Fikret Orman

"Beşiktaş" prezidenti: "Kaş Azərbaycanda oynayaydıq..."

330
(Yenilənib 11:55 01.11.2017)
Fikrət Orman: "Məqsədimiz odur ki, Avropada gözəgəlimli futbol oynayan, uğur qazanan "Beşiktaş"ı dünyaya yaxından tanıdaq"

BAKI, 1 noyabr — Sputnik. "Beşiktaş" futbol klubunun prezidenti Fikrət Orman jurnalistlərə maraqlı açıqlamalar verib. Sputnik Azərbaycan-ın "Milliyet"-ə istinadən verdiyi xəbərə görə, komandanı dünya markasına çevirmək istədiklərini deyən Orman, Avropa klublarının hansı yolla bu işi bacardıqlarını izah edib.

"İspaniyada Barselona şəhəri və orada eyni adlı klub var. Əgər həmin klubu oradan çıxarsanız, həmin şəhərin heç bir məşhurluğu qalmaz. Barselona şəhərinin 100 illik keçmişi var. Bizim klubun isə 115 illik. Şəhərdən daha yaşlıyıq. Bu gün Barselona şəhərini hər il orta hesabla 28 milyon turist ziyarət edir. Bu şəhəri marka edən "Barselona" futbol klubudur. Çünki dünyaya açılıblar" — Orman bildirib.

"Ən uzaq ölkələrə reklam üçün futbol oynamağa gedirlər. Həm çox yaxşı pul qazanırlar, həm də getdikləri ölkələrin insanlarında özlərinə qarşı maraq yaradırlar. Eynilə də "Mançester Yunayted". Dünya üzrə 650 milyon azarkeşi var. Amma Mançester şəhərinin özündə 300-400 min tərəfdar tapa bilməzsiniz" — o, əlavə edib.

Fikrət Orman fikrinə belə davam edib: "İndi bizim məqsədimiz odur ki, Avropada gözəgəlimli futbol oynayan, uğur qazanan "Beşiktaş"ımızı dünyaya yaxından tanıdaq. Bunun üçün ciddi addımlar atmağa çalışırıq. Bizimlə əlaqəsi olmayan yaxın və uzaq ölkələrə səyahət edərək dostluq matçları oynayacağıq. Hədəfimizdə Çin, Azərbaycan, Qazaxıstan, Maleziya, İndoneziya, İraq, İran, Ərəb yarımadası və Şimali Afrikadır".

"Sezonsonu sadaladığım bölgələrə gedəcəyik. Təkcə dostluq matçları, təlim məşqlər kifayət etməz. Məsələn, deyirəm ki, kaş Konyaspor ilə oynadığımız Super Kubok matçı Azərbaycanda keçiriləydi. Bu, həm ciddi reklam deməkdir, həm də komandalarımızın tanınması. Yaxud da "Qalatasaray" və "Beşiktaş" Çində, Qazaxıstanda görüşsünlər" — klub prezidenti vurğulayıb.

330
Teqlər:
"Beşiktaş" futbol klubu, Fikrət Orman, futbol, şəhər, prezident
Əlaqədar
Məşhur futbol klubunun adı dəyişdi
Ərəblər Türkiyənin məşhur futbol klubunu almağa hazırlaşır
Məşhur futbolçu paytaxt meri oldu
Kabel oğurlayan futbolçunun taleyinə aydınlıq gətirildi
Məşhur futbolçuya nüfuzlu təşkilatda vəzifə verildi
Azərbaycan millisinin və Qarabağ klubunun hücumçusu Mahir Emreli

"Qarabağ"ın ulduzu "Beşiktaş"da oynaya bilər

2
(Yenilənib 21:21 06.07.2020)
Beşiktaş prezidenti Ahmet Nur Çebinin çağırışına cavab gəlib və 23 yaşlı Mahir Emreli "ağ-qaralar"ın heyətində oynamağa təklif olunub.

BAKI, 6 iyul — Sputnik. Azərbaycan milli komandasının və "Qarabağ" klubunun hücumçusu Mahir Emreli İstanbulu təmsil edən "Beşiktaş"da oynaya bilər.

Sputnik Azərbaycan "Fotospor" nəşrinə istinadən xəbər verir ki, Mahir Emreli İstanbul təmsilçisinə təklif olunub.

Məlumata görə, Beşiktaş prezidenti Ahmet Nur Çebi Azərbaycanda qoşulduğu canlı yayımda deyib: "Azərbaycanda yaxşı futbolçular varmı? Azərbaycanlı qardaşlarımız ən yaxşısını gətirsinlər və bizə göstərsinlər".

Onun bu çağırışına cavab gəlib və 23 yaşlı Mahir Emreli "ağ-qaralar"ın heyətində oynamağa təklif olunub.

Gənc hücumçu bu mövsüm 16 oyunda 6 qol vurub və 7 qol ötürməsi edib.

2
Rüfət Güləliyev (göy formada), arxiv şəkli

Azərbaycanda 22 yaşlı dünya çempionu vəfat edib

24
(Yenilənib 17:14 06.07.2020)
Bakıda keçirilmiş İslam Həmrəyliyi Oyunlarının 22 yaşlı qalibi Rüfət Gülaliyevin ölümünün səbəbi hələlik məlum deyil. Yalnız qeyd olunur ki, ötən gün onun səhhəti kəskin şəkildə pisləşib.

BAKI, 6 iyul — Sputnik. Bazar günü, iyulun 5-də 22 yaşlı azərbaycanlı idmançı, dünya, Avropa və 2017-ci ilin dördüncü İslam Həmrəyliyi Oyunlarının çempionu Rüfət Gülaliyev Bakıda qəflətən vəfat edib.

Sputnik Azərbaycan Trend agentliyinə istinadən xəbər verir ki, idmançının ölümünün səbəbi hələlik məlum deyil. Yalnız qeyd olunur ki, ötən gün onun səhhəti kəskin şəkildə pisləşib və nəticədə Gülaliyev həyatının 22-ci ilində dünyasını dəyişib.

Gülaliyev əslən Azərbaycanın Laçın rayonundan olub və avqustun 8-də ad gününü qeyd etməli idi. O, həmçinin Azərbaycan Dövlət Bədən Tərbiyəsi və İdman Akademiyasının məzunu və zorxana milli idman növü üzrə idman ustası idi.

24
London, arxiv şəkli

Fərdi sanksiyalar! Britaniya rusiyalılara səudiyyəlilərə qarşı "müharibəyə" başlayır

0
(Yenilənib 23:01 06.07.2020)
Bəzi rusiyalılara Birləşmiş Krallığa daxil olmaq qadağan ediləcək və onların Britaniya banklarındakı hesabları dondurulacaq.

BAKI, 6 iyul — Sputnik. Böyük Britaniyanın Xarici İşlər naziri Dominik Raab bazar ertəsi "Maqnitski düzəlişi" çərçivəsində insan hüquqlarının pozulmasına görə barəsində sanksiyalar tətbiq ediləcək Rusiya və Səudiyyə Ərəbistanı vətəndaşlarının adlarını açıqlayacaq.

Sputnik Azərbaycan xəbər verir ki, bu barədə "Financial Times" qəzeti nazirin özünə istinadən məlumat yayıb.

Nəşrin məlumatına görə, bəzi rusiyalılara Birləşmiş Krallığa daxil olmaq qadağan ediləcək və onların Britaniya banklarındakı hesabları dondurulacaq. "Financial Times" yazır ki, sanksiya siyahısında "işgəncə icraçılarının, qatillərin və təcavüzkarların" adları olacaq.

Raabın qara siyahısına, Londonun fikrincə, 2009-cu ildə hüquqşünas Sergey Maqnitskinin ölümündə əli olan şəxslərin adları da daxil ediləcək. Nəşrin məlumatına görə, sanksiyalar dərhal qüvvəyə minəcək.

Qəzetin yazdığına görə, siyahıda müxalifətçi jurnalist Camal Qaşıqçının öldürülməsində əli olduğu şübhəli bilinən Səudiyyə Ərəbistanı təbəələrinin də adları olacaq.

0