Qarabağın baş məşqçisi Qurban Qurbanov

Qurban Qurbanov: "Hakim Dino Ndlovu ilə bağlı səhv qərar qəbul etdi"

408
Məşqçi hakimin Dino Ndlovu ilə bağlı epizodda səhv qərar qəbul etdiyini bildirib: "O epizodda ikinci sarı vərəqəlik heç nə yox idi. Belə şeylər olur. Buna normal yanaşırıq"

BAKI, 18 oktyabr — Sputnik. "Bütün futbolçularımı təbrik edirəm. İlk xalımızı qazandıq. Çox əziyyət çəkdilər". 

Sputnik Azərbaycan-ın məlumatına görə, bu sözləri “Qarabağ” klubunun baş məşqçisi Qurban Qurbanov "Atletiko" ilə oyundan sonra deyib.

"Həqiqətən, ağır oyun oldu. Uşaqlar sona qədər düzgün oynamağa çalışdılar və maksimum güclərindən də artığını meydanda qoydular. Azarkeşlər də bu gün bizə yaxşı dəstək oldular. Vacib xal qazandıq. Bu turnirin gücünü hiss etməyin futbolçularımıza böyük faydası olacaq".

Qurbanov görüş barədə tənqidi fikirlər də işlədib:

"Yolun əvvəlində həmişə həyəcan çox olur. Əgər heç-heçə oynamışıqsa, bu o demək deyil ki, bu gün hər şey alınıb. Nöqsanlar var idi. Rəqibə bir neçə qol epizodu yaratmağa imkan verdik".

Məşqçi hakimin Dino Ndlovu ilə bağlı epizodda səhv qərar qəbul etdiyini bildirib: "O epizodda ikinci sarı vərəqəlik heç nə yox idi. Belə şeylər olur. Buna normal yanaşırıq".

408
Əlaqədar
"Qarabağ"dan möhtəşəm oyun: Qələbəyə bərabər heç-heçə
Simeone: "Bizə bu üç xal lazım idi"
"Qarabağ" "Atletiko"-ya böyük hesabla uduzdu
"Qarabağ"-"Atletiko" oyunu ilə bağlı mühüm xəbər

"Qarabağ" "Neftçiyə uduzdu

26
(Yenilənib 23:40 20.09.2020)
Səfər qələbəsindən sonra xallarını 6-ya çatdıran "Neftçi" 3-cü pilləyə yüksəlib. 4 xalı olan "Qarabağ" isə 5-ci sıraya geriləyib.

BAKI, 20 sentyabr — Sputnik. Futbol üzrə Azərbaycan Premyer Liqasında III tura yekun vurulub.

Turun son oyununda "Qarabağ" "Azərsun Arena"da "Neftçi"bu qəbul edib. Azərbaycan derbisi qonaqların 2:1 hesablı qələbəsi ilə yekunlaşıb.

Hesabı 10-cu dəqiqədə Ağdam klubunun hücumçusu Kvabena Ovusu açıb. Cəmi 2 dəqiqə sonra "Neftçi" Voislav Stankoviçin qolu ilə tarazlığı bərpa edib. Qol zamanı "Qarabağ"ın qapıçısı Emil Balayevin kobud səhvi diqqət çəkib. Komandalar fasiləyə bu hesabla yollanıblar - 1:1.

İkinci hissədə "ağ-qaralar" daha bir qol vurublar. 68-ci dəqiqədə Balayevlə üzbəüz dueldən qalib ayrılan Namiq Ələsgərov topu boş qapıya göndərib və yekun hesabı müəyyənləşdirib.

Səfər qələbəsindən sonra xallarını 6-ya çatdıran "Neftçi" 3-cü pilləyə yüksəlib. 4 xalı olan "Qarabağ" isə 5-ci sıraya geriləyib.

Qeyd edək ki, tura sentyabrın 19-da start verilib. "Qəbələ" evdə "Keşlə" ilə qolsuz heç-heçə edib. "Sumqayıt" doğma meydanda "Səbail"ə 2:1 hesabı ilə qalib gəlib. Bu gün isə "Sabah" səfərdə "Zirə"ni yenib - 2:0.

26
Teqlər:
Futbol üzrə Azərbaycan Premyer Liqası, "Neftçi" Futbol Klubu, "Neftçi", "Qarabağ" futbol klubu, "Qarabağ" komandası, "Qarabağ

Lənkəranda “Polad Kuboku” mini-futbol turniri keçirilir

182
(Yenilənib 15:41 20.09.2020)
Turnirin əsas məqsədi Tovuz döyüşlərində Vətən uğrunda canlarından keçən şəhidlərimizin əziz xatirəsini yad etmək və eyni zamanda milli vətənpərvərlik ruhunda olan gəncləri bir araya yığmaqdır.

Rahim Muradov, Sputnik Azərbaycan

BAKI, 20 sentyabr - Sputnik. Lənkəranda Tovuz döyüşləri zamanı şəhid olanların xatirəsinə həsr olunan “Polad Kuboku” Mini Futbol Çempionatı keçirilir. Çempionatın təşkilatçısı Rəşad Abbaszadənin Sputnik Azərbaycan-a bildirdiyinə əsasən, turnirdə iştirak üçün 16 komanda nəzərdə tutulsa da, bu haqda elan paylaşılan gün çempionata qatılmaq üçün 24 komanda müraciət edib.

“Biz ilk müraciət edən 16 komandanı seçdik və hər qrupda 4 komanda olmaq şərtilə komandaları 4 qrupa böldük. Çempionata 10 sentyabr tarixindən start verdik və hər gün 2 oyun olmaqla bir qrupun oyunları keçirilir. Oyunların qrafiki hava şəraitinə görə uyğunlaşdırılır. Final mərhələsini 28 sentyabr - 3 oktyabr aralığında keçiməyi planlaşdırırıq. Hava şəraitinindən asılı olaraq təqvimi dəyişə bilərik.

  • Polad Kuboku, Lənkəran
    © Sputnik / Rahim Murad
  • Polad Kuboku, Lənkəran
    © Sputnik / Rahim Murad
  • Polad Kuboku, Lənkəran
    © Sputnik / Rahim Murad
  • Polad Kuboku, Lənkəran
    © Sputnik / Rahim Murad
  • Polad Kuboku, Lənkəran
    © Sputnik / Rahim Murad
1 / 5
© Sputnik / Rahim Murad
Polad Kuboku, Lənkəran

“Polad Kuboku” Mini Futbol Çempionatı “Gənclərin İnkişaf və Karyera Mərkəzi”nin tərəfdaşlığı və Lənkəran şəhərində fəaliyyət göstərən özəl təhsil kurslarından birinin təşkilatçılığı ilə həyata keçirilir və turnirə bir neçə şirkətlər sponsor kimi dəstək olublar. Turnirin əsas məqsədi Tovuz döyüşlərində Vətən uğrunda canlarından keçən şəhidlərimizin əziz xatirəsini yad etmək və eyni zamanda milli vətənpərvərlik ruhunda olan gəncləri bir araya yığmaqdır. Turnir canlı olaraq internet üzərindən yayımlanır. Bütün komandalar formalarla təmin olunub, onlardan bəzilərinin üzvləri isə əvvəllər peşəkar futbolla məşğul olublar. Qalib komanda kubok və medalla təltif ediləcək, təşkilatçilar və sponsorlar tərəfindən onlara hədiyyələr təqdim ediləcək. Növbəti yarışlara dövlət tərəfindən dəstək almaq istəyirik”.

Rəşad Abbaszadə onu də əlavə etdi ki, çempionat uğurlu keçəcəyi halda Lənkəranda həm Peşəkar, həm də Həvəskar Mini Futbol Çempionatını başlatmağı düşünürlər.

182
Azərbaycan Respublikasının Dağlıq Qarabağ bölgəsinin azərbaycanlı icmasının rəhbəri Tural Gəncəliyev, arxiv şəkli

Terrorçular Tural Gəncəliyevi təhdid ediblər

0
""Nemesis" erməni daşnaklarının təşkil etdiyi və Fətəli Xan Xoyski, Beybud Xan Cavanşir kimi Azərbaycanın görkəmli ziyalılarının öldürüldüyü terror kampaniyasıdır.

 

BAKI, 22 sentyabr — Sputnik. Vətəndaşlar üçün müraciəti asanlaşdırmaq və anonim müraciət imkanları yaratmaq üçün istifadəyə verdiyimiz https://turalganjaliyev.com səhifəsi üzərindən erməni terrorçuları mənə təhdid göndəriblər.

Sputnik Azərbaycan xəbər verir ki, bunu Azərbaycan Respublikası Dağlıq Qarabağ Bölgəsinin azərbaycanlı icmasının rəhbəri Tural Gəncəliyev deyib.

""Nemesis" erməni daşnaklarının təşkil etdiyi və Fətəli Xan Xoyski, Beybud Xan Cavanşir kimi Azərbaycanın görkəmli ziyalılarının öldürüldüyü terror kampaniyasıdır. Yolumuz Qarabağadır və bizi heç bir qüvvə yolumuzdan çəkindirə bilməyəcək!", - deyə o bildirib.

0