goradil dəmir yolu stansiyası ərazisindən keçən hissəsinin köçürülməsi ilə əlaqədar noyabrın 26-27-də Bakının Binəqədi və Sabunçu rayonlarının, eləcə də Abşeron rayonunun bəzi ərazilərinə (əsasən bağ massivlərinə) içməli suyun verilməsində məhdudiyyətlər olacaq.

Bu barədə Sputnik Azərbaycan-a "Azərsu" ASC-dən bildirilib.

Qurum yaranacaq narahatlıqla əlaqədar abunəçilərdən üzr istəyib.

0
Teqlər:
Abşeron, Bakı, su