Qarabağ FK, arxiv şəkli

"Qarabağ" futbolçuları: "Roma" "Çelsi" deyil, amma "Sumqayıt" da deyil

43
(Yenilənib 16:51 26.09.2017)
Maksim Medvedev: "Biz yaxşı oyun və nəticə göstərmək üçün hər şeyi edəcəyik"

BAKI, 26 sentyabr — Sputnik. Azərbaycanın "Qarabağ" və İtaliyanın "Roma" klubları futbol üzrə Çempionlar Liqasının qrup mərhələsinin ikinci turuna hazırlaşırlar. Bu qarşılaşma 27 sentyabr saat 20:00-da Bakı Olimpiya Stadionunda olacaq.

Sputnik Azərbaycan-ın məlumatına görə, italyanlar bu görüşə əminliklə qatılsalar da, "Qarabağ"ın oyunçuları üçün kifayət qədər həyəcanlı olacaq. Belə ki, onlar Çempionlar Liqasının qrup mərhələsində ilk dəfə olaraq Bakıda oynayacaqlar.

Ağdamlıların müdafiəçisi Maksim Medvedev müxbirimizə etiraf edib ki, klublar arasında səviyyə fərqi var və onlar A seriyasında çıxış edən italyan klubu üzərində qələbəyə söz vermirlər. 

"Biz yaxşı oyun və nəticə göstərmək üçün hər şeyi edəcəyik. Bizə çox vacib olan yaxşı dəstək veriləcək. Premyer Liqanın son matçında "Sumqayıt" beş və ya altı real qol vurma şansından yalnız birini dəyərləndirə bildi. "Roma" "Sumqayıt" deyil. Londonda "Çelsi" ilə matçda biz gördük ki, güclü rəqib bizim hər bir səhvimizdən necə istifadə edir" — deyə Medvedev bildirib.

"Qarabağ"ın yarımmüdafiəçisi Miçel isə ümid edir ki, birinci turda "Çelsi"yə qarşı oyundakı hal təkrarlanmayacaq. İspan oyunçu öz meydançalarında konsentrasiya ilə oynamağı çox arzuladığını və bu dəfə hər şeyin fərqli olacağına əminliyini ifadə edib.

Komandanın ukraynalı qolkiperi Anton Kanibolotski qeyd edib ki, klub rəqibini yaxşı analiz edib və yaxşı oyun nümayiş etdirmək üçün bütün gücünü göstərməyə hazırdır. 

"Yaxşı bir oyun nümayiş etdirməyə və əlavə olaraq nəticə əldə etməyə çalışacağıq. "Roma"nın heyətindəki kimisə gözardı etməyəcəyik, çünki onların hər biri bizim üçün təhlükəlidir" — deyə Kanibolotski bildirib.

Təcrübəli qapıçı matçın ilk dəqiqəsindən meydançaya çıxıb-çıxmayacağını hələ bilmir. Çünki bu, məşqçinin qərarından asılıdır. Amma deyir ki, hər kəs Çempionlar Liqasında oynamaq şansı əldə etməyi arzulayır.

Azərbaycan yığmasının və "Qarabağ"ın müdafiəçisi Bədavi Hüseynov matçın dolu tribunalarla keçəcəyinə şaddır. Onun sözlərinə görə, bu, yalnız komandaya kömək edir və əlavə motivasiya verir.

"Qarabaq" Çempionlar Liqasının qrup mərhələsinə çıxan ilk Azərbaycan klubudur. 

Londonda Qarabağ futbol klubuna dəstək fləşmobu
© Photo : Milli Turizm Təbliğat Bürosunun mətbuat xidməti

Azərbaycan çempionu Çempionlar Liqasında İngiltərə "Çelsi"si, İspaniya "Atletiko"su və İtaliya "Roma"sı ilə birlikdə C qrupuna düşüb. Sentyabrın 12-də Londonda "Çelsi" klubu ilə ilk oyununu keçirib və 0:6 hesabı ilə məğlub olub.

Çempionlar Liqasının qrup mərhələsi 12 sentyabr — 6 dekabr dövrünü əhatə edir.

43
Teqlər:
"Qarabağ" - "Roma" oyunu, Anton Kanibolotski, Miçel, Maksim Medvedev, İspaniya, İtaliya, London, Azərbaycan
Əlaqədar
Rəsmi qurumdan "Qarabağ"ın azarkeşlərinə jest
Azərbaycan futbolunun əfsanəsi "Qarabağ"ın səhvlərindən danışdı
"Qarabağ" Çempionlar Liqasının qrup mərhələsində debüt etdi
Britaniya paytaxtında "Qarabağ"sevərlərdən möhtəşəm aksiya
İngiltərədəki səfirimiz "Qarabağ"-ın futbolçuları ilə görüşüb
Qarabağ - Sivasspor matçından görüntü

"Qarabağ" Türkiyədən məğlub ayrıldı

27
(Yenilənib 00:03 27.11.2020)
UEFA Avropa Liqasının I qrupunun 4-cü turunda "Qarabağ" və "Sivasspor" komandaları İstanbuldakı "Başakşehir Fatih Terim" stadionunda qarşılaşıblar.

BAKI, 26 noyabr - Sputnik. UEFA Avropa Liqasının I qrupunun 4-cü turunda Türkiyədə "Qarabağ" və "Sivasspor" komandaları arasında oyun start götürüb.

Sputnik Azərbaycan xəbər verir ki, İstanbuldakı "Başakşehir Fatih Terim" stadionunda oynanılan qarşılaşma Argentina futbolunun əfsanəsi Dieqo Maradonanın ölümü ilə bağlı 1 dəqiqəlik sükutla başlayıb.

Hesabı 8-ci dəqiqədə "Qarabağ"ın oyunçusu Abdullah Zubir açıb. Türkiyə təmsilçisi 40-cı dəqiqədə Aruna Konenin penaltidən vurduğu qolla tarazlığı bərpa edib. Komandalar fasiləyə 1:1 hesablı heç-heçə ilə yollanıblar.

Uroş Matiç 51-ci dəqiqədə fərqlənməklə Azərbaycan çempionunu yenidən hesabda önə keçirib.

58-ci dəqiqədə "Sivasspor"un oyunçusu Olarenvayu Kayode hesabı bərabərləşdirib.

Oyunun 79-cu dəqiqəsində Kone komandasını uğura aparan növbəti qolu vurub. Beləliklə, oyun ev sahiblərinin qələbəsi ilə nəticələnib.

Qrupda ardıcıl 4-cü məğlubiyyətdən sonra Azərbaycan çempionunun 1/16 final şansının üstündən rəsmən xətt çəkilib. Artıq son iki tur Qurban Qurbanovun yetirmələri üçün formal xarakter daşıyacaq.  

“Qarabağ” növbəti oyununu dekabrın 3-də “Makkabi”yə qarşı məhz bu arenada keçirəcək.

27
Teqlər:
futbol, UEFA Avropa Liqası, UEFA, Fatih Terim, İstanbul, "Sivasspor" FK, "Qarabağ" FK, "Qarabağ
Nurlan İbrahimov, arxiv şəkli

"Qarabağ" klubu onun mətbuat katibinə qarşı UEFA-dan ağlasığmaz qərar

48
Dağlıq Qarabağ münaqişəsi zamanı Facebook sosial şəbəkəsində ermənilərlə bağlı paylaşımına görə, UEFA "Qarabağ" klubunun Mətbuat xidmətinin rəhbəri Nurlan İbrahimovu futboldan ömürlük kənarlaşdırıb.

BAKI, 26 noyabr — Sputnik. UEFA "Qarabağ" klubunun Mətbuat xidmətinin rəhbəri Nurlan İbrahimovu futboldan ömürlük kənarlaşdırmaq barədə qərar verib.

Sputnik Azərbaycan UEFA-nın rəsmi saytına istinadla xəbər verir ki, İbrahimov Dağlıq Qarabağ münaqişəsi zamanı Facebook sosial şəbəkəsində ermənilərlə bağlı paylaşımına görə bu cəzaya məruz qalıb.

Bununla yanaşı, qurum Ağdam klubunu da 100 000 avro məbləğində cərimələyib.

UEFA daha əvvəl İbrahimova qarşı "İrqçi və digər ayrı-seçkilik davranışı" və "Əsas davranış qaydalarının pozulması" maddəsi ilə intizam işi açmışdı.

"Qarabağ" klubu da öz növbəsində Nurlan İbrahimovla bağlı UEFA-nın yekun qərarına etiraz edəcək.

Bu barədə "Report"a Ağdam təmsilçisinin direktoru Emrah Çelikel məlumat verib.

Çelikel bildirib ki, klub bu yöndə lazımi tədbirləri görəcək: "Xəbər hələ çox yenidir, cəmi 15 - 20 dəqiqə əvvəl almışıq. Nə cür addım atacağımıza rəhbərliklə müzakirələrdən sonra qərar verəcəyik".

Çelikəl qərardan apellyasiya veriləcəyini də söyləyib: "Klubun mövqeyindən və Nurlan tərəfdən baxanda cəza çox ağırdır. UEFA-nın tabeliyində olan klub kimi onların qərarlarına hörmət etmək borcumuzdur. Ancaq haqsızlıq olduğunu düşündüyümüz halda lazımi etirazları edəcəyik. Qərarla bağlı UEFA-ya mütləq müraciət olunacaq".

48
Teqlər:
ermənilər, Ermənistan, UEFA, "Qarabağ", Qarabağ FK
Uşaqlar, arxiv şəkli

Müharibədən əziyyət çəkmiş uşaqlara göstərilən sosial-psixoloji dəstək gücləndiriləcək

0
(Yenilənib 23:15 27.11.2020)
Sənəddə Ermənistan–Azərbaycan Dağlıq Qarabağ münaqişəsindən əziyyət çəkmiş uşaqlara və onların ailələrinə sosial-psixoloji dəstək tədbirlərinin gücləndirilməsi öz əksini tapıb

BAKI, 27 noyabr — Sputnik. "Uşaqlara dair Strategiyanın həyata keçirilməsi üzrə 2020–2025-ci illər üçün Fəaliyyət Planı" yerli səviyyədə uşaqları müdafiə sistemini gücləndiməklə, ölkə üzrə uşaqları müdafiə mexanizminin təkmilləşdirilməsi və genişləndirilməsi istiqamətində tədbirlərin həyata keçirilməsini nəzərdə tutur. Sputnik Azərbaycan-ın məlumatına görə, bu, Prezident İlham Əliyevin 2020-ci il 27 noyabr tarixli Sərəncamı ilə təsdiq edilən "Uşaqlara dair Strategiyanın həyata keçirilməsi üzrə 2020–2025-ci illər üçün Fəaliyyət Planı"nda əksini tapıb.

Fəaliyyət Planında pandemiya və digər fövqəladə vəziyyətlər də nəzərə alınmaqla, uşaq hüquqlarının müdafiəsinə hərtərəfli yanaşma prinsipləri, xüsusi vəziyyətlərdə uşaqların bütün növ xidmətlərə təhlükəsiz çıxışında bərabərliyin təmin olunması məsələləri, xüsusilə Ermənistan-Azərbaycan Dağlıq Qarabağ münaqişəsindən əziyyət çəkmiş uşaqlara və onların ailələrinə sosial-psixoloji dəstək tədbirlərinin gücləndirilməsi öz əksini tapıb. Eyni zamanda, xarici ölkələrdə münaqişə qurbanı olmuş və daha sonra ölkəmizə qaytarılmış Azərbaycan Respublikası vətəndaşı olan uşaqların cəmiyyətə reinteqrasiyası istiqamətində də fəaliyyətin həyata keçirilməsi nəzərdə tutulub.

Çətin həyat şəraitində, baxımsız və sosial təhlükəli vəziyyətdə olan uşaqların aşkarlanması və onların sosial müdafiəsi, reabilitasiyası, cəmiyyətə inteqrasiyası sahəsində tədbirlərin həyata keçirilməsi, eyni zamanda, ölkəmizdə alternativ qayğı xidmətlərinin inkişafı, həyatın bütün sahələrində uşaqlara qarşı zorakılığın qadağan olunması ilə bağlı qanunvericilik təkliflərinin işlənilməsi Fəaliyyət Planında xüsusi yer tutur.

0
Teqlər:
psixoloji yardım, sosial, reabilitasiya, əziyyət, müharibə, uşaqlar