Müqavilə imzalayan adam, arxiv şəkli

Azərbaycanlıya digər ölkədə vəzifə verildi

22
(Yenilənib 17:27 02.11.2017)
“Oğlum artıq Qazaxıstan Daxili İşlər Nazirliyinin əməkdaşıdır. Ona bu ölkənin daxili işlər naziri tərəfindən polis rütbəsi və qurumun vəsiqəsi təqdim olunub”

BAKI, 2 noyabr — Sputnik. Azərbaycanlı ağırlıqqaldıran Nicat Rəhimova vətəndaşlığını qəbul etdiyi Qazaxıstanda vəzifə verilib. Olimpiya çempionunun atası Əli Rəhimovun apasport.az saytına verdiyi məlumata görə, idmançı Qazaxıstan Daxili İşlər Nazirliyində fəaliyyətə başlayıb.

Bu ölkənin “Dinamo” İdman Cəmiyyətinin üzvü olan həmyerlimiz leytenant rütbəsini daşıyacaq. Rəhimovun atasının sözlərinə görə, bu, oğluna Qazaxıstanda göstərilən növbəti etimaddı: “Oğlum artıq Qazaxıstan Daxili İşlər Nazirliyinin əməkdaşıdır. Ona bu ölkənin daxili işlər naziri tərəfindən polis rütbəsi və qurumun vəsiqəsi təqdim olunub”.

Əli Rəhimovun sözlərinə görə, Qazaxıstan millisi oktyabrda 1 illik diskvalifikasiya olunsa da, yığmada hazırlıq davam edir: “Nicat polisə qəbul olsa da, komanda ilə birgə məşqləri davam etdirir. Hazırda Çimkənddə təlim-məşq toplanışındadılar və Nicat əla formadadı. Komandanın gələn il keçiriləcək Asiya Oyunlarına qatılması planlaşdırılır. Ardınca növbəti yarışlarda mübarizə aparacaqlar”.

Nicatın atası idmançının Vətənə qayıdacağı tarixi də açıqlayıb. O bildirib ki, oğlu Nicat Rəhimov həqiqi hərbi xidməti başa vurduqdan sonra Bakıya gələcək: “Nicat dekabrın 15-də evə gəlməlidi. Təxminən həmin tarixdə hərbi bileti alacaq. Yanvarın 5-də isə Qazaxıstana qayıdıb, məşqləri davam edəcək”.

Qeyd edək ki, Nicat Rəhimov Azərbaycan yığmasında problemləri səbəbindən Qazaxıstan bayrağı altında çıxış etməyə başlayıb.

22
Teqlər:
Asiya Oyunları, Dinamo” İdman Cəmiyyəti, Qazaxıstan Daxili İşlər Nazirliyi, Əli Rəhimov, Nicat Rəhimov, Çimkənd, Qazaxıstan
Əlaqədar
Azərbaycan atleti Paralimpiya Oyunlarının finalına yüksəlib
Valentin Xristov: Olimpiadada yüngül və ağır atletika yarışları maraqsız olacaq
Ağır atletika üzrə Azərbaycan çempionatı keçiriləcək
Azərbaycanla Dünya Ağır Atletika Federasiyası arasında dopinq qalmaqalı davam edir
Qazaxıstanda 130 min azərbaycanlı yaşayır
Güləş, arxiv şəkli

Fransa Güləş Federasiyası loqoda bayrağımızın olmamasına görə üzr istədi

23
(Yenilənib 11:47 14.01.2021)
Azərbaycan Güləş Federasiyasının mətbuat katibi Sərxan Musayev səsləndirilən narazılıqlara aydınlıq gətirib.

BAKI, 14 yanvar — Sputnik. Fransanın Nitsa şəhərində keçiriləcək güləş üzrə Qran-pri turnirinin təşkilatçıları Azərbaycan bayrağının yarışın loqosunda yer almamasına görə üzr istəyib.

Bu barədə "Report"a Azərbaycan Güləş Federasiyasının Mətbuat katibi Sərxan Musalı məlumat verib.

O bildirib ki, məsələ ilə bağlı dərhal Fransa Güləş Federasiyası ilə əlaqə saxlayıblar: "Onlar qeyd etdilər ki, üzrlü hesab edin, bu, daha əvvəl hazırlanmış loqodur və burada bəzi yarış iştirakçılarının bayraqları yoxdur. Loqoda daha əvvəl bu yarışda olan ölkələrin bayraqları həkk olunub. Buna görə nəzərə alınmayıb. Loqoda elə ölkələrin bayraqları var ki, bu yarışda iştirak etmirlər. Həmin loqo 2020-ci ildə də istifadə edilib. Sadəcə, diqqətsizlik olub və bizə üzürxahlıq etdilər. Təşkilatçılıqla bağlı problem belə ola bilərdi ki, yarış nəkanında bayrağımız olmazdı. Amma bununla bağlı problem olmayacaq".

Federasiya rəsmisi təşkilatçılar tərəfindən heç bir soyuq münasibət görmədiklərini sözlərinə əlavə edib: "Mənfi nəsə hiss etməmişik. Ümumiyyətlə, problem olsaydı, bizim komandalara viza verməz, iştiraklarına problem yaradardılar. Arxivə də nəzər saldıq, Dünya Güləş Birliyinin saytında 2014-cü ildən sonrakı yarışları görmək mümkündür. 2019-cu ilə qədər bu yarış Qran-pri statusu almayıb. 2019, 2020 və 2021-ci illərdə artıq Qran-pri statusu ilə təşkil edilib. Yəni, həmin vaxta qədər ciddi yarış hesab edilmirdi. 2019-cu ilə qədər yalnız qadın və sərbəst güləşçilər arasında keçirilib. 2020 və 2021-ci illərdə isə güləşin hər üç növü proqrama daxil edilib. Biz 2020-ci ildə ilk dəfə bu yarışa qatılmışıq. Həmin vaxt yunan-Roma güləşi üzrə yığma komanda iştirak edib. Bu il isə həm yunan-Roma, həm də sərbəst güləşçilərimiz mübarizə aparacaq. Artıq təşkilatçılar bu çatışmazlığı aradan qaldırıblar və loqoya Azərbaycan bayrağını da yerləşdiriblər".

Qeyd edək ki, Qran-pri 15 - 17 yanvarda olacaq.

23
Bakı Olimpiya Stadionu, arxiv şəkli

"UEFA-2020" ilə bağlı vergidən azadolmanın müddəti artırıldı

10
Qeyd edək ki, Azərbaycan həmçinin, 2020-ci ildə futbol üzrə Avropa çempionatının oyunlarına da ev sahibliyi etməli idi.

BAKI, 12 yanvar - Sputnik. Prezident İlham Əliyev Vergi Məcəlləsinə və “Gömrük tarifi haqqında” qanuna dəyişiklikləri təsdiqləyib.

Sputnik Azərbaycan xəbər verir ki, dəyişikliklər "UEFA-2020" futbol çempionatı ilə bağlı vergidən azadolmanın müddətinin daha 1 il uzadılmasını nəzərdə tutur.

Sənəddə deyilir ki, Avropa Futbol Assosiasiyaları Birliyinin (UEFA) İcraiyyə Komitəsi ötən il Avropa Liqasının final oyununun Bakı Olimpiya Stadionunda keçirilməsi haqqında qərar qəbul edilib.

Qeyd edək ki, Azərbaycan həmçinin, 2020-ci ildə futbol üzrə Avropa çempionatının oyunlarına da ev sahibliyi etməli idi. Hazırda bütün dünyada yeni növ koronavirusun (COVID-19) yayılması ictimai-siyasi, sosial-iqtisadi həyatın bütün sahələrinə təsir etdiyi kimi, idman sahəsindən də yan keçməyib, o cümlədən böyük idman oyunlarının keçirilməsi təxirə salınıb.

Bildirilib ki, bu səbəbdən futbol üzrə Avropa çempionatının 2020-ci ildə keçirilməsi nəzərdə tutulan oyunlarının 2021-ci ildə Bakıda keçirilməsi nəzərdə tutulur. Bununla əlaqədar, “Vergi Məcəlləsində dəyişiklik edilməsi haqqında” 9 aprel 2019-cu il tarixli və “Gömrük tarifi haqqında” qanunda dəyişiklik edilməsi barədə” 9 aprel 2019-cu il tarixli qanunların qüvvədə olma müddətinin 1 avqust 2021-ci il tarixinə qədər uzadılması nəzərdə tutulur.

Həmin qanunlarla Azərbaycanda keçirilən UEFA 2019 Avropa Liqasının final oyunu və UEFA 2020 Futbol çempionatının oyunları ilə əlaqədar bir çox vergi növləri üzrə - gəlir vergisindən, mənfəət vergisindən, ƏDV-dən, aksizli mallara görə aksizdən, habelə gömrük rüsumlarından azadolmalar nəzərdə tutulub.

10
Осколки стекла, архивное фото

Bakının Heydər Əliyev prospektində baş verən qəza tıxaca səbəb olub

0
Hazırda qəza səbəbindən həmin istiqamətdə nəqliyyat vasitələrinin hərəkətində sıxlıq müşahidə edilir.

BAKI, 19 yanvar - Sputnik. Paytaxtın Nizami rayonu, Heydər Əliyev prospektində (“Koroğlu” metrostansiyasının yaxınlığı) yol-nəqliyyat hadisəsi baş verib.

Bakı Nəqliyyat Agentliyindən verilən məlumata görə, hazırda qəza səbəbindən həmin istiqamətdə nəqliyyat vasitələrinin hərəkətində sıxlıq müşahidə edilir.

0