Тренер Карабаха Гурбан Гурбанов

Qurban Qurbanov: "Belə nəticələr qədər inam verirsə, o qədər məsuliyyət verir"

31
(Yenilənib 10:23 01.11.2017)
Qurban Qurbanov: "Futbolçularımız bu cür komandaya qarşı sona qədər mübarizə apardılar"

BAKI, 1 noyabr — Sputnik. "Çox ağır oyun oldu. Madriddə bir xal qazansaq da, rəqibin oyununu qeyd etməliyəm. Futbolçularımız bu cür komandaya qarşı sona qədər mübarizə apardılar. İlk dəfədir ki, Çempionlar Liqasının qrupunda çıxış edirik. Futbolçularımızın belə oyunları çox keçirmələrinə ehtiyac var. Sevinirəm ki, komandamızın əziyyəti boşa getmədi”.

"Report"un məlumatına görə, bunu "Qarabağ"ın baş məşqçisi Qurban Qurbanov İspaniyada "Atletiko" ilə 1:1 hesablı heç-heçə etdikləri Çempionlar Liqasının qrup mərhələsinin IV tur matçından sonra mətbuat konfransında deyib.

45 yaşlı mütəxəssis jurnalistlərin digər suallarını da cavablandırıb…

- Pedro Enrikenin qırmızı vərəqə aldığı epizodda hakimin qərarından razı qaldınız?

— Məncə, qərar düzgün idi. Referi haqlı olaraq, həmin vərəqəni göstərdi. Çünki Pedronun ayağı həddindən artıq yuxarı qalxmışdı. Bu mənada, hakimin qərarına etirazım yoxdur.

- Çempionlar Liqasının püşkü atıldıqdan sonra "Qarabağ" qrupda autsayder kimi göstərilirdi. Amma siz 2 xal topladınız. Artıq hədəfinizə çatdığınızı düşünmək olar, yoxsa daha böyük hədəfiniz var?

— Bəli, çox güclü qrupa düşmüşük. Hər bir rəqibimizin qrup lideri olma potensialı var idi. Bizim isə belə oyunları daha çox keçirmək imkanımız olmalıdır. Futbolçularımız bu cür matçlardan zövq almalıdırlar. Amma burada nəticə çox önəmlidir. Şansımız varsa, oyunçularımızı buna hazırlamaq, potensialımızı daha da açmaq niyyətindəyik.

- Dediniz ki, belə komandalarla oyunlar sizin üçün vacibdir. Lakin UEFA başqa cür düşünür və gələn mövsümdən qrup mərhələsinə vəsiqə qaydaları sərtləşdiriləcək. Buna hazırsınız?

— Hazırda belə bir fikir söyləyə bilmərəm. Bəlkə də doğru qərardır. Lakin hər bir komanda bu turnirdə iştirak etdikdən sonra Çempionlar Liqasına olan diqqəti gördükdə yenə iştirak etmək istəyir. Gələcəkdə də iştirak etmək üçün potensialımızı gücləndirməliyik. Amma UEFA nə qərar versə, buna uymalıyıq.

- Qırmızı vərəqə planlarınızı nə dərəcədə pozdu?

— İstər-istəməz belə itkilər olanda planlar pozulur. Zədə olanda əvəzləmə etmək mümkündürsə, qırmızı vərəqədə mümkün deyil. Mən də belə oyunlara hazır oluram. Futbolçular bu cür oyunlarla böyüyürlər. Qırmızı vərəqə futbolçularımıza daha da inam verdi. Düşünürəm ki, belə vərəqələrin komandama xeyri dəydi. Futbolçularımız bir-bir sıradan çıxırlar. Gələcəkdə bu, bizə mənfi təsir edə bilər.

- Xal aldıqca rəqiblərinizin "Qarabağ"a daha da ciddi yanaşacaqlarını düşünmürsünüz?

— Rəqiblər bizə qarşı daha diqqətlə yanaşırlar. Bu da komandamızda gərginliyi artırır.

- Son illər fərdi görüşlərdə "Atletiko"nu çox az komanda üstələyib. "Qarabağ"ın ardıcıl iki mövsüm Çempionlar Liqasının finalında oynamış komandanı fərdi görüşlərdə üstələdiyiniz üçün hansı hissləri keçirirsiniz?

— Futbolda məğlubiyyətin və nəticə əldə etməyin öz məsuliyyəti var. Belə rəqiblərlə nəticə əldə etdikcə məsuliyyətimiz artır, özümüzü rahat hiss etmirik. Əksinə, gözləntilər artır. Belə nəticələr bizə nə qədər inam verirsə, o qədər də məsuliyyət verir. Həddən artıq diqqətli, sadə olmalı və daha çox işləməliyik, nəinki rahat olmaq. Elə etməliyik ki, nəticələrimiz təsadüfi qəbul olunmasın.

- İlk yarıdan sonra gözlənilmədən hesabda irəlidə idiniz. Fasilədə komanda ilə nədən danışdınız?

— Hər hissənin öz analizi var. Biz oyundan əvvəl hər cür hesaba hazır olmalıyıq. Futbolçulara diqqətli olmağı tapşırırıq. Bir də oyunçulara ayrı-ayrılıqda tapşırıq veririk. Amma bunu burda açıqlamaq istəmirəm. Qola kimi hər şey qaydasında idi. Futbolçularımız verilən tapşırıqları yerinə yetirməyə çalışdılar.

- "Qarabağ" büdcə və imkanlarına görə ən sonda olan komandadır. Bu turnirin yekununda xarici klublardan təklif gözləyirsiniz?

— Təklif barədə ümumiyyətlə düşünmürəm. Çünki elə bir komandadayıq ki, olduğum yerdə işimizi daim yaxşılaşdırmalıyıq. İstəmişəm ki, daim məsuliyyətli olub, çox çalışmaqla Azərbaycan futboluna kiçik də olsa, fayda verim.

31

"Qarabağ" "Neftçiyə uduzdu

26
(Yenilənib 23:40 20.09.2020)
Səfər qələbəsindən sonra xallarını 6-ya çatdıran "Neftçi" 3-cü pilləyə yüksəlib. 4 xalı olan "Qarabağ" isə 5-ci sıraya geriləyib.

BAKI, 20 sentyabr — Sputnik. Futbol üzrə Azərbaycan Premyer Liqasında III tura yekun vurulub.

Turun son oyununda "Qarabağ" "Azərsun Arena"da "Neftçi"bu qəbul edib. Azərbaycan derbisi qonaqların 2:1 hesablı qələbəsi ilə yekunlaşıb.

Hesabı 10-cu dəqiqədə Ağdam klubunun hücumçusu Kvabena Ovusu açıb. Cəmi 2 dəqiqə sonra "Neftçi" Voislav Stankoviçin qolu ilə tarazlığı bərpa edib. Qol zamanı "Qarabağ"ın qapıçısı Emil Balayevin kobud səhvi diqqət çəkib. Komandalar fasiləyə bu hesabla yollanıblar - 1:1.

İkinci hissədə "ağ-qaralar" daha bir qol vurublar. 68-ci dəqiqədə Balayevlə üzbəüz dueldən qalib ayrılan Namiq Ələsgərov topu boş qapıya göndərib və yekun hesabı müəyyənləşdirib.

Səfər qələbəsindən sonra xallarını 6-ya çatdıran "Neftçi" 3-cü pilləyə yüksəlib. 4 xalı olan "Qarabağ" isə 5-ci sıraya geriləyib.

Qeyd edək ki, tura sentyabrın 19-da start verilib. "Qəbələ" evdə "Keşlə" ilə qolsuz heç-heçə edib. "Sumqayıt" doğma meydanda "Səbail"ə 2:1 hesabı ilə qalib gəlib. Bu gün isə "Sabah" səfərdə "Zirə"ni yenib - 2:0.

26
Teqlər:
Futbol üzrə Azərbaycan Premyer Liqası, "Neftçi" Futbol Klubu, "Neftçi", "Qarabağ" futbol klubu, "Qarabağ" komandası, "Qarabağ

Lənkəranda “Polad Kuboku” mini-futbol turniri keçirilir

181
(Yenilənib 15:41 20.09.2020)
Turnirin əsas məqsədi Tovuz döyüşlərində Vətən uğrunda canlarından keçən şəhidlərimizin əziz xatirəsini yad etmək və eyni zamanda milli vətənpərvərlik ruhunda olan gəncləri bir araya yığmaqdır.

Rahim Muradov, Sputnik Azərbaycan

BAKI, 20 sentyabr - Sputnik. Lənkəranda Tovuz döyüşləri zamanı şəhid olanların xatirəsinə həsr olunan “Polad Kuboku” Mini Futbol Çempionatı keçirilir. Çempionatın təşkilatçısı Rəşad Abbaszadənin Sputnik Azərbaycan-a bildirdiyinə əsasən, turnirdə iştirak üçün 16 komanda nəzərdə tutulsa da, bu haqda elan paylaşılan gün çempionata qatılmaq üçün 24 komanda müraciət edib.

“Biz ilk müraciət edən 16 komandanı seçdik və hər qrupda 4 komanda olmaq şərtilə komandaları 4 qrupa böldük. Çempionata 10 sentyabr tarixindən start verdik və hər gün 2 oyun olmaqla bir qrupun oyunları keçirilir. Oyunların qrafiki hava şəraitinə görə uyğunlaşdırılır. Final mərhələsini 28 sentyabr - 3 oktyabr aralığında keçiməyi planlaşdırırıq. Hava şəraitinindən asılı olaraq təqvimi dəyişə bilərik.

  • Polad Kuboku, Lənkəran
    © Sputnik / Rahim Murad
  • Polad Kuboku, Lənkəran
    © Sputnik / Rahim Murad
  • Polad Kuboku, Lənkəran
    © Sputnik / Rahim Murad
  • Polad Kuboku, Lənkəran
    © Sputnik / Rahim Murad
  • Polad Kuboku, Lənkəran
    © Sputnik / Rahim Murad
1 / 5
© Sputnik / Rahim Murad
Polad Kuboku, Lənkəran

“Polad Kuboku” Mini Futbol Çempionatı “Gənclərin İnkişaf və Karyera Mərkəzi”nin tərəfdaşlığı və Lənkəran şəhərində fəaliyyət göstərən özəl təhsil kurslarından birinin təşkilatçılığı ilə həyata keçirilir və turnirə bir neçə şirkətlər sponsor kimi dəstək olublar. Turnirin əsas məqsədi Tovuz döyüşlərində Vətən uğrunda canlarından keçən şəhidlərimizin əziz xatirəsini yad etmək və eyni zamanda milli vətənpərvərlik ruhunda olan gəncləri bir araya yığmaqdır. Turnir canlı olaraq internet üzərindən yayımlanır. Bütün komandalar formalarla təmin olunub, onlardan bəzilərinin üzvləri isə əvvəllər peşəkar futbolla məşğul olublar. Qalib komanda kubok və medalla təltif ediləcək, təşkilatçilar və sponsorlar tərəfindən onlara hədiyyələr təqdim ediləcək. Növbəti yarışlara dövlət tərəfindən dəstək almaq istəyirik”.

Rəşad Abbaszadə onu də əlavə etdi ki, çempionat uğurlu keçəcəyi halda Lənkəranda həm Peşəkar, həm də Həvəskar Mini Futbol Çempionatını başlatmağı düşünürlər.

181
Dayanacaqda pikaplar, arxiv şəkli

Daxili İşlər Nazirliyi "Pikap"ların yığılması məsələsinə aydınlıq gətirdi

133
(Yenilənib 13:29 22.09.2020)
Daxili İşlər Nazirliyinin Dövlət Yol Polisi və nəqliyyat vasitələrinin dövlət qeydiyyatını aparan digər təşkilatlar ilə birlikdə yoxlanılması nəzərdə tutulur.

BAKI, 22 sentyabr — Sputnik. "Pikap" tipli avtomobillərin YPX postlarında saxlanılmasının səbəbləri barədə DİN Baş Dövlət Yol Polisi İdarəsi məlumat yayıb.

Sputnik Azərbaycan Daxili İşlər Nazirliyinin məlumatına istinadla xəbər verir ki, "Pikap" tipli avtomobillərin YPX postlarında saxlanılması ilə əlaqədar bildiririk ki, Azərbaycan Respublikası Nazirlər Kabinetinin 2006-cı il 4 aprel tarixli 96 nömrəli qərarı ilə təsdiq edilmiş "Hərbi nəqliyyat vasitələrinin uçot qaydaları"na əsasən silahlı birləşmələrə və xüsusi birləşmələrə vaxtında, keyfiyyətli və tam həcmdə təqdim edilməsi məqsədilə hərbi nəqliyyat vasitələrinin texniki vəziyyətinin plan üzrə Daxili İşlər Nazirliyinin Dövlət Yol Polisi və nəqliyyat vasitələrinin dövlət qeydiyyatını aparan digər təşkilatlar ilə birlikdə yoxlanılması nəzərdə tutulur.

"Pikap" tipli və texniki imkanları onlara uyğun olan digər xüsusi təyinatlı nəqliyyat vasitələri Nazirlər Kabinetinin 2006-cı il 16 fevral tarixli 51 nömrəli qərarı ilə təsdiq edilmiş siyahıdakı yüksək keçidli avtomobillərin kateqoriyasına aid olduqlarına görə həmin nəqliyyat vasitələrində yolsuzluq şəraitində istismar sistemlərinin texniki müayinəsi, nəqliyyat vasitələrinin uçot-qeydiyyat göstəricilərinin dəqiqləşdirilməsi və istifadə olunduqları ərazinin (şəhər, qəsəbə, kənd) müəyyən edilməsi məqsədilə stasionar postlarda saxlanılır və bu haqda sahiblərinə məlumat verilir.

133